5 Mose 4:26 - ŊMALƐ KRƆŊKRƆŊ LƐ

²⁶ no lɛ miitsɛ ŋwɛi kɛ shikpɔŋ ŋmɛnɛ koni amɛye odase amɛshi nyɛ akɛ etsɛŋ ni aaakpãtã nyɛhiɛ yɛ shikpɔŋ ni nyɛbaafo Yordan lɛ kɛya ni nyɛyaŋɔ lɛ nɔ. Nyɛyeŋ be ko yɛ nɔ ni abaakpãtã nyɛhiɛ kwrakwra.

Ṅmãle̱ Kroṅkroṅ Le̱

²⁶ no le̱ ṅme̱ne̱ *mītšé̱ ṅwei ke̱ šikpoṅ ní ame̱ye odase ame̱šinye, ake̱ kpãtãmo̱ nyehĩe bakpãtã oyá ke̱-adše̱ šikpoṅ ní nyebafo Iordan ke̱-ya ní nyeyaṅō le̱ no̱; nyeyeṅ gbĩ ko ye̱ no̱, ši moṅ kpãtãmo̱ aakpãtã nyehĩe. 30,19; 31,28; 32,1.

5 Mose 4:26 ပူးပေါင်းရင်းမြစ်များ

1 Mose 19:13

Shi wɔbaakpãtã maŋ nɛɛ hiɛ, ejaakɛ nibii ni awieɔ ashiɔ amɛ lɛ naa wa waa diɛŋtsɛ yɛ Yehowa hiɛ, ni etsu wɔ koni wɔbakpãtã maŋ lɛ hiɛ.”

1 Maŋtsɛmɛi 9:7

no lɛ makpãtã Israel hiɛ kɛje shikpɔŋ ni miŋɔ hã amɛ lɛ nɔ. Makwa nɛkɛ Sɔlemɔ we nɛɛ ni mifee lɛ krɔŋkrɔŋ mihã mihe akɛ jɛi aaaja mi yɛ lɛ. Mɛi aaaye Israel he fɛo, ni eeetsɔ̃ nyaŋemɔnɔ yɛ maji krokomɛi ateŋ.

Yesaia 1:2

Yehowa kɛɛ akɛ, “Ŋwɛi, bo toi, ni shikpɔŋ bo hu feemɔ toi, ejaakɛ mi Yehowa, miiwie. Milɛ bii ni amɛdara, shi amɛ lɛ, amɛtse mihiɛ atua.

Yesaia 6:11

Kɛkɛ ni mikɛɛ akɛ, “Ao, Nuŋtsɔ, kɛyaashi mɛɛ beyinɔ?” Eto he akɛ, “Kɛyaashi beyinɔ ni maji lɛ aaatsɔ̃mɔ amaŋfɔ̃i ni adesa ko bɛ amɛmli, ni shĩai lɛ aaajwere shi efoji ni gbɔmɛi bɛ mli, ni shikpɔŋ lɛ aaatsɔ̃ amaŋfɔ̃ kwraa.

Yeremia 16:13

No hewɔ lɛ, mashɛrɛ nyɛ kɛje shikpɔŋ nɛɛ nɔ mashwie shikpɔŋ ko nɔ, he ni nyɛ kɛ nyɛtsɛmɛi lɛ tete leee koni nyɛyasɔ̃mɔ nyɔŋmɔi krokomɛi shwaneshwane kɛ nyɔɔŋnyɔɔŋ fɛɛ yɛ jɛi, ejaakɛ minaŋ nyɛ mɔbɔ.’ ”

Yeremia 2:12

Ao! Ŋwɛi, onaa akpɛ ohe yɛ enɛ hewɔ; ŋmiŋmi amɔ bo, ni ohe ajɔ̃ ohe babaoo, Mi, Yehowa, mikɛɛ!

Yeremia 22:29

Ao Shikpɔŋ, Shikpɔŋ, Shikpɔŋ! Bo nɔ ni Yehowa kɛɛ toi.

Yeremia 32:24

“Naa, kpokui ni maŋ lɛ yisalɔi lɛ tswaa amɛkɛsa maŋ lɛ yi lɛ, enina maŋ lɛ etã; ni abaaŋɔ maŋ lɛ. Klante kɛ hɔmɔ kɛ gbele hela baahã Babilonbii ni ebatua maŋ lɛ aye maŋ lɛ nɔ kunim. Owiemɔ lɛ eba mli, ni oona.

