5 Mose 7:1 - ŊMALƐ KRƆŊKRƆŊ LƐ

¹ “Yehowa, nyɛNyɔŋmɔ lɛ, kɛ nyɛ baaya ayashɛ shikpɔŋ ni nyɛyaa nyɛyaŋɔ lɛ nɔ. Ebaashwie maji kpawo ni dara, asaŋ ni amɛhe wa fe nyɛ kɛje nyɛhiɛ. Maji nɛɛ ji Hitbii lɛ kɛ Girgashbii lɛ kɛ Amorbii lɛ kɛ Kanaanbii lɛ kɛ Perizbii lɛ kɛ Hivbii lɛ kɛ Yebusbii amaji lɛ.

Ṅmãle̱ Kroṅkroṅ Le̱

¹ Ke̱ Iehowa, o-Nyoṅmo̱ le̱, ke̱o yaše̱ šikpoṅ ní oyaä *oyaṅõ le̱ no̱, ni efãmo̱ dšeṅmãdši babaō ye̱ ohĩe, Hitbii ke̱ Girgašbii ke̱ Amorbii ke̱ Kanaanbii ke̱ Perizbii ke̱ Hivbii ke̱ Iebusbii, dšeṅmãdši kpawo ní dăra ni ame̱he wa feo le̱; *31,3.

5 Mose 7:1 ပူးပေါင်းရင်းမြစ်များ

1 Maŋtsɛmɛi 16:31

Akɛni eshai ni Nebat bi Yeroboam fee lɛ jeee fɛifɛi yɛ Ahab hiɛ hewɔ lɛ, etee nɔ, ni eyaŋɔ Sidonbii amaŋtsɛ Etbaal biyoo Yezebel lɛ akɛ ŋa. No hewɔ lɛ, Ahab tee ni eyaja, ni esɔ̃mɔ Baal.

1 Kronika 1:14

Kanaan nɔŋŋ shwiei ji Yebusbii lɛ kɛ Amorbii lɛ kɛ Girgashbii lɛ,

2 Kronika 8:7

Hitbii kɛ Amorbii kɛ Perizbii kɛ Hivbii kɛ Yebusbii lɛ ateŋ mɛi fɛɛ ni shwɛ yɛ Kanaan shikpɔŋ lɛ nɔ, ni jeee Israelbii ji amɛ lɛ,

Ezra 9:1

Enɛɛmɛi asɛɛ lɛ, onukpai lɛ ba miŋɔɔ amɛbakɛɛ mi akɛ, Israel maŋbii lɛ kɛ osɔfoi lɛ kɛ Levibii lɛ tseko amɛhe yɛ shikpɔji lɛ anɔ bii lɛ ahe, yɛ nii ni amɛfeɔ ni Yudafoi hiɔ lɛ agbɛfaŋ. Nii nɛɛ ji nii ni Kanaanbii kɛ Hitbii kɛ Perizbii kɛ Yebusbii kɛ Amonbii kɛ Moabbii kɛ Ijiptbii kɛ Amorbii lɛ feɔ lɛ.

Nehemia 13:23

Nakai bei lɛ amli lɛ mina akɛ Yudafoi pii eŋɔ Ashdodyei kɛ Amonyei kɛ Moabyei.

Lalai 78:55

Eshwie majimaji lɛ yɛ amɛhiɛ, ni eja shikpɔŋ lɛ ehã amɛ akɛ amɛgbɛfaŋnii, ni ehã Israel akutsei lɛ hi nɔ akɛ amɛshihilɛhe.

2 Mose 15:7

Ogbojee lɛ naa sɔŋŋ lɛ, obutu mɛi ni te shi wo bo lɛ. Omlila lɛ gri wo amɛ, ni eshã amɛ tamɔ la shãa gbetseli.

2 Mose 23:28

Matsu sosomootii kɛaatsɔ̃ nyɛhiɛ. Mashwie Hivbii lɛ kɛ Kanaanbii lɛ kɛ Hitbii lɛ yɛ nyɛhiɛ.

2 Mose 23:32

Amɛ gbɔmɛi lɛ jio, amɛnyɔŋmɔi lɛ jio, nyɛkɛ amɛ akakpãŋa kpãŋmɔ ko.

2 Mose 23:33

Nyɛkahãa amɛhia shikpɔŋ lɛ nɔ ni amɛmiihã nyɛfee esha nyɛshi mi. Ejaakɛ kɛji nyɛsɔ̃mɔ amɛnyɔŋmɔi lɛ, bɔ fɛɛ bɔ ni fee lɛ eeetsɔ̃ tsɔne ehã nyɛ.”

2 Mose 33:2

Mibatsu mibɔfo kɛnyiɛ ohiɛ, ni mashwie Kanaanbii lɛ kɛ Amorbii lɛ kɛ Hitbii lɛ kɛ Yebusbii kɛ Perizbii lɛ kɛ Hivbii lɛ yɛ nyɛhiɛ.

