5 Mose 4:39 - ŊMALƐ KRƆŊKRƆŊ LƐ

³⁹ No hewɔ lɛ, nyɛnaa nyɛlea ŋmɛnɛ, ni nyɛkɛtoa nyɛyiŋ, akɛ Yehowa ji ŋwɛi kɛ shikpɔŋ lɛ fɛɛ Nyɔŋmɔ; lɛ esɛɛ lɛ mɔ ko bɛ dɔŋŋ.

Ṅmãle̱ Kroṅkroṅ Le̱

³⁹ Nohewo le̱ ṅme̱ne̱ ná ole ni oke̱-to otšuiṅ, ake̱ Iehowa le̱, le̱ dši Nyoṅmo̱ ní yo̱ ṅwei ke̱ šikpoṅ le̱ no̱; ese̱ le̱ moko be̱.

5 Mose 4:39 ပူးပေါင်းရင်းမြစ်များ

2 Samuel 7:22

Anɔkwa, oda kpeteŋkple, Ofe, ejaakɛ mɔ ko mɔ ko kɛ bo yeee egbɔ, ni asaŋ yɛ nii fɛɛ ni wɔnu kɛ wɔtoi lɛ naa lɛ, osɛɛ lɛ nyɔŋmɔ ko nyɔŋmɔ ko bɛ.

1 Kronika 17:20

Yehowa, yɛ nibii fɛɛ ni wɔnu naa lɛ, mɔ ko mɔ ko bɛ ni kɛ bo ye egbɔ, ni asaŋ osɛɛ lɛ mɔ ko bɛ ni ji nyɔŋmɔ ko.

1 Kronika 28:9

“Ni bo, mibi Solomon, ole otsɛ ni ji Nyɔŋmɔ lɛ; osɔ̃mɔ lɛ kɛ otsuiŋ fɛɛ, asaŋ ojie oyitsoŋ fɛɛ hu ni okɛsɔ̃mɔ lɛ! Ejaakɛ Yehowa taoɔ adesã tsuiŋ fɛɛ, ni ele eyitsoŋ fɛɛ. Kɛji otao esɛɛgbɛ lɛ eeehã ona lɛ; shi kɛji okwa lɛ lɛ, eeeshɛ bo efɔ̃ kɛya naanɔ.

1 Kronika 29:11

Yehowa, oda ni Bo oyɔɔ hewalɛ kɛ anunyam; oyeɔ nii fɛɛ nɔ kunim, ni oje agbo ejaakɛ nɔ fɛɛ nɔ ni yɔɔ ŋwɛi kɛ shikpɔŋ lɛ nɔ lɛ onɔ ni. Yehowa, bo ji maŋtsɛ ni ota nii fɛɛ nɔ akɛ yitso.

2 Kronika 20:6

ni ekɛɛ akɛ, “Yehowa, wɔtsɛmɛi aNyɔŋmɔ, bo ji Nyɔŋmɔ ni yɔɔ ŋwɛi, asaŋ mɔ ni yeɔ je lɛ mli maji fɛɛ anɔ. Bo oyɔɔ hewalɛ kɛ nyɛmɔ, ni mɔ ko kwraa bɛ ni baanyɛ bo onaa aku.

Lalai 100:3

Nyɛnaa nyɛlea akɛ Yehowa lɛ, lɛ ji Nyɔŋmɔ! Lɛ ebɔ wɔ, ni lɛ enii ji wɔ; emaŋ kɛ elɛɛhe lɛ toi ji wɔ.

Lalai 115:3

WɔNyɔŋmɔ lɛ, Ŋwɛii amli ŋwɛi lɛ eyɔɔ; ni nɔ fɛɛ nɔ ni esumɔɔ lɛ, no efeɔ.

Lalai 135:6

Nɔ fɛɛ nɔ ni sa Yehowa hiɛ, yɛ ŋwɛi kɛ shikpɔŋ lɛ nɔ, yɛ ŋshɔ kɛ bui voovoi lɛ amli lɛ, no efeɔ.

2 Mose 8:10

Farao jie naa akɛ, “Wɔ”. Mose kɛɛ lɛ akɛ, “Aaafee bɔ ni obi lɛ koni okɛna ole akɛ mɔ ko mɔ ko bɛ ni tamɔ Yehowa wɔNyɔŋmɔ lɛ.

Yesaia 1:3

Tsina le mɔ nɔ̃ ni ji lɛ, ni teji hu le he ni enuŋtsɔ eto eniyenii adeka yɛ. Shi Israel lɛ, lɛ lɛ eleee enɛ mli ekoeko; miwebii lɛ bɛ niiashishinumɔ.”

