5 Mose 4:9 - ŊMALƐ KRƆŊKRƆŊ LƐ

⁹ Shi moŋ, nyɛkwɛa ni ahia kɛkɛ koni nyɛhiɛ ahia nyɛhe nɔ jogbaŋŋ, bɔ ni afee ni nyɛhiɛ akaje nibii ni nyɛna kɛ nyɛ diɛŋtsɛ nyɛhiŋmɛii nɛɛ anɔ nyɛwala gbii abɔ fɛɛ. Ni nyɛgbaa nyɛbii kɛ nyɛnabii lɛ,

Ṅmãle̱ Kroṅkroṅ Le̱

⁹ Ši kwe̱mo̱ ohe ní ahĩ ke̱ke̱ ní ohĩe ahĩ ohe no̱ dšogbäṅ, koni *ohĩe akadše sãdši ní ohĩṅme̱ii ena le̱ ano̱, ni ame̱-kadše otšui mli owala gbĩĩabo̱ fẽ, ni ohã obii ke̱ onãbii ale, *Lal. 103,2.

5 Mose 4:9 ပူးပေါင်းရင်းမြစ်များ

1 Mose 18:19

ejaakɛ mile lɛ akɛ eeefã ebii kɛ ewebii ni baa yɛ esɛɛ lɛ koni amɛbo mi toi ni amɛfee nɔ ni hi kɛ nɔ ni ja koni nɔ ni mi, Yehowa, miwo shi yɛ ehe lɛ aba mli.”

Lalai 119:11

Mikɛ owiemɔ lɛ eto mitsui mli koni mikafee esha mishi bo.

Lalai 71:18

Belɛ migbɔlɛ kɛ miwaŋjee nɛɛ mli lɛ, Oo Nyɔŋmɔ, kaakwa mi, kɛyaashi majaje ohewalɛ lɛ matsɔ̃ɔ yinɔbii ni baa lɛ.

2 Mose 10:2

koni ogba obii kɛ obii abii nibii ni mifee yɛ Ijipt, kɛ naakpɛɛ okadii ni mifee yɛ amɛteŋ, ni okpã owo amɛtoiiaŋ koni nyɛna nyɛle akɛ mi ji Yehowa.”

2 Mose 23:13

“Nibii fɛɛ ni mikɛɛ nyɛ lɛ nyɛyea nɔ. Nyɛkatsĩa nyɔŋmɔi krokomɛi agbɛii ata, akanu yɛ nyɛnaa tete.”

Abe̱i 1:8

Mibi, bo otsɛ tsɔsemɔ toi, ni kaashɛ mla ni onyɛ woɔ bo lɛ ofɔ̃.

Abe̱i 23:26

Mibi ŋɔɔ otsui ohã mi, ni okɔ minane.

Abe̱i 3:21

Mibi, kɛ nilee kɛ sanesɛɛkɔmɔ ato; kaahã ohiɛ miije nɔ kwraa,

Abe̱i 7:1

Mibi, ye miwiemɔi lɛ anɔ, ni okɛ mikitãi lɛ ato.

Yesaia 38:19

Hiɛkãalɔi hɛɛ, hiɛkãalɔi moŋ ji mɛi ni jieɔ oyi, tamɔ bɔ ni mifeɔ ŋmɛnɛ nɛɛ. Tsɛmɛi ni hãa bii leɔ onɔkwayeli lɛ.

Yesaia 42:20

Israel, ona nibii babaoo, shi otɛ̃jeee ohiɛ okwɛɛɛ amɛ. Otoii anaa kã nɛ, shi onuuu nii.”

Yeremia 17:21

Bɔ ni Yehowa kɛɛ ekoŋŋ nɛ, Nyɛkwɛa jogbaŋŋ yɛ nyɛ diɛŋtsɛ nyɛwala hewɔ koni nyɛkatere jatsu ko yɛ hejɔɔmɔ gbi lɛ nɔ, aloo nyɛtere jatsu ko kɛtsɔ̃ Yerusalɛm agboi nɛɛ amli kɛbote maŋ lɛ mli.

Luka 8:18

No hewɔ lɛ, nyɛkwɛa ni ahia yɛ bɔ ni nyɛnuɔ wiemɔ lɛ nyɛhãa he; ejaakɛ mɔ fɛɛ mɔ ni yɔɔ nɔ ko lɛ, aaahã lɛ; shi mɔ ni bɛ nɔ ko lɛ, aaashɔ̃ nɔ ni efeɔ lɛ akɛ eyɔɔ lɛ tete yɛ edɛŋ.”

