5 Mose 30:3 - ŊMALƐ KRƆŊKRƆŊ LƐ

³ no lɛ Yehowa, nyɛNyɔŋmɔ lɛ aaana nyɛ mɔbɔ ekoŋŋ. Emusuŋ aaatsɔ̃ lɛ, ni eeeku sɛɛ ebua nyɛnaa kɛaajɛ majimaji anɔ hei fɛɛ ni Yehowa, nyɛNyɔŋmɔ lɛ, egbɛ nyɛ eshwã lɛ kɛaaba.

Ṅmãle̱ Kroṅkroṅ Le̱

³ no le̱ Iehowa, o-Nyoṅmo̱ le̱, *aahã okũ ose̱ ke̱-dše̱ onomṅō̃ le̱ mli ni emũsũṅ aatšõle̱ ye̱ ohe, ni esa †eebua ona ke̱-adše̱ mãdši fẽ ní Iehowa, o-Nyoṅmo̱ le̱, egbeo eſã ame̱teṅ le̱ mli. *Ier. 29,14. Amos 2,14. †Ier. 32,57.

5 Mose 30:3 ပူးပေါင်းရင်းမြစ်များ

1 Mose 28:15

Na ole akɛ mikɛ bo yɛ ni he fɛɛ he ni oyaa lɛ, mabu ohe, ni mikɛ bo aaaba shikpɔŋ nɛɛ nɔ ekoŋŋ, ejaakɛ mishiŋ bo kɛyaashi beyinɔ ni mafee nɔ ni mitsi tã mikɛɛ bo lɛ.”

1 Mose 48:21

Kɛkɛ ni Yakob kɛɛ Yosef akɛ, “Naa, mi lɛ, migbele be eshɛ etã, shi nyɛ lɛ Nyɔŋmɔ kɛ nyɛ baahi shi, ni ekɛ nyɛ baaku sɛɛ kɛya nyɛblematsɛmɛi ashikpɔŋ lɛ nɔ ekoŋŋ.

1 Kronika 16:35

Asaŋ nyɛkɛa akɛ, “Heremɔ wɔ, Ao wɔNyɔŋmɔ kɛ Herelɔ, ni obua wɔnaa, ni ohere wɔ yɛ jeŋ maji lɛ adɛŋ, koni wɔda bo shi ni wɔkafo ogbɛi krɔŋkrɔŋ lɛ, ni wɔshwã wɔfɔ̃ onɔ.

Nehemia 1:9

shi kɛji nyɛkpale kɛba miŋɔɔ, ni nyɛye mikitãi lɛ anɔ lɛ, kɛji mɛi ni agbɛ ashwã lɛ yaje jeŋ naagbeehe tete lɛ, mabua amɛnaa kɛaajɛ jɛi tɔ̃ɔ, ni makpala amɛ kɛaaba he ni mito ni aja mi yɛ lɛ.’

Hiob 42:10

Be ni Hiob ekpa fai ehã enanemɛi lɛ sɛɛ lɛ, Yehowa hã Hiob saa eshwere ekoŋŋ. Yehowa ku nii fɛɛ ni Hiob yɔɔ sa lɛ ebɔ he toi enyɔ ehã lɛ.

Lalai 107:3

Mɛi ni ebua amɛnaa kɛjɛ shikpɔji lɛ anɔ lɛ, kɛjɛ bokãgbɛ kɛ anaigbɛ lɛ, kɛjɛ kooyigbɛ kɛ wuoyigbɛ lɛ, akɛɛ nakai.

Lalai 147:2

Yehowa ji mɔ ni maa Yerusalɛm maŋ lɛ; ebuaa Israelbii ni agbɛ amɛ ashwã lɛ anaa.

Yesaia 27:12

Ao Israel, nakai gbi lɛ, Yehowa aaahala nyɛ ekomekome kɛjɛ Eufrate Faa lɛ naa kɛyaashi Ijipt husu lɛ nɔ, tamɔ mɔ ko ni miigbee ŋmãa.

Yesaia 43:5

Kaashe gbeyei, ejaakɛ mi mikɛ bo yɔɔ. Maŋɔ oshwiei kɛaajɛ bokã kɛba, ni mabua onaa kɛaajɛ anai.

Yesaia 54:7

Hiŋmɛitswaa kɛkɛ mikwa bo, shi mikɛ mlitsɔlɛ kpele baabua onaa.

Yesaia 56:8

Bɔ ni Yehowa Ofe mɔ ni kpala emaŋ Israel kɛjɛ nomŋɔɔ mli kɛku sɛɛ kɛba lɛ kɛɛ nɛ, “Masaa makpala mɛi krokomɛi kɛba kɛbafata mɛi ni mikpala kɛba momo lɛ ahe.”

Yeremia 12:14

Yehowa kɛɛ, “Miyɛ nɔ ko ni mikɛɔ yɛ Israel hewɔ maji fɔ̃ji ni efite shikpɔŋ ni mikɛhã mimaŋ Israel lɛ ahe. Naa, mibashwie nakai gbɔmɛi lɛ kɛje shikpɔŋ nɔ he ni amɛyɔɔ lɛ, ni mibahere Yudabii lɛ yɛ amɛdɛŋ.

