5 Mose 31:3 - ŊMALƐ KRƆŊKRƆŊ LƐ

³ Yehowa, nyɛNyɔŋmɔ lɛ, diɛŋtsɛ aaanyiɛ nyɛhiɛ kɛfo faa lɛ; ni lɛ nɔŋŋ ebaakpãtã majimaji lɛ ahiɛ yɛ nyɛhiɛ koni nyɛŋɔ. Yɛ Yehowa wiemɔ naa lɛ, Yoshua aaanyiɛ nyɛhiɛ kɛfo Yordan Faa lɛ.

Ṅmãle̱ Kroṅkroṅ Le̱

³ Iehowa, o-Nyoṅmo̱ le̱, aanyie ohĩe ke̱-fo, le̱ noṅṅ eefite nakai dšeṅmãdši le̱ ye̱ ohĩe, ni ooye ame̱no̱; Iošua dši moni aanyie ohĩe ke̱-fo, tamo̱ bo̱ni Iehowa ekē̱ le̱. 3,28.

5 Mose 31:3 ပူးပေါင်းရင်းမြစ်များ

1 Mose 48:21

Kɛkɛ ni Yakob kɛɛ Yosef akɛ, “Naa, mi lɛ, migbele be eshɛ etã, shi nyɛ lɛ Nyɔŋmɔ kɛ nyɛ baahi shi, ni ekɛ nyɛ baaku sɛɛ kɛya nyɛblematsɛmɛi ashikpɔŋ lɛ nɔ ekoŋŋ.

Bɔfoi 7:45

Buu nɛɛ, be ni wɔtsɛmɛi ni ba yɛ sɛɛ lɛ hu anine shɛ nɔ lɛ, amɛkɛ Yoshua hiɛ kɛba jeŋmaji ni Nyɔŋmɔ shwie amɛ yɛ wɔtsɛmɛi lɛ ahiɛ lɛ ashikpɔŋ lɛ nɔ. Ni ehi shi kɛbashi David yinɔ.

5 Mose 1:30

Yehowa, nyɛNyɔŋmɔ lɛ, mɔ ni nyiɛ nyɛhiɛ lɛ, baawu ehã nyɛ lɛ diɛŋtsɛ, tamɔ bɔ ni efee ehã nyɛ yɛ nyɛ diɛŋtsɛ nyɛhiŋmɛiaŋ, yɛ Ijipt,

5 Mose 3:28

Wo Yoshua kitã; ni owo lɛ ekãa kɛ hewalɛ fɛɛ ejaakɛ lɛ ebaanyiɛ maŋbii lɛ ahiɛ kɛya kɛyaŋɔ shikpɔŋ lɛ ni obaana lɛ.’

5 Mose 31:14

Kɛkɛ ni Yehowa kɛɛ Mose akɛ, “Naa, ogbele be eshɛ etã. Tsɛ Yoshua kɛba koni bo, okɛ lɛ fɛɛ nyɛbadamɔ Kpee Buu lɛ mli koni matu nitsumɔ lɛ mawo edɛŋ.” Mose kɛ Yoshua tee, ni amɛyadamɔ Kpee Buu lɛ mli.

5 Mose 31:23

Kɛkɛ ni Yehowa tu nitsumɔ lɛ ewo Yoshua, Nun binuu lɛ, dɛŋ, ni ekɛɛ lɛ akɛ, “Ohe awa, ni ofee ekãa, ejaakɛ bo ji mɔ ni okɛ Israelbii lɛ baaya shikpɔŋ lɛ ni miwo he shi akɛ mikɛbaahã amɛ lɛ nɔ; mikɛ bo baahi shi.”

5 Mose 31:4

Yehowa aaafee maji lɛ bɔ pɛ ni efee Amorbii amaŋtsɛmɛi Sihon kɛ Og kɛ amɛshikpɔŋ lɛ be ni ekpãtã amɛhiɛ lɛ.

5 Mose 34:9

Yoshua, Nun bi lɛ, eyi obɔ̃ kɛ nilee mumɔ, ejaakɛ Mose kɛ eniji eshwie enɔ ejɔɔ enɔ. No hewɔ lɛ, Israelbii lɛ bo Yoshua toi, ni amɛfee tamɔ bɔ ni Yehowa efã Mose lɛ.

5 Mose 7:1

“Yehowa, nyɛNyɔŋmɔ lɛ, kɛ nyɛ baaya ayashɛ shikpɔŋ ni nyɛyaa nyɛyaŋɔ lɛ nɔ. Ebaashwie maji kpawo ni dara, asaŋ ni amɛhe wa fe nyɛ kɛje nyɛhiɛ. Maji nɛɛ ji Hitbii lɛ kɛ Girgashbii lɛ kɛ Amorbii lɛ kɛ Kanaanbii lɛ kɛ Perizbii lɛ kɛ Hivbii lɛ kɛ Yebusbii amaji lɛ.

5 Mose 9:3

Shi moŋ nyɛnaa nyɛlea ŋmɛnɛ gbi nɛɛ akɛ mɔ ni nyiɛ nyɛhiɛ kɛyaa lɛ etamɔ la grigri ni kpãtãa nii ahiɛ. Lɛ ji Yehowa, nyɛNyɔŋmɔ lɛ. Ebaaye amɛnɔ, ni ebaajɔɔ amɛhe yɛ nyɛhiɛ koni nyɛshwie amɛ yɛ shikpɔŋ lɛ nɔ, ni nyɛkpãtã amɛhiɛ oya tamɔ bɔ ni lɛ Yehowa ewo nyɛ shi eto momo lɛ.

Hebribii 4:8

Ejaakɛ eji Yoshua na hã amɛ hejɔɔmɔ kulɛ, fee sɛɛ lɛ Nyɔŋmɔ ewieŋ yɛ gbi kroko he dɔŋŋ.

Yoshua 1:2

“Mitsulɔ Mose egbo, no hewɔ lɛ, saamɔ ohe koni bo kɛ Israelbii lɛ fɛɛ afo Yordan Faa nɛɛ kɛya shikpɔŋ lɛ ni mikɛhãa amɛ lɛ nɔ.

Yoshua 11:15

Bɔ ni Yehowa wo etsulɔ Mose kitã lɛ, nakai nɔŋŋ Mose hu wo Yoshua kitã lɛ, ni nakai pɛpɛɛpɛ Yoshua fee. Nii fɛɛ ni Yehowa wo he kitã lɛ, Yoshua shiii mli ekoeko ni etsuuu he nii.

Yoshua 3:7

Yehowa kɛɛ Yoshua akɛ, “Mibabɔ̃i ohiɛ nyamwoo kɛjɛ ŋmɛnɛ gbi nɛɛ matsɔ̃ɔ Israelbii lɛ fɛɛ koni amɛkɛna amɛle akɛ bɔ ni mikɛ Mose hi shi lɛ, nakai nɔŋŋ mikɛ bo hu baahi shi.

Yoshua 4:14

Nakai gbi lɛ nɔ Yehowa wo Yoshua hiɛ nyam etsɔ̃ɔ Israelbii fɛɛ, ni amɛshe Yoshua gbeyei ewala gbii abɔ fɛɛ tamɔ amɛshe Mose gbeyei lɛ.