5 Mose 32:4 - ŊMALƐ KRƆŊKRƆŊ LƐ

⁴ “Tɛsaa ji lɛ, enitsumɔ hi pɛpɛɛpɛ, ejaakɛ nibii fɛɛ ni efeɔ lɛ ja. Nyɔŋmɔ anɔkwafo ji lɛ; nɔ sha ko bɛ ehe; jalɔ kɛ anɔkwafo ji lɛ.

Ṅmãle̱ Kroṅkroṅ Le̱

⁴ Te̱sā dšile̱, ni enitšumo̱i hĩ pe̱; edšake̱ egbè̱i fẽ dšale̱ ni. Ano̱kwa Mawu dšile̱, nõša be̱le̱; dšale̱ dšile̱ ni esa pe̱.

5 Mose 32:4 ပူးပေါင်းရင်းမြစ်များ

1 Mose 1:31

Kɛkɛ ni Nyɔŋmɔ kwɛ nibii ni efee lɛ fɛɛ, ni naa, ehi naakpa. Ni je na ni je tsɛre; ni no fee gbi ni ji ekpaa.

1 Mose 18:25

Enɛ akagbale bo fɔ̃ŋfɔ̃ akɛ oooye nɛkɛ sane, ni ooogbe jalɔ kɛ gbɔmɔ fɔŋ fɛɛ shi kome, ni jalɔ aaana nɔ tamɔ gbɔmɔ fɔŋ nɔŋŋ lo! Enɛ akagbale bo! Ani shikpɔŋ lɛ fɛɛ nɔ kojolɔ lɛ, ekojoŋ kojomɔ ni ja lo?”

2 Samuel 22:47

Yehowa hiɛ kã! Ajie mihefãlɔ lɛ yi! Akafo Nyɔŋmɔ mɔ ni ji miyiwalaherelɔ lɛ agbojee.

2 Samuel 23:3

Israel Nyɔŋmɔ lɛ ena ewie; Israel hebulɔ lɛ kɛɛ mi akɛ, “Mɔ ni yeɔ maŋtsɛ yɛ jalɛ naa, ni eyeɔ nɔ yɛ Nyɔŋmɔ gbeyeishemɔ naa lɛ,

2 Kronika 19:7

No hewɔ lɛ, nyɛhãa Yehowa hegbeyeishemɔ ahia nyɛmli; nyɛkwɛa nyɛnifeemɔnii jogbaŋŋ ejaakɛ Yehowa, wɔNyɔŋmɔ lɛ, miihi kutumpɔoyeli kɛ hiɛiaŋkwɛmɔ kɛ nyɔɔŋnihemɔ.”

Nehemia 9:8

Ona akɛ eyeɔ bo anɔkwa, ni okɛ lɛ kpãŋ akɛ okɛ Kanaanbii kɛ Hitbii kɛ Amorbii lɛ kɛ Perizbii kɛ Yebusbii kɛ Girgashbii ashikpɔŋ lɛ baahã eshwiei lɛ; ni oye oshiwoo lɛ nɔ, ejaakɛ jalɔ ji bo.

Hiob 34:10

No hewɔ lɛ, nyɛ mɛi ni nyɛyɔɔ jwɛŋmɔ lɛ, nyɛboa mi toi. Enɛ akagbale Nyɔŋmɔ fɔɔŋfɔ akɛ eeefee nɔ fɔŋ, aloo Ofe lɛ, eeefee nɔ ko ni ejaaa hu.

Hiob 35:14

Nɔ ni wa fe fɛɛ ji akɛ, oookɛɛ akɛ onaaa lɛ, ni sane lɛ kã ehiɛ, ni oomɛ lɛ.

Hiob 36:23

Namɔ baanyɛ etsɔ̃ɔ Nyɔŋmɔ nɔ ni sa akɛ efee, aloo namɔ aaanyɛ akɛɛ Nyɔŋmɔ akɛ, ‘Ofee nɔ ko ni ejaaa’.

Hiob 8:3

Ani Nyɔŋmɔ tsɔ̃ɔ jalɛ hiɛ ebuɔ shi? Aloo Ofe lɛ kɔdɔ̃ɔ etoi eyeɔ sane?

