5 Mose 4:10 - ŊMALƐ KRƆŊKRƆŊ LƐ

¹⁰ titri lɛ, sane ni ba gbi ni nyɛdamɔ Yehowa, nyɛNyɔŋmɔ lɛ hiɛ yɛ Sinai Gɔŋ lɛ he lɛ, be ni Yehowa kɛɛ mi akɛ, ‘Buamɔ maŋ lɛ naa ohã mi, shi miitao akɛ mahã amɛnu nɔ ni makɛɛ koni amɛkɛkase mi gbeyeishemɔ gbii abɔ ni amɛyɔɔ jeŋ lɛ, asaŋ koni amɛgba amɛbii hu.’

Ṅmãle̱ Kroṅkroṅ Le̱

¹⁰ titri le̱ gbĩ ni *odamo̱ Iehowa, o-Nyoṅmo̱ le̱, hĩe ye̱ Horeb, beni Iehowa ké̱mi ake̱: Buamo̱ maṅ le̱ nā ohãmi, ni mahã amenu miwiemoi le̱, ní ame̱ke̱-kase migbeyeišemo̱ gbĩīabo̱ fẽ ní ame̱yo̱ dšeṅ le̱, ni *ame̱ṅõ-tšo ame̱bii le̱ hũ. *2 Mose 19,17. †5 Mose 6,7; 11,19.

5 Mose 4:10 ပူးပေါင်းရင်းမြစ်များ

1 Mose 18:19

ejaakɛ mile lɛ akɛ eeefã ebii kɛ ewebii ni baa yɛ esɛɛ lɛ koni amɛbo mi toi ni amɛfee nɔ ni hi kɛ nɔ ni ja koni nɔ ni mi, Yehowa, miwo shi yɛ ehe lɛ aba mli.”

Lalai 145:4

Yinɔ kome aaakafo onitsumɔi lɛ atsɔ̃ɔ yinɔ kroko; ni amɛaajaje ohewalɛ nifeemɔi lɛ amɛtsɔ̃ɔ.

2 Mose 19:1

Gbi ni Israelbii lɛ yiŋ kɛjɛ Ijipt shikpɔŋ lɛ nɔ lɛ, enɔ nyɔji etɛ̃ pɛpɛɛpɛ ni amɛyashɛ Sinai ŋa lɛ nɔ.

2 Mose 19:11

ni amɛsaa amɛhe amɛto gbi ni ji etɛ̃ lɛ, ejaakɛ nakai gbi lɛ Yehowa baakpleke shi kɛba gɔŋ lɛ nɔ yɛ maŋ muu lɛ fɛɛ hiŋmɛiŋ.

2 Mose 19:16

Gbi ni ji etɛ̃ lɛ leebi lɛ ŋwɛi shimɔ, ni srawa gbala ni atatu kpii ko baha gɔŋ lɛ nɔ; tɛtɛrɛmantɛrɛ ko gbɛɛ waa naakpa, ni mɛi ni yɔɔ maŋ lɛ shitoohe lɛ fɛɛ kpokpo.

2 Mose 19:9

Yehowa kɛɛ Mose akɛ, “Miiba oŋɔɔ yɛ atatu kpii mli koni kɛ mi kɛ bo miiwie lɛ, maŋ lɛ anu ni amɛhe bo hu amɛye kɛya naanɔ.”

2 Mose 20:18

Be ni Israelbii lɛ na bɔ ni ŋwɛi shimɔɔ, ni srawa gbalaa, ni tɛtɛrɛmantɛrɛ gbɛɔ, ni gɔŋ lɛ fãa lasu lɛ, amɛshe gbeyei, ni amɛkpokpo, ni amɛdamɔ sɛɛ flɛŋŋ.

2 Mose 20:20

Mose kɛɛ maŋ lɛ akɛ, “Nyɛkashea gbeyei, ejaakɛ kaa Nyɔŋmɔ ba nyɛ kaa, bɔ ni afee ni lɛ egbeyeishemɔ ahi nyɛmli daa koni nyɛkafee esha.”

Jajelɔ 12:13

Sane tso muu lɛ ni onu lɛ fɛɛ naagbee nɛ. She Nyɔŋmɔ gbeyei, ni oye ekitãi lɛ anɔ, ejaakɛ enɛ ji nitsumɔ kwraa ni gbɔmɔ yɔɔ tsumɔ.

Yesaia 38:19

Hiɛkãalɔi hɛɛ, hiɛkãalɔi moŋ ji mɛi ni jieɔ oyi, tamɔ bɔ ni mifeɔ ŋmɛnɛ nɛɛ. Tsɛmɛi ni hãa bii leɔ onɔkwayeli lɛ.

