5 Mose 8:11 - ŊMALƐ KRƆŊKRƆŊ LƐ

¹¹ “Nyɛkwɛa nyɛhe ni ahia koni nyɛhiɛ akakpa Yehowa nyɛNyɔŋmɔ lɛ nɔ, ni no hã nyɛyeee ekitãi kɛ emlai kɛ ekpɔi ni miwoɔ nyɛ ŋmɛnɛ nɛɛ nɔ.

Ṅmãle̱ Kroṅkroṅ Le̱

¹¹ Kwe̱mo̱ ohe ní ahĩ, koni ohĩe akakpa Iehowa, o-Nyoṅmo̱ le̱, no̱, ni obayeṅ ekitãi ke̱ emlai ke̱ ekpo̱i ní miwoo̱o ṅme̱ne̱ ne̱ no̱.

5 Mose 8:11 ပူးပေါင်းရင်းမြစ်များ

Lalai 103:2

Oo, misusuma, jiemɔ Yehowa yi, ni ohiɛ akakpa nibii juji ni efeɔ lɛ fiaa nɔ.

Lalai 106:21

Amɛhiɛ kpa Nyɔŋmɔ, amɛyiwalaherelɔ lɛ, mɔ ni fee nii wuji yɛ Ijipt lɛ, nɔ.

Abe̱i 1:32

Mɛi ni jwɛŋmɔ naa waaa kpaleɔ kɛjeɔ nilee he kɛyaa nɔ kroko he, ni no nɔŋŋ gbeɔ amɛ; ni jwɛŋmɔ ni kwashiai jwɛŋɔ akɛ amɛyɛ shweshweeshwe lɛ, no nɔŋŋ kpãtãa amɛhiɛ.

Abe̱i 30:9

koni mikatɔ tsɔ̃, ni mikwa bo, ni mikɛɛ akɛ, “Namɔ ji Yehowa”. Ni kaahã miye ohia, ni miyaju, ni mikɛgbe miNyɔŋmɔ lɛ gbɛi he guɔ.

Yesaia 51:13

ni ohiɛ ekpa Yehowa, obɔlɔ lɛ, moŋ nɔ? Ohiɛ ekpa mɔ ni lɛɛ ŋwɛi mli eha shi, ni eto je lɛ shishi lɛ nɔ? Mɛɛba osheɔ gbeyei jenamɔ tuu yɛ haolɔ lɛ grimɔ kɛ ehe ni esaa kɛkpãtã ohiɛ lɛ hewɔ? Ni nɛgbɛ haolɔ lɛ grimɔ lɛ yɔɔ po?

Yeremia 23:27

Ani amɛsusuɔ akɛ amɛkɛ lamɔi ni amɛgbaa amɛnanemɛi lɛ baahã mimaŋ lɛ hiɛ akpa minɔ tamɔ bɔ ni amɛtsɛmɛi lɛ ahiɛ kpa minɔ, ni amɛtsɔ̃ amɛhã Baal lɛ?

3 Mose 13:48

aloo ekadi kuŋtu loo klala kpãi ni akɛlo atade lɛ mli, loo kooloo wolo loo nɔ ko ni akɛ kooloo wolo fee lɛ mli,

Maleaki 4:4

“Nyɛkaia nibii ni mitsulɔ Mose etsɔ̃ɔ nyɛ lɛ, ni ji mlai kɛ akpɔi kɛ gbɛnaa nitsumɔi ni mikɛhã lɛ yɛ Horeb Gɔŋ lɛ nɔ akɛ ekɛbahã Israelbii koni amɛye nɔ lɛ.

4 Mose 15:39

Ahwanyai nɛɛ atsɔ̃ kaimɔnii; ni be fɛɛ be ni hiŋmɛi aaagba nɔ lɛ ehã nyɛkai Yehowa kitãi lɛ fɛɛ koni nyɛye nɔ, bɔ ni afee ni nyɛkanyiɛ nyɛtsui kɛ nyɛhiŋmɛi akɔnɔ nibii lɛ asɛɛ, nibii asɛɛ ni nyɛyadiɔ ni nyɛkɛkwaa Yehowa lɛ.

5 Mose 11:32

nyɛkwɛa jogbaŋŋ koni nyɛye akpɔi lɛ fɛɛ kɛ mlai lɛ hu fɛɛ ni mikɛshwieɔ nyɛhiɛ ŋmɛnɛ gbi nɛɛ lɛ anɔ.

5 Mose 4:1

Agbɛnɛ Mose kɛɛ Israelbii lɛ akɛ, “Nyɛyea akpɔi kɛ mlai ni mitsɔ̃ɔ nyɛ lɛ anɔ koni nyɛyi ana wala koni nyɛya nyɛyaŋɔ shikpɔŋ ni Yehowa, nyɛtsɛmɛi aNyɔŋmɔ lɛ, kɛhãa nyɛ lɛ.

5 Mose 4:5

“Naa, mitsɔ̃ɔ nyɛ akpɔi kɛ mlai lɛ bɔ ni Yehowa, miNyɔŋmɔ lɛ, fã akɛ mifee lɛ, koni nyɛye nɔ yɛ shikpɔŋ ni nyɛyaa nyɛyaŋɔ lɛ nɔ.

5 Mose 4:9

Shi moŋ, nyɛkwɛa ni ahia kɛkɛ koni nyɛhiɛ ahia nyɛhe nɔ jogbaŋŋ, bɔ ni afee ni nyɛhiɛ akaje nibii ni nyɛna kɛ nyɛ diɛŋtsɛ nyɛhiŋmɛii nɛɛ anɔ nyɛwala gbii abɔ fɛɛ. Ni nyɛgbaa nyɛbii kɛ nyɛnabii lɛ,

5 Mose 6:11

shikpɔŋ kɛ enɔ shĩai ni amɛmli eyimɔ obɔ̃bɔ̃ kɛ nibii kpakpai ni jeee nyɛ nyɛtsu nyɛwo amɛmli; shikpɔŋ kɛ nubui ni jeee nyɛ nyɛtsatsaai, kɛ wain tromi kɛ mutsei ni jeee nyɛ nyɛtɛo, kɛji nyɛye ni nyɛtɔrɔ lɛ,

5 Mose 7:11

No hewɔ lɛ, kitãi kɛ akpɔi kɛ mlai ni miwoɔ nyɛ ŋmɛnɛ gbi nɛɛ lɛ, nyɛkwɛa jogbaŋŋ koni nyɛyea nɔ.”

5 Mose 8:14

nyɛkwɛa ni ahia koni nyɛkawo nyɛhe nɔ ni nyɛhiɛ miikpa Yehowa, nyɛNyɔŋmɔ lɛ nɔ. Lɛ mɔ ni ejie nyɛ kɛje Ijipt shikpɔŋ lɛ nɔ he ni aye nyɛ nyɔŋ yɛ lɛ.

Kojolɔi 3:7

Israelbii lɛ fee efɔŋ amɛshi Yehowa. Amɛhiɛ kpa Yehowa, amɛNyɔŋmɔ lɛ nɔ, ni amɛyasɔmɔ Baal nyɔŋmɔi lɛ kɛ Ashera nyɔŋmɔi lɛ.