5 Mose 32:16 - ŊMALƐ KRƆŊKRƆŊ LƐ

¹⁶ Amɛtee Yehowa awuŋayeli shi kɛ maŋsɛɛ nyɔŋmɔi ni amɛja lɛ, ni esha ni amɛfee hewɔ lɛ amɛwo lɛ mlifu.

Ṅmãle̱ Kroṅkroṅ Le̱

¹⁶ Ame̱hã eke̱ nyoṅmo̱i kpõdši ye awuṅã, nihĩnii ame̱ke̱-wo emli la.

5 Mose 32:16 ပူးပေါင်းရင်းမြစ်များ

1 Maŋtsɛmɛi 14:22

Yudabii lɛ fee esha shi Yehowa, ni amɛkɛ amɛhe eshai ni amɛfee lɛ hã Yehowa ye awuŋã. Eshai ni amɛfee lɛ fa kwraa fe nii ni amɛblematsɛmɛi lɛ fee lɛ.

1 Maŋtsɛmɛi 14:9

Shi bo lɛ, ofee efɔŋ fe mɛi fɛɛ ni etsɔ̃ ohiɛ lɛ. Oto oyiŋ, ni oyafee nyɔŋmɔi krokomɛi kɛ amãgãi ni ashwie ohã ohe, ni okɛwo mimli la; ni mi lɛ oshɛ mi ofɔ̃ osɛɛ kwa.

2 Maŋtsɛmɛi 17:11

Ni amɛshãshãa tsofakɛŋma yɛ jamɔ hei grɔŋŋi lɛ fɛɛ, tamɔ bɔ ni jeŋmaji ni Yehowa shwie amɛ kɛje amɛhiɛ lɛ fee lɛ; ni amɛfee nibii fɔ̃ji amɛkɛwo Yehowa mlila.

2 Maŋtsɛmɛi 17:17

Amɛŋɔ amɛbihii kɛ amɛbiyei amɛshãshãa afɔle amɛhã jemawɔji, amɛkala, ni amɛsaa amɛyeyee ŋkunyai. Amɛhɔ̃ɔhɔ̃ɔ amɛhe amɛhã efɔŋfeemɔ yɛ Yehowa hiɛ, ni amɛkɛwo Yehowa mli la.

2 Maŋtsɛmɛi 21:6

Egbe emusuŋbi ekɛshã afɔle; ekala, ni eye ŋkunyaa; ni eto sisatsɛlɔi kɛ wɔjiatsɛmɛi. Efee efɔɔji babaoo yɛ Yehowa hiɛ ekɛwo Yehowa mli la.

2 Maŋtsɛmɛi 23:13

Kɛkɛ ni maŋtsɛ Yosia bule jamɔhei grɔŋŋi lɛ ni maŋtsɛ Solomon mamɔ yɛ Yerusalɛm bokãgbɛ lɛ, kɛ afɔleshãa latɛi ni yɔɔ Mugɔŋ lɛ wuoyigbɛ ni akɛjaa Astarte, Sidonbii lɛ amãgã lɛ, kɛ Kemosh, Moabbii lɛ amãgã lɛ, kɛ Molek, Amonbii lɛ amãgã lɛ.

Lalai 106:29

Amɛkɛ amɛnifeemɔnii wo Yehowa mlifu; ni gbele hela bote amɛteŋ.

Lalai 78:58

Amɛkɛ hei grɔŋŋi lɛ wo emli la, ni amɛkɛ amɛmãgãi lɛ hã eye awuŋã.

Yesaia 43:12

Mikɛɛ nɔ ni baaba mito, ni mibahere nyɛyiwala Maŋsɛɛ nyɔŋmɔ ko efeko nakai dã; nyɛ ji midasefoi.”

Yeremia 2:11

Ani maŋ ko yɛ ni etsake enyɔŋmɔi pɛŋ? Tsɛbelɛ nakai nyɔŋmɔi lɛ jeee fɛifɛi! Shi miwebii lɛ kɛ amɛnunyam lɛ etsake nii ni he bɛ sɛɛnamɔ.

