5 Mose 5:10 - ŊMALƐ KRƆŊKRƆŊ LƐ

¹⁰ Shi mɛi akpei abɔ fɛɛ ni sumɔɔ mi, ni amɛyeɔ mikitãi anɔ lɛ, misumɔɔ amɛ kɛ suɔmɔ ni tsakeee, ni minaa amɛ mɔbɔ hu.’

Ṅmãle̱ Kroṅkroṅ Le̱

¹⁰ ni minaä mei akpei abo̱ ní sumoo̱mi ní ame̱yeo̱ mikitãi ano̱ le̱ amo̱bo̱.

5 Mose 5:10 ပူးပေါင်းရင်းမြစ်များ

Lalai 103:17

Shi Yehowa suɔmɔ ni tsakeee lɛ eyɛ kɛjɛ naanɔ kɛmiiya naanɔ. Eyɛ hã mɛi ni sheɔ lɛ gbeyei lɛ, ni ejalɛ lɛ yɛ hã bii abii.

2 Mose 20:5

“Kaaja amɛ, ni kaasɔ̃mɔ amɛ hu, ejaakɛ mi Yehowa, oNyɔŋmɔ lɛ, Nyɔŋmɔ ni yeɔ awuŋã ji mi, ni miwoɔ tsɛmɛi kɛ bii anyɔmɔ yɛ tsɛmɛi lɛ atɔ̃mɔi ahewɔ kɛyashiɔ yinɔ ni ji etɛ̃ kɛ yinɔ ni ji ejwɛ tete ni nyɛɔ mi lɛ nɔ.

2 Mose 34:7

mɔ ni yɔɔ suɔmɔ hã mɛi akpei abɔ, ni ekɛ tɔ̃mɔ kɛ esha faa, shi ehãaa tɔ̃lɔ ko aye ehe tswaa, ni ewoɔ bii nyɔmɔ yɛ amɛtsɛmɛi lɛ anajiaŋ yɛ tsɛmɛi lɛ atɔ̃mɔi ahewɔ kɛyashiɔ yinɔ ni ji etɛ̃ kɛ yinɔ ni ji ejwɛ lɛ nɔ lɛ.”

Yeremia 32:18

Osuɔmɔ lɛ sɛɛ efooo hã mɛi akpeiakpei abɔ; shi okɛ tsɛmɛi anishaianii lɛ ahe toigbalamɔ hãa amɛbii ni baa yɛ amɛsɛɛ. Ao! Nyɔŋmɔ hewalɔ kpele, bo ni ogbɛi ji Yehowa Taiatsɛ,

Daniel 9:4

Mikpa Yehowa miNyɔŋmɔ lɛ fai, ni mijaje tɔ̃mɔi mikɛɛ, “Ao! Nuŋtsɔ, bo ji Nyɔŋmɔ kpeteŋkple ni he yɔɔ gbeyei ni yeɔ ekpãŋmɔ nɔ, mɔ ni suɔmɔ sɛɛ efooo hã mɛi ni sumɔɔ lɛ, ni amɛyeɔ ekitãi lɛ anɔ lɛ.

4 Mose 14:18

‘Mi, Yehowa, mimli fuuu mra, ni mimɔbɔnalɛ hu fa; ni mikɛ tɔ̃mɔ kɛ efɔŋfeemɔ faa; shi kɛ̃lɛ mihãaa tɔ̃lɔ aŋɔ ehe aye, ni miwoɔ bii anyɔmɔ yɛ tsɛmɛi atɔ̃mɔi ahewɔ kɛyashiɔ yinɔ ni ji etɛ̃ kɛ yinɔ ni ji ejwɛ tete nɔ.’

Yohane 14:15

“Kɛji nyɛmiisumɔ mi lɛ nyɛaaye mikitãi lɛ anɔ.

Yohane 15:14

Kɛji nyɛfee nii ni miwoɔ nyɛ he kitã lɛ, no lɛ mishieŋtsɛmɛi ji nyɛ.

Romabii 8:28

Shi wɔle akɛ mɛi ni sumɔɔ Nyɔŋmɔ lɛ, nibii fiaa yeɔ buaa amɛ ni ahi ahã amɛ, amɛ mɛi ni atsɛ amɛ yɛ yiŋtoo naa lɛ.

Galatabii 5:6

Ejaakɛ Kristo Yesu mli lɛ, jeee ketiafoo, ni asaŋ jeee foo hu ni nyɛɔ nɔ ko efeɔ, shi moŋ hemɔkɛyeli ni tsɔ̃ɔ suɔmɔ nɔ etsuɔ nii lɛ.

5 Mose 4:40

No hewɔ lɛ, nyɛyea Yehowa akpɔi kɛ kitãi ni miwoɔ nyɛ ŋmɛnɛ gbi nɛɛ nɔ, koni ahi ahã nyɛ kɛ nyɛbii ni baa yɛ nyɛsɛɛ lɛ, bɔ ni afee ni nyɛtsɛ yɛ shikpɔŋ ni Yehowa, nyɛNyɔŋmɔ lɛ, kɛhãa nyɛ lɛ nɔ.”

5 Mose 7:12

“Kɛji nyɛbo nɛkɛ mlai nɛɛ toi, ni nyɛye nɔ lɛ, no lɛ Yehowa, nyɛNyɔŋmɔ lɛ, baaye kpãŋmɔ ni ekɛ nyɛ ekpãŋ lɛ nɔ, ni ebaasumɔ nyɛ kɛ suɔmɔ ni tsakeee tamɔ bɔ ni ewo nyɛtsɛmɛi lɛ shi eto lɛ.

5 Mose 7:9

No hewɔ lɛ, nyɛnaa nyɛlea akɛ Yehowa, nyɛNyɔŋmɔ lɛ, lɛ ji Nyɔŋmɔ koome lɛ, Nyɔŋmɔ anɔkwafo, mɔ ni yeɔ shi ni ewo nɔ, asaŋ ni esuɔmɔ tsakeee yɛ mɛi ni esumɔɔ ni amɛyeɔ ekitãi anɔ kɛyashiɔ amɛshwiei ni ji akpe lɛ ayinɔ tɔ̃ɔ lɛ.

Yakobo 1:25

Shi mɔ ni kwɛɔ heyeli mla ni hi kɛwula shi lɛ fitsofitso ni ekãa he efeɔ ni ejeee mɔ ni nuɔ ni ehiɛ kpaa nɔ, shi moŋ etsuɔ he nii lɛ, nakai mɔ lɛ aaajɔɔ lɛ yɛ efeemɔ lɛ mli.

Yoshua 22:5

Shi moŋ nyɛkwɛa nyɛhe nɔ jogbaŋŋ ni ahia koni nyɛye kitãi kɛ mlai lɛ ni Yehowa tsulɔ Mose wo nyɛ lɛ anɔ. No ji akɛ nyɛsumɔ nyɛNyɔŋmɔ lɛ, ni nyɛfee esuɔmɔnaanii, ni nyɛye ekitãi lɛ anɔ, ni nyɛye lɛ anɔkwa, ni nyɛsɔ̃mɔ lɛ kɛ nyɛtsui kɛ nyɛnyɛmɔ fɛɛ.”

1 Yohane 1:7

Shi kɛji wɔnyiɛɔ là lɛ mli, tamɔ bɔ ni lɛ diɛŋtsɛ eyɔɔ là lɛ mli lɛ, no lɛ wɔkɛ wɔhe miibɔ naanyo, ni eBi Yesu Kristo la lɛ tsumɔɔ wɔhe kɛjeɔ esha fɛɛ mli.