5 Mose 4:2 - ŊMALƐ KRƆŊKRƆŊ LƐ

² Nyɛkɛ nɔ ko akafataa mlai ni miwoɔ nyɛ nɛɛ ahe, ni asaŋ nyɛkajiea nɔ ko yɛ mli hu. Nyɛyea Yehowa, nyɛNyɔŋmɔ lɛ, mlai ni miwoɔ nyɛ nɛɛ nɔ.

Ṅmãle̱ Kroṅkroṅ Le̱

² Nyekaṅõa noko nyefataä kitã ní miwoo̱nye ne̱ he, ni asaṅ nyekadšiea noko ye̱ mli, ši nyeyea Iehowa, nye-Nyoṅmo̱ le̱, kitãi ní miwoo̱nye ne̱ no. 13,1. Abe̱i 30,8. Kpods. 22,18. 19.

5 Mose 4:2 ပူးပေါင်းရင်းမြစ်များ

Lalai 78:7

Ewo mlai nɛɛ bɔ ni afee ni amɛkɛ amɛhiɛ afɔ Nyɔŋmɔ nɔ, koni amɛhiɛ akakpa Nyɔŋmɔ nitsumɔi lɛ anɔ, shi amɛye ekitãi lɛ anɔ,

Abe̱i 30:6

Kaaŋɔ nɔ ko ofata ewiemɔi lɛ ahe, kɛjeee nakai lɛ, eeekã ohiɛ, ni oootsɔ̃ amalelɔ.”

Jajelɔ 12:13

Sane tso muu lɛ ni onu lɛ fɛɛ naagbee nɛ. She Nyɔŋmɔ gbeyei, ni oye ekitãi lɛ anɔ, ejaakɛ enɛ ji nitsumɔ kwraa ni gbɔmɔ yɔɔ tsumɔ.

Yeremia 26:2

ni ekɛɛ mi akɛ, “Yaadamɔ Yehowa Sɔlemɔ we lɛ kpo lɛ nɔ, koni okɛ wiemɔi fɛɛ ni mifã bo akɛ owie lɛ ashwie Yuda maji lɛ amli bii fɛɛ ni baa amɛbajaa yɛ Yehowa Sɔlemɔ we lɛ ahiɛ. Kaashi wiemɔ ko wiemɔ ko.

Mateo 5:18

Anɔkwale mikɛɔ nyɛ akɛ, gbii abɔ ni ŋwɛi kɛ shikpɔŋ hoko nɛɛ, yota kome loo kuli kome ejeŋ Mla lɛ mli hoŋ, ja fɛɛ eba mli.

Mateo 5:43

“Nyɛnu akɛ akɛɛ, ‘Suɔmɔ onaanyo, ni onyɛ ohenyɛlɔ.’

Galatabii 3:15

Anyɛmimɛi, miiwie lɛ gbɔmɛiaŋ: gbɔmɔ kpãŋmɔ tete, kɛji akpɛlɛ̃ nɔ lɛ, mɔ ko kwaaa, ni asaŋ mɔ ko kɛ nɔ ko fataaa he.

5 Mose 1:3

Afi ni ji nyɔŋmai ejwɛ lɛ mli nyɔŋ ni ji nyɔŋma kɛ ekome lɛ klɛŋklɛŋ gbi lɛ nɔ lɛ, Mose kɛ Israelbii lɛ wie wiemɔi fɛɛ ni Yehowa efã lɛ akɛ ekɛ amɛ awie lɛ.

5 Mose 12:32

“Nyɛyea nibii fɛɛ ni miwo nyɛ he kitã lɛ anɔ; nyɛkɛ nɔ ko akafataa he, ni nyɛkajiea nɔ ko hu yɛ mli.

5 Mose 13:1

“Kɛji gbalɔ ko loo mɔ ko ni laa lamɔi te shi yɛ nyɛteŋ, ni gbɔmɔ nɛɛ tsɔ̃ɔ akɛ okadi loo naakpɛɛ nɔ ko miiba,

5 Mose 33:4

Wɔyeɔ Mla lɛ ni Mose kɛhã wɔ lɛ nɔ; ejaakɛ no ji Yakob shwiei agboshinii.

5 Mose 4:14

Yehowa wo mi kitã yɛ nakai be lɛ mli akɛ mitsɔ̃ɔ nyɛ akpɔi lɛ kɛ mlai lɛ, bɔ ni afee ni nyɛye nɔ yɛ shikpɔŋ ni nyɛfoɔ mli kɛya ni nyɛyaŋɔ lɛ nɔ.

5 Mose 4:40

No hewɔ lɛ, nyɛyea Yehowa akpɔi kɛ kitãi ni miwoɔ nyɛ ŋmɛnɛ gbi nɛɛ nɔ, koni ahi ahã nyɛ kɛ nyɛbii ni baa yɛ nyɛsɛɛ lɛ, bɔ ni afee ni nyɛtsɛ yɛ shikpɔŋ ni Yehowa, nyɛNyɔŋmɔ lɛ, kɛhãa nyɛ lɛ nɔ.”

5 Mose 4:5

“Naa, mitsɔ̃ɔ nyɛ akpɔi kɛ mlai lɛ bɔ ni Yehowa, miNyɔŋmɔ lɛ, fã akɛ mifee lɛ, koni nyɛye nɔ yɛ shikpɔŋ ni nyɛyaa nyɛyaŋɔ lɛ nɔ.

5 Mose 5:29

Mina ni kulɛ amɛyɛ nɛkɛ jwɛŋmɔ daa koni amɛkɛye mikitãi lɛ fɛɛ nɔ, bɔ ni afee ni ehi ehã amɛ kɛ amɛshwiei kɛya naanɔ.

5 Mose 5:32

“No hewɔ lɛ, nyɛjwɛŋa nɔ jogbaŋŋ koni nyɛye kitãi ni Yehowa, nyɛNyɔŋmɔ lɛ, ewo nyɛ lɛ nɔ pɛpɛɛpɛ; nyɛkagbaa kɛyaa ninejurɔgbɛ, ni nyɛkagbaa kɛyaa abɛkugbɛ hu.

Yoshua 1:7

“Bo lɛ wajemɔ ohe ni ofee ekãa jogbaŋŋ kɛkɛ; asaŋ ojwɛŋ nɔ, ni oye mla ni mitsulɔ Mose wo bo lɛ fɛɛ nɔ. Kaagba afã kɛmiiya ninejurɔ loo abɛku bɔ ni afee ni oye omanye yɛ nɔ fɛɛ nɔ ni ofeɔ mli.

Yoshua 8:35

Wiemɔ ko kwraa bɛ nibii ni Mose ewo amɛ he kitã lɛ fɛɛ mli ni Yoshua kaneee yɛ Israel asafo lɛ, ni ji hii kɛ yei kɛ gbekɛbii kɛ gbɔi ni yɔɔ amɛteŋ lɛ, fɛɛ ahiɛ etsɔ̃ɔɔ amɛ.