Efesobii 6:4

Ni nyɛ tsɛmɛi lɛ, nyɛkawoa nyɛbii amli la, shi moŋ nyɛlɛa amɛ yɛ Nuŋtsɔ lɛ tsɔsemɔ kɛ ewiemɔkɛtsɔ̃ɔmɔ lɛ mli.

5 Mose 11:19

Nyɛtsɔ̃a nyɛbii; nyɛwiea he be ni nyɛtara shi yɛ shĩateŋ kɛ be ni nyɛnyiɛ gbɛ, kɛ be ni nyɛjɔɔ nyɛhe kɛ be ni nyɛtsuɔ nii fɛɛ.

5 Mose 12:1

“Akpɔi kɛ mlai ni nyɛjwɛŋ nɔ nyɛye nɔ gbii abɔ ni nyɛyɔɔ shikpɔŋ ni Yehowa, nyɛtsɛmɛi aNyɔŋmɔ lɛ, kɛhãa nyɛ akɛ nyɛnɔ lɛ nɛ.

5 Mose 16:3

Nyɛkɛ masha nii akayea Hehoo niyenii lɛ. Nyɛyea ma akpiti aboloo gbii kpawo akɛ amanehulu aboloo, ejaakɛ nyɛshi Ijipt shikpɔŋ lɛ nɔ kɛ hejojomɔ. Nyɛyea ma akpiti aboloo nɛɛ koni nyɛwala gbii abɔ fɛɛ lɛ, nyɛkɛkai gbi ni nyɛje Ijipt shikpɔŋ lɛ nɔ lɛ.

5 Mose 17:19

Wolo lɛ ahi eŋɔɔ, ni ekane ewala gbii abɔ fɛɛ, bɔ ni afee ni ekase Yehowa, eNyɔŋmɔ lɛ, gbeyeishemɔ; ni asaŋ eye mlai kɛ akpɔi nɛɛ anɔ pɛpɛɛpɛ.

5 Mose 29:29

“Teemɔŋ nibii lɛ Yehowa, wɔNyɔŋmɔ lɛ, koome nɔ ni; shi kɛji ajie nɔ ko kpo atsɔ̃ɔ pɛ, nɔ lɛ etsɔ̃ wɔ kɛ wɔbii anɔ kɛmiiya naanɔ, bɔ ni afee ni wɔye mla nɛɛ mli wiemɔi lɛ fɛɛ kwa nɔ.”

5 Mose 31:19

“No hewɔ lɛ, agbɛnɛ ŋmaa nɛkɛ lala nɛɛ, ni otsɔ̃ɔ Israelbii lɛ. Lala lɛ ahi amɛdaaŋ. Enɛ baaye mi kɛ Israelbii ateŋ odase.

5 Mose 32:46

ekɛɛ amɛ akɛ, “Nyɛhãa wiemɔi fɛɛ ni mikɛshwie nyɛhiɛ ŋmɛnɛ gbi nɛɛ akãa nyɛtsui nɔ; ni nyɛkpãa nyɛwoa nyɛbii atoiiaŋ koni amɛjwɛŋ nɛkɛ mla nɛɛ mli wiemɔi lɛ fɛɛ anɔ, ni amɛye nɔ;

5 Mose 4:10

titri lɛ, sane ni ba gbi ni nyɛdamɔ Yehowa, nyɛNyɔŋmɔ lɛ hiɛ yɛ Sinai Gɔŋ lɛ he lɛ, be ni Yehowa kɛɛ mi akɛ, ‘Buamɔ maŋ lɛ naa ohã mi, shi miitao akɛ mahã amɛnu nɔ ni makɛɛ koni amɛkɛkase mi gbeyeishemɔ gbii abɔ ni amɛyɔɔ jeŋ lɛ, asaŋ koni amɛgba amɛbii hu.’

5 Mose 4:15

“No hewɔ lɛ, nyɛkwɛa nyɛhenɔ ni ahia. Kɛji gbi nɔ ni Yehowa jɛ la lɛ mli ekɛ nyɛ wie yɛ Sinai Gɔŋ lɛ shishi lɛ, nyɛnaaa lɛ diɛŋtsɛ lɛ,

5 Mose 4:23

Nyɛkwɛa nyɛhenɔ ni ahia koni nyɛhiɛ akaje kpãŋmɔ ni Yehowa, nyɛNyɔŋmɔ lɛ, kɛ nyɛ kpãŋ lɛ nɔ, ni nyɛyafee nɔ ko henɔ amãgã tamɔ bɔ ni Yehowa, nyɛNyɔŋmɔ lɛ, egu nyɛ lɛ;

5 Mose 6:12

nyɛkwɛa nyɛhe nɔ ni ahĩa koni nyɛhiɛ akajea Yehowa, mɔ ni jie nyɛ kɛje Ijipt shikpɔŋ lɛ nɔ he ni aye nyɛ nyɔŋ yɛ lɛ, nɔ.

