5 Mose 4:25 - ŊMALƐ KRƆŊKRƆŊ LƐ

²⁵ “Kɛji nyɛfɔ bii ni nyɛna nabii tete, ni nyɛgbɔlɔ yɛ shikpɔŋ lɛ nɔ, shi nyɛyeee anɔkwa, ni nyɛfee nɔ ko henɔ amãgã, ni nyɛkɛfee efɔŋ yɛ Yehowa, nyɛNyɔŋmɔ lɛ, hiɛ, ni nyɛwo emli la lɛ,

Ṅmãle̱ Kroṅkroṅ Le̱

²⁵ Ke̱dši oná bii ke̱ nãbii ni nyetše̱ ye̱ šikpoṅ le̱ no̱, ni nyeye sane fõṅ, ni nyefe noko no̱ amãgã, ni nyefe noni dši efõṅ ye̱ Iehowa, o-Nyoṅmo̱ le̱, hĩe, ni nyewo emli la le̱,

5 Mose 4:25 ပူးပေါင်းရင်းမြစ်များ

2 Maŋtsɛmɛi 21:2

Nihii nii ni jeŋmaji lɛ fee ni Yehowa shwie amɛ yɛ Israelbii lɛ ahiɛ lɛ, nomɛi moŋ Manase fee.

Lalai 78:58

Amɛkɛ hei grɔŋŋi lɛ wo emli la, ni amɛkɛ amɛmãgãi lɛ hã eye awuŋã.

2 Mose 20:4

“Kaafee amãgã ko loo nɔ ko ni tamɔ nii ni yɔɔ ŋwɛi loo nii ni yɔɔ shikpɔŋ lɛ nɔ loo nii ni yɔɔ nu mli yɛ shikpɔŋ lɛ shishi lɛ ohã ohe.

2 Mose 32:7

Kɛkɛ ni Yehowa kɛɛ Mose akɛ, “Kpelekemɔ shi oya ni oya, shi omaŋbii lɛ ni okɛjɛ Ijipt kɛba lɛ ewo amɛhe muji.

Ezekiel 8:10

No hewɔ lɛ, mibote mli ni miyakwɛ; ni mina akɛ atɛŋ waamɔnii kɛ kooloi ni ahiɔ srɔtoi abɔ, kɛ Israel we lɛ wɔji lɛ fɛɛ amɛfonirii yɛ gbogbo lɛ he kɛbɔle kɛkpe.

Hosea 9:17

MiNyɔŋmɔ ni misɔmɔɔ lɛ lɛ, baakwa emɛi lɛ ejaakɛ amɛbooo lɛ toi. Amɛbaatsɔ̃mɔ kobɔfoi yɛ je lɛ mli maji lɛ anɔ bii lɛ ateŋ.

Hosea 9:9

Amɛbote eshafeemɔ mli vii tamɔ bɔ ni eba yɛ Gibea lɛ. No hewɔ lɛ, agbɛnɛ mibani eshai ni amɛfee lɛ ahe, ni mibawo amɛ nyɔmɔ.

1 Korintobii 10:22

Aloo wɔmiifee ni Nuŋtsɔ lɛ aye awuŋã? Ani wɔhe wa fe lɛ?

5 Mose 16:22

Asaŋ nyɛkamaa shiu ko shiu ko ni ji nii ni Yehowa, nyɛNyɔŋmɔ lɛ, hiɔ lɛ nyɛhãa nyɛhe.”

5 Mose 27:15

“‘Alomɔ mɔ fɛɛ mɔ ni tsɔ̃ɔ ŋaalɔ nilee nɔ ekɛ su loo tso loo dade feɔ amãgã ni ejaa lɛ yɛ teemɔŋ, ejaakɛ Yehowa miihi.’ Ni maŋ muu lɛ fɛɛ ahere nɔ akɛ, ‘Amen!’

