5 Mose 5:27 - ŊMALƐ KRƆŊKRƆŊ LƐ

²⁷ No hewɔ lɛ, bo tsi obɛŋkɛ Yehowa koni obo nɔ fɛɛ nɔ ni wɔNyɔŋmɔ lɛ aaakɛɛ lɛ toi ni obakɛɛ wɔ nɔ fɛɛ nɔ ni Yehowa, wɔNyɔŋmɔ lɛ, kɛ bo aaawie. Wɔbaabo toi, ni wɔbaafee hu.’

Ṅmãle̱ Kroṅkroṅ Le̱

²⁷ Bo moṅ tši obe̱ṅke̱ ni obo nofẽno ní Iehowa, wo̱-Nyoṅmo̱ le̱, aakē̱ toi, ni obakē̱wo̱ nii fiā ní Iehowa, wo̱-Nyoṅmo̱ le̱, ke̱o aawie le̱, ni wo̱o̱bo toi ní wo̱fe.

5 Mose 5:27 ပူးပေါင်းရင်းမြစ်များ

2 Mose 20:19

Kɛkɛ ni amɛkɛɛ Mose akɛ, “Bo moŋ okɛ wɔ awie, ni wɔɔbo toi, shi kaahã Nyɔŋmɔ kɛ wɔ miiwie ni wɔbagboi.”

Hebribii 12:19

kɛ tɛtɛrɛmantɛrɛ gbɛɛmɔ kɛ wiemɔi agbɛɛmɔ ni mɛi ni nu lɛ kpa fai akɛ akawie eko afata he dɔŋŋ lɛ he nyɛba;

2 Mose 19:8

Ni maŋ tso muu lɛ fɛɛ here nɔ shi kome amɛkɛɛ, “Nibii fɛɛ ni Yehowa ekɛɛ lɛ wɔɔfee.” Mose hã Yehowa le hetoo ni maŋ lɛ hã lɛ.

2 Mose 24:3

Mose ba ni ebajaje Yehowa wiemɔi lɛ kɛ akpɔi lɛ fɛɛ etsɔ̃ɔ maŋ lɛ. Ni maŋ lɛ fɛɛ here nɔ kɛ gbee kome amɛkɛɛ, “Wiemɔi fɛɛ ni Yehowa ewie lɛ wɔɔye nɔ.”

5 Mose 5:26

Ejaakɛ mɛɛ gbɔmɔ adesa enu Nyɔŋmɔ hiɛkãalɔ lɛ gbee ni miiwie kɛjɛ la teŋ tamɔ wɔnu nɛɛ, ni eyi ena wala dã?

5 Mose 5:28

“Be ni nyɛkɛ mi wie nɛkɛ lɛ, Yehowa nu wiemɔi lɛ, ni ekɛɛ mi akɛ, ‘Minu wiemɔi ni maŋbii lɛ kɛ bo wie lɛ; amɛgbee lɛ ja.

Yoshua 24:24

Maŋbii lɛ here Yoshua nɔ akɛ, “Yehowa, wɔNyɔŋmɔ lɛ, lɛ wɔɔsɔ̃mɔ, ni lɛ toi wɔɔbo!”

Yeremia 42:6

Wiemɔ kpakpa ni jio, wiemɔ fɔŋ ni jio, wɔbaabo nɔ ni Yehowa, wɔNyɔŋmɔ lɛ, mɔ ŋɔɔ ni wɔtsuɔ bo lɛ, baakɛɛ toi, bɔ ni afee ni ahi ahã wɔ kɛji wɔbo Yehowa, wɔNyɔŋmɔ, gbee toi.”

2 Mose 18:20

ni otsɔ̃ɔ amɛ Nyɔŋmɔ akpɔi, nɔ ni ekɛɛ lɛ, ni ohã amɛle bɔ ni sa akɛ amɛba amɛjeŋ amɛhã, kɛ nɔ ni sa akɛ amɛfee.

2 Mose 20:18

Be ni Israelbii lɛ na bɔ ni ŋwɛi shimɔɔ, ni srawa gbalaa, ni tɛtɛrɛmantɛrɛ gbɛɔ, ni gɔŋ lɛ fãa lasu lɛ, amɛshe gbeyei, ni amɛkpokpo, ni amɛdamɔ sɛɛ flɛŋŋ.

Yeremia 42:5

Amɛ hu amɛkɛɛ Yeremia akɛ, “Yehowa afee odasefonyo anɔkwafo ashi wɔ kɛji wɔyeee wiemɔ fɛɛ wiemɔ ni Yehowa, oNyɔŋmɔ lɛ, kɛaatsu bo okɛbahã wɔ lɛ nɔ.