5 Mose 7:13 - ŊMALƐ KRƆŊKRƆŊ LƐ

¹³ Ebaasumɔ nyɛ, ni ebaajɔɔ nyɛ, ni ebaahã nyɛyi afa. Ebaajɔɔ nyɛmusuŋbii hu kɛ nyɛŋmɔshi nibaanii bɔ ni nyɛbele kɛ nyɛwaintsei kɛ mu kɛ nyɛtsinai kɛ nyɛtoi baashwere yɛ shikpɔŋ lɛ ni ewo nyɛtsɛmɛi lɛ shi yɛ he akɛ ekɛbaahã nyɛ lɛ nɔ.

Ṅmãle̱ Kroṅkroṅ Le̱

¹³ ni eesumo̱o ni eedšō̱o ni eehã oyi afá, ni eedšō̱ omũsũṅbii ke̱ ošikpoṅ le̱ no̱ nibānii ke̱ oble ke̱ owein ke̱ omũ ke̱ otšinai abii ke̱ otōi abii ye̱ šikpoṅ ní ekã otše̱mei le̱ akitã ake̱ eke̱-bahão le̱ no̱.

5 Mose 7:13 ပူးပေါင်းရင်းမြစ်များ

Nehemia 9:32

“WɔNyɔŋmɔ, oje agbo! Ohe wa, ohe yɛ gbeyei, ni onaa mɔbɔ; kɛji okɛ mɔ ko kpãŋ ni owo shi lɛ, oyeɔ nɔ. Kɛjɛ Asiria maŋtsɛmɛi lɛ ayinɔ kɛbashi ŋmɛnɛ lɛ, kaahã amanehulu ni ba wɔ kɛ wɔmaŋtsɛmɛi kɛ wɔnukpai kɛ wɔsɔfoi kɛ wɔgbalɔi kɛ wɔtsɛmɛi lɛ kɛ omaŋ lɛ fɛɛ nɔ lɛ, miifee sane bibioo yɛ ohiɛ.

Hiob 1:10

Bɛ ofo afabaŋ okɛbaa lɛ kɛ ewe kɛ nɔ fɛɛ nɔ ni eyɔɔ lɛ yi shweshweeshwe. Ojɔɔ eninenaa nitsumɔ nɔ, ni ekooloi eshwere yɛ shikpɔŋ lɛ nɔ.

Hiob 42:12

Yehowa jɔɔ Hiob yɛ enaagbee wala beiaŋ fe bɔ ni ejɔɔ lɛ tsutsu lɛ. Hiob na gwantɛŋi akpei nyɔŋma kɛ ejwɛ kɛ yoomai akpei ekpaa kɛ tsinai akpei enyɔ kɛ teji yei akpe kome.

Lalai 1:3

Etamɔ tsei ni atɛo yɛ fai atoi, ni woɔ yibii yɛ amɛbe mli, ni amɛbai kpalaaa, ni nɔ fɛɛ nɔ ni efeɔ lɛ shwereɔ.

Lalai 107:38

Ejɔɔ amɛ, ni amɛyi faa naakpa; ehãaa amɛtsinai ayifalɛ nɔ agbɔ.

Lalai 11:7

Ejaakɛ Yehowa lɛ, jalɔ ni, ni esumɔɔ jalɛ saneyeli; mɔ ni ja aaana ehiɛ.

Lalai 127:3

Naa, Yehowa gboshinii ni ehãa ji bii; nikeenii kpele ji musuŋbii.

Lalai 146:8

Yehowa gbeleɔ shwilafoi ahiŋmɛii; Yehowa holeɔ mɛi ni edɔrɔ kɔmɔɔ lɛ anɔ; Yehowa sumɔɔ jalɔi.

2 Mose 23:25

Kɛji nyɛsɔ̃mɔ mi, Yehowa nyɛNyɔŋmɔ lɛ, madro nyɛ niyenii kɛ nu, ni makɔ hela yɛ nyɛteŋ mashɛ mafɔ̃ kwraa.

Abe̱i 10:22

Yehowa jɔɔmɔ lɛ, no feɔ mɔ niiatsɛ; shi odeŋmegbomɔ nyɛŋ ekɛ nɔ ko afata he.