2 Mose 6:8

Mikɛ nyɛ aaatee shikpɔŋ lɛ ni mikã he kitã akɛ mikɛbaahã Abraham kɛ Isak kɛ Yakob lɛ nɔ. Mi ji Yehowa.’ ”

3 Mose 14:34

Kɛ nyɛshɛ Kanaan shikpɔŋ lɛ ni mi diɛŋtsɛ mikɛhã nyɛ ni nyɛye nɔ lɛ nɔ, ni mihã kpiti shwie shĩa ko he yɛ nyɛshikpɔŋ lɛ nɔ lɛ,

4 Mose 13:29

Amalekbii lɛ yɛ shikpɔŋ lɛ wuoyigbɛ, ni Hitbii lɛ kɛ Yebusbii lɛ kɛ Amorbii lɛ yɛ gɔji lɛ anɔ, ni Kanaanbii lɛ kã ŋshɔ lɛ naa kɛ Yordan Faa lɛ hu naa.”

4 Mose 14:31

Ni nyɛbii bibii lɛ ni nyɛkɛɛ akɛ aaaŋɔ amɛ nom lɛ, mibakpala amɛ kɛyashɛ shikpɔŋ lɛ ni nyɛkpoo lɛ nɔ, ni amɛaale jɛi.

Bɔfoi 13:19

ni ekpãtã jeŋmaji kpawo ahiɛ yɛ Kanaan shikpɔŋ lɛ nɔ, ni eja amɛshikpɔŋ lɛ ehã amɛ akɛ amɛnɔ.

5 Mose 11:29

Kɛji Yehowa, nyɛNyɔŋmɔ lɛ, kɛ nyɛ yashɛ shikpɔŋ ni nyɛyaa nyɛyaŋɔ lɛ nɔ lɛ, daamɔ Gerizim Gɔŋ lɛ yiteŋ koni ojaje nɔ ni ji jɔɔmɔ lɛ otsɔ̃ɔ; ni loomɔ lɛ odamɔ Ebal Gɔŋ lɛ yiteŋ ojaje otsɔ̃ɔ.

5 Mose 20:1

“Kɛji nyɛmiiya nyɛkɛ nyɛhenyɛlɔi ayawu ta, ni nyɛna amɛkpɔŋɔi kɛ tawuu shwiilii kɛ tabilɔi babaoo ni ayi fa fe nyɛ lɛ, nyɛkashea gbeyei, ejaakɛ Yehowa, nyɛNyɔŋmɔ lɛ, ni yakpɔ̃ nyɛ yɛ Ijipt shikpɔŋ lɛ nɔ lɛ kɛ nyɛ yɛ.

5 Mose 20:16

“Shi nɛkɛ gbɔmɛi nɛɛ ni Yehowa, nyɛNyɔŋmɔ lɛ, kɛ amɛshikpɔŋ lɛ ehã nyɛ akɛ nyɛnɔ lɛ, nyɛgbea amɛmaji lɛ amli gbɔmɛi fɛɛ.

5 Mose 31:20

Ejaakɛ kɛji mikɛ amɛ yashɛ shikpɔŋ kpakpa ni baa nii lɛ nɔ, nɔ ni mikã amɛtsɛmɛi lɛ kitã yɛ he akɛ mikɛbaahã amɛ lɛ, ni amɛna nii amɛye ni amɛtɔrɔ, ni amɛshwishwii lɛ, amɛbaakpale kɛyanyiɛ nyɔŋmɔi krokomɛi asɛɛ, ni amɛaaya amɛyasɔmɔ amɛ, ni amɛaagbe mihe guɔ moŋ, ni amɛaaku mi kɛ amɛteŋ kpãŋmɔ lɛ mli.

5 Mose 31:3

Yehowa, nyɛNyɔŋmɔ lɛ, diɛŋtsɛ aaanyiɛ nyɛhiɛ kɛfo faa lɛ; ni lɛ nɔŋŋ ebaakpãtã majimaji lɛ ahiɛ yɛ nyɛhiɛ koni nyɛŋɔ. Yɛ Yehowa wiemɔ naa lɛ, Yoshua aaanyiɛ nyɛhiɛ kɛfo Yordan Faa lɛ.

5 Mose 4:38

Eshwie maji wuji ni ahe wa kwraa fe nyɛ yɛ nyɛhiɛ, bɔ ni afee ni ekɛ nyɛ aba ni eŋɔ amɛshikpɔŋ lɛ ehã nyɛ akɛ nyɛnɔ tamɔ bɔ ni eba mli ŋmɛnɛ nɛɛ lɛ.