Yeremia 23:3

Kɛkɛ lɛ mibabua miwebii ni eshwɛshwɛɛ yɛ majimaji ni mishwie amɛ kɛtee lɛ fɛɛ anɔ lɛ anaa, ni mikɛ amɛ baaba amɛjaku shikpɔŋ lɛ nɔ ekoŋŋ; ni amɛaafɔfɔi, ni amɛyi aaafa pii.

Yeremia 29:14

Mi Yehowa, mikɛɛ akɛ nyɛaana mi; ni nyɛnii fɛɛ ni laaje lɛ, nyɛnine baashɛ nɔ ekoŋŋ. Mibabua nyɛnaa kɛjɛ majimaji anɔ kɛ hei fɛɛ ni mishwie nyɛ kɛtee lɛ, ni mikɛ nyɛ baaku sɛɛ kɛba biɛ nɛɛ he ni mihã aŋɔ nyɛ nom kɛjɛ kɛtee lɛ ekoŋŋ.

Yeremia 31:10

“Nyɛ majimaji, nyɛboa mi toi, ni nyɛgbaa yɛ shɔŋŋ yɛ ŋshɔnaa majiaŋ. Nyɛkɛa akɛ, ‘Mɔ ni gbɛ Israel shwã lɛ ebaabua amɛnaa, ni ebaakwɛ amɛ tamɔ tookwɛlɔ kwɛɔ etoo ku pɛ.

Yāfó 3:22

Yehowa suɔmɔ ni tsakeee lɛ sɛɛ efooo kɔkɔɔkɔ, ni emɔbɔnalɛ bɛ naagbee.

Yāfó 3:32

ejaakɛ ehãa mɔ he jaraa lɛ moŋ, kɛ̃lɛ emusuŋ tsɔ̃ɔ lɛ yɛ suɔmɔ ni tsakeee lɛ hewɔ.

Ezekiel 11:17

“No hewɔ lɛ, kɛɛmɔ amɛ akɛ, ‘Bɔ ni mi, Nuŋtsɔ Nyɔŋmɔ mikɛɛ nɛ, mabua amɛnaa kɛaajɛ maji amli ni agbɛ amɛ ashwã lɛ, shikpɔji hu ni agbɛ amɛ ashwã nɔ lɛ anɔ kɛba, ni maŋɔ Israel shikpɔŋ lɛ maha amɛ.’

Ezekiel 36:24

Ejaakɛ maŋɔ nyɛ kɛaajɛ maji lɛ amli, ni mabua nyɛnaa kɛaajɛ shikpɔji lɛ fɛɛ anɔ, ni mikɛ nyɛ aaaba nyɛ diɛŋtsɛ nyɛshikpɔŋ lɛ nɔ.

Ezekiel 39:28

Kɛkɛ lɛ amɛaale akɛ mi, mi ji Yehowa, amɛNyɔŋmɔ lɛ; ejaakɛ mihã aŋɔ amɛ nom kɛtee majiasɛɛ, ni misaa miyabua amɛnaa kɛba amɛ diɛŋtsɛ amɛshikpɔŋ lɛ nɔ ekoŋŋ, ni mishiŋ amɛteŋ mɔ ko mɔ ko yɛ jɛi.

Mika 7:19

Oooku sɛɛ omusuŋ atsɔ̃ bo yɛ wɔhe. Okɛ onane aaashwishwia wɔnishaianii lɛ anɔ ni osherɛ oshwie ŋshɔ shishi bu kwɔŋkwɔŋ lɛ mli.

Zakaria 10:9

Migbɛ amɛ mishwã maŋsɛɛ maji anɔ moŋ; shi kɛ̃lɛ, amɛaakai mi, yɛ hei ni amɛyɔɔ yɛ shɔŋŋ lɛ. Amɛ kɛ amɛbii fɛɛ yi aaana wala, ni amɛaaku amɛsɛɛ amɛaaba ekoŋŋ.

Romabii 11:23

Ni amɛ hu, kɛji amɛhiɛɛɛ he ni amɛheee amɛyeee lɛ mli lɛ, aaatɛo amɛ awo mli; ejaakɛ Nyɔŋmɔ aaanyɛ atɛo amɛ awo mli ekoŋŋ.

Romabii 11:26

Ni nɛkɛ gbɛ nɔ aaatsɔ̃ ahere Israel fɛɛ yiwala, tamɔ bɔ ni aŋma lɛ akɛ, “Jielɔ lɛ aaajɛ Zion aba ni eeebajie nɔshafeemɔ yɛ Yakob he eshɛ efɔ̃;

Romabii 11:31

nakai nɔŋŋ kɛ̃ amɛ hu agbɛnɛ amɛtoi egbo, koni bɔ ni ana nyɛ mɔbɔ lɛ, amɛ hu ana amɛ mɔbɔ.

5 Mose 13:17

Nyɛkaŋɔa musunii lɛ eko kwraa nyɛtoa nyɛhãa nyɛhe bɔ ni afee ni Yehowa afo emlifu ni naa wa lɛ sɛɛ. Eeena nyɛ mɔbɔ, ni emusuŋ aaatsɔ̃ lɛ yɛ nyɛhe, ni eeehã nyɛyi afa tamɔ bɔ ni ewo nyɛtsɛmɛi lɛ shi lɛ,

5 Mose 4:27

Yehowa aaagbɛ nyɛ ashwã maji krokomɛi anɔ, ni nyɛyi fioo kɛkɛ aaashwɛ yɛ maji ni Yehowa aaagbɛ nyɛ ashwã kɛaatee lɛ anɔ.