5 Mose 6:2

Nyɛ kɛ nyɛshwiei awala gbii abɔ fɛɛ mli lɛ, esa akɛ nyɛshe Yehowa, nyɛNyɔŋmɔ lɛ, gbeyei ni nyɛye akpɔi kɛ kitãi ni miwoɔ nyɛ nɛɛ fɛɛ nɔ, koni nyɛwala sɛɛ atsɛ.

5 Mose 6:20

“Kɛji nyɛbii aaabi nyɛ wɔ ko loo wɔsɛɛ ko akɛ, ‘Te odaseyeli saji kɛ akpɔi kɛ mlai ni Yehowa, wɔNyɔŋmɔ lɛ, wo nyɛ lɛ shishi hu lɛ’,

5 Mose 6:7

ni otsɔ̃ɔ obii fitsofitso. Owie he be mli ni ota shi yɛ oshĩaŋ; owie he be mli ni onyiɛ gbɛteŋ; owie he be mli ni ojɔɔ ohe kɛ be mli ni otsuɔ nii.

5 Mose 8:11

“Nyɛkwɛa nyɛhe ni ahia koni nyɛhiɛ akakpa Yehowa nyɛNyɔŋmɔ lɛ nɔ, ni no hã nyɛyeee ekitãi kɛ emlai kɛ ekpɔi ni miwoɔ nyɛ ŋmɛnɛ nɛɛ nɔ.

5 Mose 8:14

nyɛkwɛa ni ahia koni nyɛkawo nyɛhe nɔ ni nyɛhiɛ miikpa Yehowa, nyɛNyɔŋmɔ lɛ nɔ. Lɛ mɔ ni ejie nyɛ kɛje Ijipt shikpɔŋ lɛ nɔ he ni aye nyɛ nyɔŋ yɛ lɛ.

Hebribii 2:1

No hewɔ lɛ, esa akɛ wɔjwɛŋmɔ ahi nii ni wɔnu lɛ anɔ jogbaŋŋ, koni wɔkakplaŋ kɛje he be ko.

Hebribii 2:3

te wɔ lɛ wɔbaafee tɛŋŋ wɔjo nyɔmɔwoo naa foi hu, kɛji wɔbuuu nɛkɛ yiwalaheremɔ kpeteŋkple nɛɛ lɛ? Nuŋtsɔ lɛ tsutsu wie he, ni mɛi ni nu lɛ hu ma nɔ mí amɛhã wɔ,

Yakobo 2:22

Oona akɛ hemɔkɛyeli kɛ enitsumɔi lɛ nyiɛ ni nitsumɔi lɛ amli ejɛ ni ehemɔkɛyeli lɛ ye emuu lɛ.

Yoshua 1:18

Mɔ fɛɛ mɔ ni aaatse ohiɛ atua, ni efeee nɔ ni ofã akɛ efee lɛ, aaagbe lɛ. Bo lɛ wajemɔ ohe ni ofee ekãa jogbaŋŋ kɛkɛ.”

Yoshua 23:11

No hewɔ lɛ, nyɛlea nyɛhenɔkwɛmɔ jogbaŋŋ koni nyɛsumɔ Yehowa, nyɛNyɔŋmɔ lɛ.

Yoshua 4:21

kɛkɛ ni ekɛɛ Israelbii lɛ akɛ, “Kɛji nyɛbii aaabi nyɛ wɔsɛɛ ko akɛ, ‘Te nɛkɛ tɛi nɛɛ ashishi hu lɛ,’

Kpojiemɔ 3:3

No hewɔ lɛ, kaimɔ nɔ ni ona ni onu lɛ, ni oye nɔ, ni otsake otsui. Shi kɛ ohiɛ etsɛ̃ɛɛ lɛ, maba tamɔ julɔ, ni oleŋ nɔ ŋmɛlɛtswaa nɔ ni maba onɔ kwraa.

Kojolɔi 3:7

Israelbii lɛ fee efɔŋ amɛshi Yehowa. Amɛhiɛ kpa Yehowa, amɛNyɔŋmɔ lɛ nɔ, ni amɛyasɔmɔ Baal nyɔŋmɔi lɛ kɛ Ashera nyɔŋmɔi lɛ.

Kojolɔi 8:34

Amɛkaiii Yehowa, amɛNyɔŋmɔ lɛ, mɔ ni jie amɛ yɛ amɛhenyɛlɔi fɛɛ adɛŋ yɛ he fɛɛ he lɛ.