5 Mose 6:2 - ŊMALƐ KRƆŊKRƆŊ LƐ

² Nyɛ kɛ nyɛshwiei awala gbii abɔ fɛɛ mli lɛ, esa akɛ nyɛshe Yehowa, nyɛNyɔŋmɔ lɛ, gbeyei ni nyɛye akpɔi kɛ kitãi ni miwoɔ nyɛ nɛɛ fɛɛ nɔ, koni nyɛwala sɛɛ atsɛ.

Ṅmãle̱ Kroṅkroṅ Le̱

² koni oše Iehowa, o-Nyoṅmo̱ le̱, gbeyei, ni oye ekpo̱i ke̱ ekitãi ni miwoo̱o ne̱ fẽ no̱, bo ke̱ obi ke̱ onãbi ye̱ owala gbĩĩ le̱ fẽ mli, koni nyegbĩĩ ase̱ atše̱.

5 Mose 6:2 ပူးပေါင်းရင်းမြစ်များ

1 Mose 18:19

ejaakɛ mile lɛ akɛ eeefã ebii kɛ ewebii ni baa yɛ esɛɛ lɛ koni amɛbo mi toi ni amɛfee nɔ ni hi kɛ nɔ ni ja koni nɔ ni mi, Yehowa, miwo shi yɛ ehe lɛ aba mli.”

1 Mose 22:12

Bɔfo lɛ kɛɛ lɛ akɛ, “Kaahã onine miisa oblanyo lɛ he, ni asaŋ kaafee lɛ nɔ ko nɔ ko! Shi mina mile agbɛnɛ akɛ osheɔ Nyɔŋmɔ gbeyei, akɛni okamaaa lɛ obi koome nɛɛ lɛ.”

1 Maŋtsɛmɛi 8:40

bɔ ni afee ni amɛshe bo gbeyei, gbii abɔ fɛɛ ni amɛyɔɔ shikpɔŋ lɛ ni oŋɔ hã wɔtsɛmɛi lɛ nɔ lɛ.

Hiob 28:28

Kɛkɛ ni ekɛɛ adesã akɛ, ‘Naa, Nuŋtsɔ lɛ gbeyeishemɔ lɛ, no ji nilee, ni hewii kɛ efɔŋ hejee ji jwɛŋmɔ.’ ”

Lalai 111:10

Yehowa gbeyeishemɔ ji nilee shishijee. Mɛi fɛɛ ni yeɔ nɔ lɛ amɛnaa niiashishinumɔ kpakpa. Eyijiemɔ hiɔ shi kɛyaa naanɔ.

Lalai 128:1

Ajɔɔ mɔ fɛɛ mɔ ni sheɔ Yehowa, ni eyeɔ emlai lɛ anɔ lɛ.

Lalai 91:16

Mahã amɛtɔ kɛ walasɛɛtsɛlɛ, ni mahã amɛna miyiwalaheremɔ lɛ.

2 Mose 20:12

“Wo otsɛ kɛ onyɛ koni owala sɛɛ atsɛ yɛ shikpɔŋ ni mi, Yehowa, oNyɔŋmɔ lɛ, kɛhãa bo lɛ nɔ.

2 Mose 20:20

Mose kɛɛ maŋ lɛ akɛ, “Nyɛkashea gbeyei, ejaakɛ kaa Nyɔŋmɔ ba nyɛ kaa, bɔ ni afee ni lɛ egbeyeishemɔ ahi nyɛmli daa koni nyɛkafee esha.”

Abe̱i 16:6

Anɔkwayeli nɔ Yehowa damɔɔ ni ekɛ eshai faa; ni mɔ ni sheɔ Yehowa gbeyei lɛ, ewiɔ ehe kɛjeɔ efɔŋ he.

Abe̱i 3:16

Wala sɛɛtsɛlɛ yɛ eninejurɔ kɔkɔŋ, ni ninamɔ kɛ anunyam yɛ ebɛku kɔkɔŋ.

Abe̱i 9:11

Ejaakɛ minɔ baatsɔ̃ ni ogbii baafa; ni owala afii lɛ asɛɛ baatsɛ.

