5 Mose 4:27 - ŊMALƐ KRƆŊKRƆŊ LƐ

²⁷ Yehowa aaagbɛ nyɛ ashwã maji krokomɛi anɔ, ni nyɛyi fioo kɛkɛ aaashwɛ yɛ maji ni Yehowa aaagbɛ nyɛ ashwã kɛaatee lɛ anɔ.

Ṅmãle̱ Kroṅkroṅ Le̱

²⁷ Ni Iehowa aagbe̱nye aſã dšeṅmãdši le̱ amli, ni aaſe̱ nyeteṅ mei fiō ke̱ke̱ ye̱ dšeṅmãdši ní Iehowa aakplanye ke̱-ate le̱ ateṅ.

5 Mose 4:27 ပူးပေါင်းရင်းမြစ်များ

1 Mose 11:4

Amɛkɛɛ akɛ, “Agbɛnɛ nyɛhãa wɔtoa maŋ wɔhãa wɔhe, ni emli mɔɔ yiteŋ ayashi ŋwɛi, ni wɔkɛhe gbɛi koni wɔkagbɛ wɔshwã shikpɔŋ muu lɛ fɛɛ nɔ.”

1 Mose 34:30

Kɛkɛ ni Yakob kɛɛ Simeon kɛ Levi akɛ, “Nyɛwo mi amaneŋ, ni nyɛhã shikpɔŋ lɛ nɔ bii ni ji Kanaanbii kɛ Perizbii lɛ baanyaŋe mi. Ni mi hu nɛ, ni miyikulɛ ji fioo nɛɛ. Kɛji amɛaabua amɛhe naa amɛbatua mi lɛ, amɛaagbe mi, ni amɛaakpãtã miwe lɛ hiɛ.”

Nehemia 1:3

Amɛto he akɛ, “Mɛi ni aŋɔ amɛ nom lɛ ateŋ mɛi ni hiɛ kã lolo ni yɔɔ shikpɔŋ lɛ nɔ lɛ miina amanehulu kpele, ni amɛhiɛ eshwie shi. Yerusalɛm gbogbo lɛ akumɔ ashwie shi, ni enaa agboi lɛ ashã.

Lalai 106:27

Ni eshɛrɛ amɛshwiei lɛ eshwã majimaji lɛ amli; egbɛ amɛ eshwã shikpɔji lɛ anɔ fɛɛ.

Lalai 44:11

Ofee wɔ tamɔ toi ni akɛ amɛ miiya gbeehe; ni ogbɛ wɔ oshwã majimaji lɛ amli.

Lalai 44:12

Ohɔ̃ɔ omaŋbii lɛ ofoo, ni ahe amɛ mlɛo.

Yesaia 17:6

Shi kɛ̃lɛ eeeshwɛ mɛi fioo yɛ Israel tamɔ bɔ ni kɛji ahoso mutso ni eshwɛɔ yibii enyɔ loo etɛ̃ kɛ̃ yɛ tso lɛ yiteŋ fɔfɔoo lɛ; loo bɔ ni eshwɛɔ yibii ejwɛ loo enumɔ oo ko yɛ aduawa tso ni ewo babaoo nɔ lɛ. Mi Yehowa, Israel Nyɔŋmɔ lɛ, mikɛɛ.”

Yeremia 16:13

No hewɔ lɛ, mashɛrɛ nyɛ kɛje shikpɔŋ nɛɛ nɔ mashwie shikpɔŋ ko nɔ, he ni nyɛ kɛ nyɛtsɛmɛi lɛ tete leee koni nyɛyasɔ̃mɔ nyɔŋmɔi krokomɛi shwaneshwane kɛ nyɔɔŋnyɔɔŋ fɛɛ yɛ jɛi, ejaakɛ minaŋ nyɛ mɔbɔ.’ ”

Ezekiel 11:16

“No hewɔ lɛ, kɛɛmɔ nomii lɛ akɛ, bɔ ni Nuŋtsɔ Nyɔŋmɔ kɛɛ nɛ, yɛŋ akɛ mijie amɛ kɛtee shɔŋŋ kɛyafutu maji krokomɛi amli bii, ni migbɛ amɛ mishwã shikpɔji anɔ moŋ nɛ, shi kɛ̃lɛ, mitsɔ̃ teemɔhe krɔŋkrɔŋ mihã amɛ be fioo ko kɛ̃ yɛ hei ni amɛtee lɛ.”

