5 Mose 32:18 - ŊMALƐ KRƆŊKRƆŊ LƐ

¹⁸ Nyɛbuuu Tɛsaa ni babɔ nyɛ ade lɛ, ni nyɛhiɛ kpa Nyɔŋmɔ mɔ ni bɔ nyɛ lɛ nɔ.

Ṅmãle̱ Kroṅkroṅ Le̱

¹⁸ Te̱sā ní fo̱o le̱ odſẽṅṅ eno̱, ni ohĩe ekpa Mawu ní bo̱o le̱ no̱.

5 Mose 32:18 ပူးပေါင်းရင်းမြစ်များ

Lalai 106:21

Amɛhiɛ kpa Nyɔŋmɔ, amɛyiwalaherelɔ lɛ, mɔ ni fee nii wuji yɛ Ijipt lɛ, nɔ.

Lalai 18:2

Yehowa ji mitɛsaa kɛ mimɔɔ ni wa, kɛ mijielɔ. MiNyɔŋmɔ kɛ mitɛsaa, mɔ mli ni mibaa abo yɛ; bo ji mitsɛŋ kɛ miyiwalaheremɔ akloŋto. Bo ji mimɔɔ ni wa.

Lalai 9:17

Mɛi fɔ̃ji kɛ mɛi fɛɛ ni hiɛ kpaa Nyɔŋmɔ nɔ lɛ baaya gbohiiaje.

Yesaia 17:10

Israel, ohiɛ ekpa oyiwalaheremɔ Nyɔŋmɔ lɛ nɔ, ni okaiii obobaa Tɛsaa lɛ. No hewɔ lɛ, yɛ mli akɛ oootɛo tsei fɛɛfɛji, ni ooofee wɔŋkoo oha maŋsɛɛ wɔŋ,

Yesaia 27:11

Kɛji emli tsei aniji lɛ gbi lɛ, akumɔɔ ni yei baa ni amɛbalɛɔ akɛ lai kɛyaa, ni amɛyashãa. Ejaakɛ amɛjeee maŋ ni nuɔ nii ashishi. No hewɔ lɛ, Nyɔŋmɔ, mɔ ni bɔ amɛ lɛ musuŋ etsɔŋ lɛ yɛ amɛhe, ni enaŋ amɛ mɔbɔ.

Yeremia 2:31

Nyɛ, yinɔ nɛɛ nɔ bii, nyɛjwɛŋa Yehowa wiemɔi lɛ ahe. Ani mitsɔ̃ ŋa nɔ mihã Israelbii lo; loo shikpɔŋ ni enɔ ewo duŋ kpii? Mɛni hewɔ mɔ, ni miwebii lɛ kɛɔ akɛ, “Wɔye wɔhe; wɔbaaa oŋɔɔ dɔŋŋ lɛ?”

Yeremia 2:32

Ani oblayoo hiɛ kpaa ehewulamɔnii anɔ, ani ayɛmforo hiɛ kpaa ekpeemɔ atade nɔ? Shi mi lɛ miwebii lɛ ahiɛ ekpa minɔ kɛjɛ jeeŋmɔ.

Yeremia 3:21

Anu gbee ko gbɛɛ yɛ gɔji lɛ ayiteiaŋ kpatai lɛ anɔ. Israelbii ayaafo kɛ faikpamɔ ni, ejaakɛ amɛba amɛjeŋ gbonyo, ni amɛhiɛ ekpa Yehowa, amɛNyɔŋmɔ lɛ, nɔ.

Ezekiel 22:12

Mɛi heɔ nyɔɔŋnii, koni ashwie lá shi yɛ omli; aheɔ hekpa ni fe nine, ni atswaa nanemɛi ojo. Nyɛhiɛ ekpa minɔ.” Nuŋtsɔ Yehowa kɛɛ.

Hosea 8:14

“Ejaakɛ Israel hiɛ kpa ebɔlɔ lɛ nɔ, ni emamɔ mɔji moŋ ehã ehe; ni Yuda hu tswa gbogbo ewo emaji pii ahe. Shi mawo amɛmaji lɛ amli la ni mashã amɛmɔji lɛ.”

5 Mose 32:15

“Yehowa webii lɛ shwere, shi amɛtse atua; amɛshwishwii, ni amɛhe wa, ni amɛhe shamɔ hu. Kɛkɛ ni amɛkwa Nyɔŋmɔ mɔ ni bɔ amɛ lɛ moŋ, ni amɛbuuu Nyɔŋmɔ ni ji yiwalaheremɔ Tɛsaa lɛ.

5 Mose 32:4

“Tɛsaa ji lɛ, enitsumɔ hi pɛpɛɛpɛ, ejaakɛ nibii fɛɛ ni efeɔ lɛ ja. Nyɔŋmɔ anɔkwafo ji lɛ; nɔ sha ko bɛ ehe; jalɔ kɛ anɔkwafo ji lɛ.

5 Mose 6:12

nyɛkwɛa nyɛhe nɔ ni ahĩa koni nyɛhiɛ akajea Yehowa, mɔ ni jie nyɛ kɛje Ijipt shikpɔŋ lɛ nɔ he ni aye nyɛ nyɔŋ yɛ lɛ, nɔ.

5 Mose 8:11

“Nyɛkwɛa nyɛhe ni ahia koni nyɛhiɛ akakpa Yehowa nyɛNyɔŋmɔ lɛ nɔ, ni no hã nyɛyeee ekitãi kɛ emlai kɛ ekpɔi ni miwoɔ nyɛ ŋmɛnɛ nɛɛ nɔ.

5 Mose 8:14

nyɛkwɛa ni ahia koni nyɛkawo nyɛhe nɔ ni nyɛhiɛ miikpa Yehowa, nyɛNyɔŋmɔ lɛ nɔ. Lɛ mɔ ni ejie nyɛ kɛje Ijipt shikpɔŋ lɛ nɔ he ni aye nyɛ nyɔŋ yɛ lɛ.

5 Mose 8:19

Shi naa, kɛji nyɛhiɛ je Yehowa, nyɛNyɔŋmɔ lɛ, nɔ, ni nyɛshi lɛ sɛɛ, ni nyɛtee nyɛyasɔmɔ ni nyɛja nyɔŋmɔi krokomɛi lɛ, no lɛ, miigba mli kpoo miikɛɛ nyɛ ŋmɛnɛ gbi nɛɛ akɛ kpãtãmɔ kɛ̃ nyɛhiɛ aaakpãtã.

1 Samuel 12:9

Shi nyɛtsɛmɛi lɛ ahiɛ kpa Yehowa, amɛNyɔŋmɔ, lɛ nɔ. No hewɔ lɛ, Yehowa ŋmɛɛ amɛhe ehã, ni Hazor Maŋtsɛ Yabin tatsɛ Sisera lɛ, kɛ Filistibii lɛ hu kɛ Moab maŋtsɛ lɛ hu kɛ amɛ wuwuu tai, ni gbɔmɛi nɛɛ ye nyɛtsɛmɛi lɛ anɔ.