5 Mose 7:2 - ŊMALƐ KRƆŊKRƆŊ LƐ

² Kɛji Yehowa, nyɛNyɔŋmɔ lɛ, kɛ amɛwo nyɛdɛŋ nɛkɛ lɛ, nyɛkpãtãa amɛhiɛ kwraa. Nyɛ kɛ amɛ akakpãŋa kpãŋmɔ ko, ni asaŋ nyɛkanaa amɛ mɔbɔ.

Ṅmãle̱ Kroṅkroṅ Le̱

² ni Iehowa, o-Nyoṅmo̱ le̱, tuame̱ ewo odeṅ ni ogbeame̱ le̱, no le̱ *femo̱ame̱ musu kwrā: oke̱ame̱ akakpãṅ kpãṅmo̱ ko, ni asaṅ kànaame̱ mo̱bo̱. *4 Mose 21,2.

5 Mose 7:2 ပူးပေါင်းရင်းမြစ်များ

1 Mose 14:20

ni ajie Ŋwɛi Flooflo Nyɔŋmɔ lɛ ni hã oye ohenyɛlɔi lɛ anɔ kunim lɛ yi.” Ni Abram hã Melkizedek nii lɛ fɛɛ mlijai nyɔŋma mli ekome.

2 Samuel 21:2

Gibeonbii nɛɛ, jeee Israelbii ni, shi moŋ Amorbii ni shwɛ ji amɛ. Israelbii lɛ ekã amɛ kitã akɛ amɛkpãtãŋ amɛhiɛ, shi be ni Saul hiɛ dɔ yɛ Israelbii kɛ Yudabii lɛ ahewɔ lɛ, kulɛ eetao ekpãtã amɛhiɛ.

1 Maŋtsɛmɛi 20:34

Kɛkɛ ni Ben-Hadad kɛɛ Ahab akɛ, “Maji ni mitsɛ shɔ̃ yɛ otsɛ dɛŋ lɛ mibadãi mahã bo. Obaanyɛ hu obafo jara yɛ Damasko ohã ohe, tamɔ bɔ ni mitsɛ bafee yɛ Samaria lɛ.” Ahab dãi sɛɛ ekɛɛ, “Mi hu miidãmɔ kpãŋmɔ nɛɛ nɔ miiŋmɛɛ ohe.” Amɛkpãŋ yɛ jɛi, kɛkɛ ni Ahab jie Ben-Hadad gbɛ.

Ezra 10:3

No hewɔ lɛ, agbɛnɛ nyɛhãa wɔkɛ wɔNyɔŋmɔ lɛ akpãŋa, koni wɔshwie yei lɛ kɛ bii lɛ hu yɛ minuŋtsɔ kɛ mɛi ni sheɔ wɔNyɔŋmɔ lɛ kitã lɛ gbeyei lɛ aŋaawoo naa, koni wɔye mla lɛ nɔ.

Lalai 106:34

Amɛkpãtãaa jeŋbii lɛ ahiɛ tamɔ bɔ ni Yehowa fã amɛ lɛ,

2 Mose 22:20

“Mɔ fɛɛ mɔ ni aaashi Yehowa sɛɛ ni eeeyashã afɔle ehã nyɔŋmɔ kroko ko yɛ Yehowa sɛɛ lɛ akpãtã ehiɛ butubutu.

4 Mose 21:2

Kɛkɛ ni Israelbii lɛ wo Yehowa shi, ni amɛkɛɛ lɛ akɛ; “Kɛji ooohã wɔye gbɔmɛi nɛɛ anɔ kunim lɛ, no lɛ wɔbaakpãtã amɛmaji lɛ ahiɛ butubutu.”

4 Mose 31:17

No hewɔ lɛ, nyɛgbea gbekɛbii lɛ ateŋ nuu fɛɛ nuu, ni nyɛgbea yei lɛ ateŋ yoo fɛɛ yoo ni le nuu hu;

4 Mose 33:52

nyɛshwiea shikpɔŋ lɛ nɔ bii lɛ fɛɛ yɛ nɔ; ni nyɛkpãtãa amɛtɛ shiui lɛ fɛɛ kɛ amɛmãgãi ni ashwie lɛ hu fɛɛ ahiɛ; asaŋ nyɛfitea hei ni amɛjaa amɛwɔji lɛ yɛ lɛ fɛɛ hu.

5 Mose 13:8

kaakpɛlɛ̃, ni kaabo lɛ toi hu, kaana lɛ mɔbɔ, okabaa eyi, ni okatee enɔ hu,

5 Mose 13:9

shi moŋ ogbe lɛ. Bo tsutsu otswa lɛ tɛ, ni no sɛɛ lɛ maŋ muu lɛ fɛɛ atswia lɛ tɛi.

5 Mose 19:13

Akana lɛ mɔbɔ kɔkɔɔkɔ. Ajie mɔ ni eye bem lɛ lá yi sɔ̃ kɛje Israel nɔ, koni ahi ahã nyɛ.

