5 Mose 6:18 - ŊMALƐ KRƆŊKRƆŊ LƐ

¹⁸ ni nyɛfea nɔ ni ja ni hi hu, bɔ ni afee ni ahi ahã nyɛ koni nyɛya nyɛyaŋɔ shikpɔŋ kpakpa ni Yehowa wo nyɛtsɛmɛi lɛ he shi lɛ,

Ṅmãle̱ Kroṅkroṅ Le̱

¹⁸ ni ofe noni dša ke̱ noni hĩ ye̱ Iehowa hĩe, koni ahĩ ahão, ni oya oyaṅõ šikpoṅ kpakpa ní Iehowa kã otše̱mei le̱ akitã ye̱ he le̱,

5 Mose 6:18 ပူးပေါင်းရင်းမြစ်များ

Lalai 19:11

Asaŋ nomɛi bɔɔ otsulɔ kɔkɔ; amɛnɔyeli lɛ, sɛɛnamɔ kpele yɛ mli.

2 Mose 15:26

ni ekɛɛ, “Kɛji nyɛaaye Yehowa, ni ji nyɛNyɔŋmɔ lɛ, gbee nɔ kadikadi, ni nyɛaafee nɔ ni ja gbɛ yɛ ehiɛ, ni nyɛaaye ekpɔi kɛ kitãi fɛɛ anɔ lɛ, no lɛ helai ni mihã ye Ijiptbii lɛ eko eko yeŋ nyɛ, ejaakɛ mi ji Yehowa, nyɛtsalɔ lɛ.”

Yesaia 3:10

Kɛɛmɔ jalɔi lɛ akɛ ebaahi ehã amɛ, ejaakɛ amɛbaaye amɛnifeemɔnii lɛ mli yibii.

Yesaia 38:3

ni ekɛɛ akɛ, “Ao Yehowa, miikpa bo fai, kaimɔ bɔ ni misɔmɔ bo kɛ anɔkwa kɛ mitsuiŋ fɛɛ, ni mifee nɔ ni hi yɛ ohiɛ!” Kɛkɛ ni Hezekia fo blobloblo.

Ezekiel 18:19

“Kɛ̃lɛ nyɛbiɔ akɛ, ‘Mɛɛ hewɔ esaaa akɛ bi naa amanehului yɛ esha ni etsɛ efee hewɔ?’ Kɛji bi lɛ yeɔ jalɛ sane, ni efeɔ nɔ ni ja, ni eyeɔ mikpɔi lɛ fɛɛ anɔ jogbaŋŋ lɛ, no lɛ esa akɛ eyi ana wala kɛ̃.

Ezekiel 18:21

“Shi kɛji eshafeelɔ fɔ̃ɔ eshai fɛɛ ni efeɔ, ni eye mikpɔi lɛ fɛɛ anɔ, ni eye jalɛ sane, ni efee nɔ ni ja lɛ, eyi aaana wala kɛ̃, egboŋ.

Ezekiel 18:27

Asaŋ kɛji mɔ fɔŋ fɔ̃ɔ eshai ni efeɔ lɛ fɛɛ, ni eye mikpɔi lɛ anɔ, ni efee nɔ ni ja ni ehi lɛ, eeehere eyiwala.

Ezekiel 18:5

“Ŋɔɔ lɛ akɛ mɔ ko yɛ ni ji jalɔ, ni eyeɔ jalɛ sane, ni efeɔ nɔ ni ja.

Ezekiel 33:14

Asaŋ, kɛji mikɛɛ efɔŋfeelɔ akɛ ‘Gbo kɛ̃ ooogbo,’ ni ekpa eshafeemɔ, ni efee nɔ ni ja ni ehi lɛ,

Ezekiel 33:16

Esha fɛɛ esha ni efee kɛho lɛ akɛ ekoeko ebuŋ lɛ fɔ, bɔ fɛɛ bɔ ni fee lɛ eyi aaana wala, egboŋ.

Ezekiel 33:19

Ni kɛji efɔŋfeelɔ fɔ̃ɔ efɔŋfeemɔ, ni efee nɔ ni ja ni ehi lɛ, eyi baana wala.