5 Mose 28:45

“Naa, nɛkɛ loomɔi nɛɛ fɛɛ aaaba onɔ, ni amɛaanyiɛ osɛɛ, ni amɛaanina bo yɛ hei fɛɛ kɛyaashi beyinɔ ni ohiɛ aaakpãtã, ejaakɛ obooo Yehowa, oNyɔŋmɔ lɛ gbee toi, ni oyeee ekitãi ni ewo bo lɛ anɔ.

5 Mose 28:61

Hela fɛɛ hela kɛ haomɔ fɛɛ haomɔ hu ni atsĩko tã yɛ nɛkɛ Mla Wolo nɛɛ mli lɛ, Yehowa aaahã eko aye bo kɛyaashi beyinɔ ni ohiɛ aaakpãtã.

5 Mose 30:18

no lɛ miigba mli kpoo miikɛɛ nyɛ ŋmɛnɛ gbi nɛɛ akɛ nyɛhiɛ aaakpãtã, ni nyɛwala sɛɛ etsɛŋ yɛ shikpɔŋ ni nyɛfoɔ Yordan Faa lɛ ni nyɛyaŋɔ lɛ nɔ.

5 Mose 30:19

Miitsɛ ŋwɛi kɛ shikpɔŋ ŋmɛnɛ gbi nɛɛ koni amɛbaye he odase akɛ mikɛ wala kɛ gbele, kɛ jɔɔmɔ kɛ loomɔ hu eshwie nyɛhiɛ. No hewɔ lɛ, nyɛkɔa wala bɔ ni afee ni nyɛ kɛ nyɛshwiei fɛɛ ayi ana wala.

5 Mose 31:29

Ejaakɛ mile faŋŋ akɛ migbele sɛɛ lɛ, nyɛbaafite kwraa, ni nyɛbaŋ nyɛjeŋ bɔ ni mitsɔ̃ɔ nyɛ lɛ. No hewɔ lɛ, wɔsɛɛ aahu lɛ, efɔŋ ji nɔ ni baaba nyɛnɔ, ejaakɛ nyɛbaafee efɔŋ yɛ Yehowa hiɛ; ni nyɛkɛ nyɛnifeemɔnii baawo emli la.”

5 Mose 32:5

Shi nyɛyeee lɛ anɔkwa; no hewɔ lɛ, jeee ebii ji nyɛ dɔŋŋ, yɛ nyɛhe kpa hewɔ; yinɔ kɔɔdɔŋ ni eje eŋɛlɛnɔ ji nyɛ.

5 Mose 4:16

no lɛ nyɛkwɛa jogbaŋŋ koni nyɛkafee amãgã ko ni tamɔ nuu loo yoo henɔ nyɛhã nyɛhe, koni nyɛtɔ̃.

5 Mose 4:23

Nyɛkwɛa nyɛhenɔ ni ahia koni nyɛhiɛ akaje kpãŋmɔ ni Yehowa, nyɛNyɔŋmɔ lɛ, kɛ nyɛ kpãŋ lɛ nɔ, ni nyɛyafee nɔ ko henɔ amãgã tamɔ bɔ ni Yehowa, nyɛNyɔŋmɔ lɛ, egu nyɛ lɛ;

Yoshua 23:16

Kɛji nyɛtɔ̃ Yehowa, nyɛNyɔŋmɔ lɛ, kpãŋmɔ ni ewo nyɛ ehe kitã lɛ nɔ, ni nyɛtee nyɛyasɔ̃mɔ nyɔŋmɔi krokomɛi, ni nyɛja amɛ lɛ, no lɛ Yehowa mli aaawo la awo nyɛ; ni oya ni nyɛhiɛ aaakpãtã yɛ shikpɔŋ kpakpa ni ekɛhã nyɛ nɛɛ nɔ.”

Yoshua 24:20

Yɛ mli akɛ Yehowa efee nyɛ ejurɔ kɛho; shi kɛji nyɛshi lɛ esɛɛ, ni nyɛyasɔ̃mɔ maŋsɛɛ nyɔŋmɔi krokomɛi lɛ, no lɛ eeete shi ewo nyɛ, ni eeekpãtã nyɛhiɛ kɛmɔ shi.”