Abe̱i 15:9

Mɔ fɔŋ jeŋba lɛ, Yehowa miihi; shi mɔ ni tiuɔ jalɛ sɛɛ lɛ, esumɔɔ lɛ.

3 Mose 26:9

Madro nyɛ, ni mahã nyɛwo shwiei ni nyɛyi afa; ni maye mi kɛ nyɛ teŋ kpãŋmɔ lɛ nɔ.

Mateo 6:33

Shi nyɛtaoa Nyɔŋmɔ Maŋtsɛyeli lɛ kɛ ejalɛ lɛ tsutsu ni akɛ nii nɛɛ fɛɛ aaafata he ahã nyɛ.

Yohane 14:21

Mɔ ni ŋɔɔ mikitãi lɛ ni eyeɔ nɔ lɛ, lɛ ji mɔ ni sumɔɔ mi; ni mɔ ni sumɔɔ mi lɛ, miTsɛ aaasumɔ lɛ, ni mi hu masumɔ lɛ, ni majie mihe shi matsɔ̃ɔ lɛ.”

Yohane 15:10

Kɛji nyɛye mikitãi lɛ anɔ lɛ, nyɛaahi misuɔmɔ lɛ mli, tamɔ bɔ ni miye miTsɛ kitãi lɛ anɔ ni mihiɔ esuɔmɔ lɛ mli lɛ.

Yohane 16:27

ejaakɛ Tsɛ lɛ diɛŋtsɛ miisumɔ nyɛ, akɛni nyɛsumɔ mi, ni nyɛhe nyɛye akɛ Nyɔŋmɔ ŋɔɔ mijɛ lɛ.

5 Mose 1:8

Shikpɔŋ lɛ mikɛfɔ̃ nyɛhiɛ nɛɛ. Nyɛyaa ni nyɛyaŋɔa! Yehowa wo nyɛtsɛmɛi Abraham kɛ Isak kɛ Yakob shi yɛ he akɛ ekɛbaahã amɛ kɛ amɛshwiei.’ ”

5 Mose 13:17

Nyɛkaŋɔa musunii lɛ eko kwraa nyɛtoa nyɛhãa nyɛhe bɔ ni afee ni Yehowa afo emlifu ni naa wa lɛ sɛɛ. Eeena nyɛ mɔbɔ, ni emusuŋ aaatsɔ̃ lɛ yɛ nyɛhe, ni eeehã nyɛyi afa tamɔ bɔ ni ewo nyɛtsɛmɛi lɛ shi lɛ,

5 Mose 28:1

“Kɛji ooobo Yehowa, oNyɔŋmɔ lɛ, toi, ni ooojwɛŋ nɔ, ni oooye kitãi fɛɛ ni miwoɔ bo ŋmɛnɛ nɛɛ nɔ pɛpɛɛpɛ lɛ, no lɛ Yehowa, oNyɔŋmɔ lɛ, baawo onɔ gojoo fe shikpɔŋ lɛ nɔ maji fɛɛ.

5 Mose 28:11

Yehowa baahã oshwere babaoo. Omusuŋ bii kɛ okooloi abii kɛ oŋmɔshi nibaanii fɛɛ aaashwere yɛ shikpɔŋ lɛ ni ewo otsɛmɛi lɛ he shi akɛ ekɛbaahã bo lɛ nɔ.

5 Mose 30:5

Yehowa, nyɛNyɔŋmɔ lɛ, kɛ nyɛ aaaba nyɛtsɛmɛi lɛ ashikpɔŋ lɛ nɔ koni nyɛbaŋɔ. Yehowa aaahã nyɛshwere, ni nyɛyi aaafa hu fe nyɛtsɛmɛi lɛ.

5 Mose 7:7

Jeee fa ni nyɛyi fa fe maji fɛɛ hewɔ ni Yehowa sumɔ nyɛ, ni eŋɔ nyɛ akɛ ewebii lɛ; ejaakɛ nyɛ moŋ po ji mɛi komɛi ni nyɛyi faaa kwraa yɛ maji fɛɛ ateŋ.