5 Mose 4:12 - ŊMALƐ KRƆŊKRƆŊ LƐ

¹² Nyɛgbaa amɛ bɔ ni Yehowa kɛ nyɛ wie kɛjɛ la lɛ mli; bɔ ni nyɛnu wiemɔi lɛ shi nyɛnaaa lɛ diɛŋtsɛ kwraa, fe akɛ egbee lɛ kɛkɛ nyɛnu;

Ṅmãle̱ Kroṅkroṅ Le̱

¹² Ni Iehowa dše̱ la le̱ mli eke̱nye wie; nyenu wiemo̱i le̱ agbē̱mo̱, ši nyenaa subãṅ ko, ake̱ gbē le̱ ke̱ke̱ nyenu.

5 Mose 4:12 ပူးပေါင်းရင်းမြစ်များ

2 Mose 19:9

Yehowa kɛɛ Mose akɛ, “Miiba oŋɔɔ yɛ atatu kpii mli koni kɛ mi kɛ bo miiwie lɛ, maŋ lɛ anu ni amɛhe bo hu amɛye kɛya naanɔ.”

2 Mose 20:22

Yehowa kɛɛ Mose akɛ, “Kɛɛmɔ Israelbii lɛ akɛ, ‘Nyɛ diɛŋtsɛ nyɛna akɛ ŋwɛi mijɛ mikɛ nyɛ wie nɛɛ.

Yesaia 30:21

Ni ninejurɔgbɛ esa akɛ nyɛtsɔ jio, abɛkugbɛ esa akɛ nyɛtsɔ jio, nyɛtoii aaanu wiemɔ ko yɛ nyɛsɛɛgbɛ akɛ, “Gbɛ lɛ nɛ, nyɛyia nɔ!”

Yesaia 40:18

Belɛ namɔ nyɛkɛaato Nyɔŋmɔ he, ni mɛni yɔɔ su ni tamɔ esu?

Yesaia 40:3

Gbee ko miibo akɛ, “Nyɛsaa gbɛ yɛ ŋa lɛ nɔ nyɛhãa Yehowa; nyɛjajea gbɛjegbɛ yɛ ŋa lɛ nɔ nyɛhãa wɔNyɔŋmɔ lɛ.

Yesaia 40:6

Gbee ko miibo akɛ, “bolɔmɔ!” Ni mikɛɛ, “Te mibolɔ mikɛɛ tɛŋŋ?” “Bolɔmɔ akɛ heloo fɛɛ heloo lɛ jwɛi ni; ni ehoɔ eyaa tamɔ ŋa nɔ fɔfɔi.

4 Mose 12:8

No hewɔ lɛ, lɛ lɛ, mikɛ lɛ wieɔ hiɛ kɛ hiɛ faŋŋ; shi jeee yɛ abɛbuai amli; ni enaa mi, Yehowa, misu. Mɛɛba nyɛsheee gbeyei, ni nyɛwie nyɛshi mitsulɔ Mose lɛ?”

Mateo 17:5

Be ni ewieɔ lolo lɛ, naa, atatu halaŋŋ ko bakete amɛnɔ, ni gbee ko jɛ atatu lɛ mli kɛɛ, “Mɔ nɛ ji misuɔmɔ Bi ni minaa ehe tsui lɛ; nyɛboa lɛ toi!”

Mateo 3:17

Ni naa, gbee ko jɛ ŋwɛi kɛɛ, “Mɔ nɛ ji misuɔmɔ Bi ni mina ehe tsui lɛ.”

