5 Mose 5:29 - ŊMALƐ KRƆŊKRƆŊ LƐ

²⁹ Mina ni kulɛ amɛyɛ nɛkɛ jwɛŋmɔ daa koni amɛkɛye mikitãi lɛ fɛɛ nɔ, bɔ ni afee ni ehi ehã amɛ kɛ amɛshwiei kɛya naanɔ.

Ṅmãle̱ Kroṅkroṅ Le̱

²⁹ Miná ná kũle̱ ame̱na ne̱ke̱ tšui dā, ní ame̱ke̱-šemi gbeyei, ni ame̱ye mikitãi le̱ fẽ no̱, koni ahĩ ahãame̱ ke̱ ame̱bii ke̱-ya nāno̱! 29,8. 4 Mose 11,29.

5 Mose 5:29 ပူးပေါင်းရင်းမြစ်များ

Yesaia 48:18

Ao, eji oye mikitãi lɛ anɔ kulɛ, oooshwere tamɔ faa; ni okunimyeli aaatsara nɔ tamɔ ŋshɔkei.

5 Mose 11:1

“No hewɔ lɛ, esa akɛ nyɛsumɔ Yehowa, nyɛNyɔŋmɔ lɛ, ni nyɛye egbei kɛ ekpɔi lɛ kɛ emlai lɛ kɛ ekitãi lɛ fɛɛ nɔ daa nɛɛ.

Mateo 23:37

“Yerusalɛm, Yerusalɛm, bo ni ogbeɔ gbalɔi lɛ ni otswiaa mɛi ni atsuɔ amɛ oŋɔɔ lɛ atɛi; shii enyiɛ mitao akɛ kulɛ mabua obii anaa tamɔ bɔ ni wuɔ buaa ebii anaa ewoɔ efiji ashishi lɛ, ni nyɛkpɛlɛ̃ɛɛ!

Luka 19:42

ni ekɛɛ, “Eji yɛ ogbi nɛɛ nɔ lɛ ona ole nii ni hi hã ohejɔlɛ lɛ kulɛ! Shi agbɛnɛ akɛtee bo.

5 Mose 4:40

No hewɔ lɛ, nyɛyea Yehowa akpɔi kɛ kitãi ni miwoɔ nyɛ ŋmɛnɛ gbi nɛɛ nɔ, koni ahi ahã nyɛ kɛ nyɛbii ni baa yɛ nyɛsɛɛ lɛ, bɔ ni afee ni nyɛtsɛ yɛ shikpɔŋ ni Yehowa, nyɛNyɔŋmɔ lɛ, kɛhãa nyɛ lɛ nɔ.”

5 Mose 5:16

“Wo otsɛ kɛ onyɛ tamɔ bɔ ni Yehowa, oNyɔŋmɔ lɛ, ewo bo kitã lɛ, koni owala sɛɛ atsɛ; asaŋ koni ahi ahã bo yɛ shikpɔŋ lɛ ni Yehowa, oNyɔŋmɔ, kɛhãa bo lɛ nɔ.

2 Korintobii 5:20

No hewɔ lɛ, wɔji bɔfoi yɛ Kristo najiaŋ, tamɔ akɛ Nyɔŋmɔ etsɔ̃ wɔnɔ eewie eetsɔ̃ɔ mɛi: wɔdamɔ Kristo najiaŋ wɔmiikpa nyɛ fai akɛ, nyɛhãa akpãtã nyɛ kɛ Nyɔŋmɔ teŋ!

Kpojiemɔ 22:14

Ajɔɔ mɛi ni fɔɔ amɛtadei lɛ ahe, koni amɛna hegbɛ yɛ walatso lɛ he ní amɛtsɔ̃ agboi lɛ amli kɛbote maŋ lɛ mli lɛ.

Yakobo 1:25

Shi mɔ ni kwɛɔ heyeli mla ni hi kɛwula shi lɛ fitsofitso ni ekãa he efeɔ ni ejeee mɔ ni nuɔ ni ehiɛ kpaa nɔ, shi moŋ etsuɔ he nii lɛ, nakai mɔ lɛ aaajɔɔ lɛ yɛ efeemɔ lɛ mli.

Efesobii 6:3

“Koni ahi ahã bo, ni otsɛ yɛ shikpɔŋ lɛ nɔ.”