Yeremia 2:25

Israel, kwɛmɔ koni okahiɛ onane folo, asaŋ koni osɛ̃ŋ akagbi kɛ kumai. Shi okɛɛ akɛ, ‘Hiɛnɔkãmɔ ko bɛ? Ejaakɛ maŋsɛɛ nyɔŋmɔi misumɔɔ, ni amɛsɛɛ manyiɛ.’ ”

Yeremia 7:18

Gbekɛbii lɛ yalɛɔ lai kɛbaa, ni amɛtsɛmɛi lɛ shɛreɔ la lɛ, ni yei lɛ kpɔtɔɔ ma lɛ ni akɛshãa aboloo akɛyahãa jemawɔŋ yoo ni amɛtsɛɔ lɛ Ŋwɛi Maŋnyɛ lɛ, ni amɛfɔseɔ dãa amɛshwieɔ shi akɛ afɔle amɛkɛhãa nyɔŋmɔi krokomɛi koni amɛkɛwo mimli la.

Yeremia 8:19

Naa, kɛjɛ shikpɔŋ lɛ nɔ hei fɛɛ, minuɔ mimaŋbii abolɔmɔ akɛ, “Ani Yehowa bɛ Zion lo? Zion maŋtsɛ lɛ bɛ Zion?” Yehowa, amɛmaŋtsɛ lɛ, to he akɛ, “Mɛɛba nyɛwo mi mlifu kɛ maŋsɛɛ amãgãi ni nyɛkotoɔ ni nyɛjaa lɛ?”

Ezekiel 8:3

Ekpã nɔ ko ni esu tamɔ nine mli ni ekɛmɔ̃ miyiteŋ tsɔi ni efi tɔo lɛ mli. Mumɔ lɛ wo minɔ kɛtee shikpɔŋ kɛ ŋwɛi teŋ, ni ekɛ mi tee Yerusalɛm yɛ Nyɔŋmɔ he ninai lɛ amli. Ekɛ mi ba mligbɛ kpo lɛ nɔ agbo ni kwɛɔ kooyigbɛ shinaa lɛ naa, he ni amãgã ni hãa Nyɔŋmɔ yeɔ awuŋã lɛ ma lɛ.

1 Korintobii 10:22

Aloo wɔmiifee ni Nuŋtsɔ lɛ aye awuŋã? Ani wɔhe wa fe lɛ?

5 Mose 32:21

Amɛhã miye nɔ ni jeee nyɔŋmɔ he awuŋã yakatswaa; amɛwo mimli la kɛ amɛmãgãi lɛ. No hewɔ lɛ, mi hu mahã amɛye maŋ ko ni bɛ nɔ ko mli he awuŋã. Mahã amɛmli awo la yɛ kwashiai amaŋ ko hewɔ.

5 Mose 5:9

Kaaja nibii nɛɛ, ni kaasɔ̃mɔ amɛ hu, ejaakɛ mi Yehowa, oNyɔŋmɔ lɛ, Nyɔŋmɔ ni yeɔ awuŋã ji mi; ni miwoɔ tsɛmɛi kɛ bii nyɔmɔ yɛ tsɛmɛi lɛ atɔ̃mɔi lɛ ahewɔ, kɛyashiɔ yinɔ ni ji etɛ̃ kɛ yinɔ ni ji ejwɛ tete ni nyɛɔ mi lɛ nɔ.

5 Mose 7:25

Nyɛmamɔa amɛnyɔŋmɔi ni ji amãgãi lɛ anaa la nyɛshãa. Nyɛhiɛ akakɔ̃a jwiɛtɛi loo shika ni yɔɔ nibii nɛɛ ahe lɛ anɔ ni nyɛŋɔ eko nyɛhã nyɛhe, koni no akafee kaa miihã nyɛ, ejaakɛ musu nii ni hã Yehowa, nyɛNyɔŋmɔ lɛ.