5 Mose 7:9 - ŊMALƐ KRƆŊKRƆŊ LƐ

⁹ No hewɔ lɛ, nyɛnaa nyɛlea akɛ Yehowa, nyɛNyɔŋmɔ lɛ, lɛ ji Nyɔŋmɔ koome lɛ, Nyɔŋmɔ anɔkwafo, mɔ ni yeɔ shi ni ewo nɔ, asaŋ ni esuɔmɔ tsakeee yɛ mɛi ni esumɔɔ ni amɛyeɔ ekitãi anɔ kɛyashiɔ amɛshwiei ni ji akpe lɛ ayinɔ tɔ̃ɔ lɛ.

Ṅmãle̱ Kroṅkroṅ Le̱

⁹ Nohewo̱ le̱ ná ole ake̱ Iehowa, o-Nyoṅmo̱ le̱, le̱ dši Nyoṅmo̱, Mawu ano̱kwafo, ní too̱ kpãṅmo̱ ke̱ mo̱bo̱nale̱ ehãa mei ní sumoo̱le̱ ke̱ mei ní yeo̱ ekitãi le̱ ano̱ ke̱-yaši yino̱bii ní dši akpe no̱, 2 Mose 20,6.

5 Mose 7:9 ပူးပေါင်းရင်းမြစ်များ

1 Mose 17:7

“Mahã mikpãŋmɔ ni kã mi kɛ bo teŋ lɛ ama shi shiŋŋ, ni eeetsɔ̃ naanɔ kpãŋmɔ ehã oshwiei ni aaaba yɛ osɛɛ lɛ yɛ amɛyinɔi fɛɛ mli; matsɔ̃ Nyɔŋmɔ mahã bo kɛ oshwiei ni aaaba yɛ osɛɛ lɛ.

1 Mose 28:15

Na ole akɛ mikɛ bo yɛ ni he fɛɛ he ni oyaa lɛ, mabu ohe, ni mikɛ bo aaaba shikpɔŋ nɛɛ nɔ ekoŋŋ, ejaakɛ mishiŋ bo kɛyaashi beyinɔ ni mafee nɔ ni mitsi tã mikɛɛ bo lɛ.”

1 Mose 9:15

makai kpãŋmɔ lɛ ni mikɛ nyɛ kɛ nibii srɔtoi srɔtoi fɛɛ ni hiɛ kã lɛ ekpãŋ lɛ, ni nu tsɔŋ afua ni eeekpãtã nɔ fɛɛ nɔ ni hiɛ kã hiɛ dɔŋŋ.

1 Maŋtsɛmɛi 8:23

ni ekɛɛ, “Yehowa, Israel Nyɔŋmɔ! Nyɔŋmɔ ko bɛ ŋwɛi yɛ yiteŋ gbɛ loo shikpɔŋ lɛ nɔ yɛ shishigbɛ ni tamɔ bo, ni otoɔ kpãŋmɔ kɛ mɔbɔnalɛ ohãa otsuji ni boɔ bo toi kɛ amɛtsui fɛɛ lɛ.

1 Kronika 16:15

Nyɛhiɛ ahia enaanɔ kpãŋmɔ lɛ kɛ wiemɔi ni ekɛwo yinɔi akpe shi lɛ anɔ,

2 Kronika 6:14

ni esɔle ekɛɛ, “Yehowa, Israel Nyɔŋmɔ, nyɔŋmɔ ko nyɔŋmɔ ko bɛ ni tamɔ bo yɛ ŋwɛi kɛ shikpɔŋ lɛ nɔ fɛɛ. Otoɔ kpãŋmɔ ni okɛ otsuji ekpãŋ, ni ojieɔ osuɔmɔ ni sɛɛ efooo lɛ otsɔ̃ɔ mɛi fɛɛ ni kɛ amɛtsui fɛɛ boɔ bo toi lɛ.

