5 Mose 4:31 - ŊMALƐ KRƆŊKRƆŊ LƐ

³¹ ejaakɛ Yehowa, nyɛNyɔŋmɔ lɛ, musuŋtsɔlɔ ji lɛ; ekwaŋ nyɛ, ni asaŋ ekpãtãŋ nyɛhiɛ; ni ehiɛ kpaŋ kpãŋmɔ ni ekɛ nyɛtsɛmɛi lɛ kpãŋ lɛ nɔ, nɔ ni ekã he kitã ehã amɛ lɛ.

Ṅmãle̱ Kroṅkroṅ Le̱

³¹ Edšake̱ Mawu ní mũsũṅ tšõo̱le̱ dši Iehowa, o-Nyoṅmo̱ le̱; ekwaṅo ni asaṅ ekpãtãṅ ohĩe, ni ehĩe kpaṅ otše̱mei le̱ akpãṅmo̱ ní ekã no̱ kitã ehãame̱ le̱ no̱.

5 Mose 4:31 ပူးပေါင်းရင်းမြစ်များ

1 Kronika 28:20

Kɛkɛ ni Maŋtsɛ David kɛɛ ebi Solomon akɛ, “Wajemɔ ohe ni ofee ekãa; kaashe gbeyei, ni otsui akafã hu. Ejaakɛ Yehowa Nyɔŋmɔ, ni ji mi, miNyɔŋmɔ lɛ, yɛ osɛɛ; ekwaŋ bo lɛ, eshiŋ bo hu kɛyaashi beyinɔ ni ooogbe Yehowa We lɛ mãa he nitsumɔi lɛ fɛɛ anaa.

2 Kronika 30:9

Ejaakɛ kɛji nyɛkpale kɛba Yehowa ŋɔɔ lɛ, mɛi ni baŋɔ nyɛnyɛmimɛi lɛ kɛ nyɛbii lɛ hu nom kɛtee maŋsɛɛ lɛ amusuŋ baatsɔ̃ amɛ yɛ amɛhe, ni amɛbaaŋmɛɛ nyɛnyɛmimɛi lɛ kɛ nyɛbii lɛ ahe koni amɛku amɛsɛɛ amɛba shikpɔŋ nɛɛ nɔ ekoŋŋ. Yehowa, nyɛNyɔŋmɔ lɛ, durolɔ kɛ mɔbɔnalɔ ji lɛ; ni kɛji nyɛkpale nyɛba eŋɔɔ lɛ, ebaahere nyɛ atuu.”

Nehemia 1:5

ni mikɛɛ, ‘Oo Yehowa, Naa Nyɔŋmɔ ni yɔɔ ŋwɛi, ni oda ni ohe yɔɔ gbeyei! Okɛ osuɔmɔ ni tsakeee yeɔ kpãŋmɔ ni okɛ mɛi ni sumɔɔ bo, ni amɛyeɔ okitãi lɛ anɔ lɛ kpãŋɔ lɛ nɔ, ni okɛtsɔ̃ɔ akɛ anɔkwafo ji bo.

Nehemia 9:31

Shi kɛ̃lɛ omɔbɔnalɛ babaoo lɛ naa lɛ, oŋmɛɛɛ amɛhe, ni asaŋ okpãtãaa amɛhiɛ, ejaakɛ Nyɔŋmɔ ni musuŋ tsɔ̃ɔ lɛ ni enaa mɔbɔ ji bo.

Lalai 103:8

Mɔbɔnalɔ kɛ durolɔ ji Yehowa, emli fuuu mra, ni esuɔmɔ ni tsakeee lɛ fa babaoo.

Lalai 105:8

Ehiɛ yɛ ekpãŋmɔ lɛ nɔ kɛmiiya naanɔ. Ehiɛ yɛ ewiemɔ ni ekɛ ma shi ehã yinɔi akpe lɛ nɔ;

Lalai 111:4

Ehãa akaiɔ enaakpɛɛ nitsumɔi lɛ. Durolɔ kɛ mɔbɔnalɔ ji Yehowa.

Lalai 111:5

Ehãa mɛi ni sheɔ lɛ gbeyei lɛ yeɔ nii tɔrɔɔ; be fɛɛ be lɛ ekaiɔ ekpãŋmɔ lɛ.

Lalai 111:9

Ehã akpɔ̃ ewebii lɛ, ni ekɛ amɛkpãŋ naanɔ kpãŋmɔ, Egbɛi lɛ he tse, ni egbɛi lɛ he yɛ gbeyei.

Lalai 116:5

Durolɔ kɛ jalɔ ji Yehowa; wɔNyɔŋmɔ lɛ mɔbɔnalɔ ni.

Lalai 86:15

Oo Nuŋtsɔ, shi bo lɛ Nyɔŋmɔ musuŋtsɔlɔ kɛ durolɔ ji bo! Omli fuuu mra, ni osuɔmɔ ni tsakeee lɛ kɛ onɔkwayeli lɛ fa babaoo.

Lalai 86:5

Oo Nuŋtsɔ, ejaakɛ ohi, ni oŋɔɔ tɔ̃mɔ ofaa; ni suɔmɔ ni osumɔɔ mɛi fɛɛ ni sɔleɔ tsɛɔ bo lɛ fa babaoo.

