5 Mose 7:12 - ŊMALƐ KRƆŊKRƆŊ LƐ

¹² “Kɛji nyɛbo nɛkɛ mlai nɛɛ toi, ni nyɛye nɔ lɛ, no lɛ Yehowa, nyɛNyɔŋmɔ lɛ, baaye kpãŋmɔ ni ekɛ nyɛ ekpãŋ lɛ nɔ, ni ebaasumɔ nyɛ kɛ suɔmɔ ni tsakeee tamɔ bɔ ni ewo nyɛtsɛmɛi lɛ shi eto lɛ.

Ṅmãle̱ Kroṅkroṅ Le̱

¹² Ni ke̱dši nyebo ne̱ke̱ mlai ne̱ atoi, ni nyeye no̱ ni nyeſe le̱, no le̱ Iehowa, o-Nyoṅmo̱ le̱, aaye ekpãṅmo̱ ní eke̱o kpãṅ le̱ ke̱ emo̱bo̱nale̱ ní eka otše̱mei le̱ akitã ye̱ he le̱ no̱, 2 Mose 23,22-31.

5 Mose 7:12 ပူးပေါင်းရင်းမြစ်များ

1 Maŋtsɛmɛi 8:23

ni ekɛɛ, “Yehowa, Israel Nyɔŋmɔ! Nyɔŋmɔ ko bɛ ŋwɛi yɛ yiteŋ gbɛ loo shikpɔŋ lɛ nɔ yɛ shishigbɛ ni tamɔ bo, ni otoɔ kpãŋmɔ kɛ mɔbɔnalɛ ohãa otsuji ni boɔ bo toi kɛ amɛtsui fɛɛ lɛ.

Nehemia 1:5

ni mikɛɛ, ‘Oo Yehowa, Naa Nyɔŋmɔ ni yɔɔ ŋwɛi, ni oda ni ohe yɔɔ gbeyei! Okɛ osuɔmɔ ni tsakeee yeɔ kpãŋmɔ ni okɛ mɛi ni sumɔɔ bo, ni amɛyeɔ okitãi lɛ anɔ lɛ kpãŋɔ lɛ nɔ, ni okɛtsɔ̃ɔ akɛ anɔkwafo ji bo.

Nehemia 9:32

“WɔNyɔŋmɔ, oje agbo! Ohe wa, ohe yɛ gbeyei, ni onaa mɔbɔ; kɛji okɛ mɔ ko kpãŋ ni owo shi lɛ, oyeɔ nɔ. Kɛjɛ Asiria maŋtsɛmɛi lɛ ayinɔ kɛbashi ŋmɛnɛ lɛ, kaahã amanehulu ni ba wɔ kɛ wɔmaŋtsɛmɛi kɛ wɔnukpai kɛ wɔsɔfoi kɛ wɔgbalɔi kɛ wɔtsɛmɛi lɛ kɛ omaŋ lɛ fɛɛ nɔ lɛ, miifee sane bibioo yɛ ohiɛ.

Lalai 103:18

Eyɛ hã mɛi ni toɔ ekpãŋmɔ lɛ, ni amɛkaiɔ ekitãi lɛ ni amɛyeɔ nɔ lɛ.

Lalai 149:9

koni amɛkɛ toigbalamɔ ni aŋma ato agbala amɛtoi. Enɛ ji anunyam hã emɛi krɔŋkrɔŋi lɛ fɛɛ. Nyɛjiea Yehowa yi!

2 Mose 15:26

ni ekɛɛ, “Kɛji nyɛaaye Yehowa, ni ji nyɛNyɔŋmɔ lɛ, gbee nɔ kadikadi, ni nyɛaafee nɔ ni ja gbɛ yɛ ehiɛ, ni nyɛaaye ekpɔi kɛ kitãi fɛɛ anɔ lɛ, no lɛ helai ni mihã ye Ijiptbii lɛ eko eko yeŋ nyɛ, ejaakɛ mi ji Yehowa, nyɛtsalɔ lɛ.”

Yeremia 11:5

bɔ ni afee ni matsu kitã ni mikã nyɛtsɛmɛi lɛ he nii, no ji akɛ mahã amɛ shikpɔŋ kpakpa ni baa nii koni amɛhi nɔ tamɔ bɔ ni eyɔɔ ŋmɛnɛ nɛɛ lɛ.” Kɛkɛ ni mihere nɔ akɛ, “Yehowa, aba mli nakai.”

Daniel 9:4

Mikpa Yehowa miNyɔŋmɔ lɛ fai, ni mijaje tɔ̃mɔi mikɛɛ, “Ao! Nuŋtsɔ, bo ji Nyɔŋmɔ kpeteŋkple ni he yɔɔ gbeyei ni yeɔ ekpãŋmɔ nɔ, mɔ ni suɔmɔ sɛɛ efooo hã mɛi ni sumɔɔ lɛ, ni amɛyeɔ ekitãi lɛ anɔ lɛ.

Mika 7:20

Obaajie onɔkwayeli kɛ osuɔmɔ ni tsakeee lɛ kpo otsɔ̃ɔ omaŋ lɛ, ni ji Abraham kɛ Yakob shwiei lɛ tamɔ bɔ ni owo wɔtsɛmɛi lɛ ashi blema bei lɛ amli beebe lɛ.

Luka 1:55

tamɔ bɔ ni ekɛɛ wɔtsɛmɛi lɛ, ni yɔɔ hã Abraham kɛ eshwiei lɛ kɛya naanɔ.”

5 Mose 1:8

Shikpɔŋ lɛ mikɛfɔ̃ nyɛhiɛ nɛɛ. Nyɛyaa ni nyɛyaŋɔa! Yehowa wo nyɛtsɛmɛi Abraham kɛ Isak kɛ Yakob shi yɛ he akɛ ekɛbaahã amɛ kɛ amɛshwiei.’ ”

5 Mose 11:13

“Kɛji nyɛye kitãi ni miwoɔ nyɛ ŋmɛnɛ nɛɛ akɛ nyɛsumɔ Yehowa, nyɛNyɔŋmɔ lɛ, ni nyɛkɛ nyɛtsui kɛ nyɛnyɛmɔ fɛɛ hu asɔmɔ lɛ lɛ nɔ lɛ,

5 Mose 5:10

Shi mɛi akpei abɔ fɛɛ ni sumɔɔ mi, ni amɛyeɔ mikitãi anɔ lɛ, misumɔɔ amɛ kɛ suɔmɔ ni tsakeee, ni minaa amɛ mɔbɔ hu.’

5 Mose 7:11

No hewɔ lɛ, kitãi kɛ akpɔi kɛ mlai ni miwoɔ nyɛ ŋmɛnɛ gbi nɛɛ lɛ, nyɛkwɛa jogbaŋŋ koni nyɛyea nɔ.”

5 Mose 7:9

No hewɔ lɛ, nyɛnaa nyɛlea akɛ Yehowa, nyɛNyɔŋmɔ lɛ, lɛ ji Nyɔŋmɔ koome lɛ, Nyɔŋmɔ anɔkwafo, mɔ ni yeɔ shi ni ewo nɔ, asaŋ ni esuɔmɔ tsakeee yɛ mɛi ni esumɔɔ ni amɛyeɔ ekitãi anɔ kɛyashiɔ amɛshwiei ni ji akpe lɛ ayinɔ tɔ̃ɔ lɛ.