5 Mose 5:26 - ŊMALƐ KRƆŊKRƆŊ LƐ

²⁶ Ejaakɛ mɛɛ gbɔmɔ adesa enu Nyɔŋmɔ hiɛkãalɔ lɛ gbee ni miiwie kɛjɛ la teŋ tamɔ wɔnu nɛɛ, ni eyi ena wala dã?

Ṅmãle̱ Kroṅkroṅ Le̱

²⁶ Edšake̱ namo yo̱ ádesãi fẽ ateṅ, ní enu Nyoṅmo̱ hĩekãlo̱ le̱ gbē miwie ke̱-mīdše̱ la mli, tamo̱ wo̱, ni eyi ená wala?

5 Mose 5:26 ပူးပေါင်းရင်းမြစ်များ

1 Mose 32:31

Be ni efoŋ yɛ Peniel lɛ, je etsɛre lɛ, ni eetsutsɔ egboŋ.

1 Mose 6:12

Nyɔŋmɔ na akɛ shikpɔŋ lɛ nɔ efite ejaakɛ gbɔmɛi fɛɛ efite amɛjeŋba yɛ shikpɔŋ lɛ nɔ.

Lalai 42:2

Misusuma miiye bo Nyɔŋmɔ ni ji Nyɔŋmɔ hiɛkãalɔ lɛ he kumai. Te be po ni maba, ni mabana Nyɔŋmɔ hiɛ hu?

Lalai 42:3

Mihiɛ yaafonu etsɔ̃ miniyenii shwaneshwane kɛ nyɔɔŋnyɔɔŋ fɛɛ, be mli ni mɛi biɔ mi akɛ, “Nɛgbɛ oNyɔŋmɔ lɛ yɔɔ lɛ?”

Lalai 84:2

Misusuma hiɛ miitse Yehowa kpoi lɛ anɔ; hiɛtselɛ lɛ hãa misusuma tɔɔ biti po. Mikɛ mitsui kɛ migbɔmɔtso fɛɛ laa kɛ miishɛɛ hãa Nyɔŋmɔ hiɛkãalɔ lɛ.

2 Mose 20:22

Yehowa kɛɛ Mose akɛ, “Kɛɛmɔ Israelbii lɛ akɛ, ‘Nyɛ diɛŋtsɛ nyɛna akɛ ŋwɛi mijɛ mikɛ nyɛ wie nɛɛ.

Yesaia 40:6

Gbee ko miibo akɛ, “bolɔmɔ!” Ni mikɛɛ, “Te mibolɔ mikɛɛ tɛŋŋ?” “Bolɔmɔ akɛ heloo fɛɛ heloo lɛ jwɛi ni; ni ehoɔ eyaa tamɔ ŋa nɔ fɔfɔi.

Yeremia 10:10

Shi Yehowa ji anɔkwa Nyɔŋmɔ. Lɛ ji Nyɔŋmɔ hiɛkãalɔ kɛ Naanɔ Maŋtsɛ lɛ. Emlifu hãa shikpɔŋ hosoɔ, ni maji nyɛɛɛ emlila lɛ naa adamɔ.

Daniel 6:26

Miiwo kitã akɛ mɔ fɛɛ mɔ ni yɔɔ minɔyeli nɛɛ he fɛɛ he lɛ, ehe akpokpo, ni eshe Daniel Nyɔŋmɔ lɛ gbeyei.” “Lɛ ji Nyɔŋmɔ hiɛkãalɔ lɛ, mɔ ni yɛ kɛmiiya naanɔ lɛ; anyɛŋ emaŋtsɛyeli hiɛ akpãtã, ni ehewalɛ lɛ sɛɛ efoŋ.

Mateo 26:63

Shi Yesu etswaaa esɛŋ. Ni osɔfonukpa lɛ kɛɛ lɛ akɛ, “Mina Nyɔŋmɔ, hiɛkãalɔ lɛ, akɛ kɛji bo ji Kristo, Nyɔŋmɔ Bi lɛ, kɛɛmɔ wɔ!”

