5 Mose 4:34 - ŊMALƐ KRƆŊKRƆŊ LƐ

³⁴ Aloo nyɛnu nyɔŋmɔ ko eka dã akɛ eeeya maŋ ko nɔ, ni eyakpɔ̃ mɛi komɛi kɛje nakai maŋ lɛ mli ni ebafee mɛi lɛ lɛ diɛŋtsɛ emɛi tamɔ bɔ ni Yehowa, nyɛNyɔŋmɔ lɛ, tsɔ̃ kai kɛ okadii kɛ naakpɛɛ nii, kɛ ta kɛ nineshiwalɛ kɛ hewalɛ kpeteŋkple nɔ efee ehã nyɛ yɛ Ijipt, yɛ nyɛ diɛŋtsɛ nyɛhiŋmɛiiaŋ lɛ?

Ṅmãle̱ Kroṅkroṅ Le̱

³⁴ Alo Nyoṅmo̱ eka ni eba ebadšie dšeṅmaṅ ko ke̱-dše̱ dšeṅmaṅ kroko mli ye̱ *kāi anā, ke̱ okadii anā, ke̱ nākpe̱nii anā, ke̱ tawū nā, ke̱ ninešiwale̱ nā, ke̱ nine ní akpã mli nā, ke̱ gbeyeinii wudši anā, tamo̱ bo̱ni Iehowa, nye-Nyoṅmo̱ le̱, fe hãnye ye̱ Mizraim ye̱ nyehĩṅme̱iaṅ le̱ lo? *7,19.

5 Mose 4:34 ပူးပေါင်းရင်းမြစ်များ

Lalai 136:12

Ekɛ nineshiwalɛ kɛ kpɔiaŋwalɛ tsu enɛ; ejaakɛ naanɔ esuɔmɔ ni tsakeee lɛ hiɔ shi kɛyaa!

Lalai 24:8

Namɔ ji anunyam maŋtsɛ nɛɛ? Lɛ ji Yehowa, hewalɔ kɛ kãkãlɔ lɛ. Lɛ ji Yehowa, ta mli kunimyelɔ lɛ.

Lalai 78:12

Efee naakpɛɛnii yɛ amɛtsɛmɛi lɛ ahiɛ yɛ Ijipt shikpɔŋ lɛ nɔ, yɛ Zoan ŋa lɛ nɔ.

2 Mose 1:9

Maŋtsɛ nɛɛ kɛɛ emaŋbii lɛ akɛ, “Nyɛkwɛa, Israelbii lɛ ayi efa, ni amɛna hewalɛ hu fe wɔ.

2 Mose 10:21

Agbɛnɛ Yehowa kɛɛ Mose akɛ, “Kpã onine mli kɛya ŋwɛi koni duŋ awo yɛ Ijipt shikpɔŋ lɛ nɔ, duŋ kabitii.”

2 Mose 10:7

Kɛkɛ ni Farao tsuji lɛ kɛɛ lɛ akɛ, “Mɛɛ beyinɔ nɔŋŋ ni nuu nɛɛ aaahao wɔ kɛyashi? Hã Israelbii lɛ aya ni amɛyasɔ̃mɔ Yehowa, amɛNyɔŋmɔ lɛ. Ani oleko lolo akɛ Ijipt hiɛ miikpãtã?”

2 Mose 13:3

Mose kɛɛ Israelbii lɛ akɛ, “Nyɛkaia nɛkɛ gbi nɛɛ, ni ji gbi nɔ ni nyɛje Ijipt nyɔŋyeli shishi lɛ, ejaakɛ nineshiwalɛ naa Yehowa jie nyɛ kɛje jɛi. No hewɔ lɛ, nyɛkayea masha nii.

2 Mose 14:30

Nakai gbi lɛ, bɔ ni Yehowa fee ehere Israelbii lɛ ayiwala kɛjɛ Ijiptbii adɛŋ nɛ, ni Israelbii lɛ na Ijiptbii lɛ jwere ŋshɔ lɛ naa ni amɛgboi.

