5 Mose 32:12 - ŊMALƐ KRƆŊKRƆŊ LƐ

¹² nakai Yehowa koome nyiɛ ewebii ahiɛ, ni maŋsɛɛ nyɔŋmɔ ko fataaa ehe.

Ṅmãle̱ Kroṅkroṅ Le̱

¹² Iehowa kometō kplale̱, ni nyoṅmo̱ kpõṅ ko fataa ehe.

5 Mose 32:12 ပူးပေါင်းရင်းမြစ်များ

Nehemia 9:12

Okɛ atatu ni ma shi kutuu tsɔ̃ɔ amɛ gbɛ shwane, ni nyɔɔŋ hu lɛ, okɛ la kutuu tsɔ̃ɔ amɛ gbɛ koni amɛna nii yɛ gbɛ ni amɛnyiɛ nɔ lɛ nɔ.

Hiob 15:19

Amɛ tuuŋtu aŋɔ shikpɔŋ lɛ ahã; gbɔi futuuu amɛ.

Lalai 136:16

Lɛ mɔ ni ekpala emaŋ lɛ kɛtsɔ̃ ŋa lɛ nɔ lɛ; ejaakɛ naanɔ esuɔmɔ ni tsakeee lɛ hiɔ shi kɛyaa!

Lalai 27:11

Oo Yehowa, tsɔ̃ɔmɔ mi ogbɛ lɛ, ni okpala mi kɛtsɔ̃ tɛmpɔŋ ni kã shi faŋŋ nɔ; ejaakɛ mihenyɛlɔi lɛ ayi fa.

Lalai 78:14

Shwane lɛ ekɛ atatu tsɔ̃ɔ amɛ gbɛ, ni nyɔɔŋnyɔɔŋ fɛɛ lɛ ekɛ la gboŋaa tsɔ̃ɔ amɛ gbɛ.

Lalai 80:1

Oo Israel Kpalalɔ, bo toi! Bo ni okpala Yosef tamɔ tooku, Bo ni ota kerubim anɔ, baajie ohe shi faŋŋ otsɔ̃ɔ.

Lalai 81:9

Nyɔŋmɔ kroko ko kwraa akahi nyɛteŋ; nyɛkajaa maŋsɛɛ nyɔŋmɔ ko kwraa.

Yesaia 46:4

ni kɛyaashi gbɔlɛ mli lɛ mi nɔŋŋ ni; ni kɛyaashi nyɛwaŋjee mli tete mi nɔŋŋ ni. Mi, mibɔ nyɛ, ni mi nɔŋŋ mahiɛ nyɛ; mi miwa nyɛ, ni mahere nyɛyiwala.

Yesaia 63:14

Yehowa mumɔ lɛ ha amɛna hejɔlɛ tamɔ tsinai ni kpelekeɔ shi kɛyaa jɔɔ mli jwɛfɔ he. Nakai pɛpɛɛpɛ Yehowa kpala emaŋ lɛ, ni ekɛna anunyam gbɛi ehã ehe.

Hosea 11:4

Mikɛ suɔmɔ kɛ mlitsɔlɛ gbala amɛ kɛba miŋɔɔ; ni mitsɔ̃ tamɔ mɔ ni fãa amɛdaaŋ manyoflɛ, ni mikɛ niyenii ma amɛhiɛ.”

5 Mose 1:31

kɛ ŋa lɛ nɔ lɛ. Ni nyɛna bɔ ni Yehowa, nyɛNyɔŋmɔ lɛ, hiɛ nyɛmli kɛyashi nyɛbashɛ biɛ nɛɛ tamɔ bɔ ni nuu hiɛɔ ebi yɛ ekpɔkɔiaŋ lɛ.’

5 Mose 32:39

“‘Te nyɛna akɛ Mi nɔŋŋ ji Mi, ni misɛɛ lɛ nyɔŋmɔ ko bɛ dɔŋŋ? Migbeɔ, ni mihãa wala, mipilaa mɔ, ni mitsaa mɔ, ejaakɛ mɔ ko nyɛɛɛ nɔ ko ashɔ̃ yɛ mi midɛŋ.

5 Mose 4:35

Ahã nyɛna nibii nɛɛ koni nyɛkɛle akɛ Yehowa koome ji Nyɔŋmɔ, ni lɛ esɛɛ lɛ nyɔŋmɔ ko bɛ dɔŋŋ.

5 Mose 4:39

No hewɔ lɛ, nyɛnaa nyɛlea ŋmɛnɛ, ni nyɛkɛtoa nyɛyiŋ, akɛ Yehowa ji ŋwɛi kɛ shikpɔŋ lɛ fɛɛ Nyɔŋmɔ; lɛ esɛɛ lɛ mɔ ko bɛ dɔŋŋ.

Yoshua 24:17

ejaakɛ Yehowa, wɔNyɔŋmɔ lɛ, lɛ ji mɔ ni jie wɔ kɛ wɔtsɛmɛi lɛ kɛje Ijipt shikpɔŋ lɛ nɔ, he ni aye wɔ nyɔŋ yɛ lɛ. Efee okadii wuji etsɔ̃ɔ wɔ, asaŋ ebaa wɔyi yɛ gbɛi ni wɔfãfãa fɛɛ mli kɛtsɔ̃ majimaji ateŋ kɛho.