Nehemia 1:5

ni mikɛɛ, ‘Oo Yehowa, Naa Nyɔŋmɔ ni yɔɔ ŋwɛi, ni oda ni ohe yɔɔ gbeyei! Okɛ osuɔmɔ ni tsakeee yeɔ kpãŋmɔ ni okɛ mɛi ni sumɔɔ bo, ni amɛyeɔ okitãi lɛ anɔ lɛ kpãŋɔ lɛ nɔ, ni okɛtsɔ̃ɔ akɛ anɔkwafo ji bo.

Nehemia 9:32

“WɔNyɔŋmɔ, oje agbo! Ohe wa, ohe yɛ gbeyei, ni onaa mɔbɔ; kɛji okɛ mɔ ko kpãŋ ni owo shi lɛ, oyeɔ nɔ. Kɛjɛ Asiria maŋtsɛmɛi lɛ ayinɔ kɛbashi ŋmɛnɛ lɛ, kaahã amanehulu ni ba wɔ kɛ wɔmaŋtsɛmɛi kɛ wɔnukpai kɛ wɔsɔfoi kɛ wɔgbalɔi kɛ wɔtsɛmɛi lɛ kɛ omaŋ lɛ fɛɛ nɔ lɛ, miifee sane bibioo yɛ ohiɛ.

Lalai 103:18

Eyɛ hã mɛi ni toɔ ekpãŋmɔ lɛ, ni amɛkaiɔ ekitãi lɛ ni amɛyeɔ nɔ lɛ.

Lalai 105:8

Ehiɛ yɛ ekpãŋmɔ lɛ nɔ kɛmiiya naanɔ. Ehiɛ yɛ ewiemɔ ni ekɛ ma shi ehã yinɔi akpe lɛ nɔ;

Lalai 119:75

Oo Yehowa, mile akɛ okojomɔi lɛ ja, ni anɔkwayeli okɛgbala mitoi!

Lalai 146:6

Lɛ ebɔ ŋwɛi kɛ shikpɔŋ kɛ ŋshɔ kɛ nɔ fɛɛ nɔ ni yɔɔ mli lɛ; lɛ lɛ eyeɔ anɔkwa kɛyaa naanɔ.

Lalai 36:6

Ojalɛ nɔkwɔlɛ tamɔ gɔŋ, ni okojomɔ mlikwɔlɛ tamɔ ŋshɔ mli kwɔlɛ. Oo Yehowa, bo ohereɔ gbɔmɔ kɛ kooloo fɛɛ yiwala.

2 Mose 20:6

“Shi mɛi akpei abɔ fɛɛ ni sumɔɔ mi, ni amɛyeɔ mikitãi anɔ lɛ, misumɔɔ amɛ kɛ suɔmɔ ni tsakeee, ni minaa amɛ mɔbɔ.

Yesaia 49:7

Bɔ ni Yehowa, Israel Kpɔ̃lɔ, kɛ eMɔ Krɔŋkrɔŋ lɛ, kɛɔ mɔ ni agbe ehe guɔ, ni jeŋ majimaji lɛ hi ehiɛ, nɔyelɔi anyɔŋ lɛ, kɛɔ nɛ, “Maŋtsɛmɛi aaana lɛ ni amɛaate shi amɛhã lɛ; ni lumɛi hu aaana lɛ ni amɛaakamɔ shi yɛ ehiɛ ejaakɛ Yehowa ehala lɛ, Israel Mɔ Krɔŋkrɔŋ lɛ, eji anɔkwafo.”

Yeremia 32:18

Osuɔmɔ lɛ sɛɛ efooo hã mɛi akpeiakpei abɔ; shi okɛ tsɛmɛi anishaianii lɛ ahe toigbalamɔ hãa amɛbii ni baa yɛ amɛsɛɛ. Ao! Nyɔŋmɔ hewalɔ kpele, bo ni ogbɛi ji Yehowa Taiatsɛ,

Yāfó 3:23

Daa leebi lɛ, amɛtsɔ̃ɔ nɔ hee; Yehowa anɔkwayeli da kpele.

