5 Mose 7:8 - ŊMALƐ KRƆŊKRƆŊ LƐ

⁸ Shi moŋ suɔmɔ ni esumɔɔ nyɛ hewɔ, shi bɔ ni afee ni eye shi ni ewo nyɛtsɛmɛi lɛ nɔ lɛ, no hewɔ ni Yehowa kɛ nineshiwalɛ jie nyɛ, ni ekpɔ̃ nyɛ kɛje nyɔŋ ni Ijipt maŋtsɛ lɛ yeɔ nyɛ lɛ mli lɛ.

Ṅmãle̱ Kroṅkroṅ Le̱

⁸ ši suomo̱ Iehowa sumoo̱nye, ni ēsumo̱ ake̱ eye kitã ní ekã nyetše̱mei le̱ no̱ hewo̱ ni Iehowa ke̱ ninešiwale̱ dsienye ni ekpõnye ke̱-dše̱ nyṍdši awe, ke̱-dše̱ Mizraim maṅtše̱ Farao deṅ le̱.

5 Mose 7:8 ပူးပေါင်းရင်းမြစ်များ

1 Mose 19:16

Lot shashao shi, shi Yehowa na lɛ mɔbɔ. No hewɔ lɛ, hii lɛ mɔmɔ lɛ kɛ eŋa kɛ ebiyei enyɔ lɛ aniji ashi, ni akɛ amɛ je kpo kɛje maŋ lɛ mli.

1 Mose 19:29

No hewɔ lɛ, bɔ ni eba lɛ nɛ. Be ni Nyɔŋmɔ kpãtã maji ni yɔɔ jɔɔ shikpɔŋ lɛ nɔ lɛ ahiɛ lɛ, Nyɔŋmɔ kai Abraham ni ejie Lot kɛje hiɛkpãtãmɔ lɛ mli be ni ekpãtã maji ni Lot hi mli lɛ ahiɛ lɛ.

2 Samuel 22:20

Ejie mi yɛ osharã mli, ni ehere mi, ejaakɛ eyɛ mihe tsuijurɔ.

1 Maŋtsɛmɛi 10:9

Yijiemɔ ahã Yehowa, oNyɔŋmɔ lɛ, mɔ ni ena ohe tsuijurɔ, ni ekɛ bo eta Israel maŋtsɛ sɛ̃i lɛ nɔ lɛ. Yehowa sumɔɔ Israel kɛmiiya naanɔ. No hewɔ ni ewo bo maŋtsɛ lɛ koni okojo ni oye jalɛ sane.”

1 Kronika 16:16

ni ji kpãŋmɔ ni ekɛ Abraham kpãŋ lɛ; kɛ kitã lɛ hu ni ekã Isak lɛ,

2 Kronika 9:8

Ajie Yehowa, oNyɔŋmɔ lɛ, yi akɛ esa ehiɛ ni ekɛ bo ta emaŋtsɛ sɛi lɛ nɔ koni oye maŋtsɛ yɛ biɛ. Akɛni oNyɔŋmɔ lɛ miidɔ Israel he ni eeesumɔ akɛ ebaa amɛyi kɛya naanɔ lɛ, no hewɔ eto bo Israel maŋtsɛ lɛ koni okojo ni oye jalɛ sane yɛ amɛteŋ.”

Lalai 105:42

Ejaakɛ ekai eshiwoo krɔŋkrɔŋ, ni ewo etsulɔ Abraham lɛ.

Lalai 44:3

Ejaakɛ jeee amɛ diɛŋtsɛ amɛklante nɔ amɛtsɔ̃ amɛŋɔ shikpɔŋ lɛ; asaŋ jeee amɛnineshiwalɛ hã amɛye kunim; shi moŋ ohewalɛ kɛ onyɛmɔ naa, kɛ ohiɛ ni kã amɛhe lɛ hã amɛye kunim; ejaakɛ oyɛ amɛhe tsuijurɔ.

Lalai 44:4

Bo ji mimaŋtsɛ kɛ miNyɔŋmɔ, bo ohã Israel ye kunim srɔtoi lɛ.

2 Mose 13:14

Kɛji nyɛbii bi nyɛ wɔsɛɛ ko akɛ, ‘Ni te gbijurɔ nɛɛ shishi hu lɛ,’ nyɛkɛa amɛ akɛ, ‘Nineshiwalɛ naa Yehowa jie wɔ kɛje Ijipt he ni aye wɔ nyɔŋ yɛ lɛ.