2 Korintobii 6:1

Shi akɛni Nyɔŋmɔ hefatalɔi ji wɔ yɛ enitsumɔ lɛ mli lɛ, wɔmiikpa nyɛ fai ni nyɛkahã Nyɔŋmɔ dromɔ ni nyɛnine eshɛ nɔ lɛ fee yaka.

Yohane 15:14

Kɛji nyɛfee nii ni miwoɔ nyɛ he kitã lɛ, no lɛ mishieŋtsɛmɛi ji nyɛ.

Luka 11:28

Shi ehere nɔ akɛ, “Ajɔɔ mɛi ni nuɔ Nyɔŋmɔ wiemɔ lɛ ni amɛyeɔ nɔ lɛ moŋ!”

Yeremia 44:4

Kɛ̃lɛ mitee nɔ mitsu mitsuji ni ji gbalɔi lɛ fɛɛ kɛba nyɛŋɔɔ kɛ wiemɔ akɛ, ‘Ao, nyɛkafea nɛkɛ musubɔɔnii nɛɛ ni mihiɔ lɛ.

Yesaia 3:10

Kɛɛmɔ jalɔi lɛ akɛ ebaahi ehã amɛ, ejaakɛ amɛbaaye amɛnifeemɔnii lɛ mli yibii.

Lalai 106:3

Ajɔɔ mɛi ni yeɔ jalɛ sane ni amɛfeɔ nɔ ni ja be fɛɛ be lɛ.

Lalai 19:11

Asaŋ nomɛi bɔɔ otsulɔ kɔkɔ; amɛnɔyeli lɛ, sɛɛnamɔ kpele yɛ mli.

Rut Wolo Lɛ 3:1

Gbi ko lɛ Naomi kɛɛ eshaayoo Rut akɛ, “Mibi, jeee ja mitao he ko mihã bo ota ni ahi ahã bo?

5 Mose 22:7

Obaanyɛ omɔmɔ loofɔlɔ bii lɛ ni oŋmɛɛ loofɔlɔ nyɛ lɛ he, ni ebaahi ehã bo, ni owala sɛɛ baatsɛ hu.

5 Mose 19:13

Akana lɛ mɔbɔ kɔkɔɔkɔ. Ajie mɔ ni eye bem lɛ lá yi sɔ̃ kɛje Israel nɔ, koni ahi ahã nyɛ.

5 Mose 12:28

Nyɛjwɛŋa nɔ, ni nyɛyea nibii fɛɛ ni mikɛɛ nyɛ lɛ nɔ, ni ebaahi ehã nyɛ kɛ nyɛshwiei fɛɛ kɛya naanɔ, kɛ nyɛfee nɔ ni hi kɛ nɔ ni ja yɛ Yehowa, nyɛNyɔŋmɔ lɛ, hiɛ lɛ.

5 Mose 12:25

Nyɛkayea la lɛ bɔ ni afee ni kɛji nyɛfee nɔ ni ja yɛ Yehowa hiɛ lɛ, ahi ahã nyɛ kɛ nyɛshwiei fɛɛ.

5 Mose 6:18

ni nyɛfea nɔ ni ja ni hi hu, bɔ ni afee ni ahi ahã nyɛ koni nyɛya nyɛyaŋɔ shikpɔŋ kpakpa ni Yehowa wo nyɛtsɛmɛi lɛ he shi lɛ,

5 Mose 6:3

No hewɔ lɛ, Israelbii, nyɛboa toi, ni nyɛjwɛŋa nɔ, ni nyɛyea nɔ koni ahi ahã nyɛ, koni nyɛshwere yɛ shikpɔŋ kpakpa ni baa nii lɛ nɔ tamɔ bɔ ni Yehowa, nyɛtsɛmɛi lɛ aNyɔŋmɔ lɛ, ewo nyɛ shi lɛ.

Hebribii 12:25

Nyɛkwɛa ni ahĩa, koni nyɛkakwa mɔ ni wieɔ lɛ, ejaakɛ kɛ mɛi ni kwa mɔ ni wie tsɔ̃ɔ amɛ yɛ shikpɔŋ lɛ nɔ lɛ ahe ejeee mli lɛ, belɛ wɔ lɛ, wɔhe ejeŋ mli kwraa kɛji wɔkpale kɛjɛ mɔ ni jɛɔ ŋwɛi wieɔ lɛ he.

