5 Mose 4:19 - ŊMALƐ KRƆŊKRƆŊ LƐ

¹⁹ Kɛji nyɛwo nyɛhiɛ nɔ kɛtee ŋwɛi ni nyɛkwɛ hulu kɛ nyɔɔŋtsere kɛ ŋulamii lɛ ni ji ŋwɛiniiaŋ nibii lɛ, nyɛkahãa amɛgbalaa nyɛ ni nyɛjaa amɛ, ni nyɛsɔmɔa amɛ, ejaakɛ Yehowa nyɛNyɔŋmɔ lɛ, saa nomɛi eto ehã maji krokomɛi lɛ koni amɛ, amɛja nomɛi.

Ṅmãle̱ Kroṅkroṅ Le̱

¹⁹ ni ké̱ ohole ohĩṅme̱ii ano̱ ke̱-te ṅwei ni *okwe̱ hũlũ ke̱ nyoṅtšĕre ke̱ ṅulamii le̱ ní dši ṅwei asafo le̱ fẽ le̱, kāhã ame̱gblao ní oyadšáame̱ ni osúmo̱-ame̱; edšake̱ Iehowa, o-Nyoṅmo̱ le̱, sāame̱ eto ehã mãdši fẽ ní yo̱ ṅwei šiši le̱. *17,3.

5 Mose 4:19 ပူးပေါင်းရင်းမြစ်များ

1 Mose 1:14

Kɛkɛ ni Nyɔŋmɔ fã akɛ, “Kanei aba ŋwɛi atatu lɛ mli koni amɛtsɔ̃ɔ shwane kɛ nyɔɔŋ teŋ srɔto ni amɛtsɔ̃ɔ okadii kɛ bei kɛ gbii kɛ afii,

1 Mose 2:1

Nɛkɛ ji bɔ ni agbe ŋwɛi kɛ shikpɔŋ kɛ amɛsafoi lɛ fɛɛ bɔɔ naa ahã.

2 Maŋtsɛmɛi 17:16

Ni amɛkwa Yehowa amɛNyɔŋmɔ lɛ kitãi lɛ, ni amɛfee shika tsinabii enyɔ amãgã amɛhã amɛhe. Amɛfee Ashera amãgã, ni amɛja ŋulamii, ni amɛsɔ̃mɔ Baal.

2 Maŋtsɛmɛi 21:3

Ejaakɛ jamɔhei grɔŋŋi lɛ ni etsɛ Hezekia fite lɛ esaa emamɔ ekoŋŋ. Emamɔ afɔleshãa latɛi koni akɛshã afɔle ahã Baal; ni efee jemawɔŋ yoo Ashera amãgã tamɔ bɔ ni Israel Maŋtsɛ Ahab fee lɛ. Asaŋ Manase ja ŋwɛi ŋulamii lɛ, ni esɔ̃mɔ amɛ hu.

2 Maŋtsɛmɛi 23:11

Ejie okpɔŋɔi ni Yuda maŋtsɛmɛi lɛ eto ni akɛjaa hulu lɛ kɛje Yehowa we lɛ agbo lɛ naa. Agbo nɛɛ bɛŋkɛ piafonyo Natan-Melek tsu lɛ. Shi tayaa shwiilii lɛ ema naa la ni eshã.

2 Kronika 33:3

Ejaakɛ jemawɔji ajamɔhei ni etsɛ Hezekia kumɔ lɛ, Manase saa emamɔ ni emamɔ afɔleshãa latɛi hu ehã Baal jemawɔji lɛ; ni asaŋ efee amãgã ehã jemawɔŋ yoo Ashera lɛ, ni eja ŋwɛi nibii srɔtoi ni yɔɔ lɛ, ni esɔmɔ amɛ hu.

Nehemia 9:6

“Bo okome too ji Yehowa, Bo obɔ ŋwɛi kɛ ŋwɛii amli ŋwɛi kɛ ŋwɛinii huhai abɔ lɛ fɛɛ. Bo obɔ shikpɔŋ kɛ nɔ fɛɛ nɔ ni yɔɔ nɔ, ŋshɔi kɛ nɔ fɛɛ nɔ ni yɔɔ amɛmli; ni bo nɔŋŋ ohãa amɛ fɛɛ kwa naa wala ni ŋwɛinii babaoo lɛ, bo nɔŋŋ amɛjaa.

Lalai 19:3

Anuuu gbee ko, anuuu wiemɔ ko. Ni anuuu amɛgbee ko nɛ,

Yeremia 19:13

Yerusalɛm maŋ lɛ mli shĩai kɛ Yuda maŋtsɛmɛi awei fɛɛ he ni ashãshãa tsofakɛŋma yɛ amɛtsui lɛ ayiteiaŋ akɛhã ŋulamii, asaŋ ni akɛ dãa shwie shi ahã nyɔŋmɔi krokomɛi yɛ jɛi lɛ, abaabule amɛ fɛɛ tswɛm tamɔ Tofet.’ ”

Yeremia 31:35

Bɔ ni Yehowa, Lɛ mɔ ni ebɔ hulu koni etso shwane; ni eto nyɔɔŋtsere kɛ ŋulamii gbɛjianɔ koni amɛkpɛ nyɔɔŋ; Lɛ mɔ ni etaa ŋshɔ mli ni ehãa ŋshɔkei huuɔ ni egbɛi ji Yehowa Taiatsɛ lɛ kɛɛ nɛ,

Yeremia 33:25

Bɔ ni Yehowa kɛɛ nɛ: Kɛji mihãko mishwane kɛ nyɔɔŋ he kpãŋmɔ lɛ ama shi, ni mitoko ŋwɛi kɛ shikpɔŋ he gbɛjianɔ no dani makwa Yakob shwiei lɛ kɛ mitsulɔ David hu shwiei lɛ, ni miŋɔŋ David shwiei lɛ ateŋ mɔ ko koni eye Abraham kɛ Isak kɛ Yakob shwiei lɛ anɔ. Shi agbɛnɛ mahã amɛshwiei lɛ anine ashɛ nibii ni amɛŋmɛɛ lɛ anɔ ekoŋŋ, ni mimusuŋ baatsɔ̃ mi yɛ amɛhe.”

