5 Mose 6:3 - ŊMALƐ KRƆŊKRƆŊ LƐ

³ No hewɔ lɛ, Israelbii, nyɛboa toi, ni nyɛjwɛŋa nɔ, ni nyɛyea nɔ koni ahi ahã nyɛ, koni nyɛshwere yɛ shikpɔŋ kpakpa ni baa nii lɛ nɔ tamɔ bɔ ni Yehowa, nyɛtsɛmɛi lɛ aNyɔŋmɔ lɛ, ewo nyɛ shi lɛ.

Ṅmãle̱ Kroṅkroṅ Le̱

³ Nohewo̱ le̱ bo toi, Israel, ni odſẽṅ no̱, ní oye no̱, koni ahĩ ahão, ní nyeyi afá babaō ye̱ šikpoṅ ní hoo̱ fufo̱ ke̱ wò le̱ no̱, take̱ bo̱ni Iehowa, otše̱mei a-Nyoṅmo̱ le̱, ewoö ši le̱.

5 Mose 6:3 ပူးပေါင်းရင်းမြစ်များ

1 Mose 12:2

Mahã otsɔ̃ maŋ kpeteŋkple, ni majɔɔ bo, ni mahã ogbɛi ahehee, ni oootsɔ̃ jɔɔmɔ!

1 Mose 13:16

Mahã oshwiei afa tamɔ shikpɔŋ mlu, ni kɛji mɔ ko aaanyɛ shikpɔŋ mlu akane lɛ, belɛ aaanyɛ oshwiei lɛ hu akane.

1 Mose 15:5

Nyɔŋmɔ kɛ Abram je kpo ni ekɛɛ lɛ akɛ, “Kwɛmɔ ŋwɛi koo, ni okane ŋulamii lɛ akɛ ooonyɛ amɛ okane lo.” Ekɛɛ Abram akɛ, “Bɔ ni oshwiei aaatamɔ nɛ.”

1 Mose 22:17

hewɔ lɛ, jɔɔmɔ majɔɔ bo, ni mahã oshwiei afa tamɔ ŋwɛi ŋulamii kɛ ŋshɔnaa shia. Oshwiei lɛ aaaye amɛhenyɛlɔi anɔ kunim.

1 Mose 26:4

ni maye kitã ni mikã otsɛ Abraham lɛ nɔ. Mibahã oshwiei afa tamɔ bɔ ni mikã otsɛ Abraham kitã lɛ. Mibahã oshwiei afa tamɔ ŋwɛi ŋulamii, ni mibaŋɔ nɛkɛ shikpɔji nɛɛ fɛɛ mahã oshwiei lɛ. Oshwiei lɛ mli aaajɛ ajɔɔ shikpɔŋ lɛ nɔ jeŋ maji lɛ fɛɛ,

1 Mose 28:14

Oshwiei aaafa tamɔ shikpɔŋ mlu, ni ooogbɛ oshwã anai kɛ bokã kɛ kooyi kɛ wuoyi. Bo kɛ oshwiei amli aaajɛ ajɔɔ shikpɔŋ lɛ nɔ akutsei fɛɛ.

Lalai 119:4

Yehowa, okɛ omlai lɛ hã wɔ, ni ofã wɔ akɛ wɔye nɔ pɛpɛɛpɛ.

2 Mose 1:7

Shi amɛshwiei, ni ji Israelbii lɛ, fɔfɔɔ ni amɛshwere babaoo. Amɛyi bafa, ni amɛna hewalɛ naakpa diɛŋtsɛ, ni amɛyi Ijipt shikpɔŋ lɛ nɔ tɔ.

2 Mose 3:17

ni miiwo shi akɛ majie nyɛ kɛje Ijipt amanehulu lɛ mli kɛya Kanaanbii kɛ Hitbii kɛ Amorbii kɛ Perizbii kɛ Hivbii kɛ Yebusbii lɛ ashikpɔŋ kpakpa ni yɔɔ frɔ̃frɔ̃ lɛ nɔ.

2 Mose 3:6

Esaa ekɛɛ akɛ, “Mi ji otsɛmɛi aNyɔŋmɔ lɛ, Abraham Nyɔŋmɔ kɛ Isak Nyɔŋmɔ kɛ Yakob Nyɔŋmɔ lɛ.” Kɛkɛ ni Mose tsĩ ehiɛ, ejaakɛ eeshe gbeyei akɛ eeekwɛ Nyɔŋmɔ.

2 Mose 3:8

Naa, mikpeleke shi miba amɛ jiemɔ yɛ Ijiptbii lɛ adɛŋ, koni makpala amɛ kɛshi Ijipt kɛya shikpɔŋ kpakpa ni da, ni yɔɔ frɔ̃frɔ̃ ni niyenii pii yɔɔ nɔ lɛ nɔ, he ni Kanaanbii kɛ Hitbii kɛ Amorbii kɛ Perizbii kɛ Hivbii kɛ Yebusbii yɔɔ lɛ.