Lalai 100:5

Ejaakɛ Yehowa hi; esuɔmɔ ni tsakeee lɛ yɛ kɛyaa naanɔ; ni enɔkwayeli lɛ hiɔ shi kɛyaa yinɔi fɛɛ anɔ!

Lalai 138:8

Yehowa aaahã eyiŋtoo lɛ aba mli ahã mi. Oo Yehowa, naanɔ osuɔmɔ ni tsakeee lɛ hiɔ shi kɛyaa; gbee bo diɛŋtsɛ oninenaa nitsumɔi lɛ anaa.

Lalai 145:17

Yehowa ja yɛ egbɛi fiaa mli, ni emli hi yɛ enifeemɔi fiaa mli.

Lalai 146:6

Lɛ ebɔ ŋwɛi kɛ shikpɔŋ kɛ ŋshɔ kɛ nɔ fɛɛ nɔ ni yɔɔ mli lɛ; lɛ lɛ eyeɔ anɔkwa kɛyaa naanɔ.

Lalai 18:2

Yehowa ji mitɛsaa kɛ mimɔɔ ni wa, kɛ mijielɔ. MiNyɔŋmɔ kɛ mitɛsaa, mɔ mli ni mibaa abo yɛ; bo ji mitsɛŋ kɛ miyiwalaheremɔ akloŋto. Bo ji mimɔɔ ni wa.

Lalai 18:46

Yehowa hiɛ kã; ajie mitɛsaa lɛ yi; ni awo miyiwalaheremɔ Nyɔŋmɔ lɛ hiɛ nyam.

Lalai 19:7

Yehowa mla lɛ hi kɛwula shi; ehãa gbɔmɔ susuma naa hewalɛ hee. Yehowa mla lɛ maa shi shiŋŋ; ehãa humii leɔ nii.

Lalai 31:5

Miitu mimumɔ miiwo bo odɛ̃ŋ, ejaakɛ bo okpɔ̃ mi. Oo Yehowa, bo Nyɔŋmɔ anɔkwafo.

Lalai 33:4

Ejaakɛ Yehowa wiemɔ lɛ anɔkwale ni, ni etsuɔ enitsumɔi lɛ fɛɛ yɛ anɔkwale mli.

Lalai 78:35

Amɛkaiɔ akɛ Nyɔŋmɔ ji amɛbobaahe, ni Nyɔŋmɔ, Ŋwɛi Flooflonyo lɛ, ji amɛkpɔ̃lɔ.

Lalai 9:16

Yehowa kɛ ejalɛ kojomɔ ehã ale lɛ; mɛi fɔ̃ji edu tsɔne ni amɛ diɛŋtsɛ amɛtsɔ̃ lɛ.

Lalai 90:16

Hã wɔ ni ji otsuji lɛ ana onitsumɔi wuji lɛ, ni wɔshwiei hu ana onunyam kpele lɛ.

Lalai 92:15

koni amɛkɛtsɔ̃ɔ akɛ Yehowa lɛ jalɔ ni. Lɛ ji mitɛsaa, ni nɔ ko ni ejaaa gbɛ bɛ egbɛfaŋ.

Lalai 97:2

Oblɔtu kɛ duŋ kpii ebɔle lɛ kɛkpe! Emaŋtsɛ sɛi lɛ ma jalɛ kɛ jalɛ saneyeli nɔ.

Lalai 98:3

Ekai esuɔmɔ ni tsakeee lɛ kɛ enɔkwayeli ni eyɔɔ hã Israel we lɛ. Je lɛ naagbeehei fɛɛ ena kunim ni wɔNyɔŋmɔ lɛ ye lɛ.

Lalai 99:4

Maŋtsɛ Ofe ni sumɔɔ jalɛ saneyeli, ohã jalɛ saneyeli ema shi; ni aafee nɔ ni ja yɛ Israel.