Jajelɔ 12:13

Sane tso muu lɛ ni onu lɛ fɛɛ naagbee nɛ. She Nyɔŋmɔ gbeyei, ni oye ekitãi lɛ anɔ, ejaakɛ enɛ ji nitsumɔ kwraa ni gbɔmɔ yɔɔ tsumɔ.

Yeremia 32:39

Mahã amɛna jwɛŋmɔ koome kɛ jeŋba koome, bɔ ni afee ni amɛshe mi gbeyei kɛya naanɔ, bɔ ni afee ni ahi ahã amɛ kɛ amɛbii ni baa yɛ amɛsɛɛ lɛ.

Ezekiel 20:19

Yehowa, mi ji nyɛNyɔŋmɔ; nyɛbaa nyɛjeŋ yɛ mimlai lɛ moŋ anaa; ni nyɛyea mimlai lɛ anɔ pɛpɛɛpɛ.

Luka 12:5

Shi matsɔ̃ɔ nyɛ mɔ gbeyei ni nyɛshe: nyɛshea mɔ ni kɛ egbe sɛɛ ni eyɔɔ hegbɛ akɛ eshɛɔ efɔ̃ɔ abonsamiiaje lɛ. Hɛɛ, miikɛɛ nyɛ akɛ, lɛ gbeyei nyɛshea.

5 Mose 10:20

Nyɛshea Yehowa, nyɛNyɔŋmɔ lɛ, gbeyei; nyɛsɔmɔa lɛ; nyɛkpɛtɛa ehe, ni lɛ egbɛi lɛ pɛ nyɛkɛkã kitã.

5 Mose 11:9

asaŋ koni nyɛwala sɛɛ atsɛ yɛ shikpɔŋ kpakpa ni baa nii ni Yehowa wo nyɛtsɛmɛi shi akɛ ekɛbaahã amɛ kɛ amɛshwiei lɛ nɔ.

5 Mose 13:4

Nyɛjaa Yehowa, nyɛNyɔŋmɔ lɛ, ni nyɛshea lɛ gbeyei; nyɛyea ekitãi lɛ anɔ, ni nyɛboa lɛ toi; nyɛsɔmɔa lɛ, ni lɛ ehe nyɛkɛ nyɛhe akpɛtɛa.

5 Mose 15:5

kɛji nyɛaabo Yehowa, nyɛNyɔŋmɔ lɛ, toi kɛkɛ, ni nyɛaajwɛŋ nɔ nyɛye kitã fɛɛ kitã ni miwoɔ nyɛ ŋmɛnɛ gbi nɛɛ nɔ.

5 Mose 22:7

Obaanyɛ omɔmɔ loofɔlɔ bii lɛ ni oŋmɛɛ loofɔlɔ nyɛ lɛ he, ni ebaahi ehã bo, ni owala sɛɛ baatsɛ hu.

5 Mose 30:19

Miitsɛ ŋwɛi kɛ shikpɔŋ ŋmɛnɛ gbi nɛɛ koni amɛbaye he odase akɛ mikɛ wala kɛ gbele, kɛ jɔɔmɔ kɛ loomɔ hu eshwie nyɛhiɛ. No hewɔ lɛ, nyɛkɔa wala bɔ ni afee ni nyɛ kɛ nyɛshwiei fɛɛ ayi ana wala.

5 Mose 30:20

Nyɛsumɔa Yehowa, nyɛNyɔŋmɔ lɛ, ni nyɛboa lɛ toi, ni nyɛkpɛtɛa lɛ. Ejaakɛ no aaahã nyɛyi ana wala ni nyɛtsɛ yɛ jeŋ koni nyɛhi shikpɔŋ lɛ ni Yehowa kã nyɛtsɛmɛi Abraham kɛ Isak kɛ Yakob he kitã akɛ ekɛaahã amɛ lɛ nɔ.”

