5 Mose 3:5 - ŊMALƐ KRƆŊKRƆŊ LƐ

⁵ Nɛkɛ maji nɛɛ fɛɛ lɛ, atswatswaa gbogboi ni kwɔlɔ awowoo amɛhe akɛwaje amɛ, ni agboi kɛ amɛsɛɛ adabaŋi tara amɛnaa. Wɔshɔ̃ maji babaoo diɛŋtsɛ ni gbogboi bɛ amɛhe hu.

Ṅmãle̱ Kroṅkroṅ Le̱

⁵ Ne̱ke̱ mãdši ne̱ fẽ le̱ atſa gbogboi ní kwŏ̱lo̱ awo ame̱he ke̱ amehe agbói ke̱ ame̱se̱ adabãṅi, esõro mãdši babaō dientše̱ ní gbogboi be̱ ame̱he le̱.

5 Mose 3:5 ပူးပေါင်းရင်းမြစ်များ

Nehemia 9:25

Amɛyaye maji ni atswa gbogboi awo amɛhe kɛ shikpɔji ni baa nii anɔ kunim, ni amɛna shĩai ni eyimɔ obɔ̃bɔ̃ kɛ nibii kpakpai fɛɛ: nubui ni atsatsai, wain tromi kɛ mutso tromi kɛ yelitsei babaoo amɛye, ni amɛtɔrɔ, ni amɛshwishwii; ni amɛmii shɛ amɛhe yɛ omlihilɛ kpele lɛ hewɔ.

Ester 9:19

No hewɔ lɛ, Yudafoi ni yɔɔ akrowai amli, ni ji maji ni atswako gbogbo awoko amɛhe lɛ, yeɔ Adar nyɔŋ lɛ nɔ gbi ni ji nyɔŋma kɛ ejwɛ lɛ akɛ gbijurɔ kɛ okplɔŋmɛɛ kɛ nyamɔ, ni amɛkekeɔ amɛhe nii.

4 Mose 13:28

Shi moŋ mɛi ni yɔɔ shikpɔŋ lɛ nɔ lɛ, amɛhe wa; ni amɛmaji lɛ atswatswaa gbogboi awo amɛhe akɛwaje amɛ, ni maji lɛ dara naakpa hu; asaŋ wɔna Anakbii oblaŋi lɛ hu yɛ jɛi.

5 Mose 1:28

Nɛgbɛ wɔɔtsɔ̃ kɛya?’ Wɔnyɛmimɛi lɛ ehã wɔtsui efã, ejaakɛ amɛkɛɛ, ‘Gbɔmɛi lɛ dara ni amɛkwɔlɔ fe wɔ; amɛmaji lɛ hu dara, ni atswa gbogboi ni kwɔlɔ kɛyashi ŋwɛi awowoo amɛhe; ni wɔna Anakbii tete yɛ jɛi.’

5 Mose 3:4

Wɔshɔ̃ Bashan shikpɔŋ lɛ nɔ maji fɛɛ ni yɔɔ Og shishi, maŋ ko maŋ ko bɛ ni wɔshɔ̃ɔɔ. Wɔshɔ̃ maji nyɔŋmai ekpaa lɛ ni feɔ Argob kpokpai tso muu fɛɛ ni yɔɔ Bashan Maŋtsɛ Og shishi lɛ.

5 Mose 3:6

Bɔ ni wɔkɛ Heshbon Maŋtsɛ Sihon ye lɛ, nakai pɛpɛɛpɛ wɔkpãtã maŋ fɛɛ maŋ kɛ emli hii kɛ yei kɛ gbekɛbii fɛɛ ahiɛ yɛ Bashan shikpɔŋ lɛ nɔ.

Hebribii 11:30

Hemɔkɛyeli naa Yeriko gbogboi lɛ kumɔ shwie shi be ni Israelbii bɔle lɛ gbii kpawo lɛ.

1 Samuel 6:18

Nakai nɔŋŋ akɛ shika kwakwei lɛ hu yahã yɛ Filistibii lɛ amaji fɛɛ ni yɔɔ maŋtsɛmɛi enumɔ lɛ ashishi lɛ ayikulɛ naa. Maji ni atswa gbogbo awo amɛhe kɛ akrowai fɛɛ shi nɔ. Tɛ kpeteŋkple lɛ ni akɛ Yehowa Kpãŋmɔ Adeka lɛ ma nɔ yɛ Yoshua, Bet-Shemeshnyo lɛ ŋmɔ lɛ mli lɛ yɛ jɛi eeye sane nɛɛ he odase kɛbashi ŋmɛnɛ.