5 Mose 4:23 - ŊMALƐ KRƆŊKRƆŊ LƐ

²³ Nyɛkwɛa nyɛhenɔ ni ahia koni nyɛhiɛ akaje kpãŋmɔ ni Yehowa, nyɛNyɔŋmɔ lɛ, kɛ nyɛ kpãŋ lɛ nɔ, ni nyɛyafee nɔ ko henɔ amãgã tamɔ bɔ ni Yehowa, nyɛNyɔŋmɔ lɛ, egu nyɛ lɛ;

Ṅmãle̱ Kroṅkroṅ Le̱

²³ Nyekwe̱a nyehe ní ahĩa, koni nyehĩe akadše Iehowa, nye-Nyoṅmo̱ le̱, kpãṅmo̱ ní eke̱nye ekpãṅ le̱ no̱, ni nyeyafe nibii fẽ ní Iehowa, o-Nyoṅmo̱ le̱, eguo le̱ eko no̱ amãgã.

5 Mose 4:23 ပူးပေါင်းရင်းမြစ်များ

2 Maŋtsɛmɛi 17:38

Ni kpãŋmɔ ni mi kɛ nyɛ kpãŋ lɛ, nyɛhiɛ akakpaa nɔ. Nyɛkajaa nyɔŋmɔi krokomɛi.

1 Kronika 16:15

Nyɛhiɛ ahia enaanɔ kpãŋmɔ lɛ kɛ wiemɔi ni ekɛwo yinɔi akpe shi lɛ anɔ,

2 Mose 23:13

“Nibii fɛɛ ni mikɛɛ nyɛ lɛ nyɛyea nɔ. Nyɛkatsĩa nyɔŋmɔi krokomɛi agbɛii ata, akanu yɛ nyɛnaa tete.”

Yesaia 24:5

Shikpɔŋ lɛ nɔ bii lɛ ewo shikpɔŋ lɛ he muji, ejaakɛ amɛtɔ̃ mlai lɛ anɔ, ni amɛyeee akpɔi lɛ anɔ, ni amɛku naanɔ kpãŋmɔ lɛ mli.

Yeremia 31:22

Mɛɛ beyinɔ nɔŋŋ oooshashao shi kɛyashi, bo, biyoo ni yeee anɔkwa? Ejaakɛ naa, mi, Yehowa, mikɛ nɔ hee ko eba shikpɔŋ lɛ nɔ. Yoo dedenyɛ miibu nuu he.”

Ezekiel 16:59

Nuŋtsɔ Yehowa kɛɛ, “Bɔ ni ofee lɛ nakai pɛ mikɛ bo baaye, ejaakɛ otswa okitã lɛ ofɔ̃ afã, ni oku kpãŋmɔ lɛ mli.

Ezekiel 8:10

No hewɔ lɛ, mibote mli ni miyakwɛ; ni mina akɛ atɛŋ waamɔnii kɛ kooloi ni ahiɔ srɔtoi abɔ, kɛ Israel we lɛ wɔji lɛ fɛɛ amɛfonirii yɛ gbogbo lɛ he kɛbɔle kɛkpe.

Maleaki 4:4

“Nyɛkaia nibii ni mitsulɔ Mose etsɔ̃ɔ nyɛ lɛ, ni ji mlai kɛ akpɔi kɛ gbɛnaa nitsumɔi ni mikɛhã lɛ yɛ Horeb Gɔŋ lɛ nɔ akɛ ekɛbahã Israelbii koni amɛye nɔ lɛ.

4 Mose 15:39

Ahwanyai nɛɛ atsɔ̃ kaimɔnii; ni be fɛɛ be ni hiŋmɛi aaagba nɔ lɛ ehã nyɛkai Yehowa kitãi lɛ fɛɛ koni nyɛye nɔ, bɔ ni afee ni nyɛkanyiɛ nyɛtsui kɛ nyɛhiŋmɛi akɔnɔ nibii lɛ asɛɛ, nibii asɛɛ ni nyɛyadiɔ ni nyɛkɛkwaa Yehowa lɛ.

Mateo 24:4

Ni Yesu here nɔ ekɛɛ amɛ akɛ, “Nyɛkwɛa ni ahia koni mɔ ko akabalaka nyɛ.

Luka 12:15

Ni ekɛɛ amɛ akɛ, “Nyɛkwɛa jogbaŋŋ ni nyɛhiɛ ahia nyɛhe nɔ yɛ hiɛjoomɔi srɔtoi fɛɛ ahe; ejaakɛ jeee gbɔmɔ nii ni ena ni eteke nɔ lɛ mli ewala yɔɔ.”

Luka 21:8

Ni ekɛɛ, “Nyɛkwɛa jogbaŋŋ, koni akalaka nyɛ; ejaakɛ mɛi pii aaaba yɛ migbɛi mli ni amɛaakɛɛ, ‘Mi ni’, kɛ ‘Be lɛ eshɛ etã’. Shi nyɛkanyiɛa amɛsɛɛ.

