5 Mose 4:32 - ŊMALƐ KRƆŊKRƆŊ LƐ

³² “Nyɛbia blema gbii ni eho dani afɔ nyɛ lɛ mli sane akɛ kɛjɛ gbi nɔ ni Nyɔŋmɔ bɔ gbɔmɔ adesa yɛ shikpɔŋ lɛ nɔ nɛɛ lɛ, nɔ ko kpeteŋkple tamɔ nɛkɛ sane eba dã lo? Aloo nyɛbia kɛjɛa ŋwɛi naagbeehe kome kɛyashia ŋwɛi naagbeehe kome hu akɛ anu sane ko ni tamɔ enɛ dã lo?

Ṅmãle̱ Kroṅkroṅ Le̱

³² Edšake̱ agbe̱ne̱ bi gbĩĩ ní eho ní etšṍ ohĩe le̱ amli sane, ke̱-dše̱ gbĩ no̱ ní Nyoṅmo̱ bo̱ gbomo ye̱ šikpoṅ le̱ no̱, ni asaṅ ke̱-dše̱ ṅwei nāgbēhe kome ke̱-yaši ṅwei nāgbẽhe kroko le̱, ake̱ aye sane ko ni tamo̱ ne̱ke̱ sane kpeteṅkple ne̱, alo anu sane ko ní tamo̱ no lo?

5 Mose 4:32 ပူးပေါင်းရင်းမြစ်များ

1 Mose 1:27

No hewɔ lɛ, Nyɔŋmɔ bɔ gbɔmɔ adesa yɛ esu nɔ, Nyɔŋmɔ su lɛ nɔ ebɔ lɛ yɛ, ebɔ nuu, ni ebɔ yoo.

2 Samuel 7:23

Mɛɛ maŋ kroko ko yɔɔ shikpɔŋ lɛ nɔ ni etamɔ omaŋ Israel, ni ji maŋ ni bo Nyɔŋmɔ otee oyakpɔ̃ amɛ; ni ofee amɛ bo diɛŋtsɛ owebii, ni okɛhe gbɛi, ni otsu nibii wuji ni yɔɔ gbeyei ohã amɛ, akɛ ogbɛ maŋ muu kɛ amɛnyɔŋmɔi fɛɛ oshwã yɛ amɛhiɛ?

Hiob 8:8

“Ofainɛ, bo lɛ bi tsutsu yinɔbii, ni obo nɔ ni amɛtsɛmɛi ekpa shi ni amɛna lɛ toi.

Lalai 44:1

Oo Nyɔŋmɔ, wɔnu kɛ wɔtoi; wɔblematsɛmɛi lɛ egba wɔ nibii ni otsu yɛ amɛyinɔ, yɛ blema bei lɛ amli.

2 Mose 34:10

Yehowa kɛɛ Mose akɛ, “Naa, mi kɛ nyɛ baakpãŋ. Mibafee naakpɛɛ nii yɛ omaŋ lɛ fɛɛ hiɛ, ni ji nii ni eko bako dã yɛ shikpɔŋ lɛ nɔ fɛɛ, loo yɛ maŋ ko maŋ ko nɔ, ni mɛi ateŋ ni oyɔɔ lɛ kɛaana Yehowa nitsumɔ, ejaakɛ mi kɛ bo baatsu nii ni yɔɔ gbeyei.

Yesaia 45:12

Mi mibɔ shikpɔŋ lɛ, mi mibɔ gbɔmɔ mito nɔ. Mi mikɛ minine kpã ŋwɛi mli miha shi. Hulu, nyɔɔŋtsere kɛ ŋulamii, ŋwɛi nibii lɛ, mi mifamɔ naa ni amɛba.

Yoel 1:2

Nyɛ mɛi ni nyɛdara, nyɛboa toi, nyɛ Yuda shikpɔŋ lɛ nɔ bii fɛɛ, nyɛfea toi. Nɔ ni eba nɛɛ, ani eko eba dã yɛ nyɛyinɔ, loo yɛ nyɛtsɛmɛi ayinɔ tete?

Amos 3:2

“Jeŋ maji fɛɛ ateŋ lɛ, nyɛ pɛ ji maŋ ni mile, ni no hewɔ lɛ, mibawo nyɛ nibii gbohii ni nyɛfee lɛ ahe nyɔmɔ.”

Mateo 24:31

Ni eeetsu ebɔfoi lɛ kɛ tɛtɛrɛmantɛrɛ ni gbee wa, ni amɛaabua ehalamɔbii lɛ anaa kɛaajɛ kɔɔyɔi ejwɛ lɛ anɔ, kɛajɛ ŋwɛi naagbeehe kome kɛaaya naagbeehe kroko lɛ.”

Marko 13:27

No ni eeetsu ebɔfoi lɛ, ni amɛaabua mɛi ni ehala lɛ anaa kɛaajɛ kɔɔyɔi ejwɛ lɛ anɔ, kɛjɛ shikpɔŋ naagbeehe kɛyashi ŋwɛi naagbeehe.”

5 Mose 28:64

“Ni Yehowa aaagbɛ nyɛ ashwã shikpɔŋ lɛ nɔ bii lɛ fɛɛ ateŋ, kɛjɛ je lɛ naagbeehe kome kɛyashi naagbeehe kome hu, ni nyɛbaaya nyɛyaja tso kɛ tɛ nyɔŋmɔi ni nyɛ loo nyɛtsɛmɛi lɛ leee.

5 Mose 30:4

Nyɛteŋ mɛi ni eeeshɛrɛ amɛ ashwie je lɛ mli naagbeehei tete po lɛ, Yehowa, nyɛNyɔŋmɔ lɛ, aaabaŋɔ amɛ kɛaaje jɛi kɛaaba.

5 Mose 32:7

“Nyɛkaia blema jeeŋmɔ ko lɛ, nyɛjwɛŋa yinɔi ni eho lɛ ahe; nyɛbia nyɛtsɛmɛi, ni amɛaagba nyɛ, kɛ nyɛnukpai lɛ hu, ni amɛaakɛɛ nyɛ.

5 Mose 33:29

Israel, omii ashɛ ohe! Namɔ tamɔ bo, maŋ ni Yehowa ehere oyiwala? Mɔ ni ji oyelikɛbuamɔ tsɛŋ kɛ okunimyeli klante lɛ? Ohenyɛlɔi aaashwie amɛnaa shi amɛhã bo, ni obaanaanaa amɛhei grɔŋŋi lɛ anɔ.”

5 Mose 4:7

“Ejaakɛ mɛɛ maŋ wulu kroko yɔɔ dɔŋŋ ni yɔɔ nyɔŋmɔ ko ni bɛŋkɛɔ amɛ tamɔ bɔ ni Yehowa, wɔNyɔŋmɔ lɛ, bɛŋkɛɔ wɔ be fɛɛ be ni wɔɔtsɛ lɛ lɛ?