Yeremia 44:22

No hã be ni Yehowa nyɛɛɛ nifɔɔji kɛ musubɔɔ nibii ni nyɛfeɔ lɛ dɔŋŋ lɛ, ehã nyɛshikpɔŋ lɛ tsɔ̃ amaŋfɔ̃, shikpɔŋ ni hiɛ ekpãtã, ni mɔ ko mɔ ko bɛ jɛi, ni atsɛɔ egbɛi akɛlomɔɔ kɛ ŋmɛnɛ nɛɛ lɛ.

Yeremia 6:19

Shikpɔŋ, bo toi! Miihã hiɛkpãtãmɔ abanina gbɔmɛi nɛɛ, ejaakɛ no ji yibii ni amɛjeŋba ewo; ejaakɛ miwiemɔi lɛ amɛboko toi, ni amɛkwa mimlai lɛ.

Ezekiel 33:28

Makpãtã shikpɔŋ lɛ hiɛ ni ebaatsõ amaŋfɔ̃; ni ehewalɛ ni ekɛshwãa lɛ sɛɛ baafo; ni Israel gɔji lɛ anɔ baatsɔ̃ amaŋfɔ̃, bɔ ni mɔ ko mɔ ko tsɔŋ jɛi kɛhoŋ.

Ezekiel 36:4

No hewɔ lɛ, nyɛ Israel gɔji, nyɛboa Nuŋtsɔ Yehowa wiemɔ toi. Bɔ ni Nuŋtsɔ Yehowa kɛɔ gɔji lɛ kɛ gɔŋkpɔi lɛ kɛ nujɔi lɛ kɛ jɔi lɛ kɛ amaŋfɔ̃i lɛ, kɛ maji wuji ni ashi ashwie shi efolo lɛ, ni amɛtsɔmɔ kooloo naa loo kɛ hefɛoyeli nii amɛha majimaji ni eshwɛ ni bɔle amɛ kɛkpe lɛ nɛ.

3 Mose 18:28

koni shikpɔŋ lɛ akafɛ̃ nyɛ hu eshwie tamɔ bɔ ni efɛ̃ jeŋmaŋ ni tsɔ nyɛhiɛ lɛ eshwie lɛ.

Mika 1:2

Nyɛ majimaji fɛɛ kwa, nyɛboa toi; shikpɔŋ kɛ enɔ bii fɛɛ, nyɛfea toi! Nyɔŋmɔ, Yehowa, aaajɛ eSɔlemɔtsu krɔŋkrɔŋ lɛ mli eye odase eshi nyɛ.

Mika 6:2

“Nyɛ gɔji, nyɛ shikpɔŋ lɛ shishitoo ni yɔɔ daa, nyɛboa Yehowa sane lɛ toi! Yehowa kɛ emaŋ Israel ena; ekɛ sane ni eyɔɔ yɛ amɛhe lɛ baashi lɛ.”

Luka 21:24

Ni amɛaanyɔnyɔɔ yɛ klante naa, ni aaaŋɔ amɛ nom kɛaatee jeŋmaji fɛɛ mli, ni jeŋmaji lɛ aaanaanaa Yerusalɛm nɔ kɛyashi beyinɔ ni jeŋmaji abe lɛ aaashɛ.”

5 Mose 11:17

Kɛji nyɛfee nɛkɛ nɔ ko lɛ, Yehowa mli baafu nyɛ, ni ebaatsi nu naa, ni nu enɛŋ, ni shikpɔŋ lɛ baŋ nii, ni nyɛhiɛ baakpãtã oya yɛ shikpɔŋ kpakpa ni Yehowa kɛhã nyɛ lɛ nɔ.

5 Mose 28:20

“Yehowa aaalomɔ bo, ni eeehã ojijaa, ni onijiaŋ aaaje wui yɛ nɔ fɛɛ nɔ ni ooofee mli kɛyaashi beyinɔ ni aaafite bo, ni ohiɛ aaakpãtã oya mli yɛ nibii fɔ̃ji ni ofee lɛ hewɔ, ejaakɛ okwa Yehowa.

