5 Mose 3:8 - ŊMALƐ KRƆŊKRƆŊ LƐ

⁸ “Belɛ wɔshɔ̃ nakai be lɛ mli shikpɔji ni yɔɔ Amorbii amaŋtsɛmɛi enyɔ nɛɛ ashishi, yɛ Yordan Faa lɛ bokãgbɛ lɛ, yɛ amɛdɛŋ. Wɔshɔ̃ kɛjɛ Arnon Faa lɛ naa aahu kɛyashi Hermon Gɔŋ lɛ he.

Ṅmãle̱ Kroṅkroṅ Le̱

⁸ Ni wo̱šõ šikpoṅ le̱ ke̱-dše̱ Amorbii le̱ amaṅtše̱mei enyo̱ ní yo̱ Iordan se̱ le̱ adeṅ ye̱ nakai be le̱ mli, ke̱-dše̱ Arnon fà le̱ nā ke̱-yaši Hermon goṅ le̱ he;

5 Mose 3:8 ပူးပေါင်းရင်းမြစ်များ

1 Maŋtsɛmɛi 4:19

Ur bi Geber kwɛɔ Gilead he ni Amorbii amaŋtsɛ Sihon kɛ Bashanbii amaŋtsɛ Og hi lɛ. Mɛnɛɛmɛi fɛɛ asɛɛ lɛ mɔ kome ko yɛ ni kwɛɔ shikpɔŋ muu lɛ fɛɛ nɔ.

1 Kronika 5:23

Bokãgbɛ Manasebii lɛ hi shikpɔŋ lɛ nɔ; amɛyi babaoo diɛŋtsɛ kɛjɛ Bashan aahu kɛtee kɛyashwie Baal-Hermon kɛ Senir Gɔŋkpɔ lɛ kɛ Hermon Gɔŋ lɛ he.

Lalai 42:6

Misusuma efee mɔbɔmɔbɔ yɛ mimli, no hewɔ ni mikaiɔ bo, yɛ Yordan shikpɔŋ lɛ kɛ Hermon gɔji lɛ, kɛ Mizar gɔŋ lɛ nɔ nɛɛ.

Lalai 42:7

Onujɔi lɛ agbɛɛmɔ jijeɔ, eko nyiɛ eko sɛɛ. Oshɔkei kɛ omlɛ̃mlɛ̃i lɛ fɛɛ ekumɔ eshwie minɔ, ni esu miyi.

Lalai 89:12

Bo obɔ kooyi kɛ wuoyi fɛɛ. Tabor Gɔŋ lɛ kɛ Hermon Gɔŋ lɛ fɛɛ kɛ miishɛɛ jieɔ ogbɛi lɛ yi.

5 Mose 4:47

Israelbii lɛ shɔ̃ Maŋtsɛ Sihon shikpɔŋ lɛ, ni amɛshɔ̃ Bashan maŋtsɛ Og ni ji Amorbii amaŋtsɛ kroko ni yɔɔ Yordan bokãgbɛ lɛ hu shikpɔŋ lɛ,

5 Mose 4:48

kɛjɛ Aroer maŋ lɛ ni kã Arnon Faa lɛ jɔɔ lɛ toi kɛtee kooyigbɛ aahu kɛyashi Sirion ni ji Hermon Gɔŋ lɛ he.

Yoshua 12:1

Israelbii lɛ ye maŋtsɛmɛi nɛɛ anɔ kunim, ni amɛŋɔ̃ amɛshikpɔŋ ni yɔɔ Yordan Jɔɔ lɛ mli kɛtee kooyigbɛ aahu kɛyanina Hermon Gɔŋ lɛ. Maŋtsɛmɛi nɛɛ ateŋ mɔ kome ji

Yoshua 13:8

Manase akutso lɛ fã kome kɛ Rubenbii lɛ kɛ Gadbii lɛ ena amɛgbɛfaŋ shikpɔŋ momo yɛ Yordan lɛ bokãgbɛ tamɔ bɔ ni Yehowa tsulɔ Mose kɛhã amɛ lɛ.