2 Mose 15:11

“Namɔ tamɔ Bo, Yehowa, yɛ nyɔŋmɔi lɛ ateŋ? Namɔ tsuɔ nyam nii ni yɔɔ gbeyei kɛ naakpɛɛ?

2 Mose 19:4

‘Nyɛ diɛŋtsɛ nyɛna nɔ ni mifee Ijiptbii lɛ, kɛ bɔ ni mihiɛ nyɛ kɛ hewalɛ tamɔ okropɔŋ, ni mikɛ nyɛ bashɛ miŋɔɔ yɛ biɛ nɛɛ lɛ.

2 Mose 3:10

No hewɔ lɛ, ba ni matsu bo Farao ŋɔɔ koni oyajie mimaŋ Israel kɛje Ijipt.”

2 Mose 6:6

No hewɔ lɛ, kɛɛmɔ Israelbii lɛ akɛ mikɛɛ, ‘Mi ji Yehowa, ni majie nyɛ, ni mawo Ijiptbii lɛ ajatsu lɛ yɛ nyɛkuɛ nɔ, ni mahere nyɛ kɛje nyɔŋ ni amɛyeɔ nyɛ lɛ mli. Mikɛ mihewalɛ aaakpɔ̃ nyɛ, ni no nɔŋŋ mikɛaagbala Ijiptbii lɛ atoi.

2 Mose 7:3

Shi mahã Farao akpliŋ etsui, ni okadii kɛ naakpɛɛ nibii babaoo ni mafee yɛ Ijipt shikpɔŋ lɛ nɔ lɛ fɛɛ sɛɛ lɛ,

Yesaia 51:9

Tee shi, tee shi koo! Yehowa, wo ohewalɛ nine lɛ nɔ. Tee shi tamɔ ofee blema ko lɛ, tamɔ yɛ jeeŋmɔ yinɔi komɛi anɔ lɛ. Aso jeee bo ofolɔ ŋshɔŋ kooloo Rahab lɛ mli dukuduku lɛ? Aso jeee bo ofolɔ kooloo drako gbeyeigbeyei lɛ mli lɛ?

Yeremia 21:5

Mibagri, ni mi diɛŋtsɛ moŋ mikɛ nyɛ baawu kɛ nineshiwalɛ yɛ mlifu kɛ mlila naa.

Yeremia 32:21

Otsɔ̃ okadii kɛ naakpɛɛ nibii kɛ ohewalɛ lɛ kɛ onyɛmɔ ni hã ashe gbeyei lɛ nɔ ni ojie owebii kɛje Ijipt shikpɔŋ lɛ nɔ,

4 Mose 20:16

Wɔfo wɔtsɛ Yehowa, ni ebo wɔ toi, ni etsu bɔfo ni ebajie wɔ kɛje Ijipt. Wɔbashɛ Kadesh amrɔ nɛɛ, ni ji maŋ ni yɔɔ ohusu lɛ naa kpaakpa.

5 Mose 1:30

Yehowa, nyɛNyɔŋmɔ lɛ, mɔ ni nyiɛ nyɛhiɛ lɛ, baawu ehã nyɛ lɛ diɛŋtsɛ, tamɔ bɔ ni efee ehã nyɛ yɛ nyɛ diɛŋtsɛ nyɛhiŋmɛiaŋ, yɛ Ijipt,

5 Mose 10:21

Nyɛjiea eyi ejaakɛ lɛ ji nyɛNyɔŋmɔ lɛ; ni asaŋ nyɛna kɛ nyɛhiŋmɛi nibii wuji ni yɔɔ gbeyei ni etsu ehã nyɛ lɛ.

5 Mose 11:2

Ŋmɛnɛ gbi nɛɛ nyɛkaia tsɔsemɔ ni Yehowa, nyɛNyɔŋmɔ lɛ, etsɔse nyɛ lɛ, kɛ egbojee lɛ kɛ enineshiwalɛ lɛ kɛ ehewalɛ lɛ hu. Ejaakɛ jeee nyɛbii ni amɛnako aloo amɛleko nibii nɛɛ ji mɛi ni mikɛ wieɔ nɛɛ.

