5 Mose 8:16 - ŊMALƐ KRƆŊKRƆŊ LƐ

¹⁶ ni ekɛ mana ni nyɛtsɛmɛi lɛ tete leee lɛ, lɛ nyɛ yɛ shiaŋa lɛ nɔ koni ehã nyɛhumi shi, ni asaŋ koni ekɛka nyɛ ekwɛ, koni naagbee mli lɛ efee nyɛ ejurɔ.

Ṅmãle̱ Kroṅkroṅ Le̱

¹⁶ moni ke̱ mána ní otše̱mei lee le̱ lè̱o ye̱ ṅã le̱ no̱, koni eke̱-bao ši, ni eke̱-kao ekwe̱, ní nāgbē le̱ efeo edšŭrõ le̱:

5 Mose 8:16 ပူးပေါင်းရင်းမြစ်များ

1 Mose 22:1

Saji nɛɛ asɛɛ lɛ eba mli akɛ Nyɔŋmɔ ka Abraham ni ekɛɛ lɛ akɛ, “Abraham!” Ni Abraham kɛɛ, “Naa mi!”

2 Kronika 32:31

Enɛ hewɔ lɛ, be ni Babilon lumɛi lɛ tsu bɔfoi Hezekia ŋɔɔ koni amɛbabi lɛ naakpɛɛ nii ni etsu yɛ shikpɔŋ lɛ nɔ lɛ he sane lɛ, Nyɔŋmɔ ŋmɛɛ Hezekia he ehã ehe nilee koni ekɛka Hezekia ekwɛ, kɛna nɔ ni yɔɔ etsuiŋ.

Hiob 42:12

Yehowa jɔɔ Hiob yɛ enaagbee wala beiaŋ fe bɔ ni ejɔɔ lɛ tsutsu lɛ. Hiob na gwantɛŋi akpei nyɔŋma kɛ ejwɛ kɛ yoomai akpei ekpaa kɛ tsinai akpei enyɔ kɛ teji yei akpe kome.

Lalai 119:68

Ohi, ni ofeɔ ejurɔ; tsɔ̃ɔmɔ mi okpɔi lɛ.

2 Mose 15:25

Mose bo etsɛ Yehowa, ni Yehowa tsɔ̃ɔ lɛ tso ko; ni be ni ekɔ ni eshɛ efɔ nu lɛ mli lɛ, nu lɛ baŋɔɔ. Jɛi Yehowa wo Israelbii lɛ kitã kɛ akpɔ yɛ, ni jɛi hu ekã amɛ yɛ,

2 Mose 16:15

Be ni Israelbii lɛ na nibii nɛɛ, amɛbibii amɛhe akɛ, “Kolɛ mɛni nɛ?” Ejaakɛ amɛleee nɔ ni ji. Mose kɛɛ amɛ akɛ, “Aboloo ni Yehowa hã nyɛ koni nyɛye lɛ nɛ.

2 Mose 16:31

Israelbii lɛ wo niyenii nɛɛ gbɛi akɛ mana. Edalɛ tamɔ mlɛ bibii, ni eyɛɔ futafuta, ni eŋɔɔmɔ tamɔ akpãanɔɔ kɛ wo.

2 Mose 16:4

Ni Yehowa kɛɛ Mose akɛ, “Naa, mibahã aboloo ajɛ ŋwɛi anɛ ashwie shi ahã nyɛ. Daa gbi lɛ maŋbii lɛ aje kpo ayabua naa bɔ pɛ ni aaashɛ amɛyeli gbi kome. Mikɛ enɛ baaka amɛ makwɛ akɛ amɛaaye mimla lɛ nɔ aloo amɛyeŋ nɔ.

2 Mose 20:20

Mose kɛɛ maŋ lɛ akɛ, “Nyɛkashea gbeyei, ejaakɛ kaa Nyɔŋmɔ ba nyɛ kaa, bɔ ni afee ni lɛ egbeyeishemɔ ahi nyɛmli daa koni nyɛkafee esha.”

Abe̱i 17:3

Akɛ kukwɛi kaa jwiɛtɛi akwɛɔ, ni akɛ flɔnɔɔ kaa shika; shi gbɔmɔ tsui lɛ Yehowa ji mɔ ni kaa ekwɛɔ.

Daniel 11:35

Abaagbe maŋbii lɛ ateŋ nilelɔi lɛ ekomɛi; shi akɛ amɛgbele lɛ baatsuu Nyɔŋmɔ webii lɛ ahe koni amɛyɛ futafuta. Nii nɛɛ baaya nɔ kɛyashi naagbee be lɛ baashɛ, ni ji be ni Nyɔŋmɔ eto lɛ.

Romabii 8:28

Shi wɔle akɛ mɛi ni sumɔɔ Nyɔŋmɔ lɛ, nibii fiaa yeɔ buaa amɛ ni ahi ahã amɛ, amɛ mɛi ni atsɛ amɛ yɛ yiŋtoo naa lɛ.

2 Korintobii 4:17

Ejaakɛ wɔmanehulu ni jaraaa ni asaŋ esɛɛ etsɛɛɛ nɛɛ, baahã wɔna naanɔ anunyam kpele ni jara wa aahu;

5 Mose 13:3

nyɛkaboa nakai gbalɔ lɛ loo lamɔ shishitsɔ̃ɔlɔ lɛ toi; ejaakɛ kaa Yehowa, nyɛNyɔŋmɔ lɛ, kɛkaa nyɛ lɛ. Eetao ena akɛ nyɛkɛ nyɛtsui fɛɛ kɛ nyɛmumɔ fɛɛ miisumɔ lɛ Yehowa lɛ lo.

5 Mose 8:2

Nyɛkaia gbɛ ni Yehowa, nyɛNyɔŋmɔ lɛ, kɛ nyɛ tsɔ̃ nɔ lɛ fɛɛ, yɛ shiaŋa lɛ nɔ afii nyɔŋmai ejwɛ nɛɛ mli lɛ, koni ekɛhã nyɛhumi shi, ni asaŋ koni etsɔ̃ nɔ ekɛka nyɛ ekwɛ ni ekɛle nɔ ni yɔɔ nyɛtsuiiaŋ akɛ nyɛaaye ekitãi lɛ anɔ lo, aloo nyɛyeŋ nɔ.

5 Mose 8:3

Ehã hɔmɔ ye nyɛ, ni ehã nyɛhumi shi; ni ehã nyɛ mana ni nyɛye, niyenii ko ni nyɛleee, ni nyɛtsɛmɛi hu tete leee nɔ ni ji lɛ, koni nyɛkɛna nyɛle akɛ jeee aboloo pɛ hãa gbɔmɔ yi naa wala, shi moŋ wiemɔ fɛɛ wiemɔ ni jɛɔ Yehowa daaŋ lɛ hãa gbɔmɔ yi naa wala.

Yakobo 1:12

Ajɔɔ gbɔmɔ ni miaa ehiɛ yɛ kaa mli lɛ, ejaakɛ kɛ aka lɛ ni esa lɛ, eeena wala akekre ni Nuŋtsɔ lɛ ewo mɛi ni sumɔɔ lɛ lɛ shi yɛ he lɛ.

1 Petro 1:7

No aaahã ana nyɛ hemɔkɛyeli salɛ lɛ akɛ ejara wa aahu fe shika ni fiteɔ ni aka yɛ la mli tete, kɛhã yijiemɔ kɛ woo kɛ anunyam yɛ Yesu Kristo kpojiemɔ lɛ mli.