5 Mose 4:5 - ŊMALƐ KRƆŊKRƆŊ LƐ

⁵ “Naa, mitsɔ̃ɔ nyɛ akpɔi kɛ mlai lɛ bɔ ni Yehowa, miNyɔŋmɔ lɛ, fã akɛ mifee lɛ, koni nyɛye nɔ yɛ shikpɔŋ ni nyɛyaa nyɛyaŋɔ lɛ nɔ.

Ṅmãle̱ Kroṅkroṅ Le̱

⁵ Na, mitšõnye akpo̱i ke̱ mlai, take̱ bo̱ni Iehowa, mi-Nyoṅmo̱ le̱, ewomi kitã le̱, koni nyeye no̱ ye̱ šikpoṅ ní nyeyaä nyeyaṅõ le̱ no̱.

5 Mose 4:5 ပူးပေါင်းရင်းမြစ်များ

Lalai 71:17

Oo Naa Nyɔŋmɔ, otsɔ̃ɔ mi nii kɛjɛ miblahiaŋ; ni miijaje onaakpɛɛ nitsumɔi lɛ lolo.

2 Mose 18:20

ni otsɔ̃ɔ amɛ Nyɔŋmɔ akpɔi, nɔ ni ekɛɛ lɛ, ni ohã amɛle bɔ ni sa akɛ amɛba amɛjeŋ amɛhã, kɛ nɔ ni sa akɛ amɛfee.

Yeremia 11:6

Ni Yehowa kɛɛ mi akɛ, “Yaashiɛ wiemɔi nɛɛ fɛɛ yɛ Yuda maji kɛ Yerusalɛm blohuiaŋ ni okɛɛ akɛ, ‘Nyɛboa nɛkɛ kpãŋmɔ nɛɛ mli wiemɔi lɛ toi, ni nyɛyea nɔ.

Ezekiel 20:11

Miwo amɛ mlai kɛ akpɔi lɛ, ni kɛ gbɔmɔ ye nɔ ni eyi aaana wala lɛ.

3 Mose 19:19

“Nyɛyea mikpɔi lɛ anɔ. Kaahã oshĩa kooloi srɔtoi miifutu amɛmiikwɔ. Oŋmɔ mli hu kaafutu wui srɔtoi odu. Ni kaawo atade ni akɛ klala kɛ kuŋtu futu lo.

3 Mose 26:46

Akpɔi kɛ kitãi kɛ mlai ni Yehowa tsɔ̃ Mose nɔ ewo yɛ Sinai Gɔŋ lɛ nɔ koni ekã lɛ, Yehowa, kɛ Israelbii lɛ ateŋ ji enɛɛmɛi.

3 Mose 27:34

Enɛɛmɛi ji kitãi ni Yehowa fã Mose yɛ Sinai Gɔŋ lɛ nɔ akɛ ewo Israelbii lɛ.

3 Mose 7:38

Enɛ he Yehowa wo Mose kitã yɛ gbi nɔ ni ewo Israelbii lɛ kitã akɛ amɛkɛ amɛfɔlei lɛ aba abahã Yehowa yɛ Sinai Gɔŋ ni yɔɔ Sinai ŋa lɛ nɔ lɛ.

Mateo 28:20

ni nyɛtsɔ̃ɔ amɛ ni amɛye nii fiaa ni mikɛɛ nyɛ lɛ nɔ. Ni naa, mi lɛ mikɛ nyɛ yɛ daa kɛyaashi jeŋ naagbee lɛ.”

Bɔfoi 20:27

ejaakɛ mijaje Nyɔŋmɔ yiŋtoo muu lɛ fɛɛ mitsɔ̃ɔ nyɛ ni mishiuuu eko nɔ.

1 Korintobii 11:28

Shi gbɔmɔ aka lɛ diɛŋtsɛ ehe ekwɛ dani eye aboloo nɛɛ eko ni enu kpulu nɛɛ eko.

