5 Mose 5:5 - ŊMALƐ KRƆŊKRƆŊ LƐ

⁵ Mi lɛ, nakai be lɛ mli lɛ, midamɔ Yehowa kɛ nyɛ teŋ koni majaje Yehowa wiemɔi lɛ matsɔ̃ɔ nyɛ, ejaakɛ la lɛ hewɔ lɛ nyɛshe gbeyei, ni nyɛkwɔɔɔ gɔŋ lɛ. “Yehowa kɛɛ akɛ,

Ṅmãle̱ Kroṅkroṅ Le̱

⁵ Mi le̱ midamo̱ Iehowa ke̱ nye teṅ ye̱ nakai he le̱ mli, koni madšadše Iehowa wiemo̱i le̱ matšõnye; edšake̱ la le̱ hewo̱ le̱ *nyeše gbeyei, ni nyekwo̱o̱ goṅ le̱. Ni ekē̱: *2 Mose 19,16.

5 Mose 5:5 ပူးပေါင်းရင်းမြစ်များ

1 Mose 18:22

No hewɔ lɛ, hii enyɔ lɛ tsɔ amɛhe ni amɛtee Sodom gbɛ; shi Abraham damɔ shi yɛ Yehowa hiɛ lolo.

2 Maŋtsɛmɛi 18:4

Lɛ efite hei grɔŋŋi lɛ, ni ekumɔ amãgãi lɛ, ni egba Ashera wɔŋkoo lɛ. Ni ekumɔ akɔɔble onufu ni Mose fee lɛ, ejaakɛ kɛbashi nakai gbii lɛ anɔ lɛ, Israelbii lɛ shãa tsofakɛŋma amɛhãa onufu lɛ, ni atsɛɔ lɛ Nehushtan.

Lalai 106:23

Nyɔŋmɔ to akɛ ebaakpãtã amɛhiɛ; shi etsulɔ Mose, mɔ ni eŋɔ lɛ lɛ, damɔ mli ehã amɛ yɛ Nyɔŋmɔ hiɛ, ni ejɔɔ mlifu lɛ he koni ekakpãtã amɛhiɛ.

2 Mose 19:16

Gbi ni ji etɛ̃ lɛ leebi lɛ ŋwɛi shimɔ, ni srawa gbala ni atatu kpii ko baha gɔŋ lɛ nɔ; tɛtɛrɛmantɛrɛ ko gbɛɛ waa naakpa, ni mɛi ni yɔɔ maŋ lɛ shitoohe lɛ fɛɛ kpokpo.

2 Mose 19:21

Yehowa kɛɛ lɛ akɛ, “Kpelekemɔ shi ni oyakɛɛ maŋ lɛ kpɔ́kpɔ́ɔkpɔ́ akɛ amɛkatse mli kɛmiiba Yehowa ŋɔɔ amɛbakwɛ nɔ ni yaa nɔ, koni amɛteŋ mɛi pii miiplenee.

2 Mose 19:25

Mose kpeleke shi kɛba maŋbii lɛ aŋɔɔ, ni ebakɛɛ amɛ.

Yeremia 30:21

Amɛteŋ mɔ ko nɔŋŋ baatsɔ̃ amɛlumɔ; amɛnɔyelɔ lɛ baajɛ amɛ nɔŋŋ amɛteŋ. Mahã etsi ebɛŋkɛ mi, ni ebaaba mimasɛi, ejaakɛ namɔ aaanyɛ ashi etsitsi, ni eba mi, mimasɛi? Mi, Yehowa, mikɛɛ.

4 Mose 16:48

Aaron damɔ gbohii lɛ kɛ hiɛkãalɔi lɛ ateŋ, ni gbele hela lɛ sɛɛ fo.

Galatabii 3:19

Agbɛnɛ mɛɛ ji Mla lɛ mɔ? Akɛhã ni akɛna nɔtɔmɔi kɛyashi beyinɔ ni shwie ni awo lɛ shi lɛ aaaba; ni ŋwɛi bɔfoi anɔ atsɔ̃ awo Mla lɛ, ni akɛwo mlidaamɔlɔ dɛŋ.

5 Mose 5:27

No hewɔ lɛ, bo tsi obɛŋkɛ Yehowa koni obo nɔ fɛɛ nɔ ni wɔNyɔŋmɔ lɛ aaakɛɛ lɛ toi ni obakɛɛ wɔ nɔ fɛɛ nɔ ni Yehowa, wɔNyɔŋmɔ lɛ, kɛ bo aaawie. Wɔbaabo toi, ni wɔbaafee hu.’

Hebribii 9:24

Ejaakɛ jeee He Krɔŋkrɔŋ ni akɛ niji fee ni ji nii lɛ diɛŋtsɛ lɛ afoniri kɛkɛ lɛ mli Kristo yabote lɛ; shi moŋ ŋwɛi diɛŋtsɛ eyabote, koni agbɛnɛ eyapue yɛ Nyɔŋmɔ hiɛ ehã wɔ.