Ezekiel 12:15

“Kɛji migbɛ amɛ mishwã majimaji kɛ shikpɔji lɛ anɔ lɛ no amɛkɛaale akɛ, mi mi ji Yehowa.

Ezekiel 20:23

Kɛ̃lɛ, mikã amɛ kitã yɛ ŋa lɛ nɔ akɛ magbɛ amɛ mashwã jeŋmaji lɛ ateŋ, ni magbɛ amɛ mashwã shikpɔji lɛ anɔ;

Ezekiel 22:15

Magbɛ omlibii lɛ mashwã jeŋmaji kɛ shikpɔji lɛ anɔ, ni mikɛaatsuu ohe muji lɛ mashwie.

Ezekiel 32:26

“Meshek kɛ Tubal yɛ jɛi, kɛ amɛsafo yuu lɛ fɛɛ, ni amɛsaŋi lɛ ebɔle amɛhe kɛkpe. Amɛ fɛɛ lɛ foolɔi ni, ni amɛnyɔnyɔɔ yɛ klante naa; ejaakɛ amɛhã ŋmiŋmi mɔmɔ mɛi yɛ hiɛkãalɔi ashikpɔŋ lɛ nɔ.

Daniel 9:7

Ao! Nuŋtsɔ, bo lɛ onɔ ji jalɛ; shi wɔ lɛ wɔnɔ ji hiɛgbele tamɔ eyɔɔ wɔnɔ ŋmɛnɛ nɛɛ lɛ, wɔ mɛi ni ji Yudabii kɛ Yerusalɛmbii lɛ kɛ Israelbii fɛɛ, mɛi ni bɛŋkɛ kɛ mɛi hu ni eyaje shɔŋŋ yɛ shikpɔji anɔ ni ogbɛ amɛ oshwã, yɛ anɔkwa ni amɛyayeee bo hewɔ lɛ.

Hosea 9:17

MiNyɔŋmɔ ni misɔmɔɔ lɛ lɛ, baakwa emɛi lɛ ejaakɛ amɛbooo lɛ toi. Amɛbaatsɔ̃mɔ kobɔfoi yɛ je lɛ mli maji lɛ anɔ bii lɛ ateŋ.

3 Mose 26:33

Ni nyɛ diɛŋtsɛ lɛ mahã ta abanina nyɛ, ni magbɛ nyɛ mashwã majimaji ni yɔɔ jeŋ lɛ anɔ. Gbɔmɛi baatã yɛ nyɛshikpɔŋ lɛ nɔ, ni nyɛmaji lɛ baatsɔ̃mɔ amaŋfɔ̃i.

Zakaria 7:14

Ni no hã mi kɛ lasuogbele gbɛ amɛshwã kɛtee majiasɛɛ hei ni amɛleee lɛ, ni shikpɔŋ ni amɛshi nɔ lɛ tsɔ̃ amaŋfɔ̃ yɛ amɛsɛɛ bɔ ni mɔ ko eyaaa mli, ni mɔ ko ejeee mli hu lɛ. Amɛshikpɔŋ fɛɛfɛo lɛ tsɔ̃ amaŋfɔ̃.”

5 Mose 28:36

“Yehowa aaakpala bo kɛ omaŋtsɛ ni oto ohã ohe lɛ fɛɛ kɛaatee maŋsɛɛ maŋ ko ni bo loo otsɛmɛi leee mli; jɛi oooyaja nyɔŋmɔi krokomɛi ni akɛ tso kɛ tɛ fee yɛ.

5 Mose 29:28

Kɛkɛ ni Yehowa gri, ni efã amɛ yɛ emlifu kɛ emlila lɛ naa, ni eshɛrɛ amɛ eshwie maŋsɛɛ shikpɔŋ ko nɔ tamɔ bɔ ni eyɔɔ ŋmɛnɛ gbi nɛɛ lɛ.’

5 Mose 30:3

no lɛ Yehowa, nyɛNyɔŋmɔ lɛ aaana nyɛ mɔbɔ ekoŋŋ. Emusuŋ aaatsɔ̃ lɛ, ni eeeku sɛɛ ebua nyɛnaa kɛaajɛ majimaji anɔ hei fɛɛ ni Yehowa, nyɛNyɔŋmɔ lɛ, egbɛ nyɛ eshwã lɛ kɛaaba.

5 Mose 32:26

Kulɛ makɛɛ akɛ, ‘Magbɛ amɛ mashwã kɛya shɔŋŋ, ni mahã hiɛ akpa amɛnɔ yɛ gbɔmɛi ateŋ.’