Daniel 9:4

Mikpa Yehowa miNyɔŋmɔ lɛ fai, ni mijaje tɔ̃mɔi mikɛɛ, “Ao! Nuŋtsɔ, bo ji Nyɔŋmɔ kpeteŋkple ni he yɔɔ gbeyei ni yeɔ ekpãŋmɔ nɔ, mɔ ni suɔmɔ sɛɛ efooo hã mɛi ni sumɔɔ lɛ, ni amɛyeɔ ekitãi lɛ anɔ lɛ.

4 Mose 14:18

‘Mi, Yehowa, mimli fuuu mra, ni mimɔbɔnalɛ hu fa; ni mikɛ tɔ̃mɔ kɛ efɔŋfeemɔ faa; shi kɛ̃lɛ mihãaa tɔ̃lɔ aŋɔ ehe aye, ni miwoɔ bii anyɔmɔ yɛ tsɛmɛi atɔ̃mɔi ahewɔ kɛyashiɔ yinɔ ni ji etɛ̃ kɛ yinɔ ni ji ejwɛ tete nɔ.’

Romabii 8:28

Shi wɔle akɛ mɛi ni sumɔɔ Nyɔŋmɔ lɛ, nibii fiaa yeɔ buaa amɛ ni ahi ahã amɛ, amɛ mɛi ni atsɛ amɛ yɛ yiŋtoo naa lɛ.

1 Korintobii 1:9

Anɔkwafo ji Nyɔŋmɔ, mɔ ni tsɛ nyɛ kɛba eBi Yesu Kristo, wɔNuŋtsɔ lɛ, naanyobɔɔ lɛ mli lɛ.

1 Korintobii 10:3

Ni amɛ fɛɛ lɛ mumɔŋ niyenii kome lɛ nɔŋŋ amɛye,

1 Korintobii 8:3

Shi kɛ mɔ ko miisumɔ Nyɔŋmɔ lɛ, Nyɔŋmɔ le lɛ.

2 Korintobii 1:18

Shi anɔkwafo ji Nyɔŋmɔ akɛ wɔwiemɔ ni wɔkɛ nyɛ wie lɛ ejeee nɔ ni kɛɔ “hɛɛ” kɛ “dabi” fɛɛ shi kome.

5 Mose 32:39

“‘Te nyɛna akɛ Mi nɔŋŋ ji Mi, ni misɛɛ lɛ nyɔŋmɔ ko bɛ dɔŋŋ? Migbeɔ, ni mihãa wala, mipilaa mɔ, ni mitsaa mɔ, ejaakɛ mɔ ko nyɛɛɛ nɔ ko ashɔ̃ yɛ mi midɛŋ.

5 Mose 32:4

“Tɛsaa ji lɛ, enitsumɔ hi pɛpɛɛpɛ, ejaakɛ nibii fɛɛ ni efeɔ lɛ ja. Nyɔŋmɔ anɔkwafo ji lɛ; nɔ sha ko bɛ ehe; jalɔ kɛ anɔkwafo ji lɛ.

5 Mose 4:35

Ahã nyɛna nibii nɛɛ koni nyɛkɛle akɛ Yehowa koome ji Nyɔŋmɔ, ni lɛ esɛɛ lɛ nyɔŋmɔ ko bɛ dɔŋŋ.

5 Mose 4:39

No hewɔ lɛ, nyɛnaa nyɛlea ŋmɛnɛ, ni nyɛkɛtoa nyɛyiŋ, akɛ Yehowa ji ŋwɛi kɛ shikpɔŋ lɛ fɛɛ Nyɔŋmɔ; lɛ esɛɛ lɛ mɔ ko bɛ dɔŋŋ.

