5 Mose 8:2 - ŊMALƐ KRƆŊKRƆŊ LƐ

² Nyɛkaia gbɛ ni Yehowa, nyɛNyɔŋmɔ lɛ, kɛ nyɛ tsɔ̃ nɔ lɛ fɛɛ, yɛ shiaŋa lɛ nɔ afii nyɔŋmai ejwɛ nɛɛ mli lɛ, koni ekɛhã nyɛhumi shi, ni asaŋ koni etsɔ̃ nɔ ekɛka nyɛ ekwɛ ni ekɛle nɔ ni yɔɔ nyɛtsuiiaŋ akɛ nyɛaaye ekitãi lɛ anɔ lo, aloo nyɛyeŋ nɔ.

Ṅmãle̱ Kroṅkroṅ Le̱

² Ni okai gbe̱ fẽ ní Iehowa, o-Nyoṅmo̱ le̱, ehã onyie no̱ ye̱ ṅã le̱ no̱ afii nyoṅmai-edſe̱ so̱ṅṅ ne̱, koni eke̱-bao ši ni *eke̱-kao ekwe̱, beni afe ní ele noni yo̱ otšui mli, ake̱ ooye ekitãi le̱ ano̱ lo oyeṅ no̱. *13,4. Kods. 2,22.

5 Mose 8:2 ပူးပေါင်းရင်းမြစ်များ

1 Mose 22:1

Saji nɛɛ asɛɛ lɛ eba mli akɛ Nyɔŋmɔ ka Abraham ni ekɛɛ lɛ akɛ, “Abraham!” Ni Abraham kɛɛ, “Naa mi!”

2 Kronika 32:31

Enɛ hewɔ lɛ, be ni Babilon lumɛi lɛ tsu bɔfoi Hezekia ŋɔɔ koni amɛbabi lɛ naakpɛɛ nii ni etsu yɛ shikpɔŋ lɛ nɔ lɛ he sane lɛ, Nyɔŋmɔ ŋmɛɛ Hezekia he ehã ehe nilee koni ekɛka Hezekia ekwɛ, kɛna nɔ ni yɔɔ etsuiŋ.

2 Kronika 33:12

Be ni Manase yɔɔ hejaramɔ nɛɛ mli lɛ, eba ehe shi jogbaŋŋ ehã etsɛmɛi aNyɔŋmɔ lɛ, ni ekpa Yehowa, eNyɔŋmɔ, lɛ, fai akɛ ena lɛ mɔbɔ.

2 Kronika 33:19

Manase faikpamɔ lɛ kɛ bɔ ni Nyɔŋmɔ bo lɛ toi ehã lɛ, kɛ hei grɔŋŋi ni emamɔ jemawɔji ajamɔhei yɛ lɛ, kɛ wɔŋ koi kɛ amãgãi ni efeefee fɛɛ dani eje ehe sɛɛ, ni eba ehe shi ehã Yehowa lɛ, aŋmala yɛ Gbalɔi Ahe Saji Awolo lɛ mli.

Nehemia 9:19

Omɔbɔnalɛ babaoo lɛ hewɔ lɛ, oshiii amɛ yɛ ŋa lɛ nɔ; shwane lɛ atatu ni ma shi yɛ amɛhiɛ ni etsɔ̃ɔ amɛ gbɛ lɛ, ejeee amɛhiɛ; ni nyɔɔŋ hu la ni damɔ amɛhiɛ ni hãa amɛnaa nii yɛ gbɛ ni amɛnyiɛ nɔ lɛ nɔ lɛ, ejeee amɛhiɛ.

Hiob 33:17

koni ehã adesa akpale kɛjɛ enifeemɔnii ahe, ni ehã adesa akpa ehenɔwomɔ lɛ.

Lalai 103:2

Oo, misusuma, jiemɔ Yehowa yi, ni ohiɛ akakpa nibii juji ni efeɔ lɛ fiaa nɔ.

Lalai 106:7

Be ni wɔblematsɛmɛi lɛ yɔɔ Ijipt lɛ, amɛyooo onaakpɛɛ nitsumɔi lɛ asɛɛ, amɛkaiii osuɔmɔ babaoo ni tsakeee lɛ; shi moŋ, amɛtse Ŋwɛi Flooflonyo lɛ hiɛ atua, yɛ Ŋshɔ Tsuru lɛ naa.

Lalai 136:16

Lɛ mɔ ni ekpala emaŋ lɛ kɛtsɔ̃ ŋa lɛ nɔ lɛ; ejaakɛ naanɔ esuɔmɔ ni tsakeee lɛ hiɔ shi kɛyaa!

Lalai 77:11

Mibakai Yehowa nitsumɔi lɛ! Hɛɛ! Mibakai oblema naakpɛɛ nitsumɔi lɛ.