2 Mose 34:6

Yehowa batsɔ̃ Mose hiɛ kɛho, ni etsɛ ehe ekɛɛ, “Yehowa, Yehowa, Nyɔŋmɔ musuŋtsɔlɔ kɛ durolɔ lɛ, mɔ ni toɔ etsui shi, ni emli eyi kɛ suɔmɔ kɛ anɔkwale babaoo lɛ,

Jajelɔ 3:14

Miyoo akɛ nɔ fɛɛ nɔ ni Nyɔŋmɔ fee lɛ, ehiɔ shi kɛyaa naanɔ; anyɛŋ akɛ nɔ ko afata he lɛ, anyɛŋ ajie nɔ ko kɛje mli hu. Nyɔŋmɔ efee nɔ lɛ nakai, bɔ ni afee ni gbɔmɔ adesa ashe lɛ gbeyei. Nɔ ni yɔɔ amrɔ nɛɛ lɛ, ebaho etee dã, ni nɔ hu ni baaba lɛ eba dã. Nyɔŋmɔ tiuɔ nɔ ni eba ni ewo lɛ gbɛ kɛtee momo lɛ sɛɛ.

Yesaia 17:10

Israel, ohiɛ ekpa oyiwalaheremɔ Nyɔŋmɔ lɛ nɔ, ni okaiii obobaa Tɛsaa lɛ. No hewɔ lɛ, yɛ mli akɛ oootɛo tsei fɛɛfɛji, ni ooofee wɔŋkoo oha maŋsɛɛ wɔŋ,

Yesaia 25:1

Ao Yehowa, bo ji miNyɔŋmɔ; mibakafo bo, mibajie ogbɛi lɛ yi. Ejaakɛ otsu naakpɛɛnii. Oyiŋ ni oto kɛjɛ blema beebe lɛ oye ehe anɔkwa.

Yesaia 26:4

Nyɛkɛ nyɛhiɛ afɔa Yehowa nɔ daa ejaakɛ Yehowa, Nyɔŋmɔ lɛ, naanɔ tɛsaa ni.

Yesaia 28:16

No hewɔ lɛ, nɔ ni Nuŋtsɔ Nyɔŋmɔ kɛɔ nɛ, “Naa, mikɛ tɛ ko miima shi akɛ Zion shishitoo tɛ; eji tɛ ni aka akwɛ, koŋtɛ ni jara wa ni ma shi shiŋŋ; ni aŋma yɛ nɔ akɛ, ‘Mɔ ni heɔ yeɔ lɛ ehe kpokpoŋ.’ ”

Yesaia 30:18

No hewɔ lɛ, Yehowa miimɛ koni eduro nyɛ, ni no hewɔ lɛ, efee kralo koni ena nyɛ mɔbɔ, ejaakɛ Yehowa lɛ Nyɔŋmɔ ni yeɔ jalɛ sane ni. Ajɔɔ mɛi fɛɛ ni hiɛ kã enɔ lɛ.”

Yesaia 32:2

Amɛteŋ mɔ fɛɛ mɔ baatsɔ̃ tamɔ teemɔhe be mli ni kɔɔyɔɔ miitswa, loo abobaahe be mli ni ahum miitswa; eeetsɔ̃ tamɔ faa yɛ shiaŋa nɔ, loo tamɔ tɛsaa kpele hɔ̃ɔŋ yɛ shikpɔŋ gbiŋ nɔ.

Yeremia 10:10

Shi Yehowa ji anɔkwa Nyɔŋmɔ. Lɛ ji Nyɔŋmɔ hiɛkãalɔ kɛ Naanɔ Maŋtsɛ lɛ. Emlifu hãa shikpɔŋ hosoɔ, ni maji nyɛɛɛ emlila lɛ naa adamɔ.

Yeremia 9:24

shi mɔ ni shwãa lɛ, eshwã efɔ̃, enɛ moŋ nɔ; akɛ ele mi, ni enuɔ mi shishi, akɛ mi ji Yehowa ni misuɔmɔ sɛɛ efooo, ni miyeɔ jalɛ sane yɛ shikpɔŋ lɛ nɔ. Enɛɛmɛi ahe moŋ minyaa. Mi, Yehowa, mikɛɛ.”