Yeremia 8:2

Abaagbɛ wui nɛɛ amli aka hulu kɛ nyɔɔŋtsere kɛ ŋulamii, ni ji nibii ni amɛsumɔ ni amɛsɔ̃mɔ, ni no hewɔ lɛ, amɛyanyiɛ amɛsɛɛ ni amɛja amɛ lɛ. Abuaŋ amɛwui nɛɛ anaa, ni afuŋ hu; shi moŋ amɛbaatsɔ̃ tamɔ wamɔ yɛ tumo nɔ.

Ezekiel 18:6

Eyeee nii ni akɛshã afɔle ahã wɔji yɛ gɔji lɛ anɔ. Ni ewooo ehiɛ nɔ ekwɛɛɛ Israel we lɛ wɔji lɛ tete, ni enyiɛɛɛ enaanyo ŋa sɛɛ, ni ebɛŋkɛɛɛ yoo ni etee tsuiasɛɛ.

Ezekiel 8:16

Agbɛnɛ ekɛ mi ba Yehowa we lɛ mligbɛ kpo lɛ nɔ; ni naa, yɛ Yehowa Sɔlemɔ we lɛ shinaa lɛ naa yɛ koi lɛ kɛ afɔleshãa latɛ lɛ teŋ lɛ, hii aaafee nyɔŋmai enyɔ kɛ enumɔ yɛ jɛi, ni amɛtsɔmɔ amɛsɛɛ amɛhã Yehowa Sɔlemɔ we lɛ, be mli ni amɛhiɛiaŋ miikwɛ bokãgbɛ lɛ, amɛmiija hulu yɛ bokãgbɛ lɛ.

Zefania 1:5

Mibakpãtã mɛi fɛɛ ni kwɔɔ kɛyaa tsui ayiteiaŋ amɛyajaa hulu kɛ nyɔɔŋtsere kɛ ŋulamii yɛ jɛi lɛ ahiɛ. Mibakpãtã mɛi hu ni kotoɔ Yehowa lɛ, ni amɛkãa lɛ kitã akɛ amɛbaaye lɛ anɔkwa, shi amɛkɛ jemawɔŋ Molek gbɛi lɛ kãa kitã ahiɛ.

Mateo 5:45

koni nyɛtsɔ̃mɔ nyɛTsɛ ni yɔɔ ŋwɛi lɛ bii, ejaakɛ ehãa ehulu teɔ shi yɛ mɛi fɔ̃ji kɛ mɛi kpakpai anɔ. Ni ehaa nyɔŋmɔ nɛɔ yɛ jalɔi kɛ mɛi ni ejaaa lɛ anɔ.

Bɔfoi 7:42

Shi Nyɔŋmɔ tsi ehe kɛjɛ amɛhe ni eŋmɛɛ amɛhe akɛ amɛja ŋwɛinii, tamɔ bɔ ni aŋma yɛ gbalɔi lɛ awolo lɛ mli akɛ, ‘Nyɛ Israel we, ani nyɛshã kooloi afɔle kɛ niyenii afɔle nyɛhã mi yɛ ŋa lɛ nɔ afii nyɔŋmai ejwɛ lɛ?

Romabii 1:25

Amɛŋɔɔ Nyɔŋmɔ anɔkwale lɛ amɛtsakeɔ amale, ni amɛjaa ni amɛsɔ̃mɔɔ bɔɔnɔ lɛ yɛ bɔlɔ lɛ najiaŋ, bɔlɔ ni ajɔɔ lɛ kɛyaa naanɔ lɛ! Amen.

5 Mose 13:10

Atswia lɛ tɛi ni egbo, ejaakɛ eetao akɛ akpala nyɛ kɛje Yehowa, nyɛNyɔŋmɔ lɛ sɛɛ, mɔ ni jie nyɛ kɛje Ijipt shikpɔŋ lɛ nɔ, he ni aye nyɛ nyɔŋ yɛ lɛ.

5 Mose 13:5

Shi nakai gbalɔ lɛ loo mɔ ni laa lamɔi lɛ agbe lɛ. Ejaakɛ eetsɔ̃ɔ nyɛ akɛ nyɛtse Yehowa, nyɛNyɔŋmɔ lɛ, mɔ ni jie nyɛ yɛ Ijipt shikpɔŋ lɛ nɔ ni ekpɔ̃ nyɛ yɛ nyɔŋyeli mli lɛ, hiɛ̃ atua. Eetao akɛ nyɛkahi shi bɔ ni Yehowa, nyɛNyɔŋmɔ lɛ, ewo nyɛ kitã akɛ nyɛfee lɛ. No hewɔ lɛ, esa akɛ nyɛgbe lɛ koni nyɛjie nakai su fɔŋ lɛ yɛ nyɛteŋ.’

5 Mose 17:3

ni nii ni migu nyɛ lɛ, etee eyafee, tamɔ akɛ etee eyaja, ni esɔmɔ nyɔŋmɔi krokomɛi, loo hulu, loo nyɔɔŋtsere loo ŋulamii lɛ eko,

5 Mose 4:18

waamɔ kooloo jio, nu mli loo jio, nyɛkafea eko eko henɔ.