5 Mose 28:22

Yehowa aaahã oye wɔlɔmɔ fɔŋ kɛ atridii kɛ fuumɔ hela; ebaahã jeŋ adɔ waa, ni nu enɛŋ, ni kɔɔyɔɔ ni mli edɔ tamɔ la aaatswa, ni nibii aaaŋala. Nibii nɛɛ aaanyiɛ osɛɛ kɛyaashi beyinɔ ni ohiɛ aaakpãtã.

5 Mose 28:45

“Naa, nɛkɛ loomɔi nɛɛ fɛɛ aaaba onɔ, ni amɛaanyiɛ osɛɛ, ni amɛaanina bo yɛ hei fɛɛ kɛyaashi beyinɔ ni ohiɛ aaakpãtã, ejaakɛ obooo Yehowa, oNyɔŋmɔ lɛ gbee toi, ni oyeee ekitãi ni ewo bo lɛ anɔ.

5 Mose 28:61

Hela fɛɛ hela kɛ haomɔ fɛɛ haomɔ hu ni atsĩko tã yɛ nɛkɛ Mla Wolo nɛɛ mli lɛ, Yehowa aaahã eko aye bo kɛyaashi beyinɔ ni ohiɛ aaakpãtã.

5 Mose 29:28

Kɛkɛ ni Yehowa gri, ni efã amɛ yɛ emlifu kɛ emlila lɛ naa, ni eshɛrɛ amɛ eshwie maŋsɛɛ shikpɔŋ ko nɔ tamɔ bɔ ni eyɔɔ ŋmɛnɛ gbi nɛɛ lɛ.’

5 Mose 31:28

Nyɛtsɛa nyɛkutseiatsɛmɛi lɛ fɛɛ kɛ nyɛmaŋ nitsulɔi onukpai lɛ hu kɛbaa miŋɔɔ bɔ ni afee ni mawie nɛkɛ wiemɔi nɛɛ mawo amɛtoii amli koni matsɛ ŋwɛi kɛ shikpɔŋ koni amɛbaye mi kɛ amɛteŋ odase.

5 Mose 32:1

“Ŋwɛi, bo mi toi, shi mibawie; ni Shikpɔŋ, bo minaa wiemɔi nɛɛ toi.

5 Mose 7:4

Ejaakɛ amɛbiyei lɛ aaahã nyɛbihii lɛ akpale yɛ misɛɛ ni amɛyasɔmɔ nyɔŋmɔi krokomɛi. Enɛ baahã Yehowa mli awo nyɛ la, ni eeekpãtã nyɛhiɛ.

5 Mose 8:19

Shi naa, kɛji nyɛhiɛ je Yehowa, nyɛNyɔŋmɔ lɛ, nɔ, ni nyɛshi lɛ sɛɛ, ni nyɛtee nyɛyasɔmɔ ni nyɛja nyɔŋmɔi krokomɛi lɛ, no lɛ, miigba mli kpoo miikɛɛ nyɛ ŋmɛnɛ gbi nɛɛ akɛ kpãtãmɔ kɛ̃ nyɛhiɛ aaakpãtã.

5 Mose 8:20

Bɔ ni Yehowa baahã maji ni nyɛkɛaakpe lɛ ahiɛ akpãtã lɛ, nakai nɔŋŋ nyɛ hu nyɛhiɛ aaakpãtã kɛji nyɛbooo Yehowa, nyɛNyɔŋmɔ lɛ wiemɔ toi lɛ.”

Yoshua 23:16

Kɛji nyɛtɔ̃ Yehowa, nyɛNyɔŋmɔ lɛ, kpãŋmɔ ni ewo nyɛ ehe kitã lɛ nɔ, ni nyɛtee nyɛyasɔ̃mɔ nyɔŋmɔi krokomɛi, ni nyɛja amɛ lɛ, no lɛ Yehowa mli aaawo la awo nyɛ; ni oya ni nyɛhiɛ aaakpãtã yɛ shikpɔŋ kpakpa ni ekɛhã nyɛ nɛɛ nɔ.”

Yoshua 24:20

Yɛ mli akɛ Yehowa efee nyɛ ejurɔ kɛho; shi kɛji nyɛshi lɛ esɛɛ, ni nyɛyasɔ̃mɔ maŋsɛɛ nyɔŋmɔi krokomɛi lɛ, no lɛ eeete shi ewo nyɛ, ni eeekpãtã nyɛhiɛ kɛmɔ shi.”