Luka 1:50

Emɔbɔnalɛ yɛ mɛi ni sheɔ lɛ gbeyei lɛ anɔ kɛyashi yinɔi ayinɔi.

5 Mose 11:19

Nyɛtsɔ̃a nyɛbii; nyɛwiea he be ni nyɛtara shi yɛ shĩateŋ kɛ be ni nyɛnyiɛ gbɛ, kɛ be ni nyɛjɔɔ nyɛhe kɛ be ni nyɛtsuɔ nii fɛɛ.

5 Mose 12:1

“Akpɔi kɛ mlai ni nyɛjwɛŋ nɔ nyɛye nɔ gbii abɔ ni nyɛyɔɔ shikpɔŋ ni Yehowa, nyɛtsɛmɛi aNyɔŋmɔ lɛ, kɛhãa nyɛ akɛ nyɛnɔ lɛ nɛ.

5 Mose 14:23

ni nyɛkɛyaa he koome ni Yehowa diɛŋtsɛ eŋɔ akɛ jɛi aja lɛ yɛ lɛ. Nyɛyayea nyɛtoi kɛ nyɛtsinai akromɔbii kɛ nyɛbele kɛ nyɛmu ni nyɛnu nyɛwain mli mlijaa nyɔŋma mli ekomekomei lɛ yɛ Yehowa, nyɛNyɔŋmɔ lɛ, hiɛ, koni nyɛkɛkase Yehowa, nyɛNyɔŋmɔ lɛ, gbeyeishemɔ nyɛwala gbii abɔ fɛɛ.

5 Mose 17:19

Wolo lɛ ahi eŋɔɔ, ni ekane ewala gbii abɔ fɛɛ, bɔ ni afee ni ekase Yehowa, eNyɔŋmɔ lɛ, gbeyeishemɔ; ni asaŋ eye mlai kɛ akpɔi nɛɛ anɔ pɛpɛɛpɛ.

5 Mose 4:9

Shi moŋ, nyɛkwɛa ni ahia kɛkɛ koni nyɛhiɛ ahia nyɛhe nɔ jogbaŋŋ, bɔ ni afee ni nyɛhiɛ akaje nibii ni nyɛna kɛ nyɛ diɛŋtsɛ nyɛhiŋmɛii nɛɛ anɔ nyɛwala gbii abɔ fɛɛ. Ni nyɛgbaa nyɛbii kɛ nyɛnabii lɛ,

5 Mose 5:2

Yehowa, wɔNyɔŋmɔ lɛ, kɛ wɔ kpãŋ yɛ Sinai.

5 Mose 5:29

Mina ni kulɛ amɛyɛ nɛkɛ jwɛŋmɔ daa koni amɛkɛye mikitãi lɛ fɛɛ nɔ, bɔ ni afee ni ehi ehã amɛ kɛ amɛshwiei kɛya naanɔ.

5 Mose 6:2

Nyɛ kɛ nyɛshwiei awala gbii abɔ fɛɛ mli lɛ, esa akɛ nyɛshe Yehowa, nyɛNyɔŋmɔ lɛ, gbeyei ni nyɛye akpɔi kɛ kitãi ni miwoɔ nyɛ nɛɛ fɛɛ nɔ, koni nyɛwala sɛɛ atsɛ.

5 Mose 6:7

ni otsɔ̃ɔ obii fitsofitso. Owie he be mli ni ota shi yɛ oshĩaŋ; owie he be mli ni onyiɛ gbɛteŋ; owie he be mli ni ojɔɔ ohe kɛ be mli ni otsuɔ nii.

Hebribii 12:25

Nyɛkwɛa ni ahĩa, koni nyɛkakwa mɔ ni wieɔ lɛ, ejaakɛ kɛ mɛi ni kwa mɔ ni wie tsɔ̃ɔ amɛ yɛ shikpɔŋ lɛ nɔ lɛ ahe ejeee mli lɛ, belɛ wɔ lɛ, wɔhe ejeŋ mli kwraa kɛji wɔkpale kɛjɛ mɔ ni jɛɔ ŋwɛi wieɔ lɛ he.

Kpojiemɔ 19:5

Ni gbee ko jɛ maŋtsɛ sɛ̃i lɛ mli kɛɛ, “Nyɛjiea wɔNyɔŋmɔ lɛ yi, nyɛ mɛi ni ji etsuji lɛ fɛɛ kɛ nyɛ mɛi ni nyɛsheɔ lɛ gbeyei, mɛi bibii kɛ mɛi wuji lɛ fɛɛ!”

1 Samuel 12:24

Nyɛshea Yehowa kɛkɛ gbeyei; asaŋ nyɛsɔmɔa lɛ yɛ anɔkwayeli mli kɛ nyɛtsui fɛɛ. Nyɛkaia nibii wuji abɔ ni etsu ehã nyɛ lɛ.