5 Mose 26:8

Kɛkɛ ni Yehowa bakpɔ̃ wɔ yɛ Ijipt yɛ ehewalɛ kɛ enineshiwalɛ naa. Ehã naakpɛɛ kɛ gbeyei nibii ba, ni ekɛto okadi.

5 Mose 29:3

Nyɛna haomɔi kpelei lɛ kɛ okadii lɛ kɛ naakpɛɛ nii wuji lɛ;

5 Mose 33:29

Israel, omii ashɛ ohe! Namɔ tamɔ bo, maŋ ni Yehowa ehere oyiwala? Mɔ ni ji oyelikɛbuamɔ tsɛŋ kɛ okunimyeli klante lɛ? Ohenyɛlɔi aaashwie amɛnaa shi amɛhã bo, ni obaanaanaa amɛhei grɔŋŋi lɛ anɔ.”

5 Mose 34:12

Gbalɔ ko hu bako ni eyɛ hewalɛ kpele, ni efee naakpɛɛnii kɛ gbeyeinii tamɔ Mose fee yɛ Israelbii ahiɛ lɛ.

5 Mose 5:15

Nyɛkaia akɛ nyɛ hu nyɔji ji nyɛ yɛ Ijipt shikpɔŋ lɛ nɔ, ni Yehowa, nyɛNyɔŋmɔ lɛ, kɛ nineshiwalɛ yakpɔ̃ nyɛ kɛje jɛi yɛ ehewalɛ naa. No hewɔ ni Yehowa, nyɛNyɔŋmɔ lɛ, wo nyɛ kitã akɛ nyɛye hejɔɔmɔ gbi lɛ akɛ gbi krɔŋkrɔŋ lɛ.

5 Mose 6:21

no lɛ nyɛkɛa nyɛbii lɛ akɛ, ‘Sa ko lɛ Ijipt maŋtsɛ ye wɔ nyɔŋ yɛ Ijipt shikpɔŋ lɛ nɔ, ni Yehowa kɛ nineshiwalɛ bajie wɔ kɛje Ijipt.

5 Mose 7:19

Nyɛkaia helai wuji kɛ okadii kɛ naakpɛɛnii ni nyɛna kɛ nyɛhiŋmɛii lɛ kɛ nineshiwalɛ kɛ hewalɛ ni Yehowa, nyɛNyɔŋmɔ lɛ, kɛkpɔ̃ nyɛ lɛ. Nakai pɛpɛɛpɛ Yehowa, nyɛNyɔŋmɔ lɛ, baafee maji fɛɛ ni nyɛ lɛ nyɛsheɔ amɛ gbeyei lɛ.

5 Mose 9:29

Bɔ fɛɛ bɔ ni fee lɛ, bo diɛŋtsɛ omɛi ni oje gbɛ oŋɔ ji amɛ, ni oyakpɔ̃ amɛ yɛ Ijipt shikpɔŋ lɛ nɔ kɛ nineshiwalɛ yɛ ohewalɛ lɛ naa.’

Yoshua 24:7

Nyɛtsɛmɛi lɛ bolɔ amɛtsɛ Yehowa, ni ekɛ duŋ kpii fo nyɛ kɛ Ijiptbii lɛ ateŋ; asaŋ ehã ŋshɔ lɛ yi, ni eha Ijiptbii lɛ anɔ. Nyɛna nɔ ni mifee Ijiptbii lɛ kɛ nyɛhiŋmɛi. Nyɛhi ŋã lɛ nɔ be babaoo.

1 Petro 5:6

Hewɔ lɛ nyɛbaa nyɛhe shi yɛ Nyɔŋmɔ nine ni wa lɛ shishi, koni ewo nyɛnɔ yɛ be ni sa mli.