2 Mose 13:3

Mose kɛɛ Israelbii lɛ akɛ, “Nyɛkaia nɛkɛ gbi nɛɛ, ni ji gbi nɔ ni nyɛje Ijipt nyɔŋyeli shishi lɛ, ejaakɛ nineshiwalɛ naa Yehowa jie nyɛ kɛje jɛi. No hewɔ lɛ, nyɛkayea masha nii.

2 Mose 20:2

“Mi ji Yehowa, oNyɔŋmɔ lɛ, ni mi mijie bo yɛ nyɔŋyeli mli kɛjɛ Ijipt shikpɔŋ lɛ nɔ lɛ.

2 Mose 32:13

Kaimɔ otsuji Abraham kɛ Isak kɛ Yakob, mɛi ni bo diɛŋtsɛ okã amɛ kitã, ni okɛɛ amɛ akɛ, ‘Mahã nyɛshwiei afa tamɔ ŋwɛi ŋulamii lɛ, ni shikpɔŋ nɛɛ fɛɛ ni miwo nyɛ shi yɛ he lɛ mikɛbaahã amɛ akɛ amɛgboshinii kɛya naanɔ.’ ”

2 Mose 6:6

No hewɔ lɛ, kɛɛmɔ Israelbii lɛ akɛ mikɛɛ, ‘Mi ji Yehowa, ni majie nyɛ, ni mawo Ijiptbii lɛ ajatsu lɛ yɛ nyɛkuɛ nɔ, ni mahere nyɛ kɛje nyɔŋ ni amɛyeɔ nyɛ lɛ mli. Mikɛ mihewalɛ aaakpɔ̃ nyɛ, ni no nɔŋŋ mikɛaagbala Ijiptbii lɛ atoi.

Yesaia 43:4

Akɛni ojara wa ha mi, ni ohiɛ yɛ nyam, ni misumɔɔ osane hewɔ lɛ, maŋɔ gbɔmɛi maha yɛ onajiaŋ ni maŋɔ majimaji maha kɛtsake bo.

Yesaia 63:9

yɛ amɛhaomɔi fɛɛ amli lɛ. Jeee tsulɔ loo ŋwɛi bɔfo ni here amɛyiwala, shi Yehowa diɛŋtsɛ jɛ esuɔmɔ kɛ emɔbɔnalɛ mli ehere amɛyiwala, ni ehole amɛ, ni ehiɛ amɛ yɛ blema beiaŋ fɛɛ.

Yeremia 31:3

mi Yehowa, mijie mihe kpo yɛ shɔŋŋ mitsɔ̃ɔ lɛ. Misumɔ bo kɛ naanɔ suɔmɔ; no hewɔ ni mikã he misumɔɔ bo lolo lɛ.

Ezekiel 36:22

“No hewɔ lɛ, kɛɛmɔ Israel we lɛ akɛ bɔ ni Nuŋtsɔ Yehowa kɛɔ nɛ, nyɛ Israel we, jeee nyɛhewɔ mafee nɔ ko, shi moŋ, migbɛi krɔŋkrɔŋ ni nyɛgbe he guɔ yɛ majimaji lɛ ateŋ, hei ni nyɛyahi lɛ, hewɔ.

Mika 6:4

Ejaakɛ mi mijie bo kɛjɛ Ijipt shikpɔŋ lɛ nɔ, ni mikpɔ̃ bo yɛ nyɔŋyeli mli. Mitsu Mose kɛ Aaron kɛ Miriam kɛba akɛ ohiɛnyiɛlɔi.

Mika 7:20

Obaajie onɔkwayeli kɛ osuɔmɔ ni tsakeee lɛ kpo otsɔ̃ɔ omaŋ lɛ, ni ji Abraham kɛ Yakob shwiei lɛ tamɔ bɔ ni owo wɔtsɛmɛi lɛ ashi blema bei lɛ amli beebe lɛ.