Lalai 81:7

Nyɛhaomɔ mli lɛ, nyɛtsɛ mi, ni mihere nyɛ. Mihere nyɛ yɛ ŋwɛi shiimɔhe lɛ. Mika nyɛ mikwɛ yɛ Meriba nu lɛ he.

2 Mose 15:25

Mose bo etsɛ Yehowa, ni Yehowa tsɔ̃ɔ lɛ tso ko; ni be ni ekɔ ni eshɛ efɔ nu lɛ mli lɛ, nu lɛ baŋɔɔ. Jɛi Yehowa wo Israelbii lɛ kitã kɛ akpɔ yɛ, ni jɛi hu ekã amɛ yɛ,

2 Mose 16:35

Ni Israelbii lɛ ye mana afii nyɔŋmai ejwɛ kɛyashi amɛyanina shikpɔŋ ni amɛaanyɛ nɔ amɛhi. Amɛye mana lɛ kɛyashi beyinɔ ni amɛyashɛ Kanaan shikpɔŋ lɛ husu naa.

2 Mose 16:4

Ni Yehowa kɛɛ Mose akɛ, “Naa, mibahã aboloo ajɛ ŋwɛi anɛ ashwie shi ahã nyɛ. Daa gbi lɛ maŋbii lɛ aje kpo ayabua naa bɔ pɛ ni aaashɛ amɛyeli gbi kome. Mikɛ enɛ baaka amɛ makwɛ akɛ amɛaaye mimla lɛ nɔ aloo amɛyeŋ nɔ.

2 Mose 20:20

Mose kɛɛ maŋ lɛ akɛ, “Nyɛkashea gbeyei, ejaakɛ kaa Nyɔŋmɔ ba nyɛ kaa, bɔ ni afee ni lɛ egbeyeishemɔ ahi nyɛmli daa koni nyɛkafee esha.”

Abe̱i 17:3

Akɛ kukwɛi kaa jwiɛtɛi akwɛɔ, ni akɛ flɔnɔɔ kaa shika; shi gbɔmɔ tsui lɛ Yehowa ji mɔ ni kaa ekwɛɔ.

Yesaia 2:17

Gbi lɛ abaaba gbɔmɔ adesa hetsɔ̃ɔmɔ kɛ ntɛŋfeemɔ fɛɛ shi, ni Yehowa koometoo pɛ nɔ abaawo gojoo,

Yeremia 2:6

Amɛbiii akɛ, ‘Nɛgbɛ Yehowa mɔ ni jie wɔ kɛje Ijipt shikpɔŋ lɛ nɔ lɛ yɔɔ, mɔ ni nyiɛ wɔhiɛ yɛ ŋa lɛ nɔ, mɔ ni nyiɛ wɔhiɛ yɛ shiaŋa kɛ enɔ buibui lɛ nɔ, shikpɔŋ ko ni nu bɛ nɔ ni enɔ ewo duŋ kpii, shikpɔŋ ko ni mɔ ko mɔ ko nyɛɛɛ nɔ atsɔ̃ kɛho, he ni mɔ ko mɔ ko nyɛɛɛ ahi lɛ?’

Ezekiel 20:19

Yehowa, mi ji nyɛNyɔŋmɔ; nyɛbaa nyɛjeŋ yɛ mimlai lɛ moŋ anaa; ni nyɛyea mimlai lɛ anɔ pɛpɛɛpɛ.

Amos 2:10

Mijie nyɛ yɛ Ijipt shikpɔŋ lɛ nɔ, ni mikpala nyɛ afii nyɔŋmai ejwɛ sɔŋŋ yɛ shiaŋa lɛ nɔ kɛba koni nyɛbaŋɔ Amorbii lɛ ashikpɔŋ lɛ.

4 Mose 14:33

Nyɛbii lɛ baatsomlo, ni amɛbaana nɔ yɛ shiaŋa nɛɛ nɔ afii nyɔŋmai ejwɛ yɛ kwamɔ ni nyɛkwa mi lɛ hewɔ, kɛyaashi beyinɔ ni nyɛteŋ naagbee mɔ lɛ baagbo.

Luka 18:14

Miikɛɛ nyɛ akɛ, nɛkɛ nuu nɛɛ yiŋ etee ewe ni abu lɛ bem fe mɔ kome lɛ. Ejaakɛ mɔ fɛɛ mɔ ni woɔ ehe nɔ lɛ aaaba lɛ shi, shi mɔ ni baa ehe shi lɛ, aaawo enɔ.”

Yohane 2:25

Ni ehe ehĩaaa akɛ mɔ ko aye gbɔmɔ he odase ahã lɛ, ejaakɛ lɛ diɛŋtsɛ ele nɔ ni yɔɔ gbɔmɔ tsui mli.

