5 Mose 7:6 - ŊMALƐ KRƆŊKRƆŊ LƐ

⁶ “Nyɛfea nakai ejaakɛ Yehowa, nyɛNyɔŋmɔ lɛ, eŋɔ nyɛ ehã ehe akɛ emɛi krɔŋkrɔŋ. Eje gbɛ ni eŋɔ nyɛ yɛ majimaji lɛ fɛɛ ateŋ yɛ shikpɔŋ lɛ nɔ koni nyɛtsɔ̃ lɛ diɛŋtsɛ ewebii krɛdɛɛ.

Ṅmãle̱ Kroṅkroṅ Le̱

⁶ Edšake̱ maṅ kroṅkroṅ dšio hã Iehowa, o-Nyoṅmo̱ le̱, bo le̱ Iehowa, o-Nyoṅmo̱ le̱, ehalao, koni otšṍ le̱dientše̱ emaṅ ye̱ mãdši fẽ ní yo̱ šikpoṅ le̱ no̱ le̱ ateṅ. 2 Mose 19,5. 6.

5 Mose 7:6 ပူးပေါင်းရင်းမြစ်များ

1 Maŋtsɛmɛi 3:8

Shi esa akɛ maye omaŋ kpeteŋkple nɛɛ nɔ, maŋ ni bo diɛŋtsɛ ohala, maŋ ni amɛfa babaoo bɔ ni anyɛŋ amɛ akane tete lɛ.

Ezra 9:2

Yudahii eŋɔŋɔɔ maŋsɛɛ yei amɛhã amɛ diɛŋtsɛ amɛhe akɛ ŋamɛi, ni amɛbihii hu efee nakai nɔŋŋ. Belɛ jaku ni he tse lɛ ebule amɛhe. Onukpai lɛ kɛ nɔyelɔi lɛ titri tɔ̃ɔ mla nɛɛ.

Lalai 114:2

Yuda tsɔ̃ Nuŋtsɔ lɛ maŋ krɔŋkrɔŋ, ni Israel tsɔ̃ lɛ diɛŋtsɛ enɔ.

Lalai 135:4

Ejaakɛ Yehowa eŋɔ Yakob ehã lɛ diɛŋtsɛ ehe, eŋɔ Israel efee lɛ diɛŋtsɛ enɔ.

Lalai 50:5

Ekɛɛ akɛ, “Nyɛbuaa mimɛi anɔkwafoi lɛ anaa nyɛhãa mi; mɛi ni etsɔ̃ afɔle nɔ amɛkɛ mi ekpãŋ lɛ.

2 Mose 6:7

Maŋɔ nyɛ mafee mi diɛŋtsɛ mimaŋ, ni matsɔ̃ nyɛNyɔŋmɔ, ni nyɛaale akɛ mi ji Yehowa, nyɛNyɔŋmɔ lɛ, ni jie nyɛ yɛ Ijipt nyɔŋyeli lɛ mli lɛ.

Yesaia 41:8

Shi bo Israel, mitsulɔ Yakob, mishieŋtsɛ Abraham shwie, ni miŋɔ bo;

Yesaia 41:9

bo ni miŋɔ bo kɛjɛ shikpɔŋ lɛ naagbeehei kɛba, bo ni mitsɛ bo kɛjɛ shikpɔŋ lɛ koji shɔŋŋ, ni mikɛɛ bo akɛ, ‘Mitsulɔ ji bo, miŋɔ bo; ni mishɛŋ bo mifɔŋ.’

Yesaia 6:13

Ni kɛji eshwɛ maŋbii lɛ amlijaa nyɔŋma mli ekome tete yɛ shikpɔŋ lɛ nɔ lɛ, aaaku sɛɛ akpãtã amɛhiɛ. Shi amɛaatsɔ tamɔ tso kpele ni atoo agbee shi ni eshwɛ ekuku yɛ su mli. Tso kuku nɛɛ lɛ dumɔ wu krɔŋkrɔŋ ni.”

