5 Mose 4:29 - ŊMALƐ KRƆŊKRƆŊ LƐ

²⁹ Nyɛbaaye Yehowa, nyɛNyɔŋmɔ lɛ, he kumai yɛ jɛi; ni kɛji nyɛtao esɛɛgbɛ kɛ nyɛtsui fɛɛ kɛ nyɛnyɛmɔ fɛɛ lɛ nyɛbaana lɛ.

Ṅmãle̱ Kroṅkroṅ Le̱

²⁹ Ši ke̱dši nyetao Iehowa, o-Nyoṅmo̱ le̱, ye̱ dše̱i le̱, no le̱ oonale̱, ke̱dši otao ese̱gbe̱ ke̱ otšui fẽ ke̱ osusuma fẽ le̱. Lal. 27,8. Ies. 29,13. 14.

5 Mose 4:29 ပူးပေါင်းရင်းမြစ်များ

2 Maŋtsɛmɛi 10:31

Shi kɛ̃lɛ Yehu ediii sɛɛ ni eye Yehowa, Israel Nyɔŋmɔ lɛ, mla lɛ nɔ kɛ etsui muu lɛ fɛɛ. Efɔ̃ɔɔ eshai ni Yeroboam fee ni ekɛtɔ̃tɔ̃ Israel nane lɛ feemɔ.

2 Maŋtsɛmɛi 23:3

Kɛkɛ ni maŋtsɛ lɛ yadamɔ maŋtsɛmɛi ashidaamɔhe lɛ, yɛ Sɔlemɔ we lɛ, ni ekɛ Yehowa kpãŋ akɛ, ebaanyiɛ Yehowa sɛɛ, ni ebaaye emlai lɛ kɛ ekitãi lɛ kɛ ekpɔi lɛ anɔ kɛ etsui muu lɛ fɛɛ, kɛ esusuma muu lɛ fɛɛ koni eye nɛkɛ kpãŋmɔ nɛɛ mli wiemɔi ni aŋmã yɛ wolo nɛɛ mli lɛ fɛɛ nɔ. Maŋ muu lɛ fɛɛ wo shi akɛ amɛbaaye kpãŋmɔ nɛɛ nɔ.

2 Kronika 15:12

No sɛɛ lɛ, yɛ nakai gbi lɛ nɔ nɔŋŋ lɛ, amɛkã kitã akɛ amɛbaaja Yehowa, amɛtsɛmɛi aNyɔŋmɔ lɛ, kɛ amɛtsui kɛ amɛyitsoŋ fɛɛ,

2 Kronika 15:15

Yuda tso muu fɛɛ nya kitã ni amɛkã lɛ he akɛ amɛjɛ amɛtsuiŋ fɛɛ ni amɛkã; ejaakɛ amɛtao Yehowa sɛɛgbɛ kɛ amɛtsui fɛɛ, ni amɛna lɛ. Yehowa hã amɛna toiŋjɔlɛ yɛ amɛhe fɛɛ he kɛkpe.

2 Kronika 15:2

ni eyiŋ etee koni ekɛ Maŋtsɛ Asa ayakpe. Be ni amɛkpe lɛ Azaria kɛɛ maŋtsɛ lɛ akɛ, “Maŋtsɛ Asa kɛ Yuda kɛ Benyamin fɛɛ, nyɛboa mi toi. Gbii abɔ ni nyɛmiibo Yehowa toi lɛ, lɛ hu ekɛ nyɛ yɛ. Kɛji nyɛtao lɛ lɛ, nyɛbaana lɛ, shi kɛji nyɛkwa lɛ lɛ, lɛ hu ebaakwa nyɛ.

2 Kronika 15:4

Shi be ni fimɔ ba ni amɛkpale kɛyatao Yehowa, Israel Nyɔŋmɔ lɛ, sɛɛgbɛ lɛ amɛna lɛ.

2 Kronika 31:21

Nɔ fɛɛ nɔ ni ewo ehe nitsumɔ nɔ lɛ, yɛ Nyɔŋmɔ Sɔlemɔ we lɛ mli jamɔ gbɛfaŋ jio, Mla lɛ gbɛfaŋ jio, eNyɔŋmɔ lɛ sɛɛgbɛ taomɔ jio, etsu kɛ etsui fɛɛ, ni no hewɔ hu lɛ eye omanye.

Nehemia 1:9

shi kɛji nyɛkpale kɛba miŋɔɔ, ni nyɛye mikitãi lɛ anɔ lɛ, kɛji mɛi ni agbɛ ashwã lɛ yaje jeŋ naagbeehe tete lɛ, mabua amɛnaa kɛaajɛ jɛi tɔ̃ɔ, ni makpala amɛ kɛaaba he ni mito ni aja mi yɛ lɛ.’

Nehemia 9:27

No hewɔ lɛ, oŋmɛɛ amɛhe ohã amɛhenyɛlɔi, ni amɛhenyɛlɔi lɛ hao amɛ. Amɛhaomɔ nɛɛ mli lɛ amɛfo amɛtsɛ bo, ni ohere amɛ nɔ kɛjɛ ŋwɛi. Omɔbɔnalɛ babaoo lɛ naa lɛ, ojie hiɛnyiɛlɔi ohã amɛ koni amɛhere amɛ yɛ amɛhenyɛlɔi lɛ adɛŋ.

Lalai 119:10

Mitaoɔ osɛɛgbɛ kɛ mitsui muu lɛ fɛɛ; kaahã migba afã kɛje okitãi lɛ ahe.

Lalai 119:145

Mikɛ mitsui muu lɛ fɛɛ bolɔɔ tsɛɔ bo! Oo Yehowa, heremɔ mi nɔ, ni maye omlai lɛ anɔ.

