5 Mose 3:4 - ŊMALƐ KRƆŊKRƆŊ LƐ

⁴ Wɔshɔ̃ Bashan shikpɔŋ lɛ nɔ maji fɛɛ ni yɔɔ Og shishi, maŋ ko maŋ ko bɛ ni wɔshɔ̃ɔɔ. Wɔshɔ̃ maji nyɔŋmai ekpaa lɛ ni feɔ Argob kpokpai tso muu fɛɛ ni yɔɔ Bashan Maŋtsɛ Og shishi lɛ.

Ṅmãle̱ Kroṅkroṅ Le̱

⁴ Ni wo̱šõ emãdši le̱ fẽ ye̱ nakai be le̱ mli; maṅ ko maṅ ko be̱ ni wo̱šõõ ye̱ ame̱deṅ: mãdši nyoṅmai-ekpa so̱ṅṅ ní dſere Argob niiaṅ ní dši Og maṅtše̱yeli ní yo̱ Bašan le̱ fẽ le̱.

5 Mose 3:4 ပူးပေါင်းရင်းမြစ်များ

1 Maŋtsɛmɛi 4:13

Ben-Geber kwɛɔ Ramot-Gilead, lɛ nɔŋŋ ekwɛɔ akrowai komɛi ni ji Manase bi Yair nɔ lɛ anɔ, nɔ ní yɔɔ Gilead lɛ. Ekwɛɔ Argob kpokpai ni yɔɔ Bashan lɛ. Maji nyɔŋmai ekpaa kɛ amɛhe gbogboi kɛ shinai ni akɔɔble adabaŋi yɔɔ he ni.

4 Mose 21:35

Israelbii lɛ gbe Maŋtsɛ Og kɛ ebihii lɛ kɛ emaŋbii lɛ fɛɛ bɔ ni ashiii gbɔmɔ hiɛkãalɔ kome nɛkɛ; ni amɛŋɔ eshikpɔŋ lɛ, ni amɛhi nɔ.

5 Mose 3:13

Ni mikɛ Gilead shikpɔŋ lɛ fã ni shwɛ lɛ kɛ Bashan fɛɛ, he ni Og ye elumɔ yɛ lɛ, ni ji Argob shikpɔŋ tso muu lɛ fɛɛ, hã Manasebii akutso lɛ fã kome.” (Atsɛɔ Bashan akɛ Refaim shikpɔŋ.

5 Mose 3:14

Manasenyo ko ni gbɛi ji Yair lɛ ŋɔ Argob, shikpɔŋ ni ji Bashan, fɛɛ kɛyashi Geshurbii kɛ Maakatbii ahusui lɛ anaa, ni ekɛ lɛ diɛŋtsɛ egbɛi wo Bashan akrowai lɛ, ni gbɛi Yair akrowai lɛ ka kɛbashi ŋmɛnɛ.)

5 Mose 3:3

“No hewɔ lɛ, Yehowa, wɔNyɔŋmɔ lɛ, hã wɔye Bashan Maŋtsɛ Og hu kɛ etabilɔi lɛ fɛɛ anɔ kunim, ni wɔgbe amɛ kɛyashi eshwɛɛɛ gbɔmɔ hiɛkãalɔ kome nɛkɛ.

5 Mose 3:5

Nɛkɛ maji nɛɛ fɛɛ lɛ, atswatswaa gbogboi ni kwɔlɔ awowoo amɛhe akɛwaje amɛ, ni agboi kɛ amɛsɛɛ adabaŋi tara amɛnaa. Wɔshɔ̃ maji babaoo diɛŋtsɛ ni gbogboi bɛ amɛhe hu.

5 Mose 4:47

Israelbii lɛ shɔ̃ Maŋtsɛ Sihon shikpɔŋ lɛ, ni amɛshɔ̃ Bashan maŋtsɛ Og ni ji Amorbii amaŋtsɛ kroko ni yɔɔ Yordan bokãgbɛ lɛ hu shikpɔŋ lɛ,

Yoshua 12:4

Maŋtsɛ kome ko hu ji Bashan Maŋtsɛ Og. Hii oblaŋi gojogojoo ni shwɛ lɛ ateŋ eko ji lɛ. Eye emaŋtsɛ lɛ yɛ Ashtarot kɛ Edrei,