Mateo 3:3

Shi mɔ nɛ ji mɔ he ni gbalɔ Yesaia wie akɛ, “Mɔ ko gbee miibo yɛ ŋa lɛ nɔ akɛ, ‘Nyɛsaa Nuŋtsɔ lɛ gbɛ lɛ! Ni nyɛfea etɛmpɔŋi lɛ trɔmɔɔ!’ ”

5 Mose 10:4

Ni tamɔ bɔ ni Yehowa fee klɛŋklɛŋ lɛ, eŋma kitãi Nyɔŋma lɛ ewo tɛi tɛtɛrɛbii lɛ anɔ. Kitãi nɛɛ ji wiemɔ ni Yehowa jɛ la lɛ teŋ ekɛ nyɛ wie kɛjɛ gɔŋ lɛ nɔ lɛ, gbi nɔ ni maŋ lɛ kpe kpee wulu lɛ. Kɛkɛ ni Yehowa kɛ tɛi tɛtɛrɛbii lɛ hã mi,

5 Mose 4:11

“Nyɛgbaa nyɛbii lɛ bɔ ni nyɛtsi nyɛbɛŋkɛ, ni nyɛbadamɔ gɔŋ lɛ shishi, kɛ bɔ ni gɔŋ lɛ here kɛ la kɛtee ŋwɛi shɔŋŋ, ni atatu kpii ko ha gɔŋ lɛ he fɛɛ kpula.

5 Mose 4:13

bɔ ni egbala ekpãŋmɔ lɛ mli etsɔ̃ɔ nyɛ, ni efã akɛ nyɛye nɔ, no ji kitãi nyɔŋma lɛ ni eŋmala ewo tɛi tɛtɛrɛbii enyɔ anɔ lɛ.

5 Mose 4:15

“No hewɔ lɛ, nyɛkwɛa nyɛhenɔ ni ahia. Kɛji gbi nɔ ni Yehowa jɛ la lɛ mli ekɛ nyɛ wie yɛ Sinai Gɔŋ lɛ shishi lɛ, nyɛnaaa lɛ diɛŋtsɛ lɛ,

5 Mose 4:33

Ani maŋ ko nɔ bii enu nyɔŋmɔ ko gbee ni miiwie kɛmiijɛ la mli yɛ amɛhiɛ dã, tamɔ bɔ ni nyɛ lɛ nyɛnu, ni nyɛhiɛ kã nɛɛ lɛ?

5 Mose 4:36

Ŋwɛi tɔ̃ɔ ehã nyɛnu egbee kɛjɛ koni ekɛtsɔse nyɛ; ni ehã nyɛna ela kpeteŋkple lɛ yɛ shikpɔŋ lɛ nɔ, ni nyɛnu ewiemɔ kɛjɛ la mli.

5 Mose 5:22

“Nɛkɛ kitãi nɛɛ Yehowa kɛ gbee ni wa jɛ la lɛ kɛ atatu kpii lɛ mli ewo nyɛsafo muu lɛ fɛɛ yɛ gɔŋ lɛ nɔ; ni ekɛ nɔ ko fataaa he. Kɛkɛ ni eŋma ewo tɛi tɛtɛrɛbii enyɔ nɔ, ni ekɛhã mi.”

5 Mose 5:4

Yehowa jɛ la lɛ teŋ yɛ gɔŋ lɛ nɔ ni ekɛ nyɛ wie hiɛ kɛ hiɛ.

5 Mose 9:10

Ni Yehowa kɛ tɛi tɛtɛrɛbii enyɔ lɛ hã mi, nɔ nɔ ni Nyɔŋmɔ kɛ lɛ diɛŋtsɛ ewao eŋma wiemɔi lɛ fɛɛ yɛ lɛ, wiemɔ ni Yehowa jɛ la lɛ teŋ ekɛ nyɛ wie kɛjɛ gɔŋ lɛ nɔ lɛ, gbi nɔ ni maŋ lɛ kpe kpee wulu lɛ.

Kolosebii 1:15

Kristo ji Nyɔŋmɔ ni anaaa lɛ subaŋ, lɛ enɔ atsɔ abɔ nii fɛɛ.

Hebribii 12:19

kɛ tɛtɛrɛmantɛrɛ gbɛɛmɔ kɛ wiemɔi agbɛɛmɔ ni mɛi ni nu lɛ kpa fai akɛ akawie eko afata he dɔŋŋ lɛ he nyɛba;