5 Mose 2:33

Yehowa, wɔNyɔŋmɔ lɛ, jɔɔ Maŋtsɛ Sihon nɔ ehã wɔ, ni wɔgbe lɛ kɛ ebihii lɛ kɛ etabilɔi lɛ fɛɛ.

5 Mose 2:34

Wɔŋɔ emaji fɛɛ nakai be lɛ mli nɔŋŋ, ni wɔkpãtã maŋ fɛɛ maŋ kɛ hii kɛ yei kɛ gbekɛbii fɛɛ ahiɛ; wɔshwɛɛɛ gbɔmɔ hiɛkãalɔ kome nɛkɛ.

5 Mose 23:14

Yehowa, nyɛ Nyɔŋmɔ lɛ, kɛ nyɛ yɛ jɛi bɔ ni afee ni ebu nyɛhe, ni asaŋ ehã nyɛye nyɛhenyɛlɔi lɛ anɔ kunim. No hewɔ lɛ, muji nɔ ko akahi shitoohe lɛ mli koni ehã Yehowa kpa yɛ nyɛsɛɛ.”

5 Mose 25:12

afo yoo nɛɛ nine lɛ; akana yoo lɛ mɔbɔ ko kwraa.

5 Mose 3:3

“No hewɔ lɛ, Yehowa, wɔNyɔŋmɔ lɛ, hã wɔye Bashan Maŋtsɛ Og hu kɛ etabilɔi lɛ fɛɛ anɔ kunim, ni wɔgbe amɛ kɛyashi eshwɛɛɛ gbɔmɔ hiɛkãalɔ kome nɛkɛ.

5 Mose 31:5

Yehowa aaatu amɛ awo nyɛdɛŋ; ni nyɛfee amɛ bɔ ni mitsɔ̃ɔ nyɛ akɛ nyɛfee amɛ lɛ pɛpɛɛpɛ.

5 Mose 33:27

Naanɔ Nyɔŋmɔ lɛ ji obobaahe, ni enaanɔ niji lɛ hiɛ omli. Eshwie henyɛlɔi lɛ kɛje ohiɛ, ni ekɛɛ bo akɛ, ‘Kpãtãmɔ amɛhiɛ’.

5 Mose 7:16

Maji fɛɛ ni Yehowa, nyɛNyɔŋmɔ lɛ, aaatu awo nyɛdɛŋ lɛ, nyɛkpãtãa amɛhiɛ ni mɔbɔnalɛ bɛ mli; ni nyɛkajaa amɛnyɔŋmɔi lɛ, ejaakɛ no baahã nyɛdu tsɔne.

5 Mose 9:3

Shi moŋ nyɛnaa nyɛlea ŋmɛnɛ gbi nɛɛ akɛ mɔ ni nyiɛ nyɛhiɛ kɛyaa lɛ etamɔ la grigri ni kpãtãa nii ahiɛ. Lɛ ji Yehowa, nyɛNyɔŋmɔ lɛ. Ebaaye amɛnɔ, ni ebaajɔɔ amɛhe yɛ nyɛhiɛ koni nyɛshwie amɛ yɛ shikpɔŋ lɛ nɔ, ni nyɛkpãtã amɛhiɛ oya tamɔ bɔ ni lɛ Yehowa ewo nyɛ shi eto momo lɛ.

Yoshua 10:28

Nakai gbi lɛ nɔŋŋ lɛ Yoshua yatua Makeda maŋ lɛ, ni egbe emaŋtsɛ lɛ kɛ maŋ lɛ mli bii fɛɛ; eshwɛɛɛ gbɔmɔ hiɛkãalɔ kome nɛkɛ. Efee Makeda maŋtsɛ lɛ bɔ ni efee Yeriko maŋtsɛ lɛ.

Yoshua 10:30

Yehowa jɔɔ Libna kɛ emaŋtsɛ lɛ fɛɛ nɔ ehã Yoshua, ni eye amɛnɔ kunim. Yoshua kɛ klante kpãtã gbɔmɛi fɛɛ ni yɔɔ Libna lɛ ahiɛ. Efee Libna maŋtsɛ lɛ bɔ ni efee Yeriko maŋtsɛ lɛ.

Yoshua 10:32

Yehowa jɔɔ Lakish nɔ ehã Yoshua, ni gbi ni ji enyɔ lɛ nɔ lɛ eye nɔ kunim, ni Yoshua shɔ̃ maŋ lɛ. Ekɛ klante kpãtã maŋ lɛ kɛ emli gbɔmɛi lɛ fɛɛ ahiɛ tamɔ bɔ ni efee Libna lɛ.

