5 Mose 4:24 - ŊMALƐ KRƆŊKRƆŊ LƐ

²⁴ ejaakɛ Yehowa, nyɛNyɔŋmɔ lɛ, etamɔ la grigri ni shãa nii wɛɛ; ni Nyɔŋmɔ ni yeɔ awuŋã ni.

Ṅmãle̱ Kroṅkroṅ Le̱

²⁴ Edšake̱ Iehowa, o-Nyoṅmo̱ le̱, la ní šãa mo kwrakwra dšile̱, Mawu awuṅãyelo̱ ni! 9,3. 2 Mose 20.5. Ies. 10,17. Heb. 12,29.

5 Mose 4:24 ပူးပေါင်းရင်းမြစ်များ

2 Maŋtsɛmɛi 24:20

Yehowa mli fu Yerusalɛmbii kɛ Yudabii lɛ bɔ sɔŋŋ ni no hã eshwie amɛ kɛje ehiɛ.

Lalai 21:9

Kɛ ojie ohe kpo lɛ, oooŋala amɛ tamɔ flɔɔnɔɔ mli la. Yehowa aaakpãtã amɛhiɛ yɛ emlifu lɛ naa, ni la lɛ aaashã amɛ wɛɛ.

Lalai 78:58

Amɛkɛ hei grɔŋŋi lɛ wo emli la, ni amɛkɛ amɛmãgãi lɛ hã eye awuŋã.

2 Mose 15:7

Ogbojee lɛ naa sɔŋŋ lɛ, obutu mɛi ni te shi wo bo lɛ. Omlila lɛ gri wo amɛ, ni eshã amɛ tamɔ la shãa gbetseli.

2 Mose 20:5

“Kaaja amɛ, ni kaasɔ̃mɔ amɛ hu, ejaakɛ mi Yehowa, oNyɔŋmɔ lɛ, Nyɔŋmɔ ni yeɔ awuŋã ji mi, ni miwoɔ tsɛmɛi kɛ bii anyɔmɔ yɛ tsɛmɛi lɛ atɔ̃mɔi ahewɔ kɛyashiɔ yinɔ ni ji etɛ̃ kɛ yinɔ ni ji ejwɛ tete ni nyɛɔ mi lɛ nɔ.

2 Mose 24:17

Yehowa anunyam lɛ, kɛji Israelbii lɛ miikwɛ lɛ, amɛnaa lɛ yɛ gɔŋ lɛ yiteŋ tamɔ la grigri ni kpãtãa nii ahiɛ.

2 Mose 33:3

Nyɛmiiya shikpɔŋ ni yɔɔ frɔ̃frɔ̃ ni baa nii nɔ, shi mikɛ nyɛ enyiɛŋ kɛyaŋ, ejaakɛ maŋ ni kuɛŋ ti ji nyɛ, koni moŋ mikayaplene nyɛ yɛ gbɛ lɛ nɔ.”

2 Mose 34:14

“Nyɛkajaa nyɔŋmɔ kroko ejaakɛ Yehowa, ni egbɛi ji ‘Awuŋã’ lɛ, Nyɔŋmɔ ni yeɔ awuŋã ni.

Yesaia 10:17

Nyɔŋmɔ, Israel kane lɛ atsɔ̃ la, ni Israel Mɔ Krɔŋkrɔŋ lɛ aaatsɔ̃ la lilɛi, ni ebaatso, ni ebaashã ŋmeii kɛ kpitikpitii ni yɔɔ Israel lɛ fɛɛ gbi ko.

Yesaia 30:27

Naa Yehowa hewalɛ jɛ shɔŋŋ miiba! Emlifu miitso, ni eeje lasu kpɔŋŋ; enaa miitswa afui kɛ mlila, ni elilɛi tamɔ la ni kpãtãa nii ahiɛ.

Yesaia 30:33

Ejaakɛ kɛjɛ jeeŋmɔ beebe ni asaa he ko ato kɛha Asiria maŋtsɛ lɛ shãa. Jɛi kwɔ, ni elɛɛ, ni eyi kɛ la kɛ lai babaoo. Ni Yehowa mumɔ ni emuɔ ni tamɔ la lɛ baama laii lɛ anaa la.

Yesaia 33:14

Eshafeelɔi ni yɔɔ Zion lɛ miishe gbeyei, ni mɛi ni sheee Nyɔŋmɔ gbeyei lɛ ahe miikpokpo. Amɛkɛɛmɔ ji, “Wɔteŋ namɔ baanyɛ la naa edamɔ kɛyashi naanɔ?”

Yesaia 42:8

“Mi, mi ji Yehowa, migbɛi ji no; mikɛ minunyam haŋ mɔ kroko, ni mikɛ miyijiemɔ haŋ amãgãi.

Amos 5:6

Nyɛtaoa Yehowa sɛɛgbɛ, ni nyɛyi baana wala. Kɛjeee nakai lɛ Yehowa aaaba tamɔ la ni eje yɛ Israelbii ateŋ, ni eeeshã nii. La nɛɛ baakpãtã Betel hiɛ, ni mɔ ko mɔ ko bɛ ni aaanyɛ agbe ahã Betel.