5 Mose 6:1

“Agbɛnɛ kitãi lɛ kɛ akpɔi lɛ kɛ mlai lɛ ni Yehowa, nyɛNyɔŋmɔ lɛ, fã akɛ mitsɔ̃ɔ nyɛ lɛ nɛ, koni nyɛyaye nɔ yɛ shikpɔŋ ni nyɛyaa ni nyɛyaŋɔ lɛ nɔ.

5 Mose 6:10

“Kɛji Yehowa, nyɛNyɔŋmɔ lɛ, kɛ nyɛ yashɛ shikpɔŋ lɛ ni ewo nyɛtsɛmɛi, Abraham kɛ Isak kɛ Yakob, he shi akɛ ekɛbaahã nyɛ lɛ nɔ, shikpɔŋ kɛ enɔ maji wuji fɛɛfɛji ni jeee nyɛ nyɛto;

5 Mose 6:19

kɛtsɔ̃ shwiemɔ ni nyɛbaashwie nyɛhenyɛlɔi fɛɛ yɛ nyɛhiɛ lɛ nɔ tamɔ bɔ ni Yehowa ewo shi lɛ.

5 Mose 6:23

ni ejie wɔ kɛje nakai shikpɔŋ lɛ nɔ, koni ekɛ wɔ aba ni ekɛ shikpɔŋ ni ewo wɔtsɛmɛi lɛ ashi yɛ he lɛ abahã wɔ.

5 Mose 9:1

“Nyɛboa toi, Israelbii! Nyɛbaafo Yordan Faa lɛ ŋmɛnɛ gbi nɛɛ koni nyɛya nyɛyaŋɔ shikpɔji yɛ maji ni dara, ni asaŋ amɛhe wa hu fe nyɛ adɛŋ, shikpɔji kɛ amɛnɔ maji wuji kɛ amɛhe gbogboi ni atswa kɛtee ŋwɛi shɔŋŋ akɛwaje amɛ.

5 Mose 9:3

Shi moŋ nyɛnaa nyɛlea ŋmɛnɛ gbi nɛɛ akɛ mɔ ni nyiɛ nyɛhiɛ kɛyaa lɛ etamɔ la grigri ni kpãtãa nii ahiɛ. Lɛ ji Yehowa, nyɛNyɔŋmɔ lɛ. Ebaaye amɛnɔ, ni ebaajɔɔ amɛhe yɛ nyɛhiɛ koni nyɛshwie amɛ yɛ shikpɔŋ lɛ nɔ, ni nyɛkpãtã amɛhiɛ oya tamɔ bɔ ni lɛ Yehowa ewo nyɛ shi eto momo lɛ.

5 Mose 9:4

“Kɛji Yehowa, nyɛNyɔŋmɔ lɛ, eshwie amɛ kɛje nyɛhiɛ lɛ, nyɛkakɛa yɛ nyɛtsuiŋ akɛ, ‘Ja ni wɔja hewɔ ni Yehowa kɛ wɔ ba koni wɔbaŋɔ shikpɔŋ nɛɛ lɛ.’ Dabida! Ejaakɛ Yehowa baashwie gbɔmɛi nɛɛ kɛje nyɛhiɛ yɛ amɛnifɔɔjianii ni amɛfeɔ lɛ hewɔ.

Yoshua 11:3

Etsu Kanaanbii ni yɔɔ Yordan Faa lɛ bokãgbɛ kɛ anaigbɛ hu lɛ fɛɛ kɛ Amorbii lɛ kɛ Hitbii lɛ kɛ Perizbii lɛ kɛ Yebusbii ni yɔɔ gɔji lɛ anɔ lɛ, kɛ Hivbii ni yɔɔ Hermon Gɔŋ lɛ shishi yɛ Mizpa shikpɔŋ lɛ nɔ lɛ hu aŋɔ̃ɔ.

Yoshua 24:11

No sɛɛ ni nyɛfo Yordan lɛ, ni nyɛba Yeriko. Yeriko lumɛi lɛ kɛ nyɛ wu, ni nakai nɔŋŋ Amorbii lɛ kɛ Perizbii lɛ kɛ Kanaanbii lɛ kɛ Hitbii lɛ kɛ Girgashbii lɛ kɛ Hivbii lɛ kɛ Yebusbii lɛ hu kɛ nyɛ wu; shi mihã nyɛye amɛ fɛɛ amɛnɔ kunim.

Yoshua 3:10

Be ni maŋbii lɛ tsi ba lɛ, Yoshua kɛɛ amɛ akɛ, “Enɛ nyɛkɛaale akɛ Nyɔŋmɔ hiɛkãalɔ lɛ yɛ nyɛteŋ, ni akɛ shwiemɔ eeeshwie Kanaanbii lɛ kɛ Hitbii lɛ kɛ Hivbii lɛ kɛ Perizbii lɛ kɛ Girgashbii lɛ kɛ Amorbii lɛ kɛ Yebusbii lɛ kɛaaje nyɛhiɛ.