2 Mose 6:8

Mikɛ nyɛ aaatee shikpɔŋ lɛ ni mikã he kitã akɛ mikɛbaahã Abraham kɛ Isak kɛ Yakob lɛ nɔ. Mi ji Yehowa.’ ”

Yeremia 14:21

Ogbɛi lɛ hewɔ lɛ, kaakwa wɔ; kaahã Yerusalɛm hiɛ miishwie shi; he ni ogbojee maŋtsɛ sɛ̃i lɛ yɔɔ lɛ. Kaimɔ kpãŋmɔ ni okɛ wɔ kpãŋ lɛ; ni okaku mli.

Yeremia 30:11

Ejaakɛ mikɛ nyɛ yɛ koni mahere nyɛyiwala. Mibakpãtã majimaji fɛɛ ni migbɛ nyɛ mishwã amɛnɔ lɛ ahiɛ kɛmɔ shi. Shi bo lɛ, mikpãtãŋ ohiɛ kɛmɔŋ shi; shi kɛ̃lɛ mibagbala otoi bɔ ni sa kɛkɛ, ni mihaŋ oŋɔ ohe oye tswaa.”

3 Mose 26:42

no lɛ mibakai mi kɛ Yakob teŋ kpãŋmɔ lɛ, kɛ mi kɛ Isak teŋ kpãŋmɔ lɛ hu, kɛ mi kɛ Abraham teŋ kpãŋmɔ lɛ hu, ni mibakai amɛshikpɔŋ lɛ.

3 Mose 26:44

Enɛ fɛɛ sɛɛ lɛ, be mli ni amɛyɔɔ amɛhenyɛlɔi lɛ ashikpɔŋ lɛ nɔ tete lɛ, mikwaŋ amɛ, ni minyaŋeŋ amɛ bɔ ni no baahã makpãtã amɛhiɛ kwraa kɛku mi kɛ amɛteŋ kpãŋmɔ lɛ mli, ejaakɛ mi ji Yehowa, amɛNyɔŋmɔ lɛ.

3 Mose 26:45

Shi amɛhewɔ lɛ, mibakai mi kɛ amɛtsɛmɛi lɛ ateŋ kpãŋmɔ lɛ, amɛtsɛmɛi lɛ ni mijie yɛ Ijipt shikpɔŋ lɛ nɔ yɛ majimaji lɛ ahiɛ lɛ, koni matsɔ̃ amɛNyɔŋmɔ lɛ. Mi ji Yehowa.”

Yona 4:2

No hewɔ lɛ, esɔle, ni ekɛɛ akɛ, “Ao, Yehowa, ani jeee nɔ ni mikɛɛ be mli ni miyɔɔ mimaŋ lɛ eba mli nɛɛ? Enɛ hewɔ nɔŋŋ ni mijɛ mra mijo foi kɛmiiya Tarshish lɛ. Ejaakɛ mile akɛ bo lɛ, Nyɔŋmɔ durolɔ kɛ musuŋtsɔlɔ ji bo; omli fuuu mra, ni omɔbɔnalɛ fa, ni otsakeɔ oyiŋtoo yɛ toigbalamɔ he.

Mika 7:18

Nyɔŋmɔ ko bɛ ni kɛ esha faa tamɔ bo. Okuɔ ohiɛ ofɔ̃ɔ omaŋbii ni eshwɛ lɛ amlatɔ̃mɔ nɔ. Ohiɛɛɛ mlifu mli kɛyaaa naanɔ, ejaakɛ onaa mɔbɔnalɛ he tsui.

4 Mose 14:18

‘Mi, Yehowa, mimli fuuu mra, ni mimɔbɔnalɛ hu fa; ni mikɛ tɔ̃mɔ kɛ efɔŋfeemɔ faa; shi kɛ̃lɛ mihãaa tɔ̃lɔ aŋɔ ehe aye, ni miwoɔ bii anyɔmɔ yɛ tsɛmɛi atɔ̃mɔi ahewɔ kɛyashiɔ yinɔ ni ji etɛ̃ kɛ yinɔ ni ji ejwɛ tete nɔ.’

Luka 1:72

Ni ena wɔtsɛmɛi lɛ amɔbɔ ni ekai ekpãŋmɔ krɔŋkrɔŋ lɛ.

5 Mose 31:6

Nyɛhe awaa, ni nyɛfea ekãa; nyɛkashea gbeyei lɛ, nyɛtsui akafãa hu yɛ amɛhewɔ, ejaakɛ Yehowa, nyɛNyɔŋmɔ lɛ, ji mɔ ni kɛ nyɛ nyiɛ kɛyaa lɛ; eshiŋ nyɛ, ni ekwaŋ nyɛ hu.”

5 Mose 31:8

Yehowa ji mɔ ni aaanyiɛ ohiɛ kɛya; ni ekɛ bo aaahi shi; ehaŋ onine anyɛ shi lɛ, eshiŋ bo hu. Kaashe gbeyei, ni otsui akafã hu.”

Hebribii 13:5

Shikasuɔmɔ akaba nyɛjeŋba mli; ni nyɛmii ashɛ nii ni nyɛyɔɔ lɛ he; ejaakɛ Nyɔŋmɔ diɛŋtsɛ ekɛɛ, “Mishiŋ bo ni misaa mikwaŋ bo gbi ko gbi ko.”

Yoshua 1:5

Mɔ ko mɔ ko nyɛŋ ohiɛ adamɔ owalagbii abɔ fɛɛ. Bɔ ni mikɛ Mose hi shi lɛ, nakai nɔŋŋ mikɛ bo aaahi shi; mishiŋ bo, ni mikwaŋ bo hu.