1 Korintobii 15:3

Ejaakɛ saji ni he hiaa fe fɛɛ ni akɛhã mi ni mi hu mikɛhã nyɛ lɛ ji akɛ Kristo gbo yɛ wɔhe eshai lɛ ahewɔ yɛ ŋmalɛi lɛ anaa;

5 Mose 11:32

nyɛkwɛa jogbaŋŋ koni nyɛye akpɔi lɛ fɛɛ kɛ mlai lɛ hu fɛɛ ni mikɛshwieɔ nyɛhiɛ ŋmɛnɛ gbi nɛɛ lɛ anɔ.

5 Mose 4:1

Agbɛnɛ Mose kɛɛ Israelbii lɛ akɛ, “Nyɛyea akpɔi kɛ mlai ni mitsɔ̃ɔ nyɛ lɛ anɔ koni nyɛyi ana wala koni nyɛya nyɛyaŋɔ shikpɔŋ ni Yehowa, nyɛtsɛmɛi aNyɔŋmɔ lɛ, kɛhãa nyɛ lɛ.

5 Mose 4:2

Nyɛkɛ nɔ ko akafataa mlai ni miwoɔ nyɛ nɛɛ ahe, ni asaŋ nyɛkajiea nɔ ko yɛ mli hu. Nyɛyea Yehowa, nyɛNyɔŋmɔ lɛ, mlai ni miwoɔ nyɛ nɛɛ nɔ.

5 Mose 4:4

shi nyɛ mɛi ni nyɛye Yehowa, nyɛNyɔŋmɔ lɛ, anɔkwa lɛ, nyɛ fɛɛ tswɛm nyɛyi ena wala kɛbashi ŋmɛnɛ.

5 Mose 4:40

No hewɔ lɛ, nyɛyea Yehowa akpɔi kɛ kitãi ni miwoɔ nyɛ ŋmɛnɛ gbi nɛɛ nɔ, koni ahi ahã nyɛ kɛ nyɛbii ni baa yɛ nyɛsɛɛ lɛ, bɔ ni afee ni nyɛtsɛ yɛ shikpɔŋ ni Yehowa, nyɛNyɔŋmɔ lɛ, kɛhãa nyɛ lɛ nɔ.”

5 Mose 5:1

Mose tsɛ Israelbii lɛ fɛɛ kɛbakpe, ni ekɛɛ amɛ akɛ, “Israelbii, nyɛboa akpɔi kɛ mlai ni mibajaje mawo nyɛtoiiaŋ ŋmɛnɛ nɛɛ toi; nyɛkasea ni nyɛjwɛŋa nɔ jogbaŋŋ ni nyɛye nɔ.

5 Mose 6:1

“Agbɛnɛ kitãi lɛ kɛ akpɔi lɛ kɛ mlai lɛ ni Yehowa, nyɛNyɔŋmɔ lɛ, fã akɛ mitsɔ̃ɔ nyɛ lɛ nɛ, koni nyɛyaye nɔ yɛ shikpɔŋ ni nyɛyaa ni nyɛyaŋɔ lɛ nɔ.

5 Mose 7:11

No hewɔ lɛ, kitãi kɛ akpɔi kɛ mlai ni miwoɔ nyɛ ŋmɛnɛ gbi nɛɛ lɛ, nyɛkwɛa jogbaŋŋ koni nyɛyea nɔ.”

5 Mose 8:11

“Nyɛkwɛa nyɛhe ni ahia koni nyɛhiɛ akakpa Yehowa nyɛNyɔŋmɔ lɛ nɔ, ni no hã nyɛyeee ekitãi kɛ emlai kɛ ekpɔi ni miwoɔ nyɛ ŋmɛnɛ nɛɛ nɔ.

Hebribii 3:5

Ni Mose lɛ, eye anɔkwa yɛ eshĩa muu lɛ fɛɛ mli akɛ sɔ̃ɔlɔ, koni eye nii ni abaawie lɛ ahe odase.