Nahum 1:2

Yehowa lɛ Nyɔŋmɔ ni yeɔ awuŋã ni, ni asaŋ etɔɔ owele. Oweletɔlɔ ji Yehowa, ni emlifu naa wa. Yehowa tɔɔ owele yɛ mɛi ni kɛ lɛ tswaa anɔ, ni ekɛ emlifu shakãa ehenyɛlɔi anɔ.

Nahum 1:6

Namɔ aaanyɛ emlila naa adamɔ? Namɔ aaanyɛ emlifu ni naa wa lɛ naa ekpee? Emlifu tsɛ̃ɔ kɛbaa tamɔ la, ni efɛlɛɔ tɛsai amli.

Zefania 1:18

Nakai Yehowa mlifu gbi lɛ nɔ lɛ, gbɔmɛi ajwiɛtɛi kɛ shika fɛɛ nyɛŋ amɛyiwala ahere. Emlifu ni jɛ awuŋayeli mli lɛ naa la lɛ naawalɛ baakpãtã je lɛ fɛɛ hiɛ; ejaakɛ trukaa ni eeeplene shikpɔŋ lɛ nɔ gbɔmɛi fɛɛ.

Zefania 3:8

Yehowa kɛɛ akɛ, “No hewɔ lɛ, nyɛkwɛa mi gbɛ kɛyashi gbi nɔ ni mate shi maye odase mashi jeŋ maji lɛ; ejaakɛ mito miyiŋ akɛ mabua majimaji lɛ anaa, ni mabua maŋtsɛmɛi hu anaa kɛkpe, koni amɛsa mimlifu kɛ mimlila ni naa wa lɛ naa amɛkwɛ, ejaakɛ mikɛ miwuŋayeli lɛ mli mlifu la lɛ baakpãtã jeŋ muu lɛ fɛɛ hiɛ.

4 Mose 25:11

“Mihe awuŋã ni Osɔfo Aaron binuu Eleazar binuu Finehas ye etsɔ̃ɔ Israelbii lɛ, ekɛku mimli ni efu Israelbii lɛ anaa, ni no hewɔ lɛ, mipleneee amɛ dɔŋŋ.

1 Korintobii 10:22

Aloo wɔmiifee ni Nuŋtsɔ lɛ aye awuŋã? Ani wɔhe wa fe lɛ?

5 Mose 29:20

Yehowa kɛ nɛkɛ gbɔmɔ nɛɛ he ekeŋ lɛ, shi moŋ Yehowa mlifu kɛ ewuŋayeli aaate shi awo lɛ, ni loomɔi fɛɛ ni aŋma yɛ nɛkɛ wolo nɛɛ mli lɛ aaababua gbɔmɔ nɛɛ yiteŋ kɛyashi Yehowa baagbe egbɛi yɛ je lɛ mli.

5 Mose 32:16

Amɛtee Yehowa awuŋayeli shi kɛ maŋsɛɛ nyɔŋmɔi ni amɛja lɛ, ni esha ni amɛfee hewɔ lɛ amɛwo lɛ mlifu.

5 Mose 5:9

Kaaja nibii nɛɛ, ni kaasɔ̃mɔ amɛ hu, ejaakɛ mi Yehowa, oNyɔŋmɔ lɛ, Nyɔŋmɔ ni yeɔ awuŋã ji mi; ni miwoɔ tsɛmɛi kɛ bii nyɔmɔ yɛ tsɛmɛi lɛ atɔ̃mɔi lɛ ahewɔ, kɛyashiɔ yinɔ ni ji etɛ̃ kɛ yinɔ ni ji ejwɛ tete ni nyɛɔ mi lɛ nɔ.

5 Mose 6:15

ejaakɛ Yehowa, nyɛNyɔŋmɔ lɛ, ni yɔɔ nyɛteŋ lɛ, eyeɔ awuŋã, koni emli akawo nyɛ la, ni ekpãtã nyɛhiɛ yɛ shikpɔŋ lɛ nɔ.

5 Mose 9:3

Shi moŋ nyɛnaa nyɛlea ŋmɛnɛ gbi nɛɛ akɛ mɔ ni nyiɛ nyɛhiɛ kɛyaa lɛ etamɔ la grigri ni kpãtãa nii ahiɛ. Lɛ ji Yehowa, nyɛNyɔŋmɔ lɛ. Ebaaye amɛnɔ, ni ebaajɔɔ amɛhe yɛ nyɛhiɛ koni nyɛshwie amɛ yɛ shikpɔŋ lɛ nɔ, ni nyɛkpãtã amɛhiɛ oya tamɔ bɔ ni lɛ Yehowa ewo nyɛ shi eto momo lɛ.

Hebribii 12:29

Ejaakɛ wɔNyɔŋmɔ lɛ, la ni fiteɔ nii hu ji lɛ.