Yoshua 10:40

No hewɔ lɛ, Yoshua ye shikpɔŋ tso muu lɛ fɛɛ nɔ kunim: kɛjɛ gɔji lɛ anɔ kɛmɔ wuoyigbɛ shikpɔŋ lɛ, kɛbote jɔi lɛ amli aahu kɛyashwie ŋmeŋmei lɛ anɔ fɛɛ. Yoshua ye maji lɛ kɛ amɛmli maŋtsɛmɛi lɛ fɛɛ anɔ kunim bɔ ni eshwɛɛɛ nɔ ko nɔ ko hiɛkãalɔ; ekpãtã nɔ fɛɛ nɔ hiɛ butuu tamɔ bɔ ni Yehowa ni ji Israel Nyɔŋmɔ lɛ efã lɛ.

Yoshua 10:42

Ta shi kome ni Yoshua fã lɛ, ekɛye shikpɔji nɛɛ kɛ amɛmaŋtsɛmɛi lɛ fɛɛ anɔ kunim ejaakɛ Yehowa, Israel Nyɔŋmɔ lɛ, ji mɔ ni wu tai lɛ ehã Israelbii lɛ.

Yoshua 11:8

Yehowa jɔɔ henyɛlɔi lɛ anɔ ehã Israelbii lɛ, ni amɛye amɛnɔ kunim. Israelbii lɛ gbe amɛ, ni asaŋ amɛtiu amɛ kɛtee Sidon kɛ Misrefot Maim tɔ̃ɔ. Yɛ bokãgbɛ lɛ Israelbii lɛ tiu henyɛlɔi lɛ kɛyashɛ Mizpa Jɔɔ lɛ mli tɔ̃ɔ, ni amɛgbe amɛ kɛyashi eshwɛɛɛ gbɔmɔ hiɛkãalɔ kome nɛkɛ.

Yoshua 2:14

Hii lɛ wo Rahab shi amɛkɛɛ, “Wɔwala lɛ owala ni. Kɛji nyɛjieee wɔ shi lɛ, no lɛ kɛji Yehowa kɛ shikpɔŋ lɛ hã wɔ lɛ, wɔkɛ bo aaaye yɛ mɔbɔnalɛ kɛ anɔkwale naa.”

Yoshua 21:44

Yehowa hã amɛna hejɔlɛ yɛ shikpɔŋ lɛ nɔ he fɛɛ he tamɔ bɔ ni ewo amɛtsɛmɛi lɛ shi lɛ pɛpɛɛpɛ. Amɛhenyɛlɔi lɛ ateŋ mɔ ko mɔ ko kwraa nyɛɛɛ amɛhiɛ adamɔ, ejaakɛ Yehowa hã amɛye amɛhenyɛlɔi lɛ fɛɛ anɔ kunim.

Yoshua 8:24

Be ni Israelbii lɛ egbe Aibii lɛ fɛɛ yɛ ŋã lɛ nɔ he ni Aibii lɛ nyiɛ amɛsɛɛ kɛtee lɛ, (no ji amɛhã Aibii fɛɛ nyɔnyɔi yɛ klante naa) amɛku amɛsɛɛ kɛba Ai maŋ lɛ mli; ni amɛbagbe mɔ fɛɛ mɔ hu ni yɔɔ jɛi.

Yoshua 9:24

Gibeonbii lɛ to he amɛhã Yoshua akɛ, “Agba otsuji bɔ ni Yehowa, oNyɔŋmɔ lɛ, wo etsulɔ Mose shi akɛ ekɛ shikpɔŋ muu lɛ fɛɛ baahã nyɛ, ni ebaakpãtã shikpɔŋ lɛ nɔ bii lɛ fɛɛ ahiɛ ehã nyɛ. Sane nɛɛ hã wɔshe gbeyei; ni no hã wɔye nɛkɛ sane nɛɛ.

Yoshua 9:7

Israel hii lɛ kɛɛ Gibeonbii ni eba amɛŋɔ̃ɔ lɛ akɛ, “Akakwɛ ni wɔmasɛi nɛɛ nɔŋŋ nyɛyɔɔ. Kɛji nakai ni lɛ, te feɔ tɛŋŋ ni wɔ kɛ nyɛ kpãŋɔ, ni wɔfeɔ ekome lɛ.”

Kojolɔi 1:24

Saralɔi lɛ na nuu ko ni jɛ maŋ lɛ mli miiba, ni amɛkɛɛ lɛ akɛ, “Ofainɛ, tsɔ̃ɔmɔ wɔ gbɛ ni akɛboteɔ maŋ lɛ mli, ni wɔkɛ bo baaye yɛ mlijɔlɛ naa.”

Kojolɔi 1:4

Yuda kɛ Simeon fã kɛtee. Yehowa hã amɛye Kanaanbii kɛ Perizbii lɛ anɔ kunim, ni amɛye mɛi akpei nyɔŋma anɔ kunim yɛ Bezek.

Kojolɔi 2:2

ni nyɛ hu nyɛ kɛ shikpɔŋ nɛɛ nɔ bii lɛ akakpãŋa kpãŋmɔ ko; amɛfɔleshãa latɛi lɛ nyɛkumɔa.’ Shi nyɛbooo mifãmɔ lɛ toi. Mɛni nyɛfee nɛɛ?