5 Mose 6:4 - ŊMALƐ KRƆŊKRƆŊ LƐ

⁴ “Bo toi, Israel! Yehowa, wɔNyɔŋmɔ lɛ, lɛ ekoome ji Yehowa.

Ṅmãle̱ Kroṅkroṅ Le̱

⁴ Bo toi, Israel! Iehowa, wo̱-Nyoṅmo̱ le̱, Iehowa kome ni. Mar. 12,29. 1 Kor. 8,4. 6.

5 Mose 6:4 ပူးပေါင်းရင်းမြစ်များ

1 Maŋtsɛmɛi 18:21

Kɛkɛ ni Elia tsi ebɛŋkɛ asafo muu ni ewo shi lɛ, ni ekɛɛ akɛ, “Mɛɛ beyinɔ nɔŋŋ nyɛyiŋ aaafee nyɛ enyɔnyɔɔnyɔ kɛyashi yɛ saji enyɔ nɛɛ ahe? Kɛji Yehowa ji Nyɔŋmɔ lɛ, nyɛjaa lɛ, ni kɛji Baal ji Nyɔŋmɔ lɛ nyɛjaa lɛ.” Shi maŋbii lɛ ateŋ mɔ ko mɔ ko etswaaa esɛŋ.

2 Maŋtsɛmɛi 19:5

Be ni Maŋtsɛ Hezekia tsuji lɛ ba Yesaia ŋɔɔ lɛ, Yesaia kɛɛ amɛ akɛ,

1 Kronika 29:10

Kɛkɛ ni Maŋtsɛ David jie Yehowa yi yɛ asafo muu lɛ fɛɛ hiɛ ekɛɛ akɛ, “Aaajie oyi, Bo Yehowa, ni ji wɔtsɛ Yakob Nyɔŋmɔ lɛ, kɛjɛ naanɔ kɛyashi naanɔ.

2 Kronika 17:9

Amɛhiɛ Yehowa Mla Wolo lɛ, ni amɛkɛkpa Yuda maji blublu amli amɛkɛtsɔ̃ɔ maŋbii lɛ anii.

Nehemia 9:6

“Bo okome too ji Yehowa, Bo obɔ ŋwɛi kɛ ŋwɛii amli ŋwɛi kɛ ŋwɛinii huhai abɔ lɛ fɛɛ. Bo obɔ shikpɔŋ kɛ nɔ fɛɛ nɔ ni yɔɔ nɔ, ŋshɔi kɛ nɔ fɛɛ nɔ ni yɔɔ amɛmli; ni bo nɔŋŋ ohãa amɛ fɛɛ kwa naa wala ni ŋwɛinii babaoo lɛ, bo nɔŋŋ amɛjaa.

Lalai 78:5

Ewo mlai ehã Yakob shwiei kɛ akpɔi ehã Israelbii. Ewo amɛtsɛmɛi lɛ kitã akɛ amɛtsɔ̃ɔ amɛbii mlai nɛɛ;

Lalai 86:10

Ejaakɛ oje agbo, ni ofeɔ naakpɛɛnii. Bo okoome pɛ ji Nyɔŋmɔ.

Yesaia 42:8

“Mi, mi ji Yehowa, migbɛi ji no; mikɛ minunyam haŋ mɔ kroko, ni mikɛ miyijiemɔ haŋ amãgãi.

Yesaia 44:6

Bɔ ni Yehowa, Israel maŋtsɛ, Israel Kpɔlɔ, Yehowa, Taiatsɛ lɛ, kɛɛ nɛ, “Mi ji klɛŋklɛŋ mɔ kɛ naagbee mɔ; kɛjɛ mi, misɛɛ lɛ Nyɔŋmɔ ko Nyɔŋmɔ ko bɛ dɔŋŋ.

Yesaia 44:8

Nyɛhe akakpokpoa ni nyɛkashea gbeyei! Ani jeee blema beebe mijɛ mikɛɛ nyɛ, ni nyɛnu kɛjɛ minaa? Nyɛ ji midasefoi! Ani misɛɛ lɛ Nyɔŋmɔ ko yɛ? Tɛsaa ko bɛ he ko he ko, mileee eko.”

Zakaria 14:9

Nakai gbi lɛ nɔ lɛ aaale lɛ akɛ Yehowa kome kɛ egbɛi hu koome; ejaakɛ lɛ ebaaye shikpɔŋ muu lɛ fɛɛ nɔ maŋtsɛ.

Mateo 22:37

Ni Yesu kɛɛ lɛ akɛ, “Suɔmɔ Nuŋtsɔ oNyɔŋmɔ lɛ kɛ otsui muu lɛ fɛɛ kɛ osusuma muu lɛ fɛɛ kɛ ojwɛŋmɔ muu lɛ fɛɛ.

Luka 10:27

Ni eto he ekɛɛ, “Suɔmɔ Nuŋtsɔ oNyɔŋmɔ lɛ, kɛjɛ otsui fɛɛ kɛ osusuma fɛɛ kɛ onyɛmɔ fɛɛ kɛ ojwɛŋmɔ fɛɛ mli, kɛ onaanyo hu tamɔ bɔ ni osumɔɔ bo diɛŋtsɛ ohe.”

Yohane 10:30

Mi kɛ Tsɛ lɛ fɛɛ lɛ, ekomeŋ.”

Yohane 17:3

Shi enɛ ji naanɔ wala lɛ, akɛ amɛle bo, anɔkwa Nyɔŋmɔ kome lɛ, kɛ Yesu Kristo, mɔ ni otsu lɛ.

Romabii 3:30

akɛni Nyɔŋmɔ lɛ Nyɔŋmɔ kome ni, ni hemɔkɛyeli naa ebuɔ ketiafoo bem, ni esaa edamɔɔ hemɔkɛyeli nɔ ebuɔ foo bem lɛ.

Efesobii 4:6

Nyɔŋmɔ kome, mɛi fɛɛ aTsɛ kome mɔ ni yɔɔ mɛi fɛɛ nɔ ni etsɔ̃ɔ mɛi fɛɛ mli ni eyɔɔ mɛi fɛɛ mli lɛ.

5 Mose 4:39

No hewɔ lɛ, nyɛnaa nyɛlea ŋmɛnɛ, ni nyɛkɛtoa nyɛyiŋ, akɛ Yehowa ji ŋwɛi kɛ shikpɔŋ lɛ fɛɛ Nyɔŋmɔ; lɛ esɛɛ lɛ mɔ ko bɛ dɔŋŋ.

5 Mose 5:6

‘Mi ji Yehowa, oNyɔŋmɔ lɛ, mi mijie bo yɛ nyɔŋyeli mli kɛje Ijipt shikpɔŋ lɛ nɔ lɛ.

1 Timoteo 2:5

Ejaakɛ Nyɔŋmɔ kome yɔɔ, kɛ Nyɔŋmɔ kɛ gbɔmɛi ateŋdamɔlɔ kome hu ni ji gbɔmɔ Kristo Yesu lɛ,

Yakobo 2:19

Bo lɛ oheɔ oyeɔ akɛ Nyɔŋmɔ lɛ mɔ kome ni? Ofee jogbaŋŋ; mumɔi fɔ̃ji hu heɔ yeɔ ni amɛhe kpokpoɔ.