5 Mose 7:4 - ŊMALƐ KRƆŊKRƆŊ LƐ

⁴ Ejaakɛ amɛbiyei lɛ aaahã nyɛbihii lɛ akpale yɛ misɛɛ ni amɛyasɔmɔ nyɔŋmɔi krokomɛi. Enɛ baahã Yehowa mli awo nyɛ la, ni eeekpãtã nyɛhiɛ.

Ṅmãle̱ Kroṅkroṅ Le̱

⁴ Edšake̱ ame̱ahã obii le̱ akpale ye̱ mise̱, ní ame̱yasúmo̱ nyoṅmo̱i krokomei, ni Iehowa mli aawonye la, ni eekpãtã nyehĩe oyá.

5 Mose 7:4 ပူးပေါင်းရင်းမြစ်များ

1 Maŋtsɛmɛi 16:31

Akɛni eshai ni Nebat bi Yeroboam fee lɛ jeee fɛifɛi yɛ Ahab hiɛ hewɔ lɛ, etee nɔ, ni eyaŋɔ Sidonbii amaŋtsɛ Etbaal biyoo Yezebel lɛ akɛ ŋa. No hewɔ lɛ, Ahab tee ni eyaja, ni esɔ̃mɔ Baal.

2 Mose 20:5

“Kaaja amɛ, ni kaasɔ̃mɔ amɛ hu, ejaakɛ mi Yehowa, oNyɔŋmɔ lɛ, Nyɔŋmɔ ni yeɔ awuŋã ji mi, ni miwoɔ tsɛmɛi kɛ bii anyɔmɔ yɛ tsɛmɛi lɛ atɔ̃mɔi ahewɔ kɛyashiɔ yinɔ ni ji etɛ̃ kɛ yinɔ ni ji ejwɛ tete ni nyɛɔ mi lɛ nɔ.

2 Mose 34:16

Nakai nɔŋŋ eeehã nyɛyaŋɔŋɔɔ amɛbiyei akɛ ŋamɛi nyɛhã nyɛbihii, ni kɛji amɛbiyei lɛ tee amɛnyɔŋmɔi lɛ jamɔ lɛ, nyɛbihii lɛ aaanyiɛ amɛŋamɛi lɛ asɛɛ amɛje misɛɛ, ni amɛaayaja ŋamɛi lɛ asɛɛ nyɔŋmɔi lɛ.

5 Mose 20:18

Nyɛgbea amɛ bɔ ni afee ni amɛkatsɔ̃ɔ nyɛ musubɔɔ nibii ni amɛfeɔ amɛkɛjaa amɛnyɔŋmɔi lɛ koni nyɛkafee esha nyɛshi Yehowa nyɛNyɔŋmɔ, lɛ.

5 Mose 4:26

no lɛ miitsɛ ŋwɛi kɛ shikpɔŋ ŋmɛnɛ koni amɛye odase amɛshi nyɛ akɛ etsɛŋ ni aaakpãtã nyɛhiɛ yɛ shikpɔŋ ni nyɛbaafo Yordan lɛ kɛya ni nyɛyaŋɔ lɛ nɔ. Nyɛyeŋ be ko yɛ nɔ ni abaakpãtã nyɛhiɛ kwrakwra.

5 Mose 6:15

ejaakɛ Yehowa, nyɛNyɔŋmɔ lɛ, ni yɔɔ nyɛteŋ lɛ, eyeɔ awuŋã, koni emli akawo nyɛ la, ni ekpãtã nyɛhiɛ yɛ shikpɔŋ lɛ nɔ.

Yoshua 22:15

Amɛtee Rubenbii lɛ kɛ Gadbii kɛ Manasebii lɛ aŋɔ̃ɔ yɛ Gilead shikpɔŋ lɛ nɔ,

Yoshua 23:12

Ejaakɛ naa, kɛji nyɛfeee nakai, shi moŋ nyɛkwa lɛ, ni nyɛkɛ nyɛhe yabɔ maji ni anɔ bii ni eshwɛ futu nyɛteŋ nɛɛ ahe, ni nyɛ kɛ amɛ botebotee gbãlãshihilɛ mli, ni nyɛkɛ amɛyei hihii shi, ni amɛ hu amɛkɛ nyɛyei hihii shi lɛ,

Kojolɔi 2:11

Kɛkɛ ni Israelbii lɛ fee efɔŋ yɛ Yehowa hiɛ, ni amɛyasɔmɔ Baal nyɔŋmɔi lɛ.

Kojolɔi 2:20

No hewɔ lɛ, Yehowa mli woɔ la woɔ Israelbii lɛ, ni ekɛɔ akɛ, “Akɛni nɛkɛ maŋ nɛɛ etɔ̃ mikpãŋmɔ lɛ ni miwo amɛtsɛmɛi lɛ akitã yɛ he lɛ nɔ, ni amɛbooo mi toi

Kojolɔi 3:6

Israelbii lɛ ŋɔ gbɔmɛi nɛɛ abiyei; amɛ hu amɛkɛ amɛbiyei hãahãa Israelbii lɛ abihii agbãla; ni Israelbii lɛ sɔ̃mɔ jeŋmaji nɛɛ anyɔŋmɔi lɛ.