5 Mose 16:22

Asaŋ nyɛkamaa shiu ko shiu ko ni ji nii ni Yehowa, nyɛNyɔŋmɔ lɛ, hiɔ lɛ nyɛhãa nyɛhe.”

5 Mose 27:15

“‘Alomɔ mɔ fɛɛ mɔ ni tsɔ̃ɔ ŋaalɔ nilee nɔ ekɛ su loo tso loo dade feɔ amãgã ni ejaa lɛ yɛ teemɔŋ, ejaakɛ Yehowa miihi.’ Ni maŋ muu lɛ fɛɛ ahere nɔ akɛ, ‘Amen!’

5 Mose 27:9

Kɛkɛ ni Mose kɛɛ Israel muu lɛ fɛɛ, yɛ osɔfoi ni ji Levibii lɛ ahiɛ, akɛ, “Israelbii, nyɛfea diŋŋ ni nyɛboa toi. Ŋmɛnɛ gbi nɛɛ lɛ nyɛtsɔ̃ Yehowa, nyɛNyɔŋmɔ lɛ, diɛŋtsɛ maŋ;

5 Mose 29:25

Hetoo ni mɛi aaahã ji akɛ, ‘Ejɛ kwamɔ ni amɛkwa kpãŋmɔ ni Yehowa, amɛtsɛmɛi aNyɔŋmɔ lɛ, kɛ amɛ kpãŋ be mli ni eyakpɔ̃ amɛ kɛje Ijipt shikpɔŋ lɛ nɔ lɛ hewɔ.

5 Mose 31:20

Ejaakɛ kɛji mikɛ amɛ yashɛ shikpɔŋ kpakpa ni baa nii lɛ nɔ, nɔ ni mikã amɛtsɛmɛi lɛ kitã yɛ he akɛ mikɛbaahã amɛ lɛ, ni amɛna nii amɛye ni amɛtɔrɔ, ni amɛshwishwii lɛ, amɛbaakpale kɛyanyiɛ nyɔŋmɔi krokomɛi asɛɛ, ni amɛaaya amɛyasɔmɔ amɛ, ni amɛaagbe mihe guɔ moŋ, ni amɛaaku mi kɛ amɛteŋ kpãŋmɔ lɛ mli.

5 Mose 4:25

“Kɛji nyɛfɔ bii ni nyɛna nabii tete, ni nyɛgbɔlɔ yɛ shikpɔŋ lɛ nɔ, shi nyɛyeee anɔkwa, ni nyɛfee nɔ ko henɔ amãgã, ni nyɛkɛfee efɔŋ yɛ Yehowa, nyɛNyɔŋmɔ lɛ, hiɛ, ni nyɛwo emli la lɛ,

5 Mose 4:9

Shi moŋ, nyɛkwɛa ni ahia kɛkɛ koni nyɛhiɛ ahia nyɛhe nɔ jogbaŋŋ, bɔ ni afee ni nyɛhiɛ akaje nibii ni nyɛna kɛ nyɛ diɛŋtsɛ nyɛhiŋmɛii nɛɛ anɔ nyɛwala gbii abɔ fɛɛ. Ni nyɛgbaa nyɛbii kɛ nyɛnabii lɛ,

5 Mose 5:2

Yehowa, wɔNyɔŋmɔ lɛ, kɛ wɔ kpãŋ yɛ Sinai.

5 Mose 6:12

nyɛkwɛa nyɛhe nɔ ni ahĩa koni nyɛhiɛ akajea Yehowa, mɔ ni jie nyɛ kɛje Ijipt shikpɔŋ lɛ nɔ he ni aye nyɛ nyɔŋ yɛ lɛ, nɔ.

Hebribii 3:12

Nyɛkwɛa ni ahia, anyɛmimɛi, koni nyɛteŋ mɔ ko akahi tsui fɔŋ ni heee yeee ni ekpale kɛje Nyɔŋmɔ, hiɛkãalɔ lɛ, he.

Yoshua 23:11

No hewɔ lɛ, nyɛlea nyɛhenɔkwɛmɔ jogbaŋŋ koni nyɛsumɔ Yehowa, nyɛNyɔŋmɔ lɛ.

Yoshua 23:16

Kɛji nyɛtɔ̃ Yehowa, nyɛNyɔŋmɔ lɛ, kpãŋmɔ ni ewo nyɛ ehe kitã lɛ nɔ, ni nyɛtee nyɛyasɔ̃mɔ nyɔŋmɔi krokomɛi, ni nyɛja amɛ lɛ, no lɛ Yehowa mli aaawo la awo nyɛ; ni oya ni nyɛhiɛ aaakpãtã yɛ shikpɔŋ kpakpa ni ekɛhã nyɛ nɛɛ nɔ.”