Yesaia 43:10

Yehowa kɛɛ akɛ, “Israelbii, nyɛ ji midasefoi, mɛi ni miŋɔ akɛ mitsuji koni nyɛle mi ni nyɛhe mi nyɛye, ni nyɛnu shishi akɛ, mi, mi koome ji Nyɔŋmɔ. Mi, misɛɛ lɛ, Nyɔŋmɔ ko Nyɔŋmɔ ko bɛ; eko bako dã ni ekoeko baŋ hu.

Yesaia 44:8

Nyɛhe akakpokpoa ni nyɛkashea gbeyei! Ani jeee blema beebe mijɛ mikɛɛ nyɛ, ni nyɛnu kɛjɛ minaa? Nyɛ ji midasefoi! Ani misɛɛ lɛ Nyɔŋmɔ ko yɛ? Tɛsaa ko bɛ he ko he ko, mileee eko.”

Yesaia 5:12

Amɛkɛ saŋku kɛ obenta kɛ milɛ̃ kɛ blɛ kɛ wain yeɔ amɛgbiijuji lɛ, shi amɛbuuu Yehowa, nifeemɔnii, ni amɛnãaa eninenaa nitsumɔi lɛ hu.

Daniel 4:35

Shikpɔŋ lɛ nɔ gbɔmɛi jeee fɛifɛi yɛ ehiɛ, ŋwɛi bɔfoi kɛ adesai fɛɛ yɛ eshishi. Mɔ ko nyɛŋ enine etswa efɔ̃, loo eeebi lɛ akɛ, ‘Mɛni ofeɔ nɛɛ?’

Hosea 7:2

Efeee amɛ kwraa akɛ miina amɛnifɔɔjianii lɛ fɛɛ. Shi naa amɛnifeemɔnii lɛ ebɔle amɛ, ni miikwɛ.”

1 Korintobii 8:4

Agbɛnɛ nɔ ni kɔɔ wɔji afɔle nii ayeli he lɛ, wɔle akɛ wɔŋ ko wɔŋ ko jeee fɛifɛi yɛ je nɛɛ mli, ni asaŋ nyɔŋmɔ ko nyɔŋmɔ ko bɛ, akɛ ja Mɔ kome kɛkɛ.

1 Korintobii 8:6

wɔ lɛ, Nyɔŋmɔ kome pɛ wɔyɔɔ, Tsɛ lɛ, mɔ mli ni nibii fɛɛ jɛ ni wɔyɔɔ wɔhã lɛ lɛ, kɛ Nuŋtsɔ kome hu ni ji Yesu Kristo lɛ, mɔ nɔ ni nibii fɛɛ tsɔ̃ kɛba ni wɔ hu wɔtsɔ̃ enɔ lɛ.

5 Mose 32:12

nakai Yehowa koome nyiɛ ewebii ahiɛ, ni maŋsɛɛ nyɔŋmɔ ko fataaa ehe.

5 Mose 32:29

Eji amɛle nii kulɛ amɛaanu nɔ ni ba lɛ shishi, ni amɛaayoo bɔ ni amɛnaagbee mli aaabatamɔ.

5 Mose 4:35

Ahã nyɛna nibii nɛɛ koni nyɛkɛle akɛ Yehowa koome ji Nyɔŋmɔ, ni lɛ esɛɛ lɛ nyɔŋmɔ ko bɛ dɔŋŋ.

5 Mose 6:4

“Bo toi, Israel! Yehowa, wɔNyɔŋmɔ lɛ, lɛ ekoome ji Yehowa.

5 Mose 7:9

No hewɔ lɛ, nyɛnaa nyɛlea akɛ Yehowa, nyɛNyɔŋmɔ lɛ, lɛ ji Nyɔŋmɔ koome lɛ, Nyɔŋmɔ anɔkwafo, mɔ ni yeɔ shi ni ewo nɔ, asaŋ ni esuɔmɔ tsakeee yɛ mɛi ni esumɔɔ ni amɛyeɔ ekitãi anɔ kɛyashiɔ amɛshwiei ni ji akpe lɛ ayinɔ tɔ̃ɔ lɛ.

Yoshua 2:11

Amrɔ nɔŋŋ ni wɔnu saji nɛɛ lɛ, wɔtsui fã, ni shi ofɔ̃ shi nuu fɛɛ nuu nɔ yɛ nyɛhewɔ, ejaakɛ Yehowa, nyɛNyɔŋmɔ lɛ, lɛ ji ŋwɛi ni yɔɔ shɔŋŋ lɛ kɛ shikpɔŋ ni yɔɔ ŋwɛi shishi lɛ nɔ Nyɔŋmɔ.

1 Samuel 2:2

“Mɔ krɔŋkrɔŋ ko bɛ tamɔ bo, Yehowa, osɛɛ lɛ mɔ ko bɛ dɔŋŋ; Mɔ ko bɛ hewalɛ tamɔ wɔNyɔŋmɔ lɛ.