Daniel 4:34

Maŋtsɛ Nebukadnezar he sane wolo lɛ tee nɔ ekɛɛ akɛ, “Afii kpawo sɛɛ lɛ, mi, Nebukadnezar, miwo mihiɛ nɔ mikwɛ ŋwɛi kɛ heshwamɔ. Kɛkɛ ni mijwɛŋmɔ ku sɛɛ eba mimli ekoŋŋ, ni mihiɛ tserɛ mi. Kɛkɛ ni mikafo Nyɔŋmɔ, Ŋwɛi Flooflonyo lɛ, ni miwo mɔ ni yɔɔ kɛyaashi naanɔ lɛ hiɛ nyam; ejaakɛ, Lɛ ebaaye nɔ kɛya naanɔ fɛɛ, ni emaŋtsɛyeli lɛ sɛɛ efoŋ.

Daniel 4:37

“No hewɔ lɛ, mi, Nebukadnezar, miijie Ŋwɛi Maŋtsɛ lɛ yi, ni miiwo lɛ, ni miiwo ehiɛ nyam. Nɔ fɛɛ nɔ ni efeɔ hi, ni eja hu, ni mɔ fɛɛ mɔ ni woɔ ehe nɔ lɛ, enyɛɔ ebaa mɔ lɛ shi.”

Habakuk 1:12

“Yehowa, kɛjɛ naanɔ beebe lɛ bo ji miNyɔŋmɔ kɛ Mɔ Krɔŋkrɔŋ Koome! Ohaŋ wɔgboi! Ao, Yehowa, okɔ Babilonbii lɛ, ni bo ohã amɛma shi shiŋŋ kɛhã wɔtoigbalamɔ.

Habakuk 1:13

Shi te aaafe tɛŋŋ ni okwɛ ni efɔŋ aya nɔ hu? Ohiŋmɛi yɛ krɔŋŋ tsɔ̃ fe bɔ ni okɛaakwɛ koni nifɔɔjianii aya nɔ. No hewɔ lɛ, mɛɛba ni ofee dioo be mli ni efɔŋfeelɔi kpãtãa mɛi ni hi fe amɛ hiɛ?

Zefania 3:5

Yehowa mɔ ni yɔɔ amɛteŋ yɛ maŋ lɛ mli lɛ, nɔ ni ja pɛ efeɔ; efeee nɔ ko ni ejaaa. Daa leebi lɛ efeɔ nɔ ni ja yɛ maŋ lɛ hiɛ, leebi ko kwraa bɛ ni efɔ̃ɔ jalɛ nii feemɔ. Shi nɔshafeelɔi lɛ ahiɛgble tɔ ejwa.

Mateo 5:48

No hewɔ lɛ, nyɛhia kɛwulaa shi, tamɔ bɔ ni nyɛTsɛ ni yɔɔ ŋwɛi lɛ hi kɛwula shi lɛ.”

Yohane 1:14

Ni Wiemɔ lɛ tsɔ̃ gbɔmɔ adesa, ni ebahi shi yɛ wɔteŋ, ni wɔna enunyam lɛ akɛ Tsɛ lɛ Bi koome lɛ anunyam, ni dromɔ kɛ anɔkwale eyi lɛ obɔ̃.

Yohane 1:17

Ejaakɛ Mla lɛ, Mose nɔ atsɔ̃ akɛhã; shi dromɔ kɛ anɔkwale lɛ, Yesu Kristo nɔ etsɔ̃ kɛba.

Yohane 14:6

Yesu kɛɛ lɛ akɛ, “Mi ji gbɛ lɛ kɛ anɔkwale lɛ kɛ wala lɛ; mɔ ko baaa Tsɛ lɛ ŋɔɔ, akɛ ja etsɔ̃ minɔ.

Yohane 5:22

Ejaakɛ Tsɛ lɛ ekojooo mɔ ko, shi moŋ etu kojomɔ lɛ fɛɛ ewo Bi lɛ dɛŋ;

Romabii 1:32

Amɛle Nyɔŋmɔ mla lɛ krɛdɛɛ nɛ, akɛ mɛi ni tsuɔ nakai nii lɛ sa gbele, shi kɛ̃lɛ jeee feemɔ kɛkɛ amɛfeɔ, shi moŋ amɛnaa mɛi ni tsuɔ nakai nii lɛ ahe miishɛɛ hu.

