5 Mose 3:2 - ŊMALƐ KRƆŊKRƆŊ LƐ

² Shi Yehowa kɛɛ mi akɛ, ‘Nyɛkashea Og gbeyei, ejaakɛ mijɔɔ lɛ kɛ etabilɔi lɛ kɛ eshikpɔŋ lɛ fɛɛ nɔ mihã nyɛ koni nyɛfee amɛ tamɔ nyɛfee Sihon, Amorbii amaŋtsɛ lɛ ni hi Heshbon lɛ.’

Ṅmãle̱ Kroṅkroṅ Le̱

² Ši Iehowa kē̱mi ake̱: Kāšele̱ gbeyei; edšake̱ mitule̱ ke̱ emaṅ le̱ fẽ ke̱ ešikpoṅ le̱ miwo odeṅ, ni ofele̱ tamo̱ bo̱ni ofe Amorbii amaṅtše̱ Sihon ní hĩ Hešbon le̱.

5 Mose 3:2 ပူးပေါင်းရင်းမြစ်များ

2 Kronika 20:17

Ta nɛɛ lɛ nyɛtswaŋ eko. Nyɛ lɛ nyɛgbaa nyɛta lɛ kɛkɛ koni nyɛdamɔa shi nyɛmɛ koni nyɛkwɛ kunim ni Yehowa baaye ahã nyɛ Yuda kɛ Yerusalɛmbii. Nyɛkashea gbeyei, asaŋ nyɛtsui akafãa hu. Wɔ lɛ, nyɛfãa ta koni nyɛ kɛ amɛ ayakpea ejaakɛ Yehowa kɛ nyɛ yɛ.”

Yesaia 41:10

Kaashe gbeyei, shi mi mi kɛ bo yɔɔ; kaakwɛkwɛɛ ohe ejaakɛ mi ji oNyɔŋmɔ lɛ!” Mibawaje bo, mibaye mabua bo; mibahiɛ omli kɛ mikunimyeli ninejurɔ lɛ!

Yesaia 43:5

Kaashe gbeyei, ejaakɛ mi mikɛ bo yɔɔ. Maŋɔ oshwiei kɛaajɛ bokã kɛba, ni mabua onaa kɛaajɛ anai.

4 Mose 14:9

Shi moŋ Yehowa hiɛ atua kɛkɛ ni nyɛkatsea; ni asaŋ nyɛkashea shikpɔŋ lɛ nɔ bii lɛ gbeyei, ejaakɛ amɛshɛŋ wɔwaosɛɛkpelɔ tete; amɛkɔlɔ eje amɛnɔ momo; shi wɔ lɛ, Yehowa kɛ wɔ yɛ. No hewɔ lɛ, nyɛkashea gbeyei.”

4 Mose 21:34

Ni Yehowa kɛɛ Mose akɛ, “Kaashe lɛ gbeyei, ejaakɛ mijɔɔ lɛ kɛ emaŋbii lɛ kɛ eshikpɔŋ lɛ fɛɛ nɔ miwo odɛ̃ŋ. Obaaye enɔ kunim, koni ofee lɛ bɔ ni ofee Amorbii amaŋtsɛ Sihon ni ye lumɔ yɛ Heshbon lɛ.”

Bɔfoi 18:9

Ni nyɔɔŋ lɛ Nuŋtsɔ lɛ kɛɛ Paulo yɛ ninaa mli akɛ, “Kaashe gbeyei, shi moŋ wiemɔ, ni okamua onaa,

Bɔfoi 27:24

ni ekɛɛ, ‘Kaashe gbeyei, Paulo! Ja akɛ bo yadãmɔ Kaisare hiɛ kɛ̃; ni naa, Nyɔŋmɔ eŋɔ mɛi fɛɛ ni kɛ bo yɔɔ lɛlɛ lɛ mli lɛ eke bo.’

5 Mose 20:3

ni ekɛɛ amɛ akɛ, ‘Hiiabii Israelbii, nyɛboa toi! Ta ebanina nyɛ ŋmɛnɛ, ni nyɛkɛ nyɛhenyɛlɔi yaakpe. Nyɛtsui akafãa; nyɛkashea gbeyei, ni nyɛhe akakpokpoa; nyɛkahãa ŋmiŋmi mɔmɔa nyɛ yɛ amɛhiɛ,

5 Mose 3:1

“Agbɛnɛ wɔdɔ wɔyi, ni wɔyi Bashan shikpɔŋ lɛ nɔ gbɛ. Bashan Maŋtsɛ Og kɛ etabilɔi fɛɛ fã kɛba koni amɛ kɛ wɔ abawu yɛ Edrei maŋ lɛ masɛi.

5 Mose 3:11

(Bashan Maŋtsɛ Og nɛɛ, lɛ ji Refaimbii ashwiei lɛ ateŋ naagbeemɔ ni eshwɛ. Esaatso lɛ dade saatso ni, ni ekɛlɛ ji ninetalɔi nɛɛhu kɛ elɛɛmɔ hu ninetalɔi ejwɛ. Dade saatso nɛɛ yɛ Amonbii amaŋ ni ji Raba kɛbashi ŋmɛnɛ.)

5 Mose 3:3

“No hewɔ lɛ, Yehowa, wɔNyɔŋmɔ lɛ, hã wɔye Bashan Maŋtsɛ Og hu kɛ etabilɔi lɛ fɛɛ anɔ kunim, ni wɔgbe amɛ kɛyashi eshwɛɛɛ gbɔmɔ hiɛkãalɔ kome nɛkɛ.

Yoshua 10:8

Yehowa kɛɛ Yoshua akɛ, “Kaashe Amorbii lɛ gbeyei ejaakɛ mijɔɔ amɛnɔ momo mihã bo; amɛteŋ mɔ ko mɔ ko nyɛŋ ohiɛ edamɔ.”

Kpojiemɔ 2:10

Kaashe amanehulu ni obaana lɛ ekoeko gbeyei. Naa, abonsam baaŋɔ nyɛteŋ mɛi komɛi awo tsuŋ, koni akɛka nyɛ, ni nyɛaana amanehulu gbii nyɔŋma. Feemɔ anɔkwafo kɛyashi gbele mli, ni mahã bo wala akekre lɛ.