5 Mose 6:10 - ŊMALƐ KRƆŊKRƆŊ LƐ

¹⁰ “Kɛji Yehowa, nyɛNyɔŋmɔ lɛ, kɛ nyɛ yashɛ shikpɔŋ lɛ ni ewo nyɛtsɛmɛi, Abraham kɛ Isak kɛ Yakob, he shi akɛ ekɛbaahã nyɛ lɛ nɔ, shikpɔŋ kɛ enɔ maji wuji fɛɛfɛji ni jeee nyɛ nyɛto;

Ṅmãle̱ Kroṅkroṅ Le̱

¹⁰ Ni ke̱dši eeba mli ake̱ Iehowa, o-Nyoṅmo̱ le̱, ke̱o aayaše̱ šikpoṅ ní ekã otše̱mei Abraham ke̱ Isak ke̱ Iakob kitã ake̱ eke̱-bahão le̱ no̱ le̱, mãdši kplei fe̱fe̱dši ní dšee bo oto,

5 Mose 6:10 ပူးပေါင်းရင်းမြစ်များ

1 Mose 15:18

Ni nakai gbi lɛ, Nyɔŋmɔ kɛ Abram kpãŋ ni ekɛɛ, “Oshwiei lɛ mikɛ nɛkɛ shikpɔŋ nɛɛ baahã, kɛjɛ Ijipt faa lɛ naa kɛyashi faa kpeteŋkple ni ji Eufrate Faa lɛ naa.

1 Mose 26:3

too gbɔ yɛ shikpɔŋ nɛɛ nɔ; ni mikɛ bo aaahi shi, ni majɔɔ bo, ejaakɛ bo kɛ oshwiei mikɛ nɛkɛ shikpɔŋ nɛɛ fɛɛ baahã,

1 Mose 28:13

ni Yehowa damɔ aŋtswere lɛ yiteŋ ni ekɛɛ akɛ, “Mi ji Yehowa, otsɛ Abraham Nyɔŋmɔ, kɛ Isak Nyɔŋmɔ lɛ; shikpɔŋ ni okã nɔ nɛɛ, bo kɛ oshwiei mikɛbaahã.

Nehemia 9:25

Amɛyaye maji ni atswa gbogboi awo amɛhe kɛ shikpɔji ni baa nii anɔ kunim, ni amɛna shĩai ni eyimɔ obɔ̃bɔ̃ kɛ nibii kpakpai fɛɛ: nubui ni atsatsai, wain tromi kɛ mutso tromi kɛ yelitsei babaoo amɛye, ni amɛtɔrɔ, ni amɛshwishwii; ni amɛmii shɛ amɛhe yɛ omlihilɛ kpele lɛ hewɔ.

Lalai 105:44

Eŋɔ majimaji lɛ ashikpɔji lɛ ehã amɛ, ni amɛŋɔ mɛi lɛ adeŋmegbomɔ mli nitsumɔnii lɛ amɛfee amɛnɔ,

Lalai 78:55

Eshwie majimaji lɛ yɛ amɛhiɛ, ni eja shikpɔŋ lɛ ehã amɛ akɛ amɛgbɛfaŋnii, ni ehã Israel akutsei lɛ hi nɔ akɛ amɛshihilɛhe.

5 Mose 1:8

Shikpɔŋ lɛ mikɛfɔ̃ nyɛhiɛ nɛɛ. Nyɛyaa ni nyɛyaŋɔa! Yehowa wo nyɛtsɛmɛi Abraham kɛ Isak kɛ Yakob shi yɛ he akɛ ekɛbaahã amɛ kɛ amɛshwiei.’ ”

5 Mose 19:1

“Kɛji Yehowa, nyɛNyɔŋmɔ lɛ, kpãtã maji anɔ bii lɛ ni eŋɔɔ amɛshikpɔŋ lɛ ehã nyɛ lɛ ahiɛ, ni nyɛŋɔ amɛshikpɔŋ lɛ kɛ amɛmaji lɛ kɛ amɛshĩai lɛ ni nyɛhi mli lɛ,

5 Mose 31:20

Ejaakɛ kɛji mikɛ amɛ yashɛ shikpɔŋ kpakpa ni baa nii lɛ nɔ, nɔ ni mikã amɛtsɛmɛi lɛ kitã yɛ he akɛ mikɛbaahã amɛ lɛ, ni amɛna nii amɛye ni amɛtɔrɔ, ni amɛshwishwii lɛ, amɛbaakpale kɛyanyiɛ nyɔŋmɔi krokomɛi asɛɛ, ni amɛaaya amɛyasɔmɔ amɛ, ni amɛaagbe mihe guɔ moŋ, ni amɛaaku mi kɛ amɛteŋ kpãŋmɔ lɛ mli.

5 Mose 6:18

ni nyɛfea nɔ ni ja ni hi hu, bɔ ni afee ni ahi ahã nyɛ koni nyɛya nyɛyaŋɔ shikpɔŋ kpakpa ni Yehowa wo nyɛtsɛmɛi lɛ he shi lɛ,

5 Mose 6:23

ni ejie wɔ kɛje nakai shikpɔŋ lɛ nɔ, koni ekɛ wɔ aba ni ekɛ shikpɔŋ ni ewo wɔtsɛmɛi lɛ ashi yɛ he lɛ abahã wɔ.

5 Mose 8:12

Kɛji nyɛna nii nyɛye nyɛtɔrɔ, ni nyɛmamɔ shĩai fɛɛfɛji nyɛhi mli,

5 Mose 9:1

“Nyɛboa toi, Israelbii! Nyɛbaafo Yordan Faa lɛ ŋmɛnɛ gbi nɛɛ koni nyɛya nyɛyaŋɔ shikpɔji yɛ maji ni dara, ni asaŋ amɛhe wa hu fe nyɛ adɛŋ, shikpɔji kɛ amɛnɔ maji wuji kɛ amɛhe gbogboi ni atswa kɛtee ŋwɛi shɔŋŋ akɛwaje amɛ.

Yoshua 24:13

Mikɛ shikpɔŋ ni nyɛtsuko enɔ nii hã nyɛ, nyɛmiiye emli ŋɔɔmɔ; mikɛ maji hu ni jeee nyɛ ni nyɛto hã nyɛ, ni nyɛyɛ amɛmli. Nyɛmiiye wain tromi kɛ mutso ŋmɔji ni jeee nyɛ ni nyɛhu amli nii.’