Romabii 2:2

Shi wɔle akɛ Nyɔŋmɔ kojomɔ ni baa mɛi ni tsuɔ nakai nii lɛ anɔ lɛ ja.

Romabii 2:5

Shi okɛ otsuiwalɛ kɛ ohe ni oshwaaa lɛ miitĩa mlifu naa ohã ohe oto Nyɔŋmɔ mlifu gbi lɛ, nɔ nɔ ni ebaatsɔ̃ ejie ejalɛ kojomɔ lɛ kpo lɛ;

Romabii 3:5

Shi kɛji wɔja ni wɔjaaa lɛ hãa Nyɔŋmɔ jalɛ lɛ jeɔ kpo lɛ, te wɔɔkɛɛ tɛŋŋ? Aso Nyɔŋmɔ nɔ ejaaa kɛji emlifu ba wɔnɔ lɛ? (Miiwie akɛ gbɔmɔ).

1 Korintobii 10:4

ni amɛ fɛɛ amɛnu mumɔŋ nu kome lɛ nɔŋŋ; ejaakɛ amɛnu mumɔŋ tɛsaa ni kɛ amɛ nyiɛ lɛ mli nu, ni tɛsaa lɛ ji Kristo.

5 Mose 10:18

Eyeɔ awusã kɛ okulafo sane ehãa amɛ, ni edɔɔ gbɔ he, ni ehãa amɛ nɔ ni amɛaaye kɛ nɔ ni amɛkɛaahã amɛhe.

5 Mose 32:15

“Yehowa webii lɛ shwere, shi amɛtse atua; amɛshwishwii, ni amɛhe wa, ni amɛhe shamɔ hu. Kɛkɛ ni amɛkwa Nyɔŋmɔ mɔ ni bɔ amɛ lɛ moŋ, ni amɛbuuu Nyɔŋmɔ ni ji yiwalaheremɔ Tɛsaa lɛ.

5 Mose 32:18

Nyɛbuuu Tɛsaa ni babɔ nyɛ ade lɛ, ni nyɛhiɛ kpa Nyɔŋmɔ mɔ ni bɔ nyɛ lɛ nɔ.

5 Mose 7:9

No hewɔ lɛ, nyɛnaa nyɛlea akɛ Yehowa, nyɛNyɔŋmɔ lɛ, lɛ ji Nyɔŋmɔ koome lɛ, Nyɔŋmɔ anɔkwafo, mɔ ni yeɔ shi ni ewo nɔ, asaŋ ni esuɔmɔ tsakeee yɛ mɛi ni esumɔɔ ni amɛyeɔ ekitãi anɔ kɛyashiɔ amɛshwiei ni ji akpe lɛ ayinɔ tɔ̃ɔ lɛ.

Yakobo 1:17

Dromɔnii kpakpai fɛɛ kɛ nikeenii ni hi kɛwula shi fɛɛ lɛ; ŋwɛi ejɛɔ ekpelekeɔ shi, kɛjɛɔ ŋwɛi lai aTsɛ lɛ ŋɔɔ, mɔ mli ni tsakemɔ loo duŋ ni tsakemɔ kɛbaa bɛ lɛ.

Yakobo 4:12

Mɔ kome ji mlawolɔ kɛ kojolɔ, mɔ ni yɔɔ hewalɛ ni ekɛhereɔ mɔ yiwala ni ekɛkpãtãa mɔ hiɛ hu lɛ. Shi bo lɛ, namɔ ji bo ni okojoɔ onaanyo?

1 Petro 2:6

No hewɔ hu ni eyɔɔ ŋmalɛ lɛ mli akɛ, “Naa, mikɛ koŋtɛ miiŋmɛ shi yɛ Zion, tɛ ni ahala ni ejara wa. Ni mɔ ni heɔ enɔ yeɔ lɛ hiɛ gboŋ kɔkɔɔkɔ.”

1 Samuel 2:2

“Mɔ krɔŋkrɔŋ ko bɛ tamɔ bo, Yehowa, osɛɛ lɛ mɔ ko bɛ dɔŋŋ; Mɔ ko bɛ hewalɛ tamɔ wɔNyɔŋmɔ lɛ.