5 Mose 3:24 - ŊMALƐ KRƆŊKRƆŊ LƐ

²⁴ ‘Nuŋtsɔ Yehowa, ogbojee kɛ ohewalɛ lɛ eshishi kɛkɛ oje ojieɔ otsɔ̃ɔ otsulɔ nɛɛ; ejaakɛ mɛɛ Nyɔŋmɔ yɔɔ dɔŋŋ, yɛ ŋwɛi jio, shikpɔŋ lɛ nɔ jio, ni aaanyɛ hewalɛ naa nibii wuji ni otsu nɛɛ etsu?

Ṅmãle̱ Kroṅkroṅ Le̱

²⁴ Nuṅtšo̱ Iehowa, bo obõi odale̱ ke̱ oninešiwale̱ le̱ ke̱ otšũlo̱ tšõmo̱; edšake̱ nẽ Nyoṅmo̱ yo̱ ṅwei alo šikpoṅ le̱ no̱ ní aanyẽ nii ní otšu ne̱ etšu, alo efe hewale̱nii ni ofe ne̱?

5 Mose 3:24 ပူးပေါင်းရင်းမြစ်များ

2 Samuel 7:22

Anɔkwa, oda kpeteŋkple, Ofe, ejaakɛ mɔ ko mɔ ko kɛ bo yeee egbɔ, ni asaŋ yɛ nii fɛɛ ni wɔnu kɛ wɔtoi lɛ naa lɛ, osɛɛ lɛ nyɔŋmɔ ko nyɔŋmɔ ko bɛ.

1 Maŋtsɛmɛi 8:42

ejaakɛ maŋsɛɛbii aaanu ogbɛi kpeteŋkple lɛ kɛ nii wuji ni ofee he, ni eeebashã afɔle yɛ nɛkɛ shĩa nɛɛŋ lɛ,

2 Kronika 6:14

ni esɔle ekɛɛ, “Yehowa, Israel Nyɔŋmɔ, nyɔŋmɔ ko nyɔŋmɔ ko bɛ ni tamɔ bo yɛ ŋwɛi kɛ shikpɔŋ lɛ nɔ fɛɛ. Otoɔ kpãŋmɔ ni okɛ otsuji ekpãŋ, ni ojieɔ osuɔmɔ ni sɛɛ efooo lɛ otsɔ̃ɔ mɛi fɛɛ ni kɛ amɛtsui fɛɛ boɔ bo toi lɛ.

Nehemia 9:32

“WɔNyɔŋmɔ, oje agbo! Ohe wa, ohe yɛ gbeyei, ni onaa mɔbɔ; kɛji okɛ mɔ ko kpãŋ ni owo shi lɛ, oyeɔ nɔ. Kɛjɛ Asiria maŋtsɛmɛi lɛ ayinɔ kɛbashi ŋmɛnɛ lɛ, kaahã amanehulu ni ba wɔ kɛ wɔmaŋtsɛmɛi kɛ wɔnukpai kɛ wɔsɔfoi kɛ wɔgbalɔi kɛ wɔtsɛmɛi lɛ kɛ omaŋ lɛ fɛɛ nɔ lɛ, miifee sane bibioo yɛ ohiɛ.

Lalai 106:2

Namɔ aaanyɛ Yehowa hewalɛ nitsumɔi lɛ agba? Namɔ aaanyɛ eyijiemɔ lɛ agba kɛwula shi?

Lalai 145:3

Yehowa je agbo; ni esa yijiemɔ babaoo, ni egbojee lɛ anaaa naa.

Lalai 145:6

Mɛi aaagba ohewalɛ nitsumɔi ni yɔɔ gbeyei lɛ, ni majaje ogbojee lɛ matsɔ̃ɔ.

Lalai 150:2

Nyɛjiea eyi yɛ ehewalɛ nitsumɔi lɛ ahewɔ; nyɛjiea eyi yɛ egbojee kpeteŋkple lɛ hewɔ!

Lalai 35:10

Migbɔmɔtso muu lɛ fɛɛ aaakɛɛ akɛ, “Oo Yehowa, namɔ tamɔ bo, bo mɔ ni ohereɔ gbɔjɔlɔi kɛjɛɔ mɛi ni he wawaa fe amɛ lɛ adɛŋ; ni ohereɔ gbedelɔi kɛ ohiafoi kɛjeɔ mɛi ni yeɔ amɛ amim lɛ adɛŋ.”