Jajelɔ 8:12

Yɛ mli akɛ eshafeelɔ feɔ esha shii oha, ni ewala sɛɛ tsɛɔ moŋ nɛ, kɛ̃lɛ mile akɛ mɛi fɛɛ ni sheɔ Nyɔŋmɔ gbeyei lɛ ebaahi ehã amɛ, ejaakɛ amɛsheɔ Nyɔŋmɔ gbeyei;

Yesaia 3:10

Kɛɛmɔ jalɔi lɛ akɛ ebaahi ehã amɛ, ejaakɛ amɛbaaye amɛnifeemɔnii lɛ mli yibii.

Yeremia 42:6

Wiemɔ kpakpa ni jio, wiemɔ fɔŋ ni jio, wɔbaabo nɔ ni Yehowa, wɔNyɔŋmɔ lɛ, mɔ ŋɔɔ ni wɔtsuɔ bo lɛ, baakɛɛ toi, bɔ ni afee ni ahi ahã wɔ kɛji wɔbo Yehowa, wɔNyɔŋmɔ, gbee toi.”

Yeremia 7:23

Shi moŋ miwo amɛ kitã akɛ, ‘Nyɛyea migbee nɔ, ni matsɔ̃ nyɛNyɔŋmɔ, ni nyɛ hu nyɛbaatsɔ̃ mimaŋ; nyɛbaa nyɛjeŋ yɛ kitãi ni miwo nyɛ lɛ anaa, bɔ ni afee ni ahi ahã nyɛ.’

Bɔfoi 7:17

“Shi be ni bè ni Nyɔŋmɔ baaye eshi ni ewo Abraham lɛ nɔ lɛ shɛ lɛ, maŋ lɛ shwere, ni amɛyi fa yɛ Ijipt shikpɔŋ lɛ nɔ,

5 Mose 11:9

asaŋ koni nyɛwala sɛɛ atsɛ yɛ shikpɔŋ kpakpa ni baa nii ni Yehowa wo nyɛtsɛmɛi shi akɛ ekɛbaahã amɛ kɛ amɛshwiei lɛ nɔ.

5 Mose 26:15

Jɛɛ oshihilɛhe krɔŋkrɔŋ ni yɔɔ ŋwɛi lɛ, ni okwɛ koni ojɔɔ omaŋ Israel kɛ shikpɔŋ kpakpa ni baa nii ni okɛhã wɔ lɛ, tamɔ bɔ ni okã wɔtsɛmɛi lɛ kitã lɛ.’

5 Mose 26:9

Ni ekɛ wɔ eba biɛ nɛɛ, ni ekɛ nɛkɛ shikpɔŋ nɛɛ hã wɔ, shikpɔŋ ni ewo fɔ ni baa nii babaoo lɛ.

5 Mose 27:3

koni nyɛŋmã nɛkɛ mlai nɛɛ fɛɛ nyɛwo amɛnɔ, ni nyɛkɛya shikpɔŋ kpakpa ni baa nii ni Yehowa, nyɛNyɔŋmɔ lɛ, kɛhãa nyɛ lɛ nɔ tamɔ bɔ ni ewo nyɛtsɛmɛi lɛ shi eto lɛ.

5 Mose 31:20

Ejaakɛ kɛji mikɛ amɛ yashɛ shikpɔŋ kpakpa ni baa nii lɛ nɔ, nɔ ni mikã amɛtsɛmɛi lɛ kitã yɛ he akɛ mikɛbaahã amɛ lɛ, ni amɛna nii amɛye ni amɛtɔrɔ, ni amɛshwishwii lɛ, amɛbaakpale kɛyanyiɛ nyɔŋmɔi krokomɛi asɛɛ, ni amɛaaya amɛyasɔmɔ amɛ, ni amɛaagbe mihe guɔ moŋ, ni amɛaaku mi kɛ amɛteŋ kpãŋmɔ lɛ mli.

5 Mose 4:40

No hewɔ lɛ, nyɛyea Yehowa akpɔi kɛ kitãi ni miwoɔ nyɛ ŋmɛnɛ gbi nɛɛ nɔ, koni ahi ahã nyɛ kɛ nyɛbii ni baa yɛ nyɛsɛɛ lɛ, bɔ ni afee ni nyɛtsɛ yɛ shikpɔŋ ni Yehowa, nyɛNyɔŋmɔ lɛ, kɛhãa nyɛ lɛ nɔ.”

5 Mose 4:6

Nyɛyea nɔ; nyɛbaa nyɛjeŋ ejaakɛ no nɔŋŋ baahã nyɛnilee kɛ nyɛhiɛshikamɔ abakã shi faŋŋ yɛ maji krokomɛi lɛ ahiɛ. Kɛji amɛnu nɛkɛ akpɔi nɛɛ lɛ, amɛaakɛɛ akɛ, ‘Anɔkwa akɛ maŋ nɛɛ mli bii lɛ le nii, ni amɛnuɔ nii ashishi; maŋ kpeteŋkple nɛ.’

5 Mose 8:8

shikpɔŋ ni ebaa ŋmãa kɛ abele kɛ wainyibii kɛ agbãmi kɛ akutu kɛ mutso kɛ wo hu.