5 Mose 32:7 - ŊMALƐ KRƆŊKRƆŊ LƐ

⁷ “Nyɛkaia blema jeeŋmɔ ko lɛ, nyɛjwɛŋa yinɔi ni eho lɛ ahe; nyɛbia nyɛtsɛmɛi, ni amɛaagba nyɛ, kɛ nyɛnukpai lɛ hu, ni amɛaakɛɛ nyɛ.

Ṅmãle̱ Kroṅkroṅ Le̱

⁷ Kaimo̱ blema gbĩĩ le̱, ni odſẽṅ yino̱i sro̱toi le̱ amli afii le̱ ahe! Bi otše̱, ni eetsõo, onukpai le̱, ni ame̱agbao! Lal. 77,12.

5 Mose 32:7 ပူးပေါင်းရင်းမြစ်များ

Lalai 10:6

Ekɛɔ ehe akɛ, “Eshiii mi kpu! Amanehulu ko baŋ minɔ gbi ko gbi ko.”

Lalai 119:52

Oo Yehowa, kɛji mikai oteteete mlai lɛ, ehãa mimii shɛɔ mihe.

Lalai 44:1

Oo Nyɔŋmɔ, wɔnu kɛ wɔtoi; wɔblematsɛmɛi lɛ egba wɔ nibii ni otsu yɛ amɛyinɔ, yɛ blema bei lɛ amli.

Lalai 44:2

Bɔ ni bo diɛŋtsɛ oshwie maji lɛ, ni otɛo owebii yɛ jɛi; bɔ ni ohao maji krokomɛi lɛ, shi owebii lɛ ohã amɛshwere.

Lalai 77:8

Aso esuɔmɔ ni tsakeee lɛ sɛɛ efo kwraa kɛmiiya naanɔ lo? Aso eshiwoi lɛ hu asɛɛ efo kɛmiiya naanɔ lo?

Lalai 78:5

Ewo mlai ehã Yakob shwiei kɛ akpɔi ehã Israelbii. Ewo amɛtsɛmɛi lɛ kitã akɛ amɛtsɔ̃ɔ amɛbii mlai nɛɛ;

2 Mose 12:26

Ni kɛji nyɛbii aaabi nyɛ akɛ, ‘Te nyɛjamɔ nɛɛ shishi hu?’ lɛ,

2 Mose 13:14

Kɛji nyɛbii bi nyɛ wɔsɛɛ ko akɛ, ‘Ni te gbijurɔ nɛɛ shishi hu lɛ,’ nyɛkɛa amɛ akɛ, ‘Nineshiwalɛ naa Yehowa jie wɔ kɛje Ijipt he ni aye wɔ nyɔŋ yɛ lɛ.

Yesaia 46:9

Nyɛkaia blema teteetenii lɛ. Mi nɔŋŋ ji Nyɔŋmɔ, ni mɔ ko mɔ ko bɛ sɛɛ dɔŋŋ. Mi ji Nyɔŋmɔ, ni mɔ ko mɔ ko bɛ ni tamɔ mi.

Yesaia 63:11

Kɛkɛ ni emaŋ lɛ kai Mose blema be lɛ, ni amɛkɛɛ akɛ, “Nɛgbɛ mɔ ni jie amɛ kɛ amɛhiɛnyiɛlɔ lɛ kɛjɛ ŋshɔ lɛ mli lɛ yɔɔ? Nɛgbɛ mɔ ni to Emumɔ Krɔŋkrɔŋ lɛ yɛ amɛteŋ lɛ yɔɔ?

5 Mose 4:32

“Nyɛbia blema gbii ni eho dani afɔ nyɛ lɛ mli sane akɛ kɛjɛ gbi nɔ ni Nyɔŋmɔ bɔ gbɔmɔ adesa yɛ shikpɔŋ lɛ nɔ nɛɛ lɛ, nɔ ko kpeteŋkple tamɔ nɛkɛ sane eba dã lo? Aloo nyɛbia kɛjɛa ŋwɛi naagbeehe kome kɛyashia ŋwɛi naagbeehe kome hu akɛ anu sane ko ni tamɔ enɛ dã lo?

5 Mose 8:2

Nyɛkaia gbɛ ni Yehowa, nyɛNyɔŋmɔ lɛ, kɛ nyɛ tsɔ̃ nɔ lɛ fɛɛ, yɛ shiaŋa lɛ nɔ afii nyɔŋmai ejwɛ nɛɛ mli lɛ, koni ekɛhã nyɛhumi shi, ni asaŋ koni etsɔ̃ nɔ ekɛka nyɛ ekwɛ ni ekɛle nɔ ni yɔɔ nyɛtsuiiaŋ akɛ nyɛaaye ekitãi lɛ anɔ lo, aloo nyɛyeŋ nɔ.

Kojolɔi 6:13

Gideon kɛɛ bɔfo lɛ akɛ, “Ofainɛ, minuŋtsɔ, kɛ Yehowa kɛ wɔ yɛ lɛ, mɛɛba mɔ ni enɛɛmɛi fɛɛ eba wɔnɔ nɛɛ? Nɛgbɛ enaakpɛɛnii lɛ fɛɛ ni wɔtsɛmɛi lɛ gbaa wɔ ni amɛkɛɔ akɛ, ‘Ani jeee Ijipt Yehowa jie wɔ kɛjɛ’ lɛ yɔɔ? Ejaakɛ agbɛnɛ Yehowa eshɛ wɔ efɔ̃, ni eŋmɛɛ wɔhe ehã Midianbii lɛ.”