5 Mose 5:30

Yaa ni oyakɛɛ amɛ koni amɛkpale kɛya amɛbui lɛ amli.

5 Mose 5:33

Nyɛbaa nyɛjeŋ tamɔ bɔ ni Yehowa, nyɛNyɔŋmɔ lɛ, etsɔ̃ɔ nyɛ lɛ, koni nyɛna wala yɛ shikpɔŋ ni nyɛyaa nyɛyaŋɔ lɛ nɔ.”

Lalai 78:7

Ewo mlai nɛɛ bɔ ni afee ni amɛkɛ amɛhiɛ afɔ Nyɔŋmɔ nɔ, koni amɛhiɛ akakpa Nyɔŋmɔ nitsumɔi lɛ anɔ, shi amɛye ekitãi lɛ anɔ,

Yeremia 42:6

Wiemɔ kpakpa ni jio, wiemɔ fɔŋ ni jio, wɔbaabo nɔ ni Yehowa, wɔNyɔŋmɔ lɛ, mɔ ŋɔɔ ni wɔtsuɔ bo lɛ, baakɛɛ toi, bɔ ni afee ni ahi ahã wɔ kɛji wɔbo Yehowa, wɔNyɔŋmɔ, gbee toi.”

5 Mose 4:2

Nyɛkɛ nɔ ko akafataa mlai ni miwoɔ nyɛ nɛɛ ahe, ni asaŋ nyɛkajiea nɔ ko yɛ mli hu. Nyɛyea Yehowa, nyɛNyɔŋmɔ lɛ, mlai ni miwoɔ nyɛ nɛɛ nɔ.

5 Mose 4:10

titri lɛ, sane ni ba gbi ni nyɛdamɔ Yehowa, nyɛNyɔŋmɔ lɛ hiɛ yɛ Sinai Gɔŋ lɛ he lɛ, be ni Yehowa kɛɛ mi akɛ, ‘Buamɔ maŋ lɛ naa ohã mi, shi miitao akɛ mahã amɛnu nɔ ni makɛɛ koni amɛkɛkase mi gbeyeishemɔ gbii abɔ ni amɛyɔɔ jeŋ lɛ, asaŋ koni amɛgba amɛbii hu.’

5 Mose 6:17

shi moŋ nyɛyea ehe saji lɛ kɛ ekitãi lɛ kɛ ekpɔi lɛ ni ewoɔ nyɛ lɛ anɔ;

5 Mose 8:6

No hewɔ lɛ, nyɛyea Yehowa, nyɛNyɔŋmɔ lɛ, kitãi lɛ anɔ; nyɛbaa nyɛjeŋ bɔ ni etsɔ̃ɔ nyɛ lɛ, ni nyɛshea lɛ gbeyei.

5 Mose 10:12

“No hewɔ lɛ, agbɛnɛ Israel, mɛni Yehowa, nyɛNyɔŋmɔ lɛ, taoɔ yɛ nyɛdɛŋ dɔŋŋ fe akɛ nyɛshe Yehowa, nyɛNyɔŋmɔ lɛ, gbeyei, ni nyɛba nyɛjeŋ bɔ ni etsɔ̃ɔ nyɛ lɛ, ni nyɛsumɔ lɛ ni nyɛ kɛ nyɛtsui fɛɛ kɛ nyɛnyɛmɔ fɛɛ hu asɔmɔ lɛ.

5 Mose 10:20

Nyɛshea Yehowa, nyɛNyɔŋmɔ lɛ, gbeyei; nyɛsɔmɔa lɛ; nyɛkpɛtɛa ehe, ni lɛ egbɛi lɛ pɛ nyɛkɛkã kitã.

1 Kronika 29:18

Yehowa, wɔtsɛmɛi Abraham kɛ Isak kɛ Yakob aNyɔŋmɔ, hã su nɛɛ ahi owebii atsuiiaŋ kɛya naanɔ, koni amɛhi shi kɛye bo anɔkwa daa.

Lalai 19:12

Namɔ aaanyɛ lɛ diɛŋtsɛ etɔmɔi ena? Yehowa, jiemɔ mi kɛjɛ midujiaŋ tɔ̃mɔi amli.

Lalai 81:16

Malɛ nyɛ kɛ ŋmãa kpakpa fe fɛɛ, ni mahã nyɛ tɛsaa mli wo ni nyɛye nyɛtɔrɔ.”