5 Mose 4:10

titri lɛ, sane ni ba gbi ni nyɛdamɔ Yehowa, nyɛNyɔŋmɔ lɛ hiɛ yɛ Sinai Gɔŋ lɛ he lɛ, be ni Yehowa kɛɛ mi akɛ, ‘Buamɔ maŋ lɛ naa ohã mi, shi miitao akɛ mahã amɛnu nɔ ni makɛɛ koni amɛkɛkase mi gbeyeishemɔ gbii abɔ ni amɛyɔɔ jeŋ lɛ, asaŋ koni amɛgba amɛbii hu.’

5 Mose 4:40

No hewɔ lɛ, nyɛyea Yehowa akpɔi kɛ kitãi ni miwoɔ nyɛ ŋmɛnɛ gbi nɛɛ nɔ, koni ahi ahã nyɛ kɛ nyɛbii ni baa yɛ nyɛsɛɛ lɛ, bɔ ni afee ni nyɛtsɛ yɛ shikpɔŋ ni Yehowa, nyɛNyɔŋmɔ lɛ, kɛhãa nyɛ lɛ nɔ.”

5 Mose 4:9

Shi moŋ, nyɛkwɛa ni ahia kɛkɛ koni nyɛhiɛ ahia nyɛhe nɔ jogbaŋŋ, bɔ ni afee ni nyɛhiɛ akaje nibii ni nyɛna kɛ nyɛ diɛŋtsɛ nyɛhiŋmɛii nɛɛ anɔ nyɛwala gbii abɔ fɛɛ. Ni nyɛgbaa nyɛbii kɛ nyɛnabii lɛ,

5 Mose 5:16

“Wo otsɛ kɛ onyɛ tamɔ bɔ ni Yehowa, oNyɔŋmɔ lɛ, ewo bo kitã lɛ, koni owala sɛɛ atsɛ; asaŋ koni ahi ahã bo yɛ shikpɔŋ lɛ ni Yehowa, oNyɔŋmɔ, kɛhãa bo lɛ nɔ.

5 Mose 5:33

Nyɛbaa nyɛjeŋ tamɔ bɔ ni Yehowa, nyɛNyɔŋmɔ lɛ, etsɔ̃ɔ nyɛ lɛ, koni nyɛna wala yɛ shikpɔŋ ni nyɛyaa nyɛyaŋɔ lɛ nɔ.”

5 Mose 6:1

“Agbɛnɛ kitãi lɛ kɛ akpɔi lɛ kɛ mlai lɛ ni Yehowa, nyɛNyɔŋmɔ lɛ, fã akɛ mitsɔ̃ɔ nyɛ lɛ nɛ, koni nyɛyaye nɔ yɛ shikpɔŋ ni nyɛyaa ni nyɛyaŋɔ lɛ nɔ.

5 Mose 6:24

Ni Yehowa, wɔNyɔŋmɔ lɛ, wo wɔ kitã akɛ wɔye nɛkɛ akpɔi nɛɛ fɛɛ nɔ, ni wɔshe lɛ gbeyei bɔ ni afee ni ahi ahã wɔ daa nɛɛ, koni wɔyi ana wala tamɔ bɔ ni eyɔɔ ŋmɛnɛ nɛɛ lɛ.

5 Mose 6:7

ni otsɔ̃ɔ obii fitsofitso. Owie he be mli ni ota shi yɛ oshĩaŋ; owie he be mli ni onyiɛ gbɛteŋ; owie he be mli ni ojɔɔ ohe kɛ be mli ni otsuɔ nii.

Yoshua 4:24

koni je lɛŋ gbɔmɛi fɛɛ ana ale akɛ Yehowa yɛ hewalɛ, koni nyɛshe Yehowa, nyɛNyɔŋmɔ lɛ, gbeyei kɛya naanɔ.”

1 Petro 1:17

Ni kɛ nyɛtsɛɔ mɔ ni kwɛɛɛ mɛi ahiɛiaŋ shi ekojoɔ yɛ mɔ fɛɛ mɔ nitsumɔ naa lɛ akɛ nyɛTsɛ lɛ, nyɛkɛ gbeyeishemɔ abaa nyɛjeŋ yɛ nyɛgbɔtoo be lɛ mli.