5 Mose 1:3

Afi ni ji nyɔŋmai ejwɛ lɛ mli nyɔŋ ni ji nyɔŋma kɛ ekome lɛ klɛŋklɛŋ gbi lɛ nɔ lɛ, Mose kɛ Israelbii lɛ wie wiemɔi fɛɛ ni Yehowa efã lɛ akɛ ekɛ amɛ awie lɛ.

5 Mose 1:33

tsɛbelɛ nyɔɔŋ lɛ enyiɛ nyɛhiɛ akɛ la koni etsɔ̃ɔ nyɛ he gbɛ ni nyɛtsɔ̃, ni shwane lɛ enyiɛ nyɛhiɛ akɛ atatu.”

5 Mose 13:3

nyɛkaboa nakai gbalɔ lɛ loo lamɔ shishitsɔ̃ɔlɔ lɛ toi; ejaakɛ kaa Yehowa, nyɛNyɔŋmɔ lɛ, kɛkaa nyɛ lɛ. Eetao ena akɛ nyɛkɛ nyɛtsui fɛɛ kɛ nyɛmumɔ fɛɛ miisumɔ lɛ Yehowa lɛ lo.

5 Mose 2:7

“Ejaakɛ Yehowa, nyɛNyɔŋmɔ lɛ, ejɔɔ nyɛ yɛ nɔ fɛɛ nɔ ni nyɛtsu mli; ni ebaa nyɛyi yɛ nyɛgbɛnyiɛmɔ mli yɛ nɛkɛ shiaŋa kpeteŋkple nɛɛ nɔ. Afii nyɔŋmai ejwɛ nɛɛ fɛɛ mli lɛ, Yehowa, nyɛNyɔŋmɔ lɛ, kɛ nyɛ yɛ, ni nɔ ko nɔ ko bɛ ni hia nyɛ.

5 Mose 29:5

Mi mikpala nyɛ afii nyɔŋmai ejwɛ yɛ shiaŋa lɛ nɔ; nyɛtadei esuuu yɛ nyɛhe, nyɛtokotai hu tserɛɛɛ yɛ nyɛnaji.

5 Mose 32:7

“Nyɛkaia blema jeeŋmɔ ko lɛ, nyɛjwɛŋa yinɔi ni eho lɛ ahe; nyɛbia nyɛtsɛmɛi, ni amɛaagba nyɛ, kɛ nyɛnukpai lɛ hu, ni amɛaakɛɛ nyɛ.

5 Mose 7:18

Nyɛkashea amɛ gbeyei, shi moŋ nyɛkaia nɔ ni Yehowa, nyɛNyɔŋmɔ lɛ, fee Ijipt maŋtsɛ lɛ kɛ emaŋbii lɛ fɛɛ lɛ.

5 Mose 8:16

ni ekɛ mana ni nyɛtsɛmɛi lɛ tete leee lɛ, lɛ nyɛ yɛ shiaŋa lɛ nɔ koni ehã nyɛhumi shi, ni asaŋ koni ekɛka nyɛ ekwɛ, koni naagbee mli lɛ efee nyɛ ejurɔ.

Yakobo 1:3

ejaakɛ nyɛle akɛ nyɛhemɔkɛyeli kaa lɛ kɛ hiɛmiamɔ baa.

Yakobo 4:10

Nyɛbaa nyɛhe shi yɛ Nuŋtsɔ lɛ hiɛ, ni eeewo nyɛnɔ.

Yakobo 4:6

“Shi Nyɔŋmɔ lɛ, ekuɔ hewolɔi anaa, shi eduroɔ heshibalɔi.”

1 Petro 1:7

No aaahã ana nyɛ hemɔkɛyeli salɛ lɛ akɛ ejara wa aahu fe shika ni fiteɔ ni aka yɛ la mli tete, kɛhã yijiemɔ kɛ woo kɛ anunyam yɛ Yesu Kristo kpojiemɔ lɛ mli.

Kpojiemɔ 2:23

Ni ebii lɛ, gbe magbe amɛ; ni asafoi lɛ fɛɛ aaana ale akɛ mi ji mɔ ni taoɔ jwɛŋmɔi kɛ tsuii amli, ni mahã nyɛteŋ mɔ fɛɛ mɔ enyɔmɔwo bɔ ni nyɛnitsumɔi lɛ yɔɔ lɛ.

Kojolɔi 2:22

Mikɛ maji nɛɛ baaka Israel makwɛ akɛ amɛaajwɛŋ bɔ ni Yehowa taoɔ akɛ amɛhi shi lɛ nɔ, tamɔ bɔ ni amɛtsɛmɛi lɛ jwɛŋ nɔ lɛ lo, aloo amɛ lɛ amɛfeŋ nakai.”

Kojolɔi 3:4

Ashi jeŋmaji nɛɛ ni akɛ amɛ aka Israelbii lɛ akwɛ akɛ amɛaaye Yehowa kitãi ni etsɔ̃ Mose nɔ ewo amɛtsɛmɛi lɛ anɔ lo.