5 Mose 7:10 - ŊMALƐ KRƆŊKRƆŊ LƐ

¹⁰ Shi mɛi ni nyɛɔ lɛ lɛ, egbalaa amɛtoi, ni amɛnaa kɛ amɛhiŋmɛi; ekɛ mɔ ni nyɛɔ lɛ lɛ toigbalamɔ lɛ eŋmɛɛɛ shi; shi efeɔ, ni mɔ lɛ naa.

Ṅmãle̱ Kroṅkroṅ Le̱

¹⁰ ni ewoo̱ mei ní nye̱o̱le̱ le̱ hũ nyōmo̱ ye̱ ame̱hĩe, ni ekpãtãa ame̱hĩe; etše̱e̱ ke̱ moni nye̱o̱le̱ le̱ nyõmo̱wo ye̱ ehĩe.

5 Mose 7:10 ပူးပေါင်းရင်းမြစ်များ

2 Mose 20:5

“Kaaja amɛ, ni kaasɔ̃mɔ amɛ hu, ejaakɛ mi Yehowa, oNyɔŋmɔ lɛ, Nyɔŋmɔ ni yeɔ awuŋã ji mi, ni miwoɔ tsɛmɛi kɛ bii anyɔmɔ yɛ tsɛmɛi lɛ atɔ̃mɔi ahewɔ kɛyashiɔ yinɔ ni ji etɛ̃ kɛ yinɔ ni ji ejwɛ tete ni nyɛɔ mi lɛ nɔ.

2 Mose 34:7

mɔ ni yɔɔ suɔmɔ hã mɛi akpei abɔ, ni ekɛ tɔ̃mɔ kɛ esha faa, shi ehãaa tɔ̃lɔ ko aye ehe tswaa, ni ewoɔ bii nyɔmɔ yɛ amɛtsɛmɛi lɛ anajiaŋ yɛ tsɛmɛi lɛ atɔ̃mɔi ahewɔ kɛyashiɔ yinɔ ni ji etɛ̃ kɛ yinɔ ni ji ejwɛ lɛ nɔ lɛ.”

Abe̱i 11:31

Kɛji jalɔ lɛ enaa enyɔmɔwoo yɛ je nɛɛ mli lɛ, mɔ fɔŋ kɛ eshafeelɔ lɛ te amɛnyɔmɔwoo aaatamɔ tɛŋŋ?

Yesaia 59:18

Bɔ ni amɛfee lɛ, nakai nɔŋŋ ebaafee amɛ eto najiaŋ. Emli aaawo la awo mɛi ni kɛ lɛ ena lɛ, ni eeewo henyɛlɔi lɛ anyɔmɔ pɛpɛɛpɛ kɛyanina ŋshɔnaa maji lɛ tɔ̃ɔ.

Yeremia 32:18

Osuɔmɔ lɛ sɛɛ efooo hã mɛi akpeiakpei abɔ; shi okɛ tsɛmɛi anishaianii lɛ ahe toigbalamɔ hãa amɛbii ni baa yɛ amɛsɛɛ. Ao! Nyɔŋmɔ hewalɔ kpele, bo ni ogbɛi ji Yehowa Taiatsɛ,

Nahum 1:2

Yehowa lɛ Nyɔŋmɔ ni yeɔ awuŋã ni, ni asaŋ etɔɔ owele. Oweletɔlɔ ji Yehowa, ni emlifu naa wa. Yehowa tɔɔ owele yɛ mɛi ni kɛ lɛ tswaa anɔ, ni ekɛ emlifu shakãa ehenyɛlɔi anɔ.

4 Mose 10:35

Kɛji eshɛ be ni Kpãŋmɔ Adeka lɛ baafã nyiɛmɔ lɛ, Mose kɛɔ akɛ, “Wo ohe nɔ, Yehowa, koni ohenyɛlɔi lɛ agbɛ ashwã, koni mɛi ni teɔ shi woɔ bo lɛ ajo foi yɛ ohiɛ.”

4 Mose 14:18

‘Mi, Yehowa, mimli fuuu mra, ni mimɔbɔnalɛ hu fa; ni mikɛ tɔ̃mɔ kɛ efɔŋfeemɔ faa; shi kɛ̃lɛ mihãaa tɔ̃lɔ aŋɔ ehe aye, ni miwoɔ bii anyɔmɔ yɛ tsɛmɛi atɔ̃mɔi ahewɔ kɛyashiɔ yinɔ ni ji etɛ̃ kɛ yinɔ ni ji ejwɛ tete nɔ.’

Romabii 12:19

Suɔlɔi, nyɛkatɔa nyɛ diɛŋtsɛ nyɛhe owele, shi moŋ nyɛŋmɛa Nyɔŋmɔ mlifu lɛ gbɛ; ejaakɛ aŋma akɛ, “Minɔ ji oweletɔɔ, mi mato najiaŋ, Nuŋtsɔ lɛ kɛɛ.”

5 Mose 32:25

Klante aaanu lá yɛ blohui amli, ni piai amli baafee gbeyei. Ebaakpãtã oblanyo kɛ oblayoo kɛ bi fufɔoo kɛ wajiatsɛ fɛɛ hiɛ.

5 Mose 32:35

Oweletɔɔ kɛ toigbalamɔ lɛ, mi minɔ ni; amɛhiɛkpãtãmɔ be lɛ ebɛŋkɛ, nɔ ni baaba amɛnɔ lɛ miiba shwiaa.

5 Mose 32:41

kɛji mijɔ miklante lɛ naa, ni ekpɛ kaŋkaŋ ni miwo jalɛ saneyeli nɔ lɛ, mibatɔ mihe owele yɛ mihenyɛlɔi anɔ, ni mibagbala mɛi ni nyɛɔ mi lɛ toi.

5 Mose 5:9

Kaaja nibii nɛɛ, ni kaasɔ̃mɔ amɛ hu, ejaakɛ mi Yehowa, oNyɔŋmɔ lɛ, Nyɔŋmɔ ni yeɔ awuŋã ji mi; ni miwoɔ tsɛmɛi kɛ bii nyɔmɔ yɛ tsɛmɛi lɛ atɔ̃mɔi lɛ ahewɔ, kɛyashiɔ yinɔ ni ji etɛ̃ kɛ yinɔ ni ji ejwɛ tete ni nyɛɔ mi lɛ nɔ.

5 Mose 7:11

No hewɔ lɛ, kitãi kɛ akpɔi kɛ mlai ni miwoɔ nyɛ ŋmɛnɛ gbi nɛɛ lɛ, nyɛkwɛa jogbaŋŋ koni nyɛyea nɔ.”

5 Mose 7:9

No hewɔ lɛ, nyɛnaa nyɛlea akɛ Yehowa, nyɛNyɔŋmɔ lɛ, lɛ ji Nyɔŋmɔ koome lɛ, Nyɔŋmɔ anɔkwafo, mɔ ni yeɔ shi ni ewo nɔ, asaŋ ni esuɔmɔ tsakeee yɛ mɛi ni esumɔɔ ni amɛyeɔ ekitãi anɔ kɛyashiɔ amɛshwiei ni ji akpe lɛ ayinɔ tɔ̃ɔ lɛ.