Bɔfoi 14:15

“Ataamɛi, mɛni nyɛfeɔ nɛɛ? Wɔ hu gbɔmɛi adesai ji wɔ tamɔ nyɛ nɔŋŋ, ni wɔmiijaje Sanekpakpa wɔmiitsɔ̃ɔ nyɛ, koni nyɛku nyɛsɛɛ kɛjɛ nɛkɛ yakayakanii nɛɛ ahe kɛba Nyɔŋmɔ hiɛkãalɔ lɛ ŋɔɔ, mɔ ni fee ŋwɛi kɛ shikpɔŋ kɛ ŋshɔ kɛ nii fɛɛ ni yɔɔ amɛmli lɛ.

Romabii 3:20

Ejaakɛ adamɔŋ Mla lɛ nitsumɔ nɔ abuŋ gbɔmɔ ko gbɔmɔ ko bem yɛ ehiɛ; ejaakɛ Mla nɔ atsɔ̃ɔ aleɔ nɔ ni ji esha.

2 Korintobii 6:16

Ni asaŋ mɛɛ ekomefeemɔ yɔɔ Nyɔŋmɔ Sɔlemɔtsu kɛ amãgãi ateŋ? Ejaakɛ Nyɔŋmɔ hiɛkãalɔ lɛ Sɔlemɔtsu ji nyɛ, tamɔ bɔ ni Nyɔŋmɔ kɛɛ akɛ, “Mahi amɛmli, ni manyiɛ yɛ amɛteŋ. Ni matsɔ̃ amɛNyɔŋmɔ, ni amɛ hu amɛaatsɔ̃ mimaŋ.”

5 Mose 4:33

Ani maŋ ko nɔ bii enu nyɔŋmɔ ko gbee ni miiwie kɛmiijɛ la mli yɛ amɛhiɛ dã, tamɔ bɔ ni nyɛ lɛ nyɛnu, ni nyɛhiɛ kã nɛɛ lɛ?

5 Mose 5:27

No hewɔ lɛ, bo tsi obɛŋkɛ Yehowa koni obo nɔ fɛɛ nɔ ni wɔNyɔŋmɔ lɛ aaakɛɛ lɛ toi ni obakɛɛ wɔ nɔ fɛɛ nɔ ni Yehowa, wɔNyɔŋmɔ lɛ, kɛ bo aaawie. Wɔbaabo toi, ni wɔbaafee hu.’

1 Tesalonikabii 1:9

Ejaakɛ amɛ diɛŋtsɛ amɛgbaa wɔhe sane bɔ ni wɔba nyɛŋɔɔ kɛ bɔ ni nyɛkpale kɛjɛ amãgãi ahe kɛba Nyɔŋmɔ ŋɔɔ ni nyɛbasɔ̃mɔ anɔkwa Nyɔŋmɔ hiɛkãalɔ lɛ

Yoshua 3:10

Be ni maŋbii lɛ tsi ba lɛ, Yoshua kɛɛ amɛ akɛ, “Enɛ nyɛkɛaale akɛ Nyɔŋmɔ hiɛkãalɔ lɛ yɛ nyɛteŋ, ni akɛ shwiemɔ eeeshwie Kanaanbii lɛ kɛ Hitbii lɛ kɛ Hivbii lɛ kɛ Perizbii lɛ kɛ Girgashbii lɛ kɛ Amorbii lɛ kɛ Yebusbii lɛ kɛaaje nyɛhiɛ.

Kojolɔi 13:22

Manoa kɛɛ eŋã lɛ akɛ, “Gboimɔ wɔbaagboi lɛ, ejaakɛ wɔna Nyɔŋmɔ.”

1 Samuel 17:26

David bihii komɛi ni damɔ emasɛi lɛ akɛ, “Mɛni akɛɛ abaafee ahã mɔ ni aaagbe Filistinyo nɛɛ koni ekpa ahora ni ebɔɔ Israel nɛɛ? Kwɛ Filistinyo foolɔ nɛɛ, lɛ ebɔɔ Nyɔŋmɔ hiɛkãalɔ lɛ tai lɛ ahora?”