Zefania 3:17

Yehowa, oNyɔŋmɔ lɛ, kɛ bo yɛ, Taiatsɛ ni hãa ayeɔ kunim lɛ. Eeenya ohe kɛ miishɛɛ, eeeku sɛɛ esumɔ bo ekoŋŋ. Ebaala kɛ mliflimɔ yɛ ohewɔ,

Maleaki 1:2

Yehowa kɛɛ ewebii lɛ akɛ, “Misumɔ nyɛ.” Shi amɛto he akɛ, “Mɛni tsɔ̃ɔ akɛ osumɔ wɔ?” Yehowa here amɛ nɔ akɛ, “Te Esau nyɛmi nuu ji Yakob; shi bɛ misumɔ Yakob kɛ eshwiei,

Mateo 11:26

Hɛɛ, Ataa, bɔ ni sa ohiɛ ji no.

Luka 1:55

tamɔ bɔ ni ekɛɛ wɔtsɛmɛi lɛ, ni yɔɔ hã Abraham kɛ eshwiei lɛ kɛya naanɔ.”

Romabii 11:28

Yɛ Sanekpakpa lɛ gbɛfaŋ lɛ henyɛlɔi ji amɛ yɛ nyɛhewɔ; shi yɛ halamɔ lɛ gbɛfaŋ lɛ asumɔɔ amɛ yɛ tsɛmɛi lɛ ahewɔ.

5 Mose 1:8

Shikpɔŋ lɛ mikɛfɔ̃ nyɛhiɛ nɛɛ. Nyɛyaa ni nyɛyaŋɔa! Yehowa wo nyɛtsɛmɛi Abraham kɛ Isak kɛ Yakob shi yɛ he akɛ ekɛbaahã amɛ kɛ amɛshwiei.’ ”

5 Mose 10:15

Kɛ̃lɛ Yehowa na suɔmɔ krɛdɛɛ hã nyɛtsɛmɛi lɛ ni eŋɔ nyɛ, ni ji amɛshwiei lɛ, yɛ maji fɛɛ ateŋ; ni nakai ekɛ nyɛ yɔɔ kɛbashi ŋmɛnɛ.

5 Mose 23:6

Nyɛkataoa amɛ ekpakpa loo ejurɔyeli kɔkɔɔkɔ.

5 Mose 33:3

“Anɔkwa, edɔɔ emɛi ahe, ehiɛ emɛi krɔŋkrɔŋi lɛ yɛ edɛŋ, no hewɔ lɛ, wɔkula enaji anaa ni wɔmiibo egbɛtsɔ̃ɔmɔ toi.

5 Mose 4:20

Shi nyɛ lɛ, Yehowa yakpɔ̃ nyɛ yɛ Ijipt, kɛje dade flɔnɔɔ lɛ mli, koni nyɛbatsɔ̃ lɛ diɛŋtsɛ ewebii tamɔ bɔ ni nyɛyɔɔ ŋmɛnɛ gbi nɛɛ lɛ.

5 Mose 4:34

Aloo nyɛnu nyɔŋmɔ ko eka dã akɛ eeeya maŋ ko nɔ, ni eyakpɔ̃ mɛi komɛi kɛje nakai maŋ lɛ mli ni ebafee mɛi lɛ lɛ diɛŋtsɛ emɛi tamɔ bɔ ni Yehowa, nyɛNyɔŋmɔ lɛ, tsɔ̃ kai kɛ okadii kɛ naakpɛɛ nii, kɛ ta kɛ nineshiwalɛ kɛ hewalɛ kpeteŋkple nɔ efee ehã nyɛ yɛ Ijipt, yɛ nyɛ diɛŋtsɛ nyɛhiŋmɛiiaŋ lɛ?

5 Mose 4:37

Ni akɛni esumɔ nyɛtsɛmɛi lɛ hewɔ lɛ, eŋɔ amɛshwiei ni ba yɛ amɛsɛɛ lɛ, ni ekɛ lɛ diɛŋtsɛ ehewalɛ kpeteŋkple lɛ yakpɔ̃ nyɛ yɛ Ijipt.

5 Mose 5:6

‘Mi ji Yehowa, oNyɔŋmɔ lɛ, mi mijie bo yɛ nyɔŋyeli mli kɛje Ijipt shikpɔŋ lɛ nɔ lɛ.

1 Yohane 4:19

Wɔsumɔɔ Nyɔŋmɔ, ejaakɛ lɛ tsutsu esumɔ wɔ.

1 Samuel 12:22

Ejaakɛ Yehowa kwaŋ nyɛ yɛ egbɛi kpeteŋkple lɛ hewɔ; asaŋ esa ehiɛ hu akɛ ekɛ nyɛ afee lɛ diɛŋtsɛ emaŋ.