Lalai 71:19

Oo Naa Nyɔŋmɔ, ojalɛ kɛ ohewalɛ lɛ kwɔ kɛshɛɔ ŋwɛii amli ŋwɛi. Oo Nyɔŋmɔ, bo ofee nibii wuji osaso bɛ.

Lalai 86:8

Oo Nuŋtsɔ, nyɔŋmɔi lɛ ateŋ eko eko bɛ ni tamɔ bo; ni nitsumɔ ko nitsumɔ ko bɛ ni kɛ onitsumɔ yeɔ hegbɔ.

Lalai 89:6

Ejaakɛ namɔ yɔɔ atatuiaŋ ni ekɛ bo, Yehowa, ye hegbɔ? Ŋwɛibii lɛ ateŋ namɔ yɔɔ ni etamɔ Yehowa?

Lalai 89:8

Oo Yehowa, Nyɔŋmɔ Taiatsɛ, Oo! Namɔ ji hewalɛtsɛ tamɔ bo, Yehowa? Onɔkwayeli ebɔle ohe kpula kɛkpe!

2 Mose 15:11

“Namɔ tamɔ Bo, Yehowa, yɛ nyɔŋmɔi lɛ ateŋ? Namɔ tsuɔ nyam nii ni yɔɔ gbeyei kɛ naakpɛɛ?

2 Mose 8:10

Farao jie naa akɛ, “Wɔ”. Mose kɛɛ lɛ akɛ, “Aaafee bɔ ni obi lɛ koni okɛna ole akɛ mɔ ko mɔ ko bɛ ni tamɔ Yehowa wɔNyɔŋmɔ lɛ.

2 Mose 9:14

ejaakɛ agbɛnɛ lɛ mahã haomɔi srɔtoi fɛɛ aba bo diɛŋtsɛ kɛ otsuji lɛ kɛ omaŋbii lɛ anɔ koni okɛna ole akɛ mɔ ko mɔ ko bɛ ni tamɔ mi yɛ je lɛ mli fɛɛ.

Yesaia 40:18

Belɛ namɔ nyɛkɛaato Nyɔŋmɔ he, ni mɛni yɔɔ su ni tamɔ esu?

Yesaia 40:25

Namɔ nyɛkɛaato mi mihe, ni ekɛ mi aaaye egbɔ? Mɔ Krɔŋkrɔŋ lɛ kɛɛ.

Yeremia 10:6

Yehowa, mɔ ko mɔ ko bɛ ni tamɔ bo. Bo lɛ oje agbo, ni ogbɛi hu je agbo, ni eyɛ hewalɛ.

Daniel 3:29

“No hewɔ lɛ, miiwo akpɔ akɛ mɔ fɛɛ mɔ ni aaawie Shadrak kɛ Meshak kɛ Abednego Nyɔŋmɔ lɛ he wiemɔ fɔŋ ko lɛ, he fɛɛ he maŋ loo shikpɔŋ nɔ ni mɔ lɛ jɛ, loo wiemɔ fɛɛ wiemɔ ni mɔ lɛ wieɔ lɛ, atserɛ egbɔmɔtso mli mɛnyɛmɛnyɛ, asaŋ afite eshĩa hu koni jɛi atsɔ tumo. AmɛNyɔŋmɔ lɛ sɛɛ lɛ nɔ ko kwraa bɛ dɔŋŋ ni baanyɛ ehere gbɔmɔ yiwala tamɔ nɛkɛ.”

4 Mose 23:23

Ŋkunyaa ko nyɛŋ Israel, ni klamɔ ko hu mɔŋ lɛ. Odase ni abaaye yɛ Israel he ji akɛ, ‘Nyɔŋmɔ ninenaa nitsumɔ nɛ.’

5 Mose 11:2

Ŋmɛnɛ gbi nɛɛ nyɛkaia tsɔsemɔ ni Yehowa, nyɛNyɔŋmɔ lɛ, etsɔse nyɛ lɛ, kɛ egbojee lɛ kɛ enineshiwalɛ lɛ kɛ ehewalɛ lɛ hu. Ejaakɛ jeee nyɛbii ni amɛnako aloo amɛleko nibii nɛɛ ji mɛi ni mikɛ wieɔ nɛɛ.

5 Mose 3:23

“Mikpa Yehowa fai nakai be lɛ mli akɛ,

5 Mose 32:3

Mibajie Yehowa gbɛi yi! Nyɛwoa wɔNyɔŋmɔ lɛ hiɛ nyam!