5 Mose 5:10

Shi mɛi akpei abɔ fɛɛ ni sumɔɔ mi, ni amɛyeɔ mikitãi anɔ lɛ, misumɔɔ amɛ kɛ suɔmɔ ni tsakeee, ni minaa amɛ mɔbɔ hu.’

1 Tesalonikabii 5:24

Anɔkwafo ji mɔ ni tsɛɔ nyɛ lɛ, ni eeefee hu.

2 Tesalonikabii 3:3

Shi anɔkwafo ji Nuŋtsɔ lɛ, mɔ ni aaawaje nyɛ ni eeebu nyɛhe ni ejie nyɛ kɛjɛ mɔ fɔŋ lɛ dɛŋ lɛ.

2 Timoteo 2:13

Kɛ wɔfeee wɔhe anɔkwafoi lɛ, lɛ lɛ eeehi shi anɔkwafo, Enyɛŋ ekpa yɛ lɛ diɛŋtsɛ ehe sɛɛ.”

Tito 1:2

ni amɛna naanɔ wala lɛ hiɛnɔkãmɔ. Naanɔ wala nɛɛ Nyɔŋmɔ wo he shi dani abɔ je lɛ.

Hebribii 10:23

Ni nyɛhãa wɔmɔa wɔhiɛnɔkãmɔ jajemɔ lɛ mli ni awaa ni ekagbugbãa, ejaakɛ mɔ ni wo shi lɛ anɔkwafo ni.

Hebribii 11:11

Hemɔkɛyeli Sara hu kɛna hewalɛ ni ekɛna musu, ni lɛ ni egbɔ eho he aahu lɛ efɔ, ejaakɛ mɔ ni wo shi lɛ ebu lɛ anɔkwafo.

Hebribii 6:18

koni wɔtsɔ̃ saji enyɔ ni tsakeee ni Nyɔŋmɔ nyɛŋ emale yɛ mli lɛ anɔ wɔna miishɛjemɔ ni wa, ni wɔ mɛi ni wɔyaba abo lɛ wɔkɛmɔ hiɛnɔkãmɔ ni kã wɔhiɛ lɛ mli;

Yakobo 1:12

Ajɔɔ gbɔmɔ ni miaa ehiɛ yɛ kaa mli lɛ, ejaakɛ kɛ aka lɛ ni esa lɛ, eeena wala akekre ni Nuŋtsɔ lɛ ewo mɛi ni sumɔɔ lɛ lɛ shi yɛ he lɛ.

1 Yohane 1:9

Kɛji wɔjaje wɔhe eshai lɛ wɔtsɔ̃ɔ Nyɔŋmɔ lɛ, anɔkwafo kɛ jalɔ ji lɛ, ni ekɛ wɔhe eshai lɛ aaafa wɔ ni eeetsumɔ wɔhe kɛjɛ nii ni ejaaa gbɛ fɛɛ mli.

Kojolɔi 2:1

Agbɛnɛ Yehowa bɔfo jɛ Gilgal kɛba Bokim ni ebakɛɛ Israelbii lɛ akɛ, “Mijie nyɛ kɛjɛ Ijipt ni mikɛ nyɛ ba shikpɔŋ ni mikã nyɛtsɛmɛi lɛ akitã yɛ he lɛ nɔ, ni mikɛɛ: ‘Mikuŋ mikpãŋmɔ ni mi kɛ nyɛ ekpãŋ lɛ mli gbi ko gbi ko,

Kojolɔi 5:31

Yehowa, bɔ nɔŋŋ ni ohenyɛlɔi fɛɛ ahiɛ aaakpãtã nɛ! Shi mɛi ni sumɔɔ bo lɛ aaatãmɔ hulu, be ni eteɔ shi yɛ ehewalɛ mli lɛ.” No sɛɛ lɛ, shikpɔŋ lɛ nɔ jɔ afii nyɔŋmai ejwɛ.