Hosea 14:9

Mɔ ni le nii lɛ, enu saji nɛɛ ashishi; ni hiɛshikãlɔ lɛ ekɔ sɛɛ. Naa, Yehowa gbɛi fɛɛ ja, ni nomɛi mɔ ni feɔ jalɛnii kɛbaa ejeŋ; nomɛi anaa mɔ ni feɔ jalɛnii hiɔ shi yɛ; shi eshafeelɔi tswaa egbɛi lɛ amɛfɔ̃ɔ, ni no hewɔ lɛ, amɛtɛrɛɔ, ni amɛgbeɔ shi.

Yohane 8:29

Ni mɔ ni tsu mi lɛ kɛ mi yɛ; Tsɛ lɛ shiko mi kome, ejaakɛ mi lɛ nɔ ni sa ehiɛ mifeɔ daa.”

Romabii 12:2

Ni nyɛkabaa nyɛjeŋ tamɔ jeŋbii, shi moŋ nyɛkɛ nyɛjwɛŋmɔ ni etsɔ̃ ehee lɛ afea nyɛhe gbɔmɛi hei, koni nyɛyoo nii ni ji Nyɔŋmɔ suɔmɔnaanii kpakpai ni sa ehiɛ jogbaŋŋ ni hi kɛwula shi lɛ.

5 Mose 12:25

Nyɛkayea la lɛ bɔ ni afee ni kɛji nyɛfee nɔ ni ja yɛ Yehowa hiɛ lɛ, ahi ahã nyɛ kɛ nyɛshwiei fɛɛ.

5 Mose 12:28

Nyɛjwɛŋa nɔ, ni nyɛyea nibii fɛɛ ni mikɛɛ nyɛ lɛ nɔ, ni ebaahi ehã nyɛ kɛ nyɛshwiei fɛɛ kɛya naanɔ, kɛ nyɛfee nɔ ni hi kɛ nɔ ni ja yɛ Yehowa, nyɛNyɔŋmɔ lɛ, hiɛ lɛ.

5 Mose 13:18

ejaakɛ nyɛbo Yehowa, nyɛNyɔŋmɔ lɛ, toi, ni nyɛye ekitãi ni miwoɔ nyɛ ŋmɛnɛ gbi nɛɛ lɛ nɔ, ni nyɛfee nɔ ni ja yɛ Yehowa, nyɛNyɔŋmɔ lɛ, hiɛ.”

5 Mose 4:40

No hewɔ lɛ, nyɛyea Yehowa akpɔi kɛ kitãi ni miwoɔ nyɛ ŋmɛnɛ gbi nɛɛ nɔ, koni ahi ahã nyɛ kɛ nyɛbii ni baa yɛ nyɛsɛɛ lɛ, bɔ ni afee ni nyɛtsɛ yɛ shikpɔŋ ni Yehowa, nyɛNyɔŋmɔ lɛ, kɛhãa nyɛ lɛ nɔ.”

5 Mose 5:29

Mina ni kulɛ amɛyɛ nɛkɛ jwɛŋmɔ daa koni amɛkɛye mikitãi lɛ fɛɛ nɔ, bɔ ni afee ni ehi ehã amɛ kɛ amɛshwiei kɛya naanɔ.

5 Mose 5:33

Nyɛbaa nyɛjeŋ tamɔ bɔ ni Yehowa, nyɛNyɔŋmɔ lɛ, etsɔ̃ɔ nyɛ lɛ, koni nyɛna wala yɛ shikpɔŋ ni nyɛyaa nyɛyaŋɔ lɛ nɔ.”

5 Mose 6:10

“Kɛji Yehowa, nyɛNyɔŋmɔ lɛ, kɛ nyɛ yashɛ shikpɔŋ lɛ ni ewo nyɛtsɛmɛi, Abraham kɛ Isak kɛ Yakob, he shi akɛ ekɛbaahã nyɛ lɛ nɔ, shikpɔŋ kɛ enɔ maji wuji fɛɛfɛji ni jeee nyɛ nyɛto;

5 Mose 6:19

kɛtsɔ̃ shwiemɔ ni nyɛbaashwie nyɛhenyɛlɔi fɛɛ yɛ nyɛhiɛ lɛ nɔ tamɔ bɔ ni Yehowa ewo shi lɛ.

5 Mose 8:11

“Nyɛkwɛa nyɛhe ni ahia koni nyɛhiɛ akakpa Yehowa nyɛNyɔŋmɔ lɛ nɔ, ni no hã nyɛyeee ekitãi kɛ emlai kɛ ekpɔi ni miwoɔ nyɛ ŋmɛnɛ nɛɛ nɔ.