Lalai 119:2

Ajɔɔ mɛi ni yeɔ ekpɔi lɛ anɔ ni amɛkɛ amɛtsui muu fɛɛ taoɔ esɛɛgbɛ lɛ,

Lalai 119:58

Mikɛ mitsui muu lɛ fɛɛ miikpa fai koni ona mi mɔbɔ yɛ oshiwoo lɛ naa.

Yeremia 3:10

Ni yɛ enɛɛmɛi fɛɛ asɛɛ lɛ Yuda, Israel nyɛmiyoo ni yeee anɔkwa lɛ, kpaleee kɛbaaa miŋɔɔ kɛ etsui fɛɛ, shi moŋ kwa ekwa eba miŋɔɔ. Mi Yehowa, mikɛɛ.”

Yeremia 51:50

Yehowa kɛɛ akɛ, “Nyɛ mɛi ni nyɛje klante naa gbele mli, nyɛyaa, nyɛkadamɔa shi. Nyɛkaia Yehowa yɛ shɔŋŋ he ni nyɛyɔɔ lɛ tete, ni nyɛkaia Yerusalɛm hu.

Ezekiel 6:9

no lɛ nyɛteŋ mɛi ni eje gbele mli lɛ aaakai mi yɛ majimaji lɛ ateŋ hei ni aŋɔ amɛ nom kɛtee lɛ. Kɛji mikumɔ amɛyiŋ flɛflɛ tsuii ni hã amɛkɛ yiŋ flɛflɛ yanyiɛ amɛmãgãi lɛ asɛɛ lɛ, amɛaanyaŋe amɛ diɛŋtsɛ amɛhe yɛ nifɔɔjianii kɛ musubɔɔ nii ni amɛfee lɛ fɛɛ ahewɔ.

Yoel 2:12

“Shi amrɔ nɛɛ po Yehowa kɛɛ, nyɛshwaa nyɛhe anɔkwale mli, ni nyɛkpalea kɛbaa miŋɔɔ kɛ ŋmaahilɛ kɛ yaafo kɛ ŋkɔmɔyeli.”

Amos 5:4

Nɔ ni Yehowa kɛɔ Israelbii ji akɛ, “Nyɛtaoa mi misɛɛgbɛ, ni nyɛyi aaana wala,

5 Mose 10:12

“No hewɔ lɛ, agbɛnɛ Israel, mɛni Yehowa, nyɛNyɔŋmɔ lɛ, taoɔ yɛ nyɛdɛŋ dɔŋŋ fe akɛ nyɛshe Yehowa, nyɛNyɔŋmɔ lɛ, gbeyei, ni nyɛba nyɛjeŋ bɔ ni etsɔ̃ɔ nyɛ lɛ, ni nyɛsumɔ lɛ ni nyɛ kɛ nyɛtsui fɛɛ kɛ nyɛnyɛmɔ fɛɛ hu asɔmɔ lɛ.

5 Mose 11:13

“Kɛji nyɛye kitãi ni miwoɔ nyɛ ŋmɛnɛ nɛɛ akɛ nyɛsumɔ Yehowa, nyɛNyɔŋmɔ lɛ, ni nyɛkɛ nyɛtsui kɛ nyɛnyɛmɔ fɛɛ hu asɔmɔ lɛ lɛ nɔ lɛ,

5 Mose 26:16

“Ŋmɛnɛ gbi nɛɛ lɛ Yehowa, oNyɔŋmɔ lɛ, miiwo bo kitã akɛ oye ekpɔi kɛ emlai lɛ anɔ. No hewɔ lɛ, kwɛmɔ jogbaŋŋ koni okɛ otsui kɛ onyɛmɔ fɛɛ aye nɔ.

5 Mose 30:10

Ebaafee nakai kɛji nyɛaabo Yehowa, nyɛNyɔŋmɔ lɛ, toi, ni nyɛaaye ekitãi lɛ kɛ ekpɔi lɛ ni aŋma yɛ nɛkɛ Mla Wolo nɛɛ mli lɛ anɔ, ni nyɛaakpale kɛ nyɛtsui kɛ nyɛnyɛmɔ fɛɛ kɛaaba Yehowa, nyɛNyɔŋmɔ lɛ, ŋɔɔ lɛ.

5 Mose 6:5

Suɔmɔ Yehowa, wɔNyɔŋmɔ lɛ, kɛ otsui fɛɛ kɛ omumɔ fɛɛ kɛ onyɛmɔ fɛɛ.

Yoshua 22:5

Shi moŋ nyɛkwɛa nyɛhe nɔ jogbaŋŋ ni ahia koni nyɛye kitãi kɛ mlai lɛ ni Yehowa tsulɔ Mose wo nyɛ lɛ anɔ. No ji akɛ nyɛsumɔ nyɛNyɔŋmɔ lɛ, ni nyɛfee esuɔmɔnaanii, ni nyɛye ekitãi lɛ anɔ, ni nyɛye lɛ anɔkwa, ni nyɛsɔ̃mɔ lɛ kɛ nyɛtsui kɛ nyɛnyɛmɔ fɛɛ.”

1 Samuel 7:3

Kɛkɛ ni Samuel kɛɛ Israelbii lɛ akɛ, “Kɛji nyɛmiikpale kɛba Yehowa ŋɔɔ kɛ nyɛtsui fɛɛ lɛ, no lɛ nyɛjiea maŋsɛɛ jemawɔji lɛ kɛ Astarte amãgãi lɛ hu ni nyɛyɔɔ yɛ nyɛteŋ lɛ nyɛsherɛa nyɛshwiea koni nyɛkɛ nyɛhe ahãa Yehowa kwraa; asaŋ koni nyɛsɔmɔ ekome too; ni lɛ hu eeejie nyɛ yɛ Filistibii lɛ adɛŋ.”