Yesaia 62:12

Ni ebaatsɛ amɛ akɛ “Maŋ Krɔŋkrɔŋ, Mɛi ni Yehowa ekpɔ̃ amɛ,” ni bo hu aaatsɛ bo, “Mɔ ni ataoɔ esɛɛgbɛ Maŋ ni akwaŋ lɛ dɔŋŋ.”

Yeremia 2:3

Mɔ krɔŋkrɔŋ ji Israel hã Yehowa, eŋmãakpamɔ mli klɛŋklɛŋ yibii ni. Mɛi fɛɛ ni aaata ehe lɛ baaye sɔ̃. Ni sane fɔŋ baaye amɛ, Mi, Yehowa, mi mikɛɛ.’ ”

Ezekiel 20:5

Bɔ ni Nuŋtsɔ Yehowa kɛɛ nɛ, gbi ni miŋɔ Israel lɛ mikã Yakob shwiei lɛ akitã ni mihã amɛle mi yɛ Ijipt shikpɔŋ lɛ nɔ. Mikã amɛ kitã akɛ, ‘Mi ji Yehowa, nyɛNyɔŋmɔ lɛ.’

3 Mose 20:24

Shi miwo nyɛ shikpɔŋ kpakpa ni baa nii nɛɛ he shi, ni mikɛbaahã nyɛ akɛ nyɛnɔ. Mi ji Yehowa, nyɛNyɔŋmɔ lɛ. Mijie nyɛ yɛ maji krokomɛi lɛ ateŋ mito afã.

3 Mose 20:26

Nyɛhiɛa nyɛhe krɔŋkrɔŋ nyɛhãa mi pɛ, ejaakɛ mi, Yehowa, mihe tse. Mijie nyɛ yɛ maji krokomɛi lɛ ateŋ mito afã koni nyɛfee mi pɛ minɔ.

Amos 3:2

“Jeŋ maji fɛɛ ateŋ lɛ, nyɛ pɛ ji maŋ ni mile, ni no hewɔ lɛ, mibawo nyɛ nibii gbohii ni nyɛfee lɛ ahe nyɔmɔ.”

Maleaki 3:17

Yehowa kɛɛ akɛ, “Gbɔmɛi nɛɛ baatsɔ̃mɔ mimɛi, mi diɛŋtsɛ minɔ krɛdɛɛ, gbi nɔ ni mibatsu minii lɛ. Mikɛ amɛhe baake amɛ tamɔ bɔ ni tsɛ Ataa kɛ ebi ni sɔmɔɔ lɛ lɛ he keɔ lɛ lɛ.

Bɔfoi 13:17

Nɛkɛ maŋ Israel nɛɛ Nyɔŋmɔ lɛ hala wɔtsɛmɛi lɛ, ni be ni amɛyato gbɔ yɛ Ijipt shikpɔŋ lɛ nɔ lɛ, ewo maŋ lɛ nɔ, ni ekɛ hewalɛ jie amɛ kɛjɛ jɛi.

Romabii 9:4

Amɛ ji Israelbii lɛ; ni amɛnɔ ji bitsɔ̃mɔ lɛ kɛ anunyam lɛ kɛ kpãŋmɔi lɛ kɛ mlahãmɔ lɛ kɛ jamɔ lɛ kɛ shiwoi lɛ,

5 Mose 14:2

Ejaakɛ Yehowa je gbɛ eŋɔ nyɛ yɛ shikpɔŋ lɛ nɔ maji fɛɛ ateŋ ehã ehe akɛ lɛ diɛŋtsɛ emaŋ.

5 Mose 14:21

“Nyɛkayea kooloo ni lɛ diɛŋtsɛ egbo. Aaanyɛ akɛ kooloo lɛ ahã gbɔ ni nyɛkɛyɔɔ nyɛmaŋ lɛ mli koni eye, aloo ahɔ̃ɔ ahã gbɔ kroko ko, ejaakɛ nyɛ lɛ, Yehowa, nyɛNyɔŋmɔ lɛ, mɛi krɔŋkrɔŋi ji nyɛ. “Nyɛkahoa toobi kɛ lɛ diɛŋtsɛ nɔŋŋ enyɛ fufɔ mli nu.”

5 Mose 26:18

Yehowa hu egba mli kpoo ekɛɛ bo, ŋmɛnɛ gbi nɛɛ, akɛ lɛ diɛŋtsɛ emaŋ ji bo tamɔ bɔ ni ewo bo shi lɛ, ni eebi bo koni oye ekitãi lɛ fɛɛ nɔ,

5 Mose 26:19

koni yɛ yijiemɔ kɛ gbɛi kɛ anunyam gbɛfaŋ lɛ, Israel agbojee akwɔ fe maji fɛɛ agbojee yɛ je lɛ mli. Oootsɔ̃ Yehowa, oNyɔŋmɔ lɛ, maŋ krɔŋkrɔŋ bɔ ni ekɛɛ lɛ.”

5 Mose 28:9

“Yehowa aaaŋɔ bo, Israel, akɛ lɛ diɛŋtsɛ emaŋ krɔŋkrɔŋ tamɔ bɔ ni ekã bo kitã lɛ, kɛji oye Yehowa, oNyɔŋmɔ lɛ, kitãi lɛ anɔ, ni oba ojeŋ bɔ ni etaoɔ lɛ.

5 Mose 33:3

“Anɔkwa, edɔɔ emɛi ahe, ehiɛ emɛi krɔŋkrɔŋi lɛ yɛ edɛŋ, no hewɔ lɛ, wɔkula enaji anaa ni wɔmiibo egbɛtsɔ̃ɔmɔ toi.

5 Mose 4:20

Shi nyɛ lɛ, Yehowa yakpɔ̃ nyɛ yɛ Ijipt, kɛje dade flɔnɔɔ lɛ mli, koni nyɛbatsɔ̃ lɛ diɛŋtsɛ ewebii tamɔ bɔ ni nyɛyɔɔ ŋmɛnɛ gbi nɛɛ lɛ.

5 Mose 4:37

Ni akɛni esumɔ nyɛtsɛmɛi lɛ hewɔ lɛ, eŋɔ amɛshwiei ni ba yɛ amɛsɛɛ lɛ, ni ekɛ lɛ diɛŋtsɛ ehewalɛ kpeteŋkple lɛ yakpɔ̃ nyɛ yɛ Ijipt.

Tito 2:14

Lɛ ekɛ lɛ diɛŋtsɛ ehe hã yɛ wɔnajiaŋ, koni ekpɔ̃ wɔ kɛjɛ nɔtɔmɔ fɛɛ mli, ni etsuu wɔhe ehã ehe akɛ lɛ diɛŋtsɛ enɔ, maŋ ni hiɛ dɔɔ yɛ nitsumɔi kpakpai ahe lɛ.

1 Petro 2:9

shi nyɛ lɛ, weku ni ahala ji nyɛ, osɔfoi, maŋtsɛmɛi, jeŋmaŋ krɔŋkrɔŋ, maŋ ni ekɛfee enɔ, koni nyɛjaje mɔ ni tsɛ nyɛ kɛjɛ duŋ lɛ mli kɛba lɛ diɛŋtsɛ enaakpɛɛ la lɛ he lɛ agbojee lɛ;

2 Petro 2:5

ni asaŋ kɛ ekɛ blema je lɛ he ekeee lɛ, shi moŋ Noa ni ji jalɛ shiɛlɔ lɛ, mɔ ni gbe yi fee kpaanyɔ lɛ kɛkɛ yi ebaa, ni ekɛ nu afua lɛ ba mɛi ni sheee Nyɔŋmɔ gbeyei lɛ aje lɛ nɔ,

2 Petro 2:9

belɛ Nuŋtsɔ lɛ le bɔ ni efeɔ ejieɔ Nyɔŋmɔ gbeyeishelɔi yɛ kaa mli, kɛ bɔ ni efeɔ etoɔ mɛi fɔ̃ji yɛ piŋmɔ mli kɛyashi kojomɔ gbi lɛ nɔ;

1 Samuel 12:22

Ejaakɛ Yehowa kwaŋ nyɛ yɛ egbɛi kpeteŋkple lɛ hewɔ; asaŋ esa ehiɛ hu akɛ